%20(1)%20(1).jpeg)
رواية الشيطانه البريئه الفصل الاول بقلم مجهول
انا مرعوب يانادر كده هانظلمها جامد ولو اتعرف اللي هانعمله اهلها ممكن يقتلونا
-ياعم انت قلقان ليه خلي قلبك جامد هي تستاهل وبصراحه ده العقاب المناسب ليها اللي تسيبني عشان تتجوز حد غيري يبقي تستاهل متقلقش انا مظبط كل حاجه-استرها يارب انا قلبي مش مرتاح اهو احمد وصل علي اول الشارع انا قلبي بيدق جامد
- خلاص هانت ياعمر خليك مستخبي زي ما انت اوعي حد يلمحك
ساد الصمت دقائق وعمر ونادر مستخبيين ورا شجره ضخمه وعمر بيترعش كله ونادر عينه متشالتش من علي احمد وهو ماشي في الشارع وبيقرب منهم وبيبص ناحية الشجره
نظرته بتدل علي انه عارف مكانهم وواضح انهم متفقين علي حاجه هيعملوها
قرب احمد لحد اما وصل قدام الشجرة مباشرة ولف ناحية البيت المواجه للشجره واتحرك واحده واحده وببطئ شديد ناحية شباك في البيت المواجه للشجره والجو ضلمه كحل الا من نور القمر وهو ماشي اتعثر في حجر اتكفي علي وشه وبسرعة البرق خفي نفسه ورا شجره صغيره قبل مايتفتح الشباك اللي رايح ناحيته وخرجت منه فاتن بنت زي القمر ونادت باعلي صوت
- مين هنا فيه حد هنا؟
طبعا محدش رد وبعد ثواني قفلت شباكها وكمل احمد طريقه للشباك واتسلل بطريقه جهنميه بمنتهي الخفه ودخل من الشباك
وبعد دخوله بثواني خرج نادر وعمر من ورا الشجره ووقفو قدام البيت وصرخو باعلي صوت.
-شفناك وانت داخلها
-طول عمري بقول عليكم بيت مش تمام
هما يصرخو والجيران تتلم وكلهم فضول يعرفو فيه ايه في لحظة الشارع اتملي ناس والجيران كلهم حوالين البيت وفي اللحظه دي خرج من البيت راجل عجوز ومعاه شاب وسيم يبان علي ملامحه الهدوء والطيبه وسأل نادر وعمر
-هو فيه ايه
-انت اللي المفروض تقولنا فيه ايه وقال وسط الناس بصوت عالي جدا. انت ازاي قابل علي نفسك تبقي في البيت وابوك الراجل الشايب اللي علي وش موت معاك وتجيب راجل لمراتك
-اخرس ياحيوان انا هاموتك
طبعا كانت الناس كلها ملمومه والشاب صاحب البيت معرفش يوصل لنادر
-بدل مابتشتمني خلي الناس تدخل اوضة مراتك هيلاقو راجل جوا
وش الشاب صاحب البيت كان بيجيب عرق واحمر من كتر صعوبة الموقف ومش عارف ينطق لحد اما احد كبار السن طلب من الشاب يخلي تلاته يدخلو ولو مفيش حد جوا اهل المنطقه يعاقبو نادر وعمر ولو فيه حد جوا يشوفو حل معاه
طبعا الشاب صاحب المنزل صرخ في الكل مش مستوعب الموقف ومستنكر كل اللي بيحصل بس الموقف اكبر منه فرفض وقال مستحيل حد يدخل بيتي ولولا تدخل والده وقال لابنه
-يابني لو الناس مدخلتش هايطلع عليكم سمعه وهايتثيت ان كلام المعاتيه دول صح اختارو تلاته يدخلو يفتشو البيت كله لو سمحتم
صرخ نادر وقال انا هدخل واحمد بعده ودخل معاهم الراجل الكبير اللي اقترح يدخل تلات رجاله للبيت يتأكدو
اتحرك التلاته ودخلو البيت والناس كلها مستنيه يعرفو فاتن زوجة ابن جارهم الجديده بريئه ولا بتجيب رجاله وبمجرد اقترابهم من غرفة فاتن سمعو صوت صرختها من جوا اوضتها
-فيه ايه يابابا
-مش عارف يابني وجري الكل ناحية غرفة فاتن
وبمجرد فتح باب الغرفه لقيو مفاجئه اذهلت الكل حتي عمر ونادر يادوب فتحو الباب وشافوا.....
الجزء الثاني من هنا
