رواية قلوب ارهقها نبضها الفصل التاسع والعشرون
مسك / خلاص يا بيجاد حتتوكل علي الله
بيجاد / اه يا مسك يادوب علي ما اوصل المطار
انهارت مسك و اترمت في حضن بيجاد
مسك / علشان خاطري ما تسبنيش روحي بتروح متي تحياتي يا بيجاد بلاش تسافر وتسبني قلبي مش مطمن مش يمكن اموت وانا بولد
بيحاد/ بحزن شديد مسك بالله عليكي ما تصعبهاش عليا انا مسافر و فيا اللي ماكفيني كفايا قلقي عليكي بجد مش قادرة
مسك / كفايا أن انا حولد من غير ما تكون جامبي يا بيجاد
بيجاد/ روحي حتكون معاكي يا حببتي ربنا يخليكي ليا ويقومك بسلامة بحبك يا مسكي
ماجد / ما خلاص بقي ياعم بيحاد ده كلهم ست شهور مش مهاجر يعني
طلعت مسك من حضنه وودعته و دموعها علي خدها خرج بيجاد من باب السرايا و عيون مسك عليه
فاطمة / ما خلاص ياختي مشا بطلي شويتين بتوعك دول و اجري علي مطبخ شوفينا حنتغدي ايه اخلصي
مسك / بصتلها من فوق لتحت وسابتها و مشت
جرت فاطمة جابتها من شعرها
مسك ماسكت بطنها / اه اه سيبي شعري انت بتعملي كده ليه في ايه يا فاطمة
فاطمة/ انتي هنا مسك بنت فايز كلاف البهايم الخدامة اللي جاية تخدمي علينا فاهمة.
مسك شدت نفسها من وقالت لها بغضب شديد وبصوت عالي / حسد عينك ايدك تمد عليا تاني اوعي تكوني فكراني ضعيف لا انا مش ضعيفة خالي بالك
و بصي بقا يا فاطمة علشان انتي زوديتها قوي معايا انا هنا زي زيك زي ندي مافيش حد احسن من حد الله يكرمك عدي ايامك. معايا بصي يا ستي اعتبرني مش موجود خالص ماشي
فاطمة/ لا يا ماما انتي بتحلمي اصلا انتي هنا خدامة عارفة يعني ايه خدامة و خلاص اللي كان بيدافع عنك بح مافيش طار
سابتها مسك وطلعت اوضتها ودموعها سبقاها
وبعد ساعة طلعت روحية تناديها علشان العشاء
روحية/ ست مسك يا ست ادخل
مسك / تعالي يا روحية وانا قلتلك أن اسمي من مسك وبس
روحية / ابتسمت لها طايب يلا. بقا انا حاطيت الأكل تحت وقلت اطلع انادي عليكي
انتي ما اكلتيش حاجة من امبارح ده غلط علي نونو يلا بقي انزلي كلي قبل ما يخلصوا علي الاكل
مسك / هما قاعدو ياكلوا
روحية / اه من بدري
مسك/ ما حدش كلف خاطرة يطلع ينادي عليا
روحية / بصراحة استاذ ماجد.كان طالع بس انتي عارفه حكم القوي عليه
ابتسمت مسك شبه ابتسامة يلا بينا يا روحية
نزلت مسك كان الكل متجمع علي سفره و بياكل
دخلت مسك / مساء الخير و قاعدت ماكنها من غير ما تبص لحد
نظر لها محمود نظرة ليس لها معني ولكن انقبض قلب مسك منها
تعمدت مسك تجاهل نظراته و انشغلت في الاكل
اشجان/ عاملة ايه دلوقتي يا بنتي
مسك / الحمد لله يا امي
اشجان بيجاد ما اتصلش بيكي يطمنك عليه
مسك / لاء لسة ملحقش يوصل
اشجان/ يوصل بسلامة يارب
بصت مسك لندي وقالت لها/ ندوش اخبارك ايه دلوقتي واخبار البيبي
ندي/ مش بنام خالص يا مسك نفسي انام
مسك / خلاص هاتيها عندك شوية ونامي انتي
ندي/ بفرحة ونبي يا مسك كتر خيرك طول عمرك جدعة
فاطمة / بصت لمسك بنت مين اللي حا تخديها
مسك باستغراب بنت ندي انتي ايه مشكلتك
فاطمة/ ياسلام امال مين اللي حا يشيل وينظف مطرح الاكل ده كله و يغسل المواعين
مسك / وروحية فين يا فاطمة انا تعبانه حامل
فاطمة /اخدت اجازة من بكرا يكون في معلومك انتي حتقومي بشغلها لحد ما هي تيجي
مسك / و ما تقوميش انتي بشغلها ليه علي ايدك نقش الحنا علي الاقل انتي اللي الوحيده اللي فاضية فينا لا ليكي شغله و لا مشغله اشغلي نفسك بقا بشغل البيت
بصت ندي لمسك و ابتسموا
فاطمة اتغاظت من كلام مسك و قالت لها / لما انا فاطمة بنت كبير البلد تشتغل في البيت بنت كلاف البهايم تعمل ايه
ردت مسك بكل هدوء انا هنا مش مسك بنت فايز انا هنا مسك مرات بيجاد ابن العمده يا فاطمة يعني كرامتي من كرامته ولا ايه يابا العمده كلامي في حاجة غلط
انتبه العمدة ليها / اه عندك حق انتي هنا مرات بيجاد صح بس مؤقت هانت
ركزت مسك في كلمة هانت
مسك / يعني ايه مؤقت انا مش فاهمة
بصلها محمود نظره خاليه من التعبير و قام من علي الاكل
التفت مسك لاشجان
مسك / ماما كلام العمده يقلق قاصده ايه باللي قاله يعني ايه مؤقت و هانت هو ناوي يعمل ايه
اشجان/ كبري دماغك يا مسك ما تقوفقيش عند كل كلمة كده اهو كلمتين بيفك بيهم عن نفسة اعملي نفسك ما سمعتيش وخلاص
مسك / ماشي يا امي ربنا يستر قلبي مش مطمن
وقامت مسك طلعت علي أوضتها وكلام محمود برين في اذنها
فجاءة رن تليفونها اتخضت مسك
جرت علي تليفون افتكرتوا بيجاد لكن طلع المتصل عطر
مسك / الو أيوة يا عطر اخبارك ايه يا حببتي و محمد عامل ايه يا قلب اختك
عطر / بعياط شوفتي يا مسك محمد و عميله انا مش حاسكت
مسك / بخضة خير يا عطر محمد زعلك في ايه عمل ايه اخلصي
عطر / مش راضي يوديني عند الدكتورة
مسك / بلهفة انتي عيانه يا عطر خير مالك يا حببتي فيكي ايه بيوجعك
عطر/ مش عيانه يا مسك بس عاوزة اروح اعرف الحمل اتاخر ليه لحد دلوقتي
مسك / اتصدقي بالله يا عطر انتي هبله حمل ايه اللي اتاخر انتي ما كملتبش سنة جواز
عطر انتي حتتكلمي زي محمد هو كمان بيقولي كده
مسك / بلهفة عطر اقفلي دلوقتي بيجاد بيرن عليا
فتحت الخط علي بيحاد
مسك / حبيبي وحشتني طمني عليك يا قلبي وصلت بسلامة
بيجاد/ عمر بيجاد و روح بيجاد انا في مطار يا حببتي لسة واصل وقلت اول حاحة اتصل اطمن عليكي انتي بخير يا مسكي و النونو بخير
مسك / انا والنونو مشتاقين ليك حتجنن عليك يا بيجو ببجد حته مني ضايعة انا بحبك قوي يا قلبي
بيجاد / و انا بعشقك يا ملكة روحي وحياتي يلا يا حببتي حقفل معاكي علشان الشنط و صلت
مسك /؛ماشي يا حبيبي لا اله الا الله خالي بالك من نفسك يا روح القلب
بيجاد/ محمد رسول الله بحبك و خالي بالك من ابني
قفل بيجاد السكة مسك مش قادرة تتحكم في دموعها
و بعد شوية مروة اتصلت علي مسك
مروة / الو يا مسك اخبارك ايه طمنيني بيجاد وصل بسلامة
مسك بصوت مخنوق / اه الحمد لله يا مروة وصل وكلمني
انتي عاملة ايه ومبروك الحمل يا حببتي ربنا يكملك علي خير
مروة / ويقومك بسلامة هو انتي في شهر الكام يا مسك
مسك/ انا في اخر السادس كام يوم و واكون في السابع خلاص هانت
مروة /علي خير يا حببتي وندى عاملة ايه كويسة. نونو عسل كده
مسك مشاء الله جميله يا مروة مش بتبطل عياط و ندي يا حرام نفسها تنام
مروة / هههههههههههه معلش في الاول بس
طمنيني الحرباية عاملة معاكي ايه بعد بيجاد ما سافر اوعي تسكتلها علشان لو حاست انك ضعيفة مش حا تسيبك في حالك
مسك عيب عليكي حابت تعمل الشويتين بتوعها عليا بس ما سكتلهاش عاطتها فوق دمعها و بزياده كمان
مروة / حلاوتك يا مسك يا جااااااااامد
مسك / بس تعرفي انا الخوف من بباكي علشان لو ادخل حيكون في صفها هي وانا مش حاقدر اتكلم و انتي عارفه
مروة/ حاولي يا مسك انجنبيها احسن واتقي شرها بس لو جت جامبك ما تسكتلهاش
مسك / في حاجة تانبة يا مروة بباكي بيتكلم كلام غامض انا مش فاهمة منه حاجة بس قلبي مش مطمن من الكلام
بدأ الشك يتسرب لقلب مروة كمان لأنها اكتر الناس درايه بوالدها
قفلت مروة مع مسك الخط وسرحت في نفسها يا تري يا حاج محمود ناوي علي ايه شكلها مش خير انت عمرك ما بترميي كلمة مش قاصدها ربنا يستر بقا
