رواية غرام في الحي الشعبي الفصل الخامس عشر
فى غرفة حنان
تجلس هى ورباب
رباب بإستغراب : والله انا لما مرام قالتلى قولت يمكن بتهزر والصراحه كده مصدقتش
حنان بسخريه: اذا كان انا بنتها واستغربت امى انا تعمل اكل لاحمد اقسم بالله انا مش مصدقه
رباب بجدية: يمكن يابت امك قلبها حن على احمد ولا حاجه
حنان بسخريه: بس يا رباب وحيات امك اذا كنتى انتى سمعتي الزغروطه اللى امى رقعتها لما البوليس اقبض على احمد ده لولا ابويا ادها كف مكنتش سكتت
رباب: ماهو انا معرفش بقا والصراحه كده انا مش مرتاحه لامك انتى عارفه لولا انى اعرفها كنت قولت ان هى اللى قتلت مازن
حنان بتفكير : الصراحه انا شاكه فى كده امى قتلت مازن عشان تسجن احمد عشان تخلص منه
رباب: لا يابت امك مش كده
حنان: لا امى ام كده وبعدين دى واحده اسمها مديحه انا كنت شاكه فيها من الاول
رباب:طب ما انا امي اسمها روح وعادى يعني
حنان:لا بابت ممكن تكون بتقتل عادى دى اسمها قابض للروح
رباب:الحمدلله انا امى بتحب حسين
حنان بسخريه:ممكن تكون بترسم الدور يابت
رباب:لا ياختي انا هنزل ده انتى هتدخلى امي السجن وانا قاعده
ـــــــــــــــــــــــــــــــــــــــــــــــــــــــــــــــ
فى الحاره يتوقف هذا التوك توك امام منزل مديحه : كام يابنى
صاحب التوك توك : 30 جنية
مديحه بردح : نعم ياعين امك ليه ان شاء الله راكبه المرسيدس
صاحب التوك توك : هو يوم باين من اوله فى ايه ياحاجه ده انا جايبك من عند القسم لحد هنا
مديحه:حلو يبقى حسابك 15 جنيه بس وانا عشان ست جدعه خد خمسه جنيه زيادة أهى واكتر من كده مش دافعه
صاحب التوك توك: هاتى حسبي الله ونعم الوكيل اللى يجى منك احسن منك
وتصعد مديحه السلم : كتك نيله قال 30 جنيه قال
روح بسخريه : في ايه يا مديحه مالك ياختى بتكلمي نفسك ليه
مديحه : هو هتكلم على السلم ولا هدخل
روح : لا ياختى تعالي اتفضلي
مديحه تدخل وتجلس على الاريكهّ
روح:اممم مش هتقولي ايه يا مديحه سبب التغير
مديحه بسخريه : مالك ياختى انتى كمان وبعدين هو انا عملت ايه يعني
روح بسخرية :لا ماعملتيش حاجة خالص فى ايه يا مديحه ده انتى نازله بطقم حنيه غريب ده انا شكيت فيكى وقولت يمكن انتى القاتل وعامله كده عشان تغلوشي على الموضوع
مديحه بفزع:لا ياحبيبتي انا عمري ماعمل كده
روح : امال انتى نازله بطقم الحنية ده ليه
مديحه : انا قولت قبل كده على فكره
روح:مش قصدى على سعديه انا بقول على احمد ايه الاكل اللى وديته له دا
مديحه:والله الاكل ده عشان اتكلم معاه فى اللى هيحصل
روح بإستغراب :مش فاهمه
مديحه:يعنى لو اتسجن مفيش حاجه اسمها جواز ومفيش حاجه اسمها حنان
روح بسخريه:طب لو خرج
مديحه:يبقى خرج عشان انا اكمل عليه
روح:اه منك يعنى انتى مش هتسكتى برضو
مديحه:والله انا مش عاوزه غير راحت بنتى هقوم انا بقا اطلع للبت
روح:ماشي وانا هخلص واطلعلك
💫💫💫💫💫💫💫💫💫
فى منزل الحاج عمار
دخل ليجلس على اقرب مقعد ويبدو على ملامحه الهم الشديد
مرام بقلق : بابا انت كويس ؟
عمار : ايوه كويس بس مصدع شوية .. امك صاحية ولا نايمة
مرام بحزن : صاحية بس مش عايزة تفارق اوضتها
عمار : طب انا داخلها .. اعمليلى شاى وهاتيه على الاوضة
مرام : حاضر .. ذهبت لتحضر له ما طلب ودخل هو لغرفته ليجد سعدية كما تركها لم يتغير حالها منذ دلوف احمد السجن
عمار : وبعدين معاكى بقى .. هتفضلى كدا لحد امتى
سعدية وهى تنظر له بدموع : لحد ما اطمن على ابنى .. طمنى هيخرج امتى ؟
عمار بتهرب من عينيها : قريب هيخرج
سعدية بتعجب من حالته : مالك ؟ شكلك مش مظبوط .. فى حاجة حصلت لأبنى .. رد عليا احمد كويس
عمار : ماتخافيش هو كويس .. بس .. هيتعرض على النيابة بكره الصبح
وقع الخبر على مسامع سعدية ومرام التى دخلت على اخر كلماته كالصاعقة
سعدية بإنهيار : يعنى ايه ابنى مش هيخرج خلاص .. لبس تهمة ماعملهاش .. مش هشوفه تانى
عمار : اهدى يا سعدية انا ماقولتش كدة دا اجراء قانونى والمحامى اكدلى انه هيخرج منها ان شاء الله
سعدية بصراخ : اهدى ايه انا عايزة ابنى هاتلى ابنى يا عمار .. انت السبب .. لتقع بعدها فاقدة للوعى .. ليأتى الطبيب ويعطيها حقنة مهدئة ويخبرهم بأن لا يجب ان تتعرض لضغط شديد فى هذه الفترة ، ظلت مرام بجانبها بينما فضل الحاج عمار المكوث فى الصالون وبعد عدة دقائق استمعت لرنين هاتفها لتجيب على الفور
مرام : ألو
حسن بقلق : مالك يا مرمر صوتك عامل كدا ليه ؟ اه اكيد بتعيطى مش قولنا نوقف عياط شوية
مرام وقد ازداد نحيبها وكأنها حررت ما بداخلها من بركان الحزن التى تملكها : ماما تعبانة اوى ياحسن 😭😭😭
حسن بحزن على حزنها : معلش يا قلبي بكره ان شاء الله احمد يطلع وهتبقا زى الفل
مرام بشهقات متتالية من كثرة البكاء : مابينش طلوع .. احمد هيتعرض على النيابة بكره الصبح
حسن بصدمة : ايه 😳
مرام : بابا هو اللى لسه قايلنا وماما بعدها تعبت جامد وانهارت لحد ما اغمى عليها
حسن بتنهيدة : معلش ياقلبي ان شاء الله هيكون مجرد إجراء قانونى وتثبت برائته ويخرج ومامتك هتبقى تمام .. خلاص بقا اهدى
مرام : يارب يا حسن .. خليك جنبى 😭😭
حسن : انا جنبك اهو من غير ما تقولى
ـــــــــــــــــــــــــــــــــــــــــــــــــــــــــــــــ
فى غرفة رباب
تتحدث مع حسين فى الهاتف
حسين بضحك:هههههه يخربيتك يا رباب انتى وحنان ده انتوا مشكله
رباب بضيق:ليه بقا يا استاذ حسين مالى ان شاء الله وبعدين انا غلطانة انى قولتلك
حسين بحب:ايه يا رباب بس وبعدين انا بهزر معاكي و بعدين ماانتى على طول كده انتى وحنان وعلى طول انا بهزر واقول كده اشمعنا المره دى اللى زعلتى ولا انتى عاوزه تنكدي
رباب بضيق:والله ياحسين مش عارفه بس كلام البت حنان اثر على دماغى
حسين بحده:رباب جنانك انتى و حنان لازم يهدي شويه وبعدين عيب لما تقولى على ست زى مديحه كده خالتى مديحه ست كويسه وبتفهم فى الاصول ماشي
رباب بحزن:ماشي ياحسين خلاص ماتزعلش
حسين:وانا ازعل ليه انا بفهمك يا رباب ويلا سلام بقا علشان انزل اشوف اللى ورايا
رباب بحب:لاإله الا الله
حسين بحب اكبر:محمد رسول اللّه
💫💫💫💫💫💫💫💫💫
فى ذلك المخزن الملعون
المجهول 2 : معلمة يا معلمة 😃
المجهول 1 بضيق : قولتلك كام مرة ماتقوليش يامعلمة انت ايه مابتفهمش 😡
2 بإرتباك : انا اسف يا معلم
1 : قول اللى عندك وخلصنى
2 : احمد هيتحول بكره على النيابة يعنى مبروك علينا خلاص لبسها
1 : هو خبر حلو بس ماتفرحش اوى يا غشيم لسه ماصولش للمحكمة والفرحة الحقيقية لما يصدر عليه حكم الاعدام .. لازم نخلص منه خالص وبعد كدا نفرح
2 بتفكير : صح كدا انا اسف يا معلمة
1 بتحذير : وبعدين 😡
2 : اسف يا معلم تأمرنى بحاجة تانية
1 : عملت ايه فى اخر بضاعة جات
2 : اتوزع نصها والنص التانى لسه
1 بغضب : ولسه ليه يا غبى
2 بإرتباك : ما حضرتك اللى طلبتى اننا نهدى اللعب
1 بلهجة امر : فى ظرف يومين تكون البضاعة متصرفة وبطريقة خفيفة يا عمرى ماشى
2 : ماشى اوامرك يا معلم
1 : غور من هنا .. غادر الاخر لتقول لنفسها : انا مش هرتاح ولا يهدالى بال غير التهمة تلبسك يا احمد
عاد مرة اخرى ومعه شاب جديد لتقول : ايه اللى رجعك ومين دا ؟
2 : دا واحد جديد هيحل محل مازن يا معلم
1 بعد ان نظرت له بتفحص : مش بطال خليه يبدأ من دلوقتى معاك .. بس خالى عينك وسط راسك اظن فاهمنى
💫💫💫💫💫💫💫💫💫
هذا هو اليوم المنشود يوم تحويل احمد الى النيابه تحديداً فى مكتب رئيس النيابه
يجلس رئيس النيابه بكل ثقه:
فاعل / احمد عمار
مــديــريــة امــن شبرا الخيمه
قـســـم شــرطــة .........
فـتـح الـمـحـضـر بــتـاريــخ ..... / ...... / ........ الـســـــــــــــــــاعــــــــه
بـمـعــرفـتـى نـحــن ( رئيس النيابه / حسام عبدالله )
اثـــــــــبــــــت الاتــــــــــى
حـيـث وردت لـنـا الـمــذكــرة الـمـحــررة بـمـعــرفـة ( رئيس قسم شبرا ) / ( عمر الشناوى) والـتـى تــفــيـد انـه اثـــنـاء تــواجــده بـالخدمه تم ارسال اشاره له عن وجود جثه فى مخزن احمد عمار
س: ما رايك فيما نُسب اليك ؟
احمد:مش انا القاتل وبعدين هاقتله ليه
س: وما رأيك فى هذا التسجيل ؟
احمد:حضرتك واحد متصل عشان يستفزني وبيتكلم عن الست اللى المفروض انها هتبقا مراتى المفروض اقول ايه اكيد هرد كده
س:كنت فين ساعة الحادثه ؟
احمد:كنت بجهز خطوبتى
حسام:أقفل المحضر فى ساعته وتاريخه
ثم ينظر لاستاذ محمد : معلش ممكن تخرج بره عشر دقايق
محمد: حاضر يافندم .. يخرج ويغلق الباب
حسام ينظر لاحمد:انت متوصي عليك جامد بس عايز اعرف حاجه
احمد بهدوء:ايه
حسام بنظره قويه:واحد زيك متوصي عليه ايه اللى يخليك تقعد مانت ممكن تخرج ده كمان غير التوصيه عدم كفاية الادله ضدك يعني انت كان ممكن تخرج ساعتها
احمد ببرود:حبيت اغير جو
حسام بضحكه ساخره:يارب تكون انبسط
احمد:جدا بس انا عايز اسأل سؤال
حسام ببرود:ايه هو
احمد:انتوا عارفين مين القاتل
حسام: طبعاً
احمد بإستغراب:امال مامسكتوش ليه ؟
حسام:لازم تسيب طعم عشان القرش يكله وتمسكه
احمد:طيب مين بقا القاتل
حسام:عز تاجر المخدرات .. طبعاً انا عارف ان حسين قالك بس حسين اشتغل فى طريق مش قانونى وكان ممكن يروح فى داهيه هو وصاحبه بس انا هقولك ايه اللى عرفناه اول حاجه سجل المكالمات اخر مكالمه كانت بين مازن وعز قبل ما مازن يموت بساعه واحده
وكمان مازن زى ماتقول كان حاسس ان في غدر فى الموضوع عشان كده لما شوفنا التلفون بتاعه لقينا كل المكالمات متسجله .. ثم اكمل بضحك .. ده اللى اخدناه منه المكالمه بتاعتك عشان نسجنك هنا
احمد بصدمه:طب مانتوا عارفين كل حاجه روحوا اقبضوا عليه
حسام:احنا عايزين نوصل للراس الكبيره
احمد:وانتوا هتعرفوها ازاى
حسام:فى ست على طول بتردد على المكان اللى متواجد فيه عز
احمد:مين دى ؟
حسام بعد ان اخرج صورتها له :الست دى
احمد بعد ان اتسعت عينيه بصدمة : معقولة انتى 😳
ترى من تلك ؟ وهل حقاً هى البوص او المعلم ؟
