رواية قلوب ارهقها نبضها الفصل السادس والعشرون بقلم نرمين قدري
ماجد/ اقعدي شوية يا امي ملحفتيش تتعرفي علي هند
بيجاد/لا ما ينفعش تتعرف عليها بعدين أنا عاوز اروحها قبل ما حد يصحي انا عملت قرد علشان اعرف أجبها لولا البت روحية ما كنتش عرفت تيجي خالص البت طلعت جدعه الصراحة
ماجد/عملت ايه يا المصيبة دي شكلها عملت بلاوي
بيجاد بضحك هههههههههههه فعلا
فلاش باااااك
بيجاد/ بت يا روحية تعالي و فتحي مخك معايا و اسمعي حقولك ايه كويس و ركزي علشان اي غلطة حتودينا ورا الشمس فاهمة
روحية /بتركيز ماشي استاذ يا بيجاد عاوز مني ايه وانا بعون الله قدها
بيجاد / استني بس يا عم هركليز انتي واسمعي ولو مش حتعرفي تعملي قولي ما تتكسفيش انهاردة. ساعة ٨ بليل تحطي المنوم ده في شاي قرص واحد بس الحاج محمود وباقي شريط كله الساحره الشريره خلينا نخلص منها وترتاح بقي
ضحكت روحية الله يحفظك يا استاذ بيجاد بس كده من عنيا دا انا بحب ام فرح حب يالهوي
بيجاد / بت اوعي تعملي كده انا بهزر حطيلها قرص واحد هي كمان يلا عندها ولاد خليها تربيهم بقا
روحية \ ماشي يا استاذ بيجاد اعتبره حصل اعتمد عليا
بيجاد /وحاجة كمان انا حبعت عربية لامي الساعة تسعة بلظبط فاهمتي يا روحية ايه اللي حا يحصل يتنفذ بالملي اوعي اي غلطة في التوقيت حنروح ورا الشمس
بااااك
ماجد/يابن اللعيبة دماغك دماغ محترفين ايه يابني الابداع ده استاذ
بيجاد بغرور /دي اقل حاجة عندي علشان تعرفوا قيمتي بس
اشجان /يلا بقي بينا بدل ما تعك علي دمغنا اتاخرنا قوي
ماجد /ماشي يا مامي توصلي بسلامة يارب
التفت اشجان لماجد
اشجان / خالي بالك من اختك يا ماجد اوعي تخليها محتاجة حاجة
ماجد/ اختي في عنيا يا امي ما تقلقيش عليها وجوزها كمان راجل محترم و حيافظ عليها
اشجان /و انت حسك عينك حد يحس بجوازك مراتك شكلها بنت حلال وعاوزة تعيش ابعدها عن سكة فاطمة مهياش قدها فاطمة غلاوية
ماجد/ ربنا يستر بقا متقلقيش يا امي كله بيعدي
بيجاد مال علية شكلها حتبات بفستان الفرح يا خبتك
ماجد / بيجاد روح احسلك روح علشان متخربش اليله عليك
سلام ماجد علي ولدته وبيجاد ووصلهم لحد الباب
رجع بيجاد ومد راسه من الباب يا خبتك وجرا
فقل ماجد الباب وهو يضحك علي خفه دم اخوه فهو يعشق إخوانه حد جنون
دخل لقي هند مازالت بفستان الفرح و قاعده علي السرير
ماجد/ في نفسة يالهوي يا بيجاد شكل كلامك صح
و يا خيبتي الله يسمحك يا فاطمة توبتيني عن جواز كله
دخل علي هند كانت جالسة على السرير
ماجد/ القمر بتاعي قاعد كده ليه بقا زعلان ولا ايه
هند/ بكسوف حعمل ايه بس انا كنت خائفة احسن مامتك ما تحبنيش
قرب منها ماجد وضمها في حضنة جامد وكأنه بيحتصن العالم فيها
ماجد / و امي مش حا تحبك ليه بس هند انا بحبك قوي ونفسي اكمل حياتي كلها جنبك خليكي جانبي واوعي تبعدي عني اوعي يا هند
هند/وانا استحالة ابعد عنك انا لما صدقت لقيتك يا ماجد ضمها بشده يبث لها الامان واخذها معاه لعالم من الاحلام لتصبح زوجته امال الله
بخلاف الحال عند مروة
يوسف /افتحي الباب بقي يابنت الناس انا تعبت انا بقالي يومين واقف على رجلي علشان اجهز كل حاجة علشان الشقة
مروة/ شوفلك اوضة تانبة نام فيها انا مش حدخلك
يوسف /عيب في حقي لما انام في ليله مقترحة زي دي في اوضة تانبة افتحي بقا
مروة / وانا مالي دي مشكلتك مش مشكلتي انا حلها بعيد عني عاوزه اكل وانام
يوسف /ايه هو الاكل كمان عندك جوا لا بقي ده ظلم انا جعان مليش دعوه
مروة/ قامت قربت من الباب يوسف انت جعان بجد
يوسف /قوي جعان جدا جعان خالص حموت من جوع والله
مروة / و ايه العمل صعبت عليا خالص أعمل انا ايه دلوقتي حفتحلك و امريكا لله
يوسف / افتحي طايب اكل اي حاجة و اطلع علطول خالص
مروة /حتطلع علي طول ماشي يا يوسف
يوسف / بمكر عيب عليكي حا طلع علي طول بس اكل جعان جداا
فتحت مروة الباب ببطء و بحرص شديد
زق يوسف الباب ودخل أخيرا دخلت يا ساتر
مروة/الاكل اهو اتفضل كل واطلع
قرب منها يوسف بزمتك ده يوم نفكر في فأكل ده يوم مقترج و انا لما صدقت دخلت تعالي بقا اقولك
مروة بصوت عالي جداا /يوسف اطلع احسلك حصوت و ألم عليك الناس
يوسف / مروة أعقلي بقا انتي مراتي في ايه
مروة / بعصبية يوسف اطلع بقااا
يوسف/ بغضب مش طالع يا مروة بقا و ريني بقا
حا تصوتي ازاي انا مستني
وقاعد ياكل وما بصلهاش
حاست مروة أنها زودتها معاه قربت منه
مروة/ بصوت واطي علي فكرة أنا جعانه انا كمان قوي
يوسف /الاكل اهو انا شبعت خلاص تصبحي علي خير
مروة / يوسف انا اسفه مكنتش اقصد بجد انا خايفة قوي
يوسف /ولا يهمك انا حنام بدل هدومه و دخل علي سرير وعطاها ظهره ونام
احست مروة بلذنب اتجاه يوسف ومش عارفه تراضيه ازاي قربت من السرير وقاعدته جامبة
مروة/يوسف يوسف
رفع راسه من تحت الغطا نعم يا مروة خير أنا تعبان وما نمتش بقالي يومين
مروة/ منا كمان عاوزة انام ومش عارفه
يوسف/ بنفاذ صبر ومش عارفه ليه تنامي يا مروة لأكون مضايقك أن نايم علي سرير
مروة/ لا خالص مش كده وقد اصتنعت العياط اصلي مش عارفه افك الفستان من ورا
يوسف/ و ايه لازمة العياط دلوقتي افهم
مروة/ اعمل ايه طايب حنام ازاي دلوقتي
يوسف/ خلاص بقي الولي اللي بينزل من عيونك ده انا مقدرش علية وريني كده الفساتين الوحش ده اللي مزعل حبيبي قلبي
لفت مروة عطته ظهرها بدأ يوسف فتح سوسته الفستان ووطي علي رقبتها يقبلها بحنان شديد إلي أن تنتهي من فتحها لف وشها إليه والتهم شفتها في قبله طويله انسي بها العالم من حوله وذهب بيها الي عالم جميل ملييء بلعشق والحب والحنان
وعند بيجاد وصل البلد مع ولدته ودخلها للداخل واطمأن عليها وذهب إلى اسكندرية مرة أخري
دخل غرفته في الفندق كانت مسك نايمة من التعب غير ملابسة ودخل جمبها شدها لحضنة ونام
وفي صباح اليوم التالي
استيقذت مسك لقت نفسها في حضن بيجاد فضلت تنظر إلي وجه و تملي عينيها من ملامحة فا هي عاشقة حد النخاع تعشق بيجاد بكل جوارحها
فتح بيجاد عينه والتقت عينها بعينة وبدأت لغه العيون تبعث لكل واحد مدي اشتياقه الآخر
ضمها بيجاد لحضنة وأخذ يضع قبل علي كل وجهها باشتياق و حنان
بيجاد/وحشتني قوي يا مسكي بحبك يا قلبي تعالي جو حضني قوي يا قلب بيجاد من جوا بحبك بعشقك يا قلبي
مسك / وانا كمان بحبك قوي نفسي افضل العمر كله في حضنك و ما طلعش منه ابدا
بيحاد / ضمها اكتر ومين قالك أن انا حطلعك من حضني يا قلبي
فاقا علي صوت الهاتف
بيجاد/ ده وقتك يا امجد خير نعم
امجد/هههههههههههه هههههههههههه خير يا عريس اتصلت في وقت غلط شكلي صح
بيحاد /بغيظ صح نعم عاوز ايه اخلص
امجد معاد الدكتور ايه انت ناسي احنا خلاص قربنا نتاخر
بيحاد/ اخ والله كنت ناسي أتصدق خلاص خلاص نصايا وحنكون تحت
امجد/ماشي سلام اوعي تنام تاني
بيجاد/ خلاص بقي دانت ثقيل امشي
وقفل بيجاد الخط ورجع امسك
بيحاد./مسكي معلش قومي يلا علشان معاد الدكتور اتاخرنا
مسك ماشي عشر دقائق و اجهز
وفي ابلد
فاطمة بصوت عالي /روحيه انتي يابت انتي يا زفته يووو
روحيه / جت تجري نعم يا ست فاطمة خير جيت اهو
فاطمة / ساعة علشان تيجي نايمة على ودانك اجري اعملي قهوة دماغي حتفرقع مني مش عارفه في ايه اول مرة انام النوم ده كله
روحية بشبه ابتسامة حاضر يا ست ام فرح حلا القهوة حالا
جرت روحية و هي كاتمة الضحك علي مطبخ
دخلت عليها اشجان
اشجان /ورحيه اعملي فنجان قهوه للحاج صداع جامد عنده
روحية / عيوني يا ست الحاجة حالا حتي الست ام فرح هي كمان صبحا رأسها بتوجعها شكلها فرا
اشجان/ بضحك اتلمي يابت احسن حد يا خد باله
دخلت فاطمة ياخد باله من ايه يا حاجة
انخفضت روحية ووشها جاب اللوان
اتعدلت ليها اشجان
اشجان / بصوت عالي حاد نعم يا فاطمة خير هما البنات مش هنا حا تستلميني انا ولا ايه لا عندك انتي تتكلمي معايا باحترام انا أقول هنا اللي انا عاوزه في الوقت اللي انا عاوزه مافهوم انا هنا صاحبة البيت
فاطمة وشها اتاخد اول مرة اشجان تكلمها كده
فاطمة/ هو انا قلت حاحة يا ست الحاجة. انا بس بسال البت روحية
اشجان / وانا اللي بتكلم معاها ولو كنت عوزاكم تعرفوا بقولها ايه كنت قلت معني كده انا مش عوزاكي تعرفي عندك اعتراض يا فاطمة
فاطمة/لا خالص يا ست الحاجة تسلمي
والتفت فاطمة لروحيه ممكن بقا القهوة ولا أخش اعملها أنا بنفسي
روحية/ لا خلاص حالا ايه خلصت اتفضلي يا ام فرح قهوتك ايه
وفي اسكندرية وفي عياده الدكتور
تم الكشف علي ندي وكانت في شهر الخامس و طلع في بطنها بنوته
ومسك لسه في شهر الثالت و لسة نوع الجنين مبانش بس الوضع كويس
خرجوا من عياده الدكتور
مسك/ عاوز اروح لعطر علشان اشوفها قبل ما اسافر
بيجاد / ماشي يا قلبي حاخدك عند عطر عاوزة حاجة تانبة
ندي / أنا بقي عاوزة اخش سنيما و اتغدي برا
امجد/يا سلام غالي وطلب رخيص ياندوش
بيجاد/ تمام نروح نزور عطر وبعدين نطلع علي سنيما ونتغدي و بعدين نتوكل علي الله نسافر
امجد/ حضرت كلام اللي حتقوله لابوك يا خفيف لما ترجع من غير مروة استعد الطوفان
بيجاد/ يعني انا بعمل ناسي علشان ما عكننش اليوم علي بنات و انت زي البومة مش مبطل بقولك ايه يا امجد سبنا نقضي اليوم و بعد كده يحلها ربنا من
عنده بقي واللي يحصل يحصل انا عارف ومتأكد أنها مش حتعدي ببلاش و فيها خسائر بس خلاص بقينا امر واقع و لازم نتعامل معاه ومروة تستاهل نضحي علشنها
امجد/ ربنا يستر بقي تعالي يلا ننزل وزي ما تيجي
وعند عطر فتحت الباب لقت مسك و ندى عطر ايه مفجاءة الحلو دي خشوا انفضلوا ليه كده يا مسك ما قولتيش ليه انكم جاين
مسك /عطر احنا مش مطولين انا جيت اسلم عليكى علشان مسافرة انهاردة
عطر/علي طول كدة يا مسك ملحقتش اشبع منك
مسك /اه احنا مروحين و ربنا يستر علي حا يحصل بقي
عطر /علشان مروة صح ربنا يستر بس ابقي طمتيني عليكي
مسك /حاضر يا قلب اختك معلش بقي حقوم انا علشان امجد وبيجاد مستنيا في عربية و اتاخرنا عليهم
عطر /ماشي يا حببتي ترجعي بسلامة وما لكيش دعوة بفاطمة انتي في حالك و هي في حالها وخدي بالك من النونو
نزلت مسك و ندي من عند عطر و عنين مسك مدمعة علي فراق اختها
ندي /ايه يا مسك وحدي الله بقا ما انتي كل يومين عندها اهو
مسك /غصب عني واللهي يا ندي عطر دي حته من قلبي وربنا يعلم
ندي اكيد مش تؤامك يا بني ربنا يخليكم لبعض
وفي عربية بيجاد بيكلم ماجد وفاتح الاسبيكر علشان امجد
بيجاد/ صباحووووووو يا عريس ايه ياعم نمت في صاله ولا لسه
ماجد/ بس يلا هو انا تلميذ عيب عليك انا ميجو الجامد قوي
بيجاد / والله تلاقيها نامت بالفستان
امجد/ اوبا اوبا صحيح يا ماجد نامت بالفستان
ماجد /اتلم منك له ياض دانا اقوم بعشرة زيكم
بيجاد/ يا ماجد ياجااااامد اللعب يلا هو ده
ماجد اقفلوا بقا انا مش فاضلكم عيال رخمة
فتح باب العربية و ركبت ندي و مسك
بيجاد /ها تمام يا بنات عا وزين بقي تخشوا فيلم ايه
مسك/ رومانسي طبعا مافيهاش كلام
ندي /اه طبعا اوعوا تكونوا عاوزين تدخلونا خيال علمي
امجد/لا انتم تؤمرا اللي انتم عاوزينه
دخلوا السنيما و طلعوا اتعشوا و استعدوا للسفر وصلوا البلد بليل وكان الكل نايم
امجد/خشوا براحة خالص علشان محدش يصحي مش عاوزين مشاكل بليل خلينا ننام مرتاحين
بيجاد/ اه عندك حق معنديش استعاد اخش في صراعات خالص
طالعوا ناموا وفي صباح اليوم التالي نزل بيجاد ومسك وكان الكل متجمع علي سفرة
امجد./ مش تباركلنا ندي حتجيب بنوته أن شاء الله
اشجان/ الف مبروووك يا حببتي ربنا يكملك علي خير
ندي/شكرا يا امي تسلمي
محمود / اعملوا حسابكم العريس قريب فاطمة جاي يشوف. مروة انهاردة و بص بعنية اللي هي فين مروة ما ما نزلتش فطرت معانا ليه شكلها لسة زعلانه علشان العريس اللي رفضته فكرها أنها كده بتضغط عليا بتحلم طبعا
اطلع يا بيجاد انده عليها و قلها بطلي دلع واللي انا عاوزة هو اللي حا يتنفذ
وقف بيجاد مكانه مش بيرد
محمود/ بيجاد انت مش سامع انا بقول ايه ولا ايه
بيجاد/ سامع يا بابا
محمود بعصبية لما انت سامع و اقف مكانك بتعمل ايه
قام امجد وقف جانب بيجاد
محمود / في ايه شكلم عاملين مصيبة كبيرة اخلصوا في ايه
امجد/ بصراحة يا بابا مروة اتجوزة امبارح
محمود / ايه مين مسمعتش سمعوني يا رجالتي بتقولوا ايه كده
بيجاد/ بنقولك مروة اتجوزت امبارح دخلتها كانت امبارح
وفجاءة محمود رفع ايده ونزل علي وش امجد وبيجاد
شهقت مسك وقامت ندي وقفت و أيدها علي بوقها من مفجاءة
اشجان /محمود انت ايه اللي عملته ده انت عمرك ما ايدك اتمدت علي حد من عيالك قبل كده في ايه يا محمود
فاطمة/ ماهو اللي عملته مروة ده ما يصحش يا حاجة
اشجان / هو ايه اللي ما يصحش هي هربت من ورانا
واتجوزت لا دي اتجوزت في وسط اخواتها الرجالة وجوزها اخدها من ايد اخوها الكبير يعني ما عملتش حاجة من و رانا وانا كنت عارف. يا فاطمة كلمة تانية علي مروة مش حسمح بيها ما فهوم مروة هنا خط احمر
فاطمة / هو انا اتكلمت بس كنت بقول علي الأصول
اشجان/ و بنتي ما اتعدتش الأصول انتم اللي اتعدتوها لما عاوزين تجوزها واحد اكبر منها و متجوز اتنين غيرها يبقي مين اللي بيعدي الأصول
محمود/مروة بالنسبالي ماتت
