رواية بنت السارق الفصل الثالث
( من داخل قسم الشرطة )
الظابط احمد : احنا مش متاكدين يافندم اذا كان سليم ورا اللى حصل ده ولا لا ….. مفيش دليل ضده ولا حاجة نثبتها ….
الظابط جاسر بغضب : وانا بقولك هوه سليم …… اشمعنا حصل ده وانا مسافر ؟؟؟ ….
حالا دلوقتى تطلع اذن نيابة وتطلع حملة وتروح تفتش بيت سليم حتة حتة اكيد مش حيكون لحق يتصرف فى الفلوس اللى اخدها …..
الظابط احمد : حاضر يافندم …
الظابط جاسر بغضب : ماهو انت لو شايف شغلك مظبوط …… كنت عملت كده اول ماهربوا منك ……. مش تستنى لما انا اجى عشان اديك الاوامر …. انا مبلغك بكل حاجة …..
الظابط احمد : يافندم ..
قاطعه الظابط جاسر بسرعة وبغضب وقائله : اتفضل نفذ اللى قولتهولك منغير مناقشة …..
الظابط احمد : حاضر يافندم ….. ومشى احمد …
( فى بيت سيف )
حضرت ( سهر ) الفطار لسليم وسيف وقالت بصوت عالى : يلا تعالوا على السفرة الفطار جاهز ….
بص سيف لسليم وقالوا : خليك انت هنا دلوقتى ….. حروح اكلمها فى موضوع الجواز الاول وياريت توافق وبعدين حنادى عليك ….
سليم بقلق : ماشى …… بس احساسى بيقولى انها حتوافق ….
سيف : انا اتمنى …. وخرج ….
خرج سيف من الاوضة وساب سليم وغاب شوية فى الكلام مع سهر وبعدين رجع لسليم وقالوا : مبرووك ياسليم امى موافقة على الجواز …..
سليم بفرح : بجد ؟؟ يبقى الفرح الخميس الجاى بكره علطول ……. اكون لحقت جبت شقة العروسة ورتبت امورى ….. وراح مطلع سليم شنطة الفلوس وبيطمن عليها ….
وقفه سيف بسرعة وقالوا : احنا لسة مقسمناش الفلوس دى بينا ؟؟!!
رد سليم بسرعة وقالوا : لا الفلوس دى مش حتتقسم …… دى لشقة العروسة ولزوم الفرح ….. وبعدين بقى انت ليك الشقة دى لوحدك تتصرف فيها براحتك ….. انا حجيب لسهر شقة تانية …..
سيف بغيظ : يعنى ايه ؟؟؟ ده مكانش اتفاقنا من الاول ياسليم …..
سليم : ومكنش اتفاقنا برده ان كل ده يحصل ….. ولا كنت عامل حسابى انى اجوز امك سهر هيه جت كده بقى حبقى اعوضهالك العملية الجاية تبقى كل الفلوس ليك لوحدك …..
اتنرفز سيف جامد من كلام سليم وحاول يدارى غيظه منه وفكر شوية وقالوا : اللى تشوفه ياسليم …..
سليم : ايووه كده ياسيف …. بحبك وانت بتسمع الكلااام … وخرج سليم بره الاوضة لسهر وقالها : مبروووك ياعروسة …
سهر بكسوف : الله يبارك فيك ياسليم ….. الفرح بكره كمان ؟؟؟ انا سمعاك وانت بتتكلم مع سيف …..
سليم : اه … ايه رايك بقى موافقة …..
سهر : طبعا موافقة …….بس حتلحق تجهز الشقة فى يوم ؟؟؟
سليم : كل حاجة حتجهز النهاردة ياسهر …. انا سليم ياسهر انتى لسة متعرفنيش….. انا لما بحب اعمل حاجة بعملها …..
( فى بيت فريدة )
قامت ماسة وملك من نومهم تانى يوم ……. وجهزوا نفسهم ونزلوا على كليتهم كالعادة وهما لسة زعلانين من فريدة ومن اللى عملته مع ابوهم …..
وبعدها بشوية دق الباب على فريدة جامد وورا بعض اتفجعت فريدة وجرت بسرعة على الباب وفتحت وهيه متنرفزة وبتقول : فى حد يخبط كده ؟؟؟
الظابط جاسر : سليم موجود هنا يادكتورة ؟؟؟
اترعبت فريدة اول ما شافت الظابط جاسر وردت بخ..وف : لا سليم مش هنا ….
الظابط جاسر : بعد اذنك ممكن نفتش البيت ….
فريدة بخوف : اتفضل …. بس هوه مش هنا …. ايه اللى حصل ؟؟؟
وبعد ما فتشوا البيت راح الظابط احمد قال للظابط جاسر : ملقناش اى حاجة فى البيت يافندم …..
الظابط جاسر لفريدة : انتى هنا لوحدك ؟؟؟
فريدة بخوف : اه …. وبناتى فى كليتهم من الصبح …. وسليم ساب البيت من امبارح ومجاش …… انا قولتلك انه مش هنا قبل ما تفتش ……
الظابط جاسر بأسف : احنا آسفين على الازعاج يامدام ….. يلا بينا يااحمد …..
وخرج الظابط جاسر مع الظابط احمد من بيت فريدة ………..
وبعدين فكر شوية وبص لاحمد وقالوا بعص..بية : انا عاوزك تحط مراقبة من دلوقتى على بيت فريدة ….. واول ما يظهر سليم تبلغنى علطول …….
وتعمل تحريات عن كل صحابه وكل اللى يعرفهم وكل الاماكن اللى بيتردد عليها دايمآ وتفتشها …… انا لازم ألاقى سليم باى شكل …..
الظابط احمد : حاضر يافندم …. حيحصل …..
وبعد ما خلصت ماسة وملك اول محاضرة فى الكلية …… خرجت ملك واتصلت بسيف ….
ملك بقلق : الوووو ايوه ياسيف انت لسة زعلان منى …
سيف : مش بعرف ازعل منك ياملك …..
ملك وهيه بتعيط : انا محتجالك ياسيف ….. محتجاك جمبى الفترة دى …..
سيف : حصل ايه ياملك ؟؟؟؟
ملك : عاوزة اشوفك ممكن ؟؟؟
سيف : حتلاقينى واقفلك على باب الكلية فى نفس المكان النهاردة …….أول ما تخلصى محاضراتك حتلاقينى ….
ملك : متتاخرش عليه ياسيف ….
سيف : مش حتأخر يا ملك … بس ياريت اختك متبقاش معاكى ماشى …… عاوز اعد انا وانتى لوحدنا … عشان متزعلنيش منك تانى …..
ملك : ماشى ياسيف ….. اختى مش حتيجى ….
خلص اليوم وخلصوا محاضراتهم …… راحت ملك بصة لماسة وهيه مدمعة وقالت : سيف حيجيلى النهاردة بعد الكلية ياماسة …… وحعد معاه شوية لوحدنا ….
ماسة : وتتاخرى تانى ياملك ؟؟؟ انا مش حينفع اروح البيت منغيرك ….. ماما حتسألنى عليكى …. حقولها ايه ؟؟
ملك : طب وبعدين ياماسة ؟؟؟؟ انا لازم اشوف سيف النهاردة …..
ماسة : انا مبرتحش لسيف ده ……. اقولك على حاجة روحى شوفيه ياملك عشان متزعليش ومتتاخريش ……
انا حستناكى هنا فى الشارع لحد ماتيجى ياملك مش حينفع اروح البيت …. ححاول اكلم بابا اطمن عليه لحد ماتيجى انا قلقانة عليه اووى ….
ملك : ماشى ياماسة وطمنينى عليه ياحبيبتى ……
ماسة : متتأخريش يا ملك انا بخاف اقف لوحدى كده ومفيش حد معايا …..
ملك : ماشى ياماسة مش حتاخر متخافيش …… معلش اتحملينى النهاردة ياماسة …
ومشت ملك وراحت لسيف لقته مستنيها فى نفس المكان …..
ملك بوجع : وحشتنى ياسيف …
سيف : وانتى كمان ياملك …. مالك ايه حصل ؟؟
ملك : هوه بابا بيشتغل ايه ياسيف ؟؟؟ وانت بتشتغل معاه ايه ؟؟؟؟
سيف باستغراب : وايه لزوم السؤال ده ….. ابوكى رجل اعمال وعنده شركته ياملك …. وانا بشتغل معاه ….
ملك : امال ليه ماما علطول بتتخانق معاه …… ليه دايمآ فى مشاكل بينهم وعلى ايه ؟؟؟
سيف : ده شئ طبيعى ياملك فى اى بيت ….. متشغليش بالك بيهم …..
ملك : طب ممكن اطلب منك طلب ياسيف …..
سيف : اطلبى ياملك ….
ملك : ممكن تصالحهم على بعض ياسيف …… وتخلى بابا يرجع لماما تانى …… احنا مش عارفين نعيش وهما بعاد عن بعض كده ولا انا ولا ماسة …….
سيف بدهشة : انتى بتقولى ايه ياملك ؟؟؟؟ مش حينفع طبعآ ………
ملك : مش حينفع ليه ياسيف ؟؟؟
سيف : ابوكى فرحه بكره ياملك …..
ملك مصدومة : انت بتقول ايه فرحه بكره ؟؟؟؟ فرحه على مين بكره ؟؟
سيف : اهى واحدة زي اى واحدة مين ازاى يعنى ؟؟ …… ابوكى حيجوز ياملك ومش حيرجع لامك تانى ……
ملك : مش ممكن …. مستحيل ……. كل حاجة انتهت كده ….
سيف بضيق : انتى ليه تاعبة نفسك كده انا مش عارف ……. هما احرار ….. مدام انا وانتى مع بعض الدنيا ومافيها ياملك ……. صح ولا انتى ليكى راى تانى …..
ملك مدمعة : صح ياسيف ….. مليش راى تانى …..
اتاخرت ملك على ماسة كتيييير وهيه واقفلها فى الشارع لسة لوحدها ……….. راحت ماسة مطلعة الموبايل عشان تتصل بيها وتشوفها اتاخرت ليه …….
وفجأة لقت اتنين شكلهم غريب ويخوف جايين عليها اترعبت جدآ ماسة منهم واول ما قربوا منها واحد منهم قالها : انتى بقى بنت سليم صح ؟؟؟؟
بعدت عنه ماسة بخوف وقالت : انت تعرف بابا منين ؟؟ انتوا مين ؟؟؟
وبسرعة الراجل التانى راح شد منها الموبايل والشنطة اللى كانت فى ايديها ووقعها فى الشارع فى الارض ……..
صرخت ماسة جااامد وقالت : الحقوووونى ……الحقووووووونى ……
جريوا الاتنين بسرعة ……… وواحد منهم قالها قبل مايمشى ابقى بلغى ابوكى باللى حصل ده متنسيش واحمدى ربنا ان احنا سيبناكى سليمة …….
