رواية حب المشاغبين الفصل الثامن والعشرون بقلم حنين هانى
مازن. ده الموضوع لو طلع بجد انا مش هسكت بس لازم اتاكد الاول ومشي
تاني يوم الكل بيجهز عشان يرجعو
واقفه بيلا بتكلم مامتها
بيلا. انا مبسوطه اوي بجد يماما حاسه انى بقيت احسن من الاول بكتير حاسه انى مرتاحه اكتر المهم طمنيني عليكي انتي كويسه طبعا عارفه انك زعلانه عشان لوحدك بس انتي الي مش راضيه تمشي من البيت
هاجر. ياحبيبتي انا مقدرش امشي من البيت واسيب ريحته ابوكي دي هي الي مصبراني علي فراقو
بيلا بحزن. وحشتني اوى ياماما الحياه من غير حضنو صعبه اوي
هاجر. بقولك ايه يابت انتي مش طلبه نكد هو جالي وقالي محدش يعيط عليا تاني لو وحشتكو وافتكرتوني ابقو ادعيلي ومش تعيطو فا اسكتي عشان لو عيطي هو كده مش هيجيلي تاني
بيلا. خلاص انا هسكت المهم حد بيعملك حاجه من عمامي
هاجر. لا محدش يقدر يعمل حاجه دلوقتي خلاص كل واحد وقف عند حدو ومفيش حد يقدر يعمل حاجه تاني ولا يكلم عليكيبيلا. طيب كويس ربنا يهديهم
هاجر. يارب يلا بقا عشان انا هقفل عشان اخلص تنضيف
بيلا. ماشي ياحبيبتي مع السلامه واقفه بيلا بتبص علي مراد مش موجود بترن عليه تشوفو فين
انتا فين
مراد. انا فوق
بيلا. طيب ماتنزل
مراد. مش عارف انزل دراعي شداد عليا اوي مش قادر اتحرك منو
بيلا. انتا اتخبطت فيه ولا اي
مراد. لا بس وجعني اوي
بيلا. طيب انا هطلعلك
مراد. لا طبعا مش هينفع انا هحاول انزل
بيلا. اسكت انتا دلوقتي وقفلت
راحت لمريم
بقولك ايه يامريم
مريم. اتفضلي يادكتوره
بيلا. انا دلوقتي مش دكتوره المهم تعالي معايا عايزكي في حاجه
مريم. ماشي راحت معاها وطلعو هو احنا رايحين فين
بيلا. مراد تعبان اوي فوق ومكنش ينفع اطلع لو لوحدي قولت اخدك معايا
مريم. ماشي يلا
استغربت بيلا ردة فعلها اي ده هي مش قلقانه عليه معقوله الكلام الي قالتو طلع حقيقه وطلعت مش بتحبو وطلع تعود يارب يطلع كده بجد
طلعو فضلو يخبطو وهو مش عارف يفتح من الوجع لقت بيلا واحده بتنضف ومعاها كرت يفتح كل الاوض
بيلا. يانسه بعد اذنك معلش عاوزين نفتح الاوضه دي
البنت. خير في حاجه
بيلا. ايوه حبيبي تعبان جوه ومش قادر يقوم يفتح
البنت. طيب اهدي وانا هفتحلك وراحت فتحت الباب جريت ودخلت لقت مراد التعب باين عليه اوي
بيلا. حصل اي مش كنت كويس
مراد. مش عارف حاسس بوجع جامد لدرجه اني مش قادر ارفعو
بيلا. طيب المفروض ننرن علي الدكتور فين تلفونك بسرعه وخدت الفون ورنت علي الدكتور ودخلت البلوكه عشان الشبكه
مريم. سلامتك يامراد
مراد. شكرا يامريم
جبتلو ميه عشان يشرب
اتفضل اشرب وهتبقا كويس ان شاء الله
بيلا. يادكتور الحقني مراد مش قادر يحرك دراعو خالص وتعبان اوي اعمل ايه
الدكتور. طيب اهدي عشان اعرف اي الي حصلو هو اتخبط فيه ولا حاجه ولا عمل اي مجهود وشال حاجه
بيلا. لا ولا اي حاجه مره واحده كده
الدكتور. طيب اهدي بسيطه خالص دلوقتي هيعمل كذا تمرين بعدها هيبقا كويس ويجيلي انهارده وبدأ يشرحلها تعمل اي
بيلا. تمام ماشي وراحت لمراد
وبدأت تعملو التمارين
مراد. مش قادر مش قادر خلاص بالله عليكي حاسس اني بتشل
بيلا. اسكت خالص علشان انتا السبب عشان قولتلك بلاش تتطلع انتا تعبان انتا الي خدت الموضوع بسهوله وقولت انا كويس شوف نتيجه دلوقتي تعبان مش عارف تتحرك ولسه ورانا سفر والمفروض تروح انهارده للدكتور عشان يشوف ده حصل من اي
سكت مراد ومردش عليها وهي بتعملو التمارين وهو مش قادر من الوجع وساكت خلصت
بيلا. حركو كده
حرك مراد دراعو براحه
احسن من الاول
بيلا. ماشي اتفضل اغسل وشك وهات شنطتك ونزل يلا يامريم وخدتها ونزلت
مريم. انتي كلميته بطريقه جامده اوي بصراحه
بيلا. عشان هو مهمل انا قولتلو من الاول بلاش هو مسمعش الكلام
مريم. بتحبيه اوي كده
بيلا. اوي بصراحه ومش بقدر اشوف فيه حاجه
مريم. اممم انتي واقعه خالص بقا
بيلا. للاسف
مريم ضحكت. طيب المهم بقا عشان قبلتي فراوله انا عاوزه منك طريقه اصالح بيها احمد بصي انا عملت....... ومن ساعتها مش بيرد عليا خالص انا لما اعدت من نفسي عرفت اني غلطانه وحسيت كمان من ناحيتو بحاجه فا انتي اختو واكيد عارفه بيتصالح ازاى
بيلا. اقولك ومتضحكيش
مريم. قولي
بيلا. بيتصالح بكرشو لما بكون مزعلاه بصالحو باكله حلوه
مريم.طيب ده حلو ده
بيلا. اه شوفتي
مريم. خلاص انا عرفت هعمل اي
بيلا. اشطا عليكي نزلو تحت لقو مازن جاي عليهم
مازن. انتو كنتو فين
بيلا. كنا بنجيب حاجه من فوق
مازن. متاكده انك كنتي بتجيبي حاجه من فوق بس
بيلا. دكتور هو في حاجه حضرتك بتتدخل في حاجه متخصكش يلا يامريم
مازن. حاجه ولا كنتي عند حبيب القلب ماشي كده حلو بعدها شاف مراد نازل بصلو بقرف ومشي
واقف مراد علي جنب
مريم. شكلو تعبان اوي
بيلا. خليه يستاهل
مريم. وده من قلبك
بيلا. لا بس خليه
بدأو يركبو الاتوبيس وكل بيركب مازن. اتفضلي مكانك يادكتوره
بيلا. معلش يادكتور انا هعد وراه معاهم وسبتو ورجعت وراه مع الشباب
مازن. ماشي يابيلا واعد مغلول منها وبعد تلت ساعات وصلو القاهره نزل كلو من الاتوبيس لقت بيلا احمد مستنيها واقف اول ماشافها حضنها. وحشتيني اوى يابلبل
بيلا. انتا كمان وحشتني اوى
احمد. انتي كويسه
بيلا. ايوه انا زي الفل اي مش هتسلم علي خطبتك ولا اي
احمد. ازاي دي خطيبتي وسلم عليها انتي كويسه
مريم. ايوه
احمد. ماشي
بيلا. اي ده هو ده السلام يابني مش تتطمن عليها تشوفها كويسه ولا لا مش تقولها انتي كويسه فينك يارومانسيه وسبتهم ومشيت قدام عشان يقفو لوحدهم
مريم. انا اسفه عارفه اني غلطانه حقك عليا وبعدين بصراحه انتا وحشتني وعشان كده انا عزماك عندى على محشي بكره
بارت 29
احمد. لا لو فيها محشي فانا موافق وخلاص مش زعلان
مريم. خلاص اتفقنا
عند بيلا واقفه مستنيه تشوف مراد هيعمل اي عاوزه تروحلو بس مازن واقف ومش عايز يمشي
بيلا. وبعدين هيفضل واقف تعبان كده طيب وبعدين فيها اي هو مالهوش دعوه اصلا انا حره في حياتي اعمل الي عايزه وراحت لمراد وهو واقف وبيبص عليها
بيلا. مراد انتا كويس
مراد. لا بصراحه مش كويس انا تعبان اوى واقف مستني ريان ويونس هيجو يخدوني ونروح المستشفى
بيلا. طيب بص تعالي اركب معانا وهما يحصلوك علي المستشفى
مراد. لا يابيلا عشان محدش يتكلم ويقول حاجه انا هستنا اخواتي
احمد. اومال هو مراد مالو
مريم. مش عارفه مره واحده تعب من دراعو ربنا يشفيه
احمد.طيب تعالي نروحلو
مريم. اوكي
احمد. انتا كويس تعالي
مراد. هبقا كويس متقلقش
احمد. طيب يلا بينا نوديك المستشفى
بيلا. مش راضي اعده بقولو وريان ويونس يجو علي المستشفى مش راضي
احمد. لا تعالي هما يحصلونا وخدو وركبو ورن مراد علي ريان يجيلو علي المستشفى كل ده وواقف مازن يتفرج ومستغرب هو اي الي بيحصل ومين الي حضن بيلا وازاي يعرف مراد ومريم تعرفهم ده شكل الموضوع كبير اوي وانا لازم اعرف كل حاجه بعد شويه وصلو المستشفى وسند احمد مراد ودخلو المستشفى دخل مراد اوضه الكشف وبدأ يكشف علي مراد وبيلا ومريم واقفين بره جوم ريان ويونس ومعاهم مراتتهم
عائشة. اي يابيلا مراد كويس
بيلا. لسه بيكشف وسلمت عليهم
يونس. ماما لو عرفت هتبهدل الدنيا عشان فضلت تقولو متسافرش
ريان. ياعم متقلقش هو كويس ممكن بس من الجبس تنشك يامراد ضعيت علينا الخروجه
سهيله. نفسي اعرف انتا جايب قلبك ده منين يابني ده اخوك
ريان. يابنتي منا عارف الله اسكتي بقا انتي اصلا بومه ملكيش خروج تاني اعدو يهزرو مع بعض لغايت مايخلص مراد بعد شويه طلع الدكتور
الدكتور. متقلقوش ياجماعه هو بقا كويس
يونس. كان عندو اي
الدكتور. نام على دراعو غلط فعشان كده حصل شويه التهابات وفكينا الجبس وبقا كويس خلاص وطلع
مراد. انا اسف قلقتكو عليا
ريان. مارو حبيبي لو ملقناش عليك هنقلق علي مين يعني
يونس. بس اسكت طيب ياجماعه انا عازمكو كلو علي الغدا ومفيش رفض يلا بينا
احمد. طيب ياجماعه معلش تتعوض مره تانيه
ريان. لا مفيش منو الكلام ده ده كفايه وقفتك جمب مراد واحنا مش موجودين يلا
احمد. امري لله ومشيو كلهم وراحو مطعم علي النيل يتعشو
ريان. يعيني كل الاعده هنا كابلز معدا بيلا ومراد يخساره عليكو ياسناجل
عائشه. خلاص ياريان متجيش علي احزان حد اقولك انا اصلا جايبه لبيلا عريس اي رايك
بيلا. عريس اي بس ياعائشه
عائشه. اخويا ده واد قمر وكويس جدا وهتحبيه اوي انتي بس وافقي
ريان. اسكتي عشان شكلك هتباتي بره البيت انهارده واكيد عارفه السبب بصت عائشه لمراد لقتو شايط
احمد. خلاص ياجماعه انا اختي عريسها موجود اصلا بس هي مش موافقه اول متوافق هعزمكو كلو واولكو مراد طبعاً
مراد في نفسو اه طيب والله ماهسكت وقام عن اذنكم ياجماعه داخل الحمام وراجع تاني قام مراد ومشي حست بيلا انو اضايق بس معرفتش تقوم وكملو اعده طلع مراد بره المطعم وطلب بوكيه ورد كبير وفي خاتم ودخل المطعم تاني يظبط الدنيا مع بتاع الموسيقى وفضل واقف بره ربع ساعه لغايت ماجيه البوكيه ودخل المطعم وواقف في نص المطعم
مراد. بيلا بصت بيلا ليه واقفه مستغربه هو واقف كده ليه وجاب البوكيه ده امتا والكل انتبه لي مراد.يُحكَى في الحب أنّ العناق حياه وانا في عناق حبك مشدود كيف لا أحبك أكثر من نفسي وكل نبضة من نبضات قلبي تخفق باسمك! ليت لي قلباً أكبر لأحبك كما يليق بك فأصبح من نصيبك قلبي لا يريد غيرك حبيباً له ولا يريد شريك غيرك أنا لا أنظر لأحد مثلما أنظر إليكي فأنتي امتلكتي عيني قبل أن تمتلكي قلبي لا أريد شيئاً من الدنياغير حبك وغير حنانك فأنا أشعر أنّني أخذت نصيبي من الفرح حين أحببيتك أعترف لكي أنّ كل شيء أجيد الاكتفاء منه إلّا تفكيري بكي وحين يسألونني عنك سأقول: سعادة دخلت حياتي ولا أريد أن تزول. عندما أحببيتك أصبحت أرى كل الأشياء أنتي أتعلمي لماذا؟ لأنّك كل شيء من حولي وإنّ للحب معانٍ مختلفة في قلبي وعقلي وعيني فالقلب طفل في المشاعر. وفي القلب أدعية لا تنتهي لأجلك. وما كنت أؤمن بالعيون وسحرها حين رأيتك و اذا فعلت أي شيء صحيح في حياتي،فهو إعطاء قلبي لكي انا بحبك عايزك تكوني شريكه حياتي عايز اكمل حياتي معاكي عشان محبتش غيرك قلبي مدقش غير ليكي عنيكي خطفتني من اول مره شوفتك فيها انا بحبك يابيلا وعايز اقولك اني هيعيش اميره علي قلبي هشيلك في عيني قبل قلبي بحبك وبقولك ك
قدام كل الناس دي تقبلي تكوني شريكه حياتي
واقفه بيلا مصدومه وهتموت من الفرحه بصت لخوها وهز راسو ليها
بيلا. موافقه وراحلها ولبسها الخاتم وادها البوكيه وبدأ الكل يسقف ليهم ويباركو ليهم
