رواية زهرة البنفسج الفصل الثالث عشر
لا إله إلا أنت سبحانك إنى كنت من الظالمين
سبحان الله وبحمده وسبحان الله العظيم
أعوذ بكلمات الله التامه من كل شيطان وهامه ومن كل عين لامه
💗💗💗 💗💙💙💙💙💚💚💚💚💚💚
مر شهر ونص كاملين على حياة زهره وتامر وخالد وسميحه .. حياتهم اتغيرت ورجع لها حلاوتها من تانى ... بيبصو على كل امور حياتهم بشكل مختلف الطاقه الايجابيه اتملكت منهم وسيطرت وبقت هى نمبر وان .... يااااله تعالو بسرعه نشوف ونعرف ايه الا جرا ياله 🖐🖐
**************
زهره واقفه فى بلكونتها الا كبرت بعد ما تامر ضم بلكونته عليها خلتها عباره عن لوحه فنيه بتزينها زهور البنفسج بتهتم بيهم كانهم اولادها وتامر اتعلم منها وبيهتم زيها بابظبط بعد ما عرف ان زهور البنفسج نادره ولازم تهتم بيها جدا جدا .. وبيعلم زياد برغم صغر سنه انه يسقى الورد ويحافظ عليه ما يقطعهوووش ابدا ...
واقفه بتسقى وبتغنى ومندمجه قوووى .. مسكت ورده صغيره بإيدها وبتكلمها .. ياختى جميله انتى بيبى صغنون .. فى بيبى كمان ها يطلع جمبك ها تنافسو بعض .. وبعدين بصت وراها وابتسمت .. سوسو تعالى زيزو صحى والا لاء
سعاد : لا لسا نايم فى سابع نومه وقعدت على الكرسى وبتاخد نفس .. الله يازهره يا بنتى برتاح قوى لما اقعد فى البلكونه وسط الزهور
زهره : دى احلى حاجه فى الدنيا يا سوسو .. ازاى الناس الا عندها بلكونه مش بيزينوها بالزهور وبيخلو البلكونه جنه يقدرو يعيشو وينسو همومهم فيها وتعب اليوم
سعاد : هههه يابنتى الناس ها تلاحق كل البيوت مقفله يا زهره وفيها الا مكفيها ها يبقى فاضين يجيبو زهور ويزينو دا الست بتخلص شغل البيت وعيالها وطالبات جوزها وبتقول يا حيطه دارينى
زهره : بردو يا سوسو لازم يبقى لها مكان مفضل تهرب له لما تتعب تسرح فى جماله لما تزهق من الا حواليها .. مكان كله طاقه بتشحن وتجدد طاقتها فيه
سعاد : 😂😂😂 جاتك ايه يا زهره احنا تليفونات ها نتشحن
زهره : امال يا سوسو انتى لازم تشحنى طاقتك زى التليفون .. بأى وسيله ممكن تكون بتريحك وبتمدك بالقوه الا تقدرى تواصلى وتكملى بيها
سعاد : اه والله يا بنتى عندك حق بس بردو كتير يا بنتى من الستات مغلوبه على امرها وعايشه بالعافيه يا بنتى لا تقدر تروح مكان ولا تعمل مكان
زهره بأسف : ايوا يا ماما كل شئ فى حياتنا جايز ومعاكى حق فيه بس عشان اعرفك بردو ان دول ربنا بيديهم قوه وطاقه غريبه .. وعندهم رضا بيعوضهم عن دا كله .. ما تقلقيش يا سوسو ربنا بيقطع من هنا ويوصل من هنا بس لو قادرين ومعانا نزين ونغير شكل حياتنا ليه لاء
سعاد : هى سميحه مالها كدا
زهره : بتنادى سمحيه .. انتى يا بنتى مالك
سميحه وهى واقفه فى بلكونتها : تعاليلى يا زهره انا تعبانه قوووى
سعاد : روحى يا بنتى دا شكلها تعبان فعلا
زهره سابت الا فى ايدها وراحت لسميحه كانت فتحت لها الباب مسكت ايدها ودخلتها اوضة النوم ونايمتها على السرير : مالك يا سميحه اختفيتى امبارح وقولتى راحه للدكتور وماشوفتش وشك من ساعتها
سميحه عيطت : اه يا زهره اه لو تعرفى مالى .. انا حامل يا زهره
زهره بفرحه وفادره ايدها : انتى بتقولى ايه دا خبر يزعل .. دا احلى خبر سمعته لحد دلوقتى هو خالد مش هنا
سميحه بعياط : لا بايت فى الشغل من ساعة ما رجع شغله وانا بشوفه بالصدفه
زهره : انتى بتعيطى ليه طيب مالك يا بنتى غلط عليكى وعلى البيبى
سميحه بصت لها بنص عين : مش بيبى يا زهره
زهره تنحت : ايه حامل فى قرد والا ايه 😂😂
سميحه : اعااااااا .. مش بيبى واحد يا زهره
زهره بفرحه اكتر : ايه تنين يا بت تونز الله اكبر وبتهز راسها داخلين فى الجد انتو على طول كدا على بركة الله
سميحه هزت راسها وعيطت أكتر : مش اتنين
زهره طلعلت تلت صوابع قدام عنيها واحوليت بعيونها : إتلاته الله أكبر يااااجااامده 😂😂
سميحه هزت راسها بنفى : نئه
زهره تنحت : نئه ايه يا سميحه فيش نئه وضحكت جااامد اربعه يابت وبتهز فيها قوليلى عملتيها ازاى شالله يخليكى .. دا انتى موسوعه
سميحه : اعاااااااا .. اعااااااااا
زهره رجعت لورا وهى قاعده على وركبها على السرير .. ايه اكتر من اربع وبتعلى صوتها جااامد ونازله على بطن سميحه حااامل فى الشعب جوا يا سميحه .. شفطى الشعب جوا وانا اقول مش شايفه حد ماشى فى الشارع ليه .. انطقى انتى حامل فى كام عيل
سميحه بعياط وماسكه منديل وبتمسح وشها جااامد : حامل فى ست أطفال يا زهره .. نص دسته يا زهره
زهره رافعت ايديها لفووق فى داخلت خالد عليهم اوضة النوم وبصوت عاااالى : الله أكبر .. الله أكبر .. واول ما شافت خالد .. يا جبار سرك باتع يا جبار
خالد واقف متنح مكانه ومش فاهم حاجه وبيبص لسميحه الا بتعيط وزهره الا ها تتجنن من الفرحه الوضع كله غريب
سميحه اول ما شافت خالد زادت فى العياط وبتلف وشها الناحيه التانيه
خالد راح عندها : مالك يا سميحه فيكى ايه
زهره نزلت : مراتك حامل فى نص دسته .. يا جبار
خالد ضحك وبص لسميحه بأستفهام : هى بتقول ايه زهره اتجننت ما تنطقى يا سميحه فى ايه
زهره : بقولك ماشاء الله .. الله اكبر .. وحى عل الفلاح
خالد : ايه زهره ماتقرى المصحف بالمره قبل ما تتكلمى
سميحه بشنهفه : انا حامل يا خالد فى سته توأم
خالد اتصدم وسكت ومش عامل رد فعل خالص
زهره : مش قولتلك .. وبتبص لسميحه اهووو اتصدم ها تموتى الراجل تانى يا سميحه
خالد : انتى بتتكلمى بجد
سميحه بعياط : ايوا روحت للدكتور امبارح بعد ما عملت تحليل الحمل وعمل سونار واكد ليا وقالى انا فى نص الشهر التانى
خالد بعصبيه : قومى يا سميحه البسى ساعديها يا زهره
سميحه : ليه ها نروح فين دلوقتى
خالد : انتى مش ها تتحملى سته لا صحتك ولا سنك .. وانا مش مستغنى عنك
سميحه : انت بتقول ايه عايز تعمل ايه يعنى ها تنزلهم
خالد : ايوا
زهره بزعل : انا مش بتدخل بينكم .. بس ليه ربنا يديلك نعمه وانت بدال ما تحافظ عليها بتضيعها من ايدك ربنا ها يعنها ويقومها بالسلامه وانا مش ها اسيبها
خالد ؛ مش ها نقدر وبيشاور عليها هى مش هاتقدر صعب يا زهره حتى تربيتهم مع بعض مين ها يساعدها
زهره : انا مش ها اسيبها دى اكتر من اختى
سميحه : ومين قالك انى مش ها اقدر .. الحمد لله الدكتور بيقول صحتى كويسه جدا واقدر اجيب 12 مش 6 .. ومش ها اعمل الا بتقوله دا
خالد : بتعيطى وزعلانه ليه طيب
سميحه : عيطت انا مش زعلانه .. انا خايفه عليهم انت عارف يعنى ايه بعد العمر دا كله ربنا يرزقنا بست اطفال .. انت نفسك كنت خايف
زهره ؛ طيب انا ها اسيبكم دلوقتى عشان تتكلمو براحتكو .. بس امانه عليكو بلاش القرار دا وسابتهم وخرجت
خالد : ضم سميحه جااامد انا خايف عليكى مش ها استحمل لو جرالك حاجه
سمحيه : ماتخفش يا حبيبى سيبها على الله انت مؤمن وعارف ان نصيبنا بنشوفه فى اى حال من الاحوال .. كنت فاكره انك ها تفرح وتتنطط من الخبر
خالد بص فى عيونها : مش ها افرح غير لما اشوف الفرحه فى عيونك الاول
سميحه ابتسمت : انا فرحانه عشانك وعلت صووتها بقيت ارنبه بسببك .. فضلت تقولى عشرين تلاتيت لحد ما ها اجيبهم سته فى سته
خالد ضحك جااامد : ب 36 عيل وقرب عليها يا جباره
سميحه : عيطت ربنا ما يحرمنى منهم ولا منك نفسى تفرح بيهم وتشوفهم لما يبقو عرايس وعرسان
خالد : مش لما يجيو الاول وبعدين قسمتيهم من دلوقتى
سميحه : ما احنا نجيبهم مره واحده عرايس وعرسان
خالد : يارب يا حبيبتى
مر الوقت سريعا وخالد محاوط سميحه وبيعمل هو كل حاجه مش مخليها تقوم من مكانها وهى مستمتعه قوووى وفرحانه اطمنت بعد ما كانت قلقانه
***********
تامر طالع من تحت بهدوم الشغل ودخل على شقته على طول عشان ياخد شاور ويغير .. واتفاجئ بزهره قاعده وسرحانه .. رغم انها لايمكن تبقى فى الوقت دا هنا بتبقى مع سعاد بتحضر الغدا يا فى شغلها
تامر قرب عليها : زهوره .. سرحانه فى ايه
زهره عدلت وشها لتامر : لا ابدا يا حبيبى وقامت بتطلعلو البجامه وهو دخل الحمام .. خلص الشاور ولبس وطلع لقى زهره سرحانه بردو وواقفه قدام المرايه .. حضنها من ضهرها جااامد وباس خدها .. مالك سرحانه فى ايه
زهره ابتسمت ودموعها نزلت : سميحه حامل يا تامر
تامر لف وشها له وبيمسح دموعها : انتى زعلانه يا زهره
زهره بنفى : لا والله ابدا انا فرحانه قوووى عشانها .. بس زعلت ان خالد عايز ينزلهم
تامر : ليه كدا دا نعمه من ربنا
زهره : خايف عليها اصلها ماشاء الله حامل فى سته
تامر ضحك جااامد : ماشاء الله .. انتى بتتكلمى بجد
زهره ضحكت هى كمان : ايوا بجد
تامر : يا ولاد اللذينه ورجع ضمها تااانى بقووه اوعى تزعلى يازهره
زهره : لا اوعى تقول كدا انا بحب لها الخير وكمان انا رضيت با الا ربنا قسمهولى شوف كام طفل بيقولى يا ماما .. شوف زياد مابيقدرش يبعد عنى لحظه كدا مابقتش أم .. ومسكت وشه بين ايديها .. انت يا تامر وحبك ليا وحياااتى كلها الا اتحولت من ست حزينه ومقهوره وتعبانه .. لكل حاجه حلووه فى الدنيا .. بحبك وكلمة بحبك قوليله عليك
تامر ابتسم ولف وشه بيدارى عيونه الا دمعت .. كان نفسه ربنا يكرمها فعلا وتبقى ام بس هى صدقت فى كل كلمه .. مفيش طفل ما يبحبهاش
زهره : شلنى لو سمحت
تامر بص لها : وبضحك ليه اتشلتى يا زهره
زهره : يامدب بقولك شلنى .. يبقى تشلنى
تامر : وبعد ما اشيلك ها نعمل ايه
زهره : ها الف ايدى على رقبتك وانت تلف بيا فى الشقه كلها وبعدين ودينى عند سوسو وانت شايلنى
تامر تنح بجد : بطلى جنان يا زهره ثم كمان انا وسطى مقطوم من الشغل فى العربيات
زهره بعصبيه ونرفزه ضربته فى صدره وزقته وماشيه تبرطم
تامر : خدى يا بت يخربيت جنانك انتى كل دقيقه بحال وجرى وراها وشالها بين ايديه
زهره ابتسمت ولفت ايدها حوالين رقبته : وبتقوله بوسنى
تامر ضحك بصوووت عااالى وقرب من شافيها ونزلها بين ايديه وبيبوسها بالهفه هى متعوده عليها وكل ما تحاول ترجع لورا يشدها أكتر وينسى معاها الدنيا أكتر وأكتر ... فاقوو الاتنين وبصو لبعض وضحكو من غير سبب
تامر بمكر : مش ها نروح نبارك لخالد
زهره : لا انت عايز تدايقه صح
تامر : 😂😂 .. ايوا الصراحه دا جاااى يخلص كل السنين الا فاتته مره واحده حرام عليه البنيه
زهره : دا انا ها ابقى فرحانه قوووى وبترفع صووتها وبتقول يأختى .. ها اشيلهم واهشتكهم
تامر : دا احنا كلنا ها نتهشتك كلنا 😂😂😂😂 .. قدامى انا واقع من الجووع شالها زى ما كانت عايزا وراح عند سوسو ورمى زرهره على الكنبه
زهره : اه يا ضهرى خد يا راجل انت
تامر دخل المطبخ وبيفتح فى الحلل وبيمد ايده ياكل وسوسو واقفه بتخلص فى الاكل
زهره : انت يا جدع انت عمرك ما بتكمل جميلك للاخر
تامر : هششش سبينى اكل بلا سهوكه ستات فاضيه وبيضحك بمكر
سوسو : يوووه ياواد عيب وبتشد من ايده حتة اللحمه الا خدها من الحله
تامر : يا أما جعان هاتى بقى انتى على طول فى صفها
سعاد : مش ولايا زى بعض
زهره ضحكت بشر وقربت وخدت حتة اللحمه الا كان تامر ها ياكلها وكلتها هى وبتخبط على كتفه تعيش وتاخد غيرها ايوا كدا يا سوسو كل ما تشوفيه اديله
تامر : انا شكلى ها اتجوز تانى واحده تنصفنى عليكو انتو الاتنين
زهره مسكت كبشه كبيره وسعاد شوكه وبيقربو عليه وتامر بيرجع بخوف مصطنع لورا
تامر : انا غلطت والا ايه ها تقتلينى يا أما .. اه يا خسارة شبابك يا تامر وزياد داخل المطبخ سعاد خبت نزلت الشوكه وزهره .. وتامر شال زياد وخرج على برا جرى وبيقوله تعالى احنا عايشين مع ريا وسكينه .. وقضو بقية الوقت هزار وضحك وقررو يروحو لسميحه يقعدو معاهم ويسهرو كمان
