رواية غرام في الحي الشعبي الفصل العاشر
فى صباح يوم ما
كان احمد يعمل بجد حتى استمع لرنين هاتفه ليجده رقم مجهول ليجيب على الفور
احمد : ألو مين
= مبروك يا عريس سمعت ان الخطوبة بعد اسبوع
احمد بإستغراب : الله يبارك فيك بس مين معايا
= (بضحك هستيرى) عيب عليك تنسى صوتى دا احنا بينا كلام حتى .. وعروسة
احمد بشك : انت مازن !
مازن : برافو عليك عرفتنى أخيراً مكنتش اعرف انك بطيئ الفهم كدا مع ان يبان عليك ذكى
احمد : انت عايز ايه يلا انت وجبت رقمى منين
مازن بلا مبالة : ولا حاجة انا بس حابب ابارك لك واقولك اتهنى كويس اليومين دول اصل انا محضرلك مفاجئة هدية فرحك وبعدها حنان هتبقى ليا للابد اصل انا مش هسيبهالك
احمد بغضب جامح : اسمع يا ابن ال.... انت .. انت ملكش حاجة عندى وحنان ليا مش هتكون ليك حتى لو وصل الامر انى اقتلك مش هتفرق معايا واعلى ما فى خيالك اركبه انا مابتهددش
مازن بمكر : تؤتؤ انا مش بهددك انا بس بعرفك اللى هيحصل وانها هتكون ليا مش ليك
احمد : مش هيحصل ولو حصل هيبقى على جثتك ان شاء الله وامك بتترحم عليك .. واغلق الخط فى وجهه ليجلس بغضب شديد تملكه
💫💫💫💫💫💫💫💫💫
مرت الايام حتى جاء صباح اليوم المنتظر لدى بعض والمكروه لدى البعض الاخر
فى شقه مديحه
نجد حنان تستيقظ من الصباح الباكر حيث تقوم بتحضير نفسها وبدأت بوضع الماسكات
الغريبه على وجهها وهى تدندن
ودوني على بيت حبيبي نعيش مع بعض فيه
دا بقالنا مدة طوبة طوبة من الحب بنبنيه
أنا لابسة الطرحة ومش سايعاني الفرحة وأنا وياه
إرموا الورد علينا وباركولي بيه
هنا يقاطعها صوت مديحه: بس يا خايبه حبيبي ايه وبتاع ايه
حنان بهدوء : نعم يا مديحه عايزة ايه
مديحه : يابت هو انا هاعوز حاجه غير مصلحتك يا بت انتى مش حمل احمد وقرفه وبعدين تعالى هنا انتى عارفة انك هتعيشي فى بيت عيله
حنان : وفيها ايه حماتى بتحبني وانا بموت فى احمد ومادام بحب احمد هاحب اى حد من طرفه
مديحه : بصي يا بجحه احمد مش هو الواد الطيب لا يا هبله هو بيعمل كده لحد ماتتجوزيه لكن اول ماتكوني في بيته هيعمل فيكى اللى ماتعملش
حنان ببرود: هو انتى مسمعتيش يارا قالت ايه يامديحة
مديحه:قالت ايه يا اخرت صبري
حنان : قالت هسمع كلامه وتحت أمره في اللي يقولي عليه
وبأي شكل هريحه لو حتي يطلب إيه
مديحه بغيظ : ماشي يا حنان ماشي يا بنت بطني بس ماتجيش بعد كده تقولى ضربنى ولا شتمنى
حنان وهى تأخذ فستانها : لا متخافيش ابدا وبعدين ضرب الحبيب زى اكل الزبيب وانا بموت فى الزبيب .. قالت ذلك و ذهبت باتجاه الباب
مديحه بسخرية : رايحه فين بوشك المحروق ده
حنان بثقه: ده مش محروق ده بُن وبعدين هروح اجهز مع رباب وسايبالك البيت .. ثم اغلقت الباب
مديحه بصوت عالي : ماشي يا حنان ماشي
هبطت حنان على السلم حتى وصلت الى شقه روح وبدأت الطرق على الباب
روح : جايه جايه ياللى على الباب
عند فتحها الباب تجد عفريت امامها حيث الشعر المنكوشّ و وجه محروق
روح بصراخ :اعععععععععععععععععععععع الحقني يا عبدالله عفريت اعععععععععععععععععععععع
حنان وهى تحاول وضع يدها على فم روح :
اهدى اهدي يا خالتى
هنا خرج عبدالله من الغرفه ليجد هذا المنظر ويقرأ اية الكرسي " الله لا إله إلا هو الحيّ القيّوم لا تأخذه سنة ولا نوم له ما في السموات وما في الأرض، من ذا الذي يشفع عنده إلا بإذنه، يعلم ما بين أيديهم وما خلفهم ولا يحيطون بشيء من علمه إلا بما شاء، وسع كرسيّه السمواتِ والأرض، ولا يؤودُه حفظُهما وهو العليّ العظيم "
انصرف انصرف
هنا صرخت حنان : بس بقا ياجدعان انا حناااااااااان
عم الصمت ارجاء الغرفه ثم نظرت لها روح:
انتى ايه اللى عامله فى نفسك ده
حنان بثقه : بجهز
روح بقرف : بتجهزي ايه كتك القرف وقعتى قلبي ايه اللى انتى عامله على وشك ده
الحاج عبدالله: احم احم انا اسف يا حنون بس ماعرفتكيش والله والف مبروك يابنتى
حنان بحب لهذا الرجل الطيب: الله يبارك فيك يا حج بودى
عبدالله بقهقهة : الله يحظك يا حنان .. ثم ينظر الى روح .. هنزل انا اجيب الحاجه وشوف الفراشه
روح بحب : ماشي ياحج ربنا يخليك لينا وميحرمناش منك ابدا
بعد خروج الحج عبدالله تنظر روح وهى ترفع حاجبها لحنان : قولى ايه القرف اللى انتى عامله فى خلقتك ده
حنان: ياخالتى ماسك المهم دلوقتي امى مش جايبها لبر ده قبل ماأنزل كانت بتكلمني انى اسيب احمد
روح : اوعي تكوني عملتي حاجه
حنان : والله ابدا ياخالتى سمعت كلامك وعامله فيها البت المؤدبة
روح : خلاص ملكيش دعوة سيبي امك عليا
وادخلي صاحى رباب عشان تبدأوا تجهزوا
حنان وهى تقبل روح : ربنا يخليكي ليا يارب
لتتركها وتدخل لتفيق رباب ومازالت واضعه الماسك على وجهها
حنان وهى تهز رباب برفق : رباب بت يا رباب .. فوقى يابت
رباب وهى تدعك عينيها بنعاس : ايه يا ماما فى ايه .. وما ان فتحت عينيها .. اععععععععع عفريت ياما
حنان بضيق : الله يخربيت ام دا يوم .. فى ايه يا جدعان انا حنان
رباب بعد ان اطمئنت قليلاً : حنان ايه وزفت ايه ياشيخة حرام عليكى سرعتينى فى حد يصحى حد بالمنظر دا روحى اغسلى وشك
حنان : ماانا هغسله بس بعد عشر دقائق لانه بيتساب على الوش نص ساعة
رباب وهى تضع يدها على وجهها بيأس : اقول فيكى ايه بس .. منك لله يا حنان يابنت طنط مديحة
حنان : طنط ! بتدعى عليا وبتقولى على امى طنط يا رباب
رباب : اومال اقولها ايه ياختى
حنان : قوليلها يا خالتى
رباب : امشى يا حنان غورى من الاوضة ماتدخليش غير وانتى غسلة وشك سامعة ثم حاطة ماسك على ايه ؟ مااحنا شوية والكوافيرة هتيجى تظبطنا
حنان : تصدقى يابت انا غلطانة انى اتوسطلك وخليت خطوبتك فى يوم خطوبتى والله ماتستاهلى
رباب : صح انتى صح اقفلى الباب وراكى بقا واطفى النور 😒
💫💫💫💫💫💫💫💫💫
فى بيت الحج عمار
دخلت الحاجه سعديه غرفه ابنتها و رقعت زغروطه عاليه : لوووووووووووووووولى لووووووووووووولى قومى يا مرام قومي ياعروسه
مرام وهي تقوم من تحت الفراش : صباح الخير يا ماما
سعديه بفرحه : صباح الورد يا احلى عروسه .. تغرغرت عيونها بدموع .. مش مصدقه يا مرام انى عيشت وشوفت اليوم اللى هتقفي في جانب عريسك فى الكوشه
مرام وهى تدخل فى حضن امها : مالك بس يا سوسو بتعيطي ليه ده حتي النهارده فرح ولادك الاتنين وهتبقي ام العريس و ام العروسه
سعديه بدموع :كنت خايفة انى مكنش معاكم فى يوم زى دا
مرام ببكاء : ليه كده يا ماما ربنا يديكي الصحه ياحبيبتى انا مليش غيرك
سعديه: ولا انا يا حبة عين امك .. ثم تمسح دموعها .. بقولك ايه انا عايزكى احلى واحده قومي روحى الكوافير وأعملى الحاجات اللى بتعملوها دى عشان تبقي منوره وانا هأدخل اشوف احمد
مرام وهى تمسك يد امها :ربنا يخليكي لينا يارب وعلى فكرة الكوافيرة شوية وهتجيلى وتظبطنى هنا
سعدية : ماشى يا قلب امك ويخليكى ليا
لتتركها وتذهب لغرفة احمد لتجده يهندم ملابسه
سعديه وهى تنظر له بفرحة : الف مبروك يابنى ربنا يتمملك على خير
احمد بعد ان اقترب منها وقبل يدها : امين يارب ياامى ويخليكي لينا يارب
سعديه : حبيبي تسلملى يارب بص ياأحمد انت ابنى الوحيد سندى وضهري وماحبش حد يدينك ونصيحه من امك حبيتك انت خلاص البت بقت يعتبر مراتك لان يابنى الكلام عندنا عقد وعشان تعيش مرتاح ومبسوط فى حياتك لازم تشد و ترخي عشان لو فضلت شادد على طول الحبل هيتقطع ولو رخيت على طول الحبل هيفلت من ايدك لازم تعرف ان الكلمه كلمتك انت بس فى نفس الوقت تاخد رأيها ومن اول يوم عرفها ان امها ملهاش تدخل بينكم وانا كمان نفس الحكايه عشان تبقا شاكم بيتك ماشي يابنى
احمد : ربنا يخليكي لينا وميحرمناش منك ابدا يا امى انا مش عارف من غيرك هعمل ايه
سعديه وهى تربت على كتفه : ويخليك ياحبيبى
💫💫💫💫💫💫💫💫💫
فى المساء
اشتعلت الانوار المزينة بالحارة بأكملها
وتألقت الفتيات فى ابهى طالتهن وكذلك الشباب ليأخذ كلاً منهم عروسه بعد ان سرقت ما تبقى بعقله ويزفوا معاً حتى الكوشة بالمزمار البلدى ليتراقص كل كابلز مع بعضهم ليتعالى صوت الدى چى بالاغانى الشعبية ويتمايل عليها الشباب بحركاتهم المعتادة وكذلك الفتيات معاً ولكن بحركات هادئة للغاية على عكس الشباب حتى جاء وقت ارتداء الشبكة وكالعادة وزعت على الجالسين لكى يرونها ويتباهوا بها وبعدها اعطوها للعريس لكى يلبسها لعروسته
احمد و حنان ❤️❤️
احمد : عجبتك
حنان بفرحة : اوى تسلملي يا احمد
احمد : تسلميلى انتى يا حنون قلبي
حنان : احمد
احمد : عيونه 😍
حنان : بحبك اوى يا حمودى
احمد بعد ان جذبها من يدها برفق : طب تعالى بقا نهيس سوا .. ليرقصوا سوياً وهو يهمس فى اذنها بحبك يا حنان يا بنت مديحة
حنان : وانا بعشق امك يا حمودى
احمد : احلى حمودى ياناس
حسن و مرام 💙💙
حسن : ادينا اتشبكنا عقبال ما تنورى بيتى يا قمرى
مرام : تسلم 😊
حسن : تسلم ! مش متعود على هدوئك وكسوفك دا يا مرام فين مرام اللى بتقلب ورايا الدنيا فين
مرام : لاهو انت تطول أصلاً عينك تبص على واحدة غيرى بعد كدا
حسن : تصدقى وتأمنى بالله
مرام : لا إله إلا الله
حسن : عينيا الحلوين دول اللى هياكلهم الدود ماشافوش احلى منك فى الدنيا
مرام بخجل : ماشى يا بكاش 😊
حسين و رباب 💜💜
حسين : كنت هتغاظ اوى لو ماكنتش لبست معاهم الشبكة
رباب بمزح : لا اطمن يا حبيبى انت لبست فعلاً وسيب ايدى بقا كفاية مسك فيها هتعرق
حسين : ماتعرق دا انا ماصدقت امسكها أصلاً
رباب : طب انا عايزة ارقص
حسين : لأ
رباب بضيق : لأ ليه
حسين بغيرة : اصل بصراحة لما بتتحركى كل اللى هنا بيبص عليكى وانا حبيبتى قمر الصراحة ومش عايز حد يبص باصة عليها غيرى
رباب : يا سلام ماانا عروسة لازم يبصوا عليا
حسين بهمس بجانب اذنها : انا لو بأيدى أصلاً اخبيكى جوا قلبي من العالم كله هعمل كدا لان القمر دا ليا انا وبس
لتبتسم رباب بعدها بخجل شديد ليقول حسين بهيام بها : بحبك
فى وسط الرقص والفرحه بكل من العرسان وقفت سياره الشرطه ليخرج الحج عمار ليعرف سبب مجيأهم الى هنا بتلك الليلة
الحاج عمار : خير يا حضرت الظابط
الظابط : مطلوب القبض على ابنك يا حج عمار
الحج عمار : ليه
الظابط : متهم بقتل مازن
ترى ماذا هتكون ردة فعل كل من سعدية ، حنان ، مديحة عندما يلقى القبض على احمد ؟
اذا لم يكن احمد هو الجانى فمن الطرف الثالث ؟
