رواية غريزة الفصل الاول بقلم محمد ايمو
شاب حبيبته خانته عشان فقير وقربت لواحد غنى وكسرت قلبه وحطمة كل المشاعر اللى عنده
وقرر يندمها وينتقم منها بعد ما اتاحت ليه الفرصه بطريقه مرعبه و غامضه
صراع نفسى"**
عمر" واقف ورا باب الفصل
وشايف حبيبته قدام عنيه وهيا بين ايدين زميله اللى كان دايما بيتنمر على (عمر) وبيقل منه
.
عمر" واقف ومصدوم وقلبه كأنه هينفجر من شدة الحزن والانكسار اللى كان فيه
مش عارف ياخد اى خطوه ولا عارف يعمل ايه
كذه حاجه عمال يفكر فيها ومتشتت
.
البنت اللى كانت سبب فى انه يفضل يكافح عشانها ويشتغل بدل الشغلانه اتنين , ويتحدى كل الظروف والاوقات الصعبه ويجي على نفسه عشان يرضيها
.
يشوفها بسهوله بين ايدين اكتر شخص كان بيكرهه
.
عمر" ماسك القلم وكل اللى عمال يفكر فيه هو انه يدخل ويقتلهم هما الاتنين
.
.
.
من اسبوع قبل الواقعه دى
عمر" كان فى موعد مع حبيبته الاولى فى حياته
وهيا تبقى زميله معاه فى الجامعه اسمها ( منال )
منال " شخصيه ماديه واستغلاليه والخبث كله فيها
لكن كان صعب على (عمر) انه يعرف شخصيتها لانه عمرو ما واعد ولا عرف اي واحده
ورغم انها جميله الا انها دايما كانت بتستغل جمالها ده بطريقه سلبيه
من زمان وهيا متعوده تغرى اللى حواليها عشان توصل لاهدافها
وبسبب خبثها وشدة زكائها قدرة توقع ناس كتير فى شباكها
وفى خلال الموعد كانت عماله تتصعب على (عمر) وتشتكى لعمر وتحسسه ب النقص وبستخدم حيالها عشان تخليه يبعد عنها لانها خلاص , مباقتش محتاجه ليه و قدرة تفتن ( بيبو ) وتبرز انوثتها قدامه , رغم انها عارفه ان الشخص ده اكتر حد كان بيسبب لعمر " وقت صعب فى الجامعه
عمر " بيتأسفلها على تقصيره وبيوعدها انه هيحاول يلاقى طريقه تانيه عشان يقدر يوفرلها كل اللى هيا عايزاه ويسعدها رغم انه بيشتغل شغلانتين واوقات بيغيب من محضرات الجامعه عشان يقدر يخرجها كل اسبوع ويصرف عليها ده غير الهدايه اللى كانت دايما بيجبهلها سواء بمناسبات او غير مناسبات
الا ان عمر مش قادر يفهم ان العلاقه دى محتوم عليها ب الفشل , مش عشان تقصير ولا حاجه زى ما هيا مفهماه
لا , عشان هو كان مجرد سلمه توصلها للدور اللى بعده
.
منال " قالتله مش لازم تحاول بعد كده , انت اصلا مش هتقدر تسعدنى , بص لنفسك وانت هتعرف اذا كنت فعلا هتقدر تسعدنى , شوف انت بتشتغل شغلانتين عشان تقدر توفر 2000 جنيه فى الاسبوع , وناس تانيه ممكن تاخدهم مصروف كل يوم
.
عمر" قالها ادينى فرصه
لكن منال " قالتله بصراحه ياعمر , انا مش شايفه ان ليك اى فرصه تخليك تتغير في يوم وليله وتبقى غنى وتوصل لتوقعاتى , وانت فعلا لو بتحبنى هتقدر ان ليا احتياجات واهداف عاوزه احققها
.
ومش حسه انى لو فضلت معاك ممكن اوصل لاهدافى
ياريت ماتكلمنيش بعد كده الا فى حدود الزماله , وانا من النهارده هعتبرك زميل مش اكتر , ولو حاولت تكلمنى او تقرب منى تانى انا هقطع علاقتى بيك خالص ومش هعتبرك زميل حتى
.
منال " سابت (عمر) ومشيت
عمر " مش فاهم اى حاجه ومش عارف ايه الاسباب اللى خليتها تسيبه , عمال يراجع نفسه , فاكر انه السبب فى فشل علاقتهم
ورغم انه حاسس ب فطور واحباط شديد ويأس , الا انه كان مازال قلبه متعلق بيها ومن جواه بيقول انا صعب اتخلى عنها
.
مر 3 ايام و(عمر) قاعد فى البيت لا راح شغل ولا جامعه
أسئلة كتير كانت بتلف في دماغ "عمر" وهو قاعد لوحده في أوضته الضلمة، مسنود على الحيطه وكأنه شايل هم العالم كله.
.
وفى اليوم الرابع
عمر" نزل االسوبر ماركت على الساعه 10 بليل ومازال احساس الفطور ملازمه
رساله جاتله على تليفونه محتواها كان
.." تم اختيار اللاعب رقم 9
مبارك لك , الان امامك فرصه لتصبح رجل اعمال غنى من الدرجه الاولى
تم تحويل مبلغ 10.000000
عشرة مليون جنيه
يمكنك الان استخدام هذا المال لتنفيذ المهمه المطلوبه
نوع المهمه : تم رفع صورة ( منال )
1 _ قتل الهدف للحصول على 100.000000
مئة مليون جنيه
2 _ الغدر ب الهدف وتحطيم قلبه للحصول على 1000.000000 مليار جنيه
3 _ استعباد الهدف وجعله مخلصا لك لحد التضحيه من اجلك للحصول على 10000.000000 عشره مليار جنيه
سيتم تحويل الجائزه بعد النجاح فى المهمه
امامك 100 يوم فقط لاتمام المهمه
وفى حالة الفشل فى اتمام المهمه يتم قتل اللاعب 9 وبيع اعضائه وتجريده من كل املاكه
