رواية معجزتي الصغيرة الفصل الثانى بقلم نوران احمد
محمود : اديني دخلت الزفت المول اللي بيتكلم عنه بقي عصبي ولا يطاق اي حد حاجه تقرف اي اللي مصبرني بس ياربي اي ده في اي ماله الراجل ده بيتحرش بالبنت اللي بتشتغل في المكا بس بصراحه هي مزه احم لازم اساعدها اول ما قرب جري الراجل ولفت البنت وضربته تحت الحزاممحمود بوجع : ااااه الله يحرقك يا بعيده دمرتي مستقبلي نسلي هيقف اهو ده اخره اللي يساعد البنات اليومين دول
منه : انا انا اسفه جدا بس الحيوان ده كل يوم ييجي ويحاول يقرب مني وبقيت اخاف ف قولت هعلمه الادب النهار ده ف عشان كدا جت فيك بعتذر وبعدين المفروض العالم كله يشكرني اني وقفت نسل القمر ده لو في نسخ منك الدنيا هتبوظ يا مز انت
محمود : نعم يا انسه انتي بتقولي اي متاكده أن هو اللي حاول يتحرش بيكي مش العكس اصل مش معقول بصراحه اي البنات دي عمركم ما شوفتو شاب حليوه قبل كدا
منه بابتسامه : نورت يا فندم اقدر اساعد حضرتك ازاي وفي سرها كلكم مصطفي ابو حجر رجاله عرر وفجاه جري طفل عليها وهو بيقول
زين : خالتو خالتو وحشتيني اوي تعرفي اني قدرت اهكر اكونت الواد اللي قولتي عليه ونسخت كل حاجه في الفون بتاعه عندي علي الجهاز فاضل بس أننا نبدا نهدده هنبدا أمتي اي ده هو مين ده تعرفيه
منه : الله يخربيتك فضحتني وبوظت سمعتي عند الراجل
محمود : ده علي أساس أن سمعتك كانت حلوه عندي من الأساس مشغله الواد مخابرات ليكي عليه العوض في الخالات يا شيخه ولا انت تشبه حد أنا اعرفه اوي
زين بضيق : لو مش جاي تاخد حاجه من هنا امشي احسن مش فاضي للرغي الكتير يلا يا خالتو بقا بسرعه قبل ما تيجي ماما
سحب محمود خصله شعر وهو بيطبطب علي رأس زين بابتسامه بعد زين ايده عنه بضيق ومشي
محمود : اقسم بالله هو لازم يكون ابنه عره وعصبي زي أبوه الله يحرق نسلك يا فارس عشان نرتاح كلنا ومشي
زين : فهميني بقا يا خالتو ازاي الراجل ده بيشكل خطر علي ماما انا معايا كميه مستندات توديه في ستين داهية بس عايز اعرف الحكايه
منه : ولا انت مستحيل تكون طفل عنده ست سنين لا انت دماغك اكبر مني ومعلوماتك كبيره عكسي انا وامك جبت منين الكلام ده ياض
زين : مش زنبي انك واحده جاهله انا بحب أطور نفسي علي قد ما اقدر عشان احمي امي لانها تعبت كتير في حياتها بسببي وبتشتغل طول الوقت عشان توديني المدرسه
منه : اه ما هي متعرفش انك رجل عصابه وليك في الاستثمار وعلي قلبك فلوس قد كدا والأهم انك مش طفل كانت ريحتنا كلنا
زين : ومع ذلك مش عارف ازاي اصارحها هي عارفه اني ذكي بس مش لدرجه اني اكون مساهم في شركات وعندي أسهم مش مهم كلامي اكبر من أن عقلك يفهمه اقفلي بقك ده وفهميني الراجل ده اذي امي ازاي
منه : ولا يخربيتك ياض انت ده انت عيل حربوق وفاهم كل حاجه معرفش اي ده بص يا عم انت لسه طفل ف مقدرش اقول ليك الكلام الكبير ده بس الراجل ده اذي امك نفسيا زمان
زين : اه تقريبا فهمت انتي قصدك لما كان السبب انها تكون حامل وخلي ابنها يروح للي خلقه و اتسبب انها متخلفش وطردها بره البيت هو وأمه وخد فلوسها كلها وعمل بيها شركه يعني استغلها بأفضل طريقه ده الحوار
منه : ولا انت تعرف الكلام ده منين ياض انا نفسي معرفش حاجه عن الكلام ده كنت عارفه أن الحيوان ده اكيد هو سبب اي مصيبه مرت عليها في حياتها بس مفهمتش ازاي انت جبت الكلام ده جبت الكلام ده منين وادام عارف كل ده جاي تسالني ليه وتقول اذي امي ازاي عاملي فيها قال يعني بري
زين : كل دقيقه عندي مهمه جدا وبحب استفيد منها في الوقت اللي كنتي بترغي فيه جمعت المعلومات لاني مهكر الشركه بتاعته والفون و اللاب توب بتاعه وجمعت كل الفولدرات اللي فيها اسم امي وفهمت كل حاجه
منه : يبقا تفهمني بقا اي اللي حصل بالضبط عشان أنا دماغي عملت ايرور من كلامك اي الحوار ياض انطق
زين : وده بمقابل اي وقتي بفلوس ومش فاضي هتفيديني هقولك كل المعلومات اللي عندي
منه : انسان مادي حقير واطي ماشي ماشي يا جزمه هعزمك علي بيتزا وكريب واللي انت عايزه
زين : كدا تمام صفقه مربحه وبعدين مش غلط تقولي الألفاظ دي قدام طفل لما تيجي امي هقول ليها
منه : لا بقولك اي ياض انت جو وحوار الطفل ده تعمله علي امك الغلبانه أما أنا ف مقتنعه انك واحد متجوز ومطلق مرتين اخلص. احكي
زين : مش عارف ليه مش قادرين تصدقو أننا في عصر السرعه والتطور علي اي حال اللي اسمه كريم ده عشان يكبر بسرعه دخل في صفقات كتير مشبوهه عشان يعلي بسرعه ودور علي بنت اكبر رجل اعمال عشان يتجوزها ويستغلها وبالشكل ده هو كبر قدرت استثمر عنده واخد كميه اسمهم في الشركه مش قليله ومستني الضربه المناسبه عشان اوقع الشركه دي بالفيديوهات والورق اللي مش بس هيفضحه ده هياخد تأبيده في السجن بسبب عمايله دي بس زي ما انتي عارفه طبعا كل حاجه في وقتها حلوه وانا شغال مع صحابي علي شركته وقريب هتسمعي بيها اتدمرت وأنه انتهي
منه بصدمه : انت انت مين ياض انت انطق بسرعه عندي فضول ثانيه واحده انت قولت انك هتعوض امك عن اللي حصل ليها ازاي بقا يا ابو العريف
زين : انا طاقتي خلصت مبقتش متحمل النسبه دي من الغباء انا هتصرف بطريقتي انتي ملكيش دعوه مامي جت مامي جت وحشتيني اوي يا مامي ليه اتاخرتي كنت قلقان عليكي حد زعلك ولا ضايقك اروح اتخانق معاه
دنيا وهي بتحضنه : لا يا روحي مستغناش عنك ابدا لو حد ضايقني هجري اقولك علي طول معلش يا روحي كان عندي شغل كتير بس هعوضك هنتغدا بره النهار ده وهعدي اخدك من المدرسه بكرا اي رايك
زين بفرحه : انتي احلي مامي في العالم انا بحبك اوي بس خالتو منه قالت إنها هنعزمنا النهار ده
منه : اه يا عيل يا خبيث طبعا ما أنت مش عايز امك تدفع حاجه من جيبها ده انا هطلع عين امي أنا بس اصبر عليا
دنيا : والله جدعه يا منه فعلا اختي يلا بينا نطلب خلصتي شغل ولا لسه مالك بتبصي لزين كدا ليه هو في حاجه عملت حاجه زعلت خالتو يا زين
بص زين بضيق
منه بقلق : لا لا مفيش ابدا ابنك ده بلسم ده بيتحط علي الجرح يطيب يا شيخه مش معقول كدا يا سبحان الله قدامي يا عين خالتو ربنا يوريني فيك يوم
في اليوم التاني
زين : مامي مامي يلا قومي كفايه كدا خالتو عملت الفطار
دنيا : حاضر يا حبيبي خلاص اهو هطلع … اش اش اش اي الحلاوه دي من أمتي الحنيه الي نازله عليكي دي انتي كويسه يا منه
منه هي طالعه من الحمام : اي هو في اي عامله دوشه ليه علي الصبح الله اي الفطار الحلو ده
دنيا : نعم مش انتي اللي عامله الفطار ده اكيد دفعتي كتير فيه
ضري زين رجل منه
منه : ايوه أيوه انا اللي عاملاه جالي حافز قولت اجيب فطار من بره بقا
في شركه كبيره دخل محمود مكتب كبير وهو بيقول بفرحه
محمود : فارس لقيت ابنك اللي اختفي من 7 سنين اخيرا
