رواية ازاى اطفش عروسة بابا الفصل الثامن والاربعون بقلم اليا
غفـران شهقت _ " ممكن بقـا عندك عمى سندوتشات حاجة كـده شبه عمى الألوان .. "
جـلال كاتم ضحكته _ " عمى سندوتشـات قلتيلي بس انـا شايف حتة جبنة واقعـة على بيجامتك هي جت منين اعـترفي نت كلتيه صح ؟..
غفـران نفخت خدودها _ " أوف يا عمـو جلال بوظتلي مخططي انت بالذكاء ده لـيه ، لو بابا كـان صدق على طول خلاص يا غفـران خسرتي .. "
جـلال ضحك شالـها قعدها على رجله _ " عمـر مش غبي هو بس بيتغـابى عشان تفـضلي مبسوطة ، كـنت هعمل كـده لولا المـوضوع متعلق بصحتك .. "
غفـران مطت شفايفـها بزعل _ " هتقول لبابا صح انـا عملت كده عشان بابا يوافق على طلبـاتي .. "
جـلال ضحك _ " شقية يا غفـران جننتي عمر و مجننـانا معـاكي بس مكـنش ينفـع تغملي كـده قلقتينـا عليكي أوي مشفـتيش عمتو لـيلى زعلانة زاي ؟.. "
غفـران بتلعب بصوابعـها _ " آسفـة .. "
مستوعبش زاي طفلة قدرت تأثـر عليه ببراءة عيونـها خلته يمـشي معاها تدور على أمـها في الأوتيل اللي لمحتها آخر مـرة بتدخل من بابه ، بس ملقـتهاش ملهاش أثر ، راجعين إيدها فإيده و راسـها في الارض زعلانة ..
جـلال بيمسح على شعرها _ " مـتزعليش يا روحي أوعـدك هدور عليها و هلاقيها .. "
غفـران بزعل _ " أكـيد بابا عـارف هي فين .. "
جـلال اتنهد _ " عمـر ممكن يكون عارف بس مش هيقـول ، عنده أسبابه المفروض نحترمها بس أنـا تجاوزت حدودي و جبتك الـيوم تشوفي مامتك .. "
غفـران مطت شفايفـها _ " فهمت المفـروض بابا ياخدني أشوفها خلاص يا عمـو ممكن تاخدني عند بابا ، هكـون بنت شاطرة هسمـع الكلمة عشـان يوافق .. "
جـلال ضحك _ " شطورة العناد مع عمـر مش هيجيب اي نتيجة تكسبيه ببراءة عـيونك .. "
غفـران بصت له _ " كـده .. "
جـلال لف وشهه الناحية الثـانية _ " لا متأثريش عليـا ، عمـر هو الهدف مش انـا خليني اوصلك بسرعة عند باباكي قبل ما تقنعـيني أطير بيكي على القمـر .. "
غفـران ضحكت _ " يلا طيرني لعـند بابا .. "
طار بيها عند أبـوها على الشركـة ، و بمجرد ما خرجت من المصعـد معاه جريت على مكـتبه حاولت تفتح لقـته مقفـول استغربت قبل ما جلال يوصلها كانت جريت على مكـتب جابر خبطت على بابه و دخلت على طول ..
جـابر اتفاجا بوجودها _ " غفـران .. "
جـلال اتنهد لحقـها _ " آسف يا جابـر على الإزعاج ، جبتـها تشوف ابوها بس ظاهر مش هنـا .. "
جـابر بيلعب في شعرها _ " غفـران تنورني فأي وقت ، بس عمـر مش هنـا سافر الـيوم الصبح هيغيب أسبوعـين ليه انتو معندكوش خبر .. "
جـلال مصدوم _ " عمـر سافر .. "
جـابر بلع ريقه _ " أنا كـنت هبعث حد غـيره بس هو أصر يمشـي كـان باين عليه محتـاج وقت يرتاح بعـيد عن الكـل بس متوقعتش يروح من غير ما يقـول لحد .. "
جـلال شاور بطرف عينه على غفـران _ " اكيد راح عشان الشغـل مهم و محدش غيره هيعرف يعمله صح ، هو مستعجل عشـان كده نسي .. "
جـابر بيجاريه _ " ايـوه صح هو أكـيد بعدما يوصل هيتصل على طول .. "
غفـران عيطت _ " بابا مشي و سابنـي .. "
جـلال قعد على ركبه قدامها بيمسح دموعـها بلهفة _ " لا يا عمـو متقـوليش كده ، عمـر بيحبك أوي .. "
غفـران زودت في عياطـها _ " لا ، بـابـا مبيسافرش بدوني يعـني مبقـاش يحبني .. "
جـابر _ " مش انت كـنت رافضة تشوفيه قام مشـي .. "
جـلال برق _ " إيه اللي يتقـوله ده يا جابر .. "
جابـر بهداوة _ " الحقـيقة ..
