رواية قلوب ارهقها نبضها الفصل الواحد والاربعون
قامت اشجان بحصره و حزن شديد ودخلت. أوضه لوحده و كلمت محمود
اشجان / الو يا محمود عامل ايه
محمود/ الحمد لله و صلتي امتي ولاقيتي ماجد مستنيك
اشجان/ لسة واصلة بقالي نص ساعة ولقيت ماجد مستني بقولك ايه يا ابو ماجد انت
ايه مش مشتاق لاحفادك قلبك لسه محنش تشوفهم
محمود/ اشجان متدخليش نفسك احسلك وقفلي خالص علي كلام علشان متطلعيش خلقي عليكي
اشجان / خلاص يا محمود اللي يريحك بس انا حبيت ابلغك أن عيالك حيعملوا سبوع جماعي بكده حجزو في في فندق فلسطين في المنتزه لو حابب تعالي شارك عيالك فرحتهم وكون كبرهم و بركاتهم
ولم عيالك زي ما كنت دائما بتلمهم حواليك
محمود / اقفلي يا اشجان انا عاوز انام هما اللي خرجوا عن طوعي ملهومش حاجة عندي
اشجان / بس دول عيالك من لحمك ودمك
محمود بصوت عالي
اشجااااان قفلي بقا علي موضوع وسبيني أتخمد بقاااااا
و قفل التلبقون في وشها
خرجت اشجان وعلي وشها خيبة أمل كان عندها امل أن قبله يحن ولكنها نجحت فعلا وقلبه بداء بتحرك
قام محمود اتوضي وصلي و ماسك المصحف وقاعد يقرأ في كتير و ما ما يقرأ جزء من سورة البقرة مفعول العمل و السحر يقل عمله
قام محمود وبدل ملابسه واستعد للسفر الاسكندريه
قامت مسك وجلست بجوار اشجان ترحب بيها لاحظت دموعها علي خدها
حاولت مسك تتجاهل أنها رأت دموعها حتي لا تحرجها وقالت لها بحب:
ماما ممكن تخشي المطبخ معايا اصل بصراحة مش عارفة اعمل المغات خالص
ابتسمت اشجان و قالت لها :
من عنيا يا بنتي ربنا يردلك الغايب و يفرح قلبك و يعوضك علي كل لحظة حزن عشتيها و يديكي علي قد صبرك يارب يا مسك يارب
مسك؛
الله دي احلي دعوة سمعتها والله
اشجان :
هو بيجاد مش ناوي ينزل بقا ولا ايه
مسك بقهر:
ما عدتش ينفع خلاص يا ماما كده احسن لفارس علشان مستقبله لو رجع حيبقي بعاري العمر كله وعلي ايه هناك حيتعلم احسن و ياخد شهاده من بلاد برا و حيبقي تمام أن شاء الله
اشجان /
ويبعد عن حضنك يا حبيبتي وانتي تنحرمي منه ليه حسبي الله ونعم الوكيل فيكي اللي كان السبب
طايب بقولك ايه يا مسك ما تسفريلهم انتي
مسك بضحك :
ما هي هي هو المفروض ميعرف أن انا أنه خالص افرضي صادف لما يكبر و بيقلب علي نت طلع قدامة فيديو بتاعي مش وارد يحصل كده
اشجان يقهر:
وارد يا بنتي كل حاجة وارده بس انا سمعت أن صاحب يوسف شاله
مسك. /
اولا متشلش من كل مواقع و مش حنقدر نجازف بحاجة زي كده يبقى بعيد احسن لما يتكسر و هو في حضني
اشجان / ربنا يصبرك يا ضنايا و يديكي علي قد نيتك الطيبة يا مسك
مسك / يارب يلا بقي علي مطبخ معايا خلينا نخلص اللي ورانا
دخلت مسك مع اشجان و بدأو في عمل المغات
اشجان / مسك هو فين السمسم مش شيفاه
مسك / عندك اهو علي رخامة هناك يا ماما
اشجان / اه خلاص لقيته اهو
دخلت مروة / الله علي ريحة يجنن تسلم ايده يا شوشو
اشجان / يابت يا اونطجية
مروة / لا بجد ريحته تجنن قوي أنا عاوزة كويايه حالا
اشجان / انا بعماكم كلكم
مروة كتري مكسرات في كوبايتي انا بنتك برضوا
مسك / يا سلام يا ختي هي بالوسطا لاء بقا أنا حاخد اكبر كوبية و مكسرات اكتر منك
مروة بتلقاءة وبدون ما تشعر/ يا سلام يا ختي لا بقا انا برضع وانتي لاء اكبر كوباية من .....
حاست بنفسها أنها عكت دنيا التفت مسك الحوض تداري دموعها
بصت اشجان لمروة بصة لوم وعتاب
مروة / مسك حقك عليا انا اسفة بالله عليكي ما تزعلي انا اسفه واللهي انا اسفة حقك عليا
مسك / في ايه يا مروة محصلش حاجة و مين قالك أن مش برضع انا رضعت لوجي حبيبت قلبي هي كمان ينتي يعني انا بردو ليا اكبر كوباية مغات ولا ايه يا ام ماجد
اشجان بدموع
ولا ايه يا حببتي اول كوباية و احلي كوبيه ليكي و بلعند فيهم كلهم دخلت عطر وندي وهند
هند/
اده بقا اده تعالوا شوفوا الكوسه اللي هنا ماما اشجان انا كمان مرات ابنك مش مسك بس جرت ندي جنبهم وانا وانا كمان بقا اشمعنا هي
ضحكت اشجان وحضنتهم كلهم كلكم بتاني
عطر / وانا كمان و لا ايه
اشجان / وانتي كمان يا حببتي قبليهم ولا ايه
دخل محمد / في ايه يا بنات الشغل ورانا كتير يلا بقا شدو حيلكم خلونا نخلص لسة في حمص كتير عاوز يتلف
رن جرس الباب و سمعوا صوت يوسف برا
يوسف انا بقا جايبلكم اكلت سمك هتاكلوا صوابعكم وراها
خرج محمد رحب بيوسف
محمد / ليه بس كلفت نفسك كده يا يوسف هو مافيش اكل عندنا ولا اية
يوسف / ازاي بقا انتم بيت كرم بس انا عارفة انكم مشغولين في عمايل حاجات ال سبوع و ما حدش فاضي من البنات يعمل اكل و ما فيهاش حاجة احنا كلنا أهل ولا انتم بتعتبروني غريب عنكم
ماجد / بصوا بقا افضلوا اتكلموا كتير كده لحد السمك ما يبرد انا حموت من الجوع اصلا طول اليوم بلف علي رجلي و حاقعد اكل مليش دعوه بقا
اتجمعوا علي سفره في جو أسري جميل ولسة هيبداو الاكل الباب خبط
ماجد مين ده اللي حماته بتحبه وجاي اخر الليل ده
قام محمد فتح واتفاجئ
محمد / اهلا وسهلا حضرت العمده شرفت و انست اتفضل
دخل محمود. و عينة علي كل القاعدين
قاموا أولاده جره عليه ماجد وامجد و مروة
دخل محمود وعينة علي يوسف و مسك
لمحته مسك ولسة حتقوم من علي الاكل عطر وندي ماسكوا ايديها علشان ما تقومش
دخل محمود السلام عليكم لا سلام علي طعام
قام يوسف ورحب بيه
بوسف / اهلا يا عمي اتفضل
محمود / مبارك ما جالك يتربي في عزك يا بني
يوسف تسلم يا حاج
ماجد يلا بقا انا جعت يا ناس جعااااان مش قادر
محمد / اتفضل يا حاج لقمة علي ما قوسم
قاعد محمود ياكل و مش قادر يرفع عينه في مسك
مسك مش قادرة تاكل ولا تقعد معاه علي سفره واحده
بيرفع محمود عينة جات على هند
محمود/ متعرفناش أنتي مرات ماجد صح
قامت هند من مكانها وراحت باست ايده وقالته شرف ليا أن اتعرفت عليك يا حاج ماجد حكالي عند كتير
محمود حاس اد ايه أنه كان مغيب وظلم عياله كتير عينيه دمعت وداري دموعة
يوسف ؛
يلا يا جماعة خلصوا اكل ورانا شغل كتير بداء الكل يأكل ومسك دمعتها محجره ومش قادره تبلع الاكل خالص
قامت مسك من مكانها
مسك / سفره دايما يا جماعة انا حعمل الشاي لحد ما تخلصوا اكل
اشجان/ بس انتي ما اكلتش حاجة يا مسك
مسك / الحمد لله شبعت انا كمان طول النهار بلقت مليش نفس
نظرت اشجان لمحمود نظرة لوم وعتاب
جرت مسك علي مطبخ و مش قادة تمسك دموعها اكتر من كده انهارت دموعها
دخلت عطر و كانت اكتر حد حاسس بيها
اترمت مسك في حضن عطر
مسك / بقهر ااااه مش قادرة واللهي ما قادرة اتحمل اكتر من كده بجد كتير عليا كل اللي بيحصل ده الكل عمال يضغط عليا مش قادرة يا اختي قلبي بيت*قطع من جوا قلبي نا*ر في قلبي نا*ر قايده و ما حدش حاسس بيا اااه الصبر يارب الصبر. مجرد ما شوفته كأنه شريط بيتعاد قدامي حاسيت نفس الاحساس اللي حاسيتة لما رماني في نص الليل برا و انا بوطي علي رجله ابوسها يسبلي ابني اربية و الحربايه واقفه وراه عماله تشعل*لها بجد بقرف لما بشوفهم بجد بقرف يا عطر غصب عني محدش حاسس بالي جوايا
دخلت هند عليهم وهي عارفه حالة مسك
هند شدتها من حضن عطر وقلت لها بكل قسوة :
مافيش وقت لا نهيارك يا مسك ما عندكيش وقت تنهاري فيه ارفعي راسك و اطلعي واثبيتيلوا انك اقوي من الاول و الضربة ما كسرتكيش بالعكس دي قويتك وصنعت منك مسك تانية فاهمة
مسك / مش قادره يا هند انا استحملت فوق طاقتي ده لو جبل كان زمانه أتهد
رن تليفون مسك في خارج
مروه بصوت عالي
مسك مسك تليفونك شكله بيجاد
انتبه محمود علي الاسم و بص لا شجان
اومأت اشجان برأسها بمعني اه و فاهمت أنه عاوز يسألها أن بيجاد عرف انها عايشة
خرجت مسك اخدت التليفون من مروة ودخلت اوضتها من غير ما تبص لحد و قفلت عليها الباب من جوا
فتحت مسك الخط
مسك / بدموع بيجاد محتجاك قوي جنبي انا حاسة زي ما اكون يتيمة من غيرك اااه مش قادرة استحمل اقسم بالله ما عدت قادره
لببحاد بلهفة و خضه/ في ايه يا مسك ايه اللي حصل مالك يا قلبي فيكي ايه يا حببتي قوليلي بقا
مسك / في أن انا معدتش قادرة استحمل خلاص مش قادر. يا بيجاد مش قادرة افهم بقا
بيحاد / طايب يا حببتي ممكن تهدي شويا و فاهميني ايه اللي حصل
مسك / بباك عندنا هنا يا بيجاد و متزعلش مني انا مش قادرة اقعد معاه في مكان واحد غصب عني يا بيجاد هو ما عملش فيا شوية صحيح فاطمة اس البلاوي بس التنفيذ كان بايده هوا
بيحاد / عندك حق يا مسك بس يمكن راجع ندمان علي حصل
مسك / ايه ندمان علي ايه اوعي تقولها ندمان علي ايه ولا ايه و لا ايه علي شرفي اللي اتمسح بيه التراب و لا ابني اللي حيشيل عاري ولا اسمحة علي بعد ابني عني في اهم مرحلة في حياته وأن انا اتحرمت من أن ارضعة أو اشم ريحة اسامحة علي معاملتة و اهانته ليا طول فترة قاعدتي معاكم طايب قولي انت يا بيجاد اسامحوا علي تفرقته بنا و ضياع الحب اسامحة علي رميته ليا في نص الليل بقميص النوم و سافري من بلد لبلد و معايش حق التاكسي حتي
قولي بالله عليك كل ده يخلص بكلمة ندمان و لا اسف
انطق يا بيجاد لأكون ظلمته
بيجاد / ممكن تهدي يا حببتي عندك حق في كل كلمة انتي قلتها بس اهدي و غلاوة فارس اهدي
خبط الباب ودخلت عطر و مروة وهند وندي
ندي / مسك لوجي جعانه وانا مش فاضية اتفضلي بنتك بقا رضعيها
ماسكت مسك لوجين وبدأت ترضعها مروة اخدت تليفون وطلعت تكلم بيجاد برا
مروة / ايوا يا بيجاد عامل ايه يا حبيبي
بيجاد/ ايه يا مفعوصة ازايك و لا كبرتي و بقيتي ام خلاص و ما بقتيش مفعوصة
مروة / ها فضل طول عمري مفعوصة ولا انت ايه رايك
بيجاد / مروة هو بابا عرف طريق بيت عطر ازاي
مروة / من الواضح كده أن ماجد كان عارف إن بابا جاي يبقي ماجد هو اللي اكيد قاله بس ما تقلقش علي مسك بابا جاي متغير وبدأ يفوق لنفسة ويرجع بابا بتاع زمان
بيجاد/ رجع بس بعد ايه يا مروة رجع بعد ايه ما خربت خالص بعد ما عدتش في مجال للرجوع خلاص الله غالب يا اختي ربنا وحده بس هو اللي يعلم الغربا هنا قاسية عليا ايه كل ثانية بتعدي في بعدي عن مسك كأنها سنة رجع بعد ايه يا مروة انتي مش متخيلة انا محتاس بفارس اد ايه صراخه بليل وهو محتاج صدر امه ومحتاج حننها
بالله عليكي قوليلي انا حقدر ابص في وشه ازاي انا اتحكم عليا انا و ابني نفضلوا في منفا العمر كله
مروة/ ليه بتقول كده يا قلب اختك ربنا قادر علي تغير الحال قول يارب يا اخويا
رجعوا كلهم للشغل من تاني و الكل بيشتغل بحب و سعاده و لكن مسك متحفظة جدا ما رفعتش عينيها في محمود خالص. انتهوا اخيرا من عمايل الحاجة
جاء معاد الحفله المجمعة وطلعت اجمل ما يمكن عطر لبست اولادها زي بعض و مروة بنوتتها فستان وردي و ندي وهند والكل كان سعيد وفرحان
انتهي اليوم بسلام
استني محمود اليوم يخلص و راح علي بيت مسك
خبط الباب فتحت عطر
عطر حاج محمود اهلا اتفضل بس حد حصله حاجة
محمود/ لاء يا بنتي بس انا كنت عاوز مسك في كلمتين
خرجت مسك من اوضتها
مسك / خير يا حاج جاي تريح ضميرك بكلمتين ولا ايه من قبل ما تتكلم يا حاج اي كلمة حا تقولها مرفوضة مش حاسمعها انا لا يمكن اسامحك
عطر اسمعي عاوز يقولك ايه يا مسك بس
مسك / عطر لو سامحتي من فضلك ياريت تخشي تشوفي عيالك و سبيني مع العمده لوحدينا
ولا انت مايشرفكش تقعد مع بنت كلاف البهايم لوحدكم
محمود / مسك خلاص بقا و اسمعي كل اللي عاوز اقولهولك انا جاي طالب منك السماح مش اكتر من كده سامحيني علشان بيجاد يسامحني ابني كمان مش عاوز يسامحني علي اللي حصل
مسك السماح مقرون بالمقدره يا حاج وانا ما عنديش القدرة دي اسفة عمري ما حسمحك في حياتي عمري وابنك حر معاك يسمحك و لا ما يسمحكش دي حاجة ترجعله هوا لكن انا لا يا محمود بيه
مسك بنت كلاف البهايم بتقولك لا يا محمود بيه مش مسمحاك طول عمري ولا عمري حاسمحك في حياتي بحق بعدي عن ابني و القهر اللي مالي قلبي مش مسمحاك
وحقي عاوزاه منك يوم الموقف العظيم هاخده منك يوم متعرفش ترجعهولي يا حج يوم ربنا يسالك عن اللي عملته فيها ومتلاقيش رد
محمود / شكله ما منوش فايده كلام خلاص يا بنتي انا ماشي و مسافر خلاص
مسك / بسلامة يا حاج
قفلت مسك وراه الباب و انهارت في بكاء شديد
خرج محمود و هو يجر ازيال الخيبة. و الندم و ركب علشان يسافر ولكن يشاء القدر و تتقلب السياره بكل الركاب
