رواية قلوب ارهقها نبضها الفصل الواحد والخمسون
فارس/ هو ده بقي الأغرب ما في الموضوع نفسة يا كبير
بيحاد / ليه بقا أن شاء الله اسمها ايه مش موجود في قاموس الاسماء
فارس/ استقبل يا بيجاد باشا اسمها الآنسة مسك
رفع بيجاد عينه في فارس و برق ولكن حصل ما اخرجة من الموقف لقد رن صوت جرس الباب و دخول مسك الصغيرة بشقاوتها المعتادة
مسك الصغيرة/ يا اهل الدار لقد اتيت اين انتم لما انت جيت يعني الفرحة جت الضحك جه البهحة جت
اده اده انا شامة ريحة محشي جايه من المطبخ انا داخلة مطبخ مين جوا يا ميرو
مروة بضحك علي طريقتها / حتلاقي هند و ندي
مسك صغيرة/بس ممكن تشاوريلي علي مطبخ في مغاره علي بابا دي
مسك الكبيرة / وهي بتسلم عليك مروة و بتحضنها
مسك / هو صيحيح يا مروة مين فيكم عزل ايه البيت الجديد ده بتاع مين والغريب أنه في نفس العمارة اللي انا ساكنه فيها ازاي محدش يقولي اخر من يعلم انا ولا ايه
في نفس اللحظة خرج بيجاد و فارس من البلكونه علي صوت مسك صغيرة
وقفت مسك الكببره مكانها وكأنها تمثال لا يتحرك جات عنيها في عنين بيحاد و شهقت و لكن مروة و ماجد نقذو الموقف بلغوشتهم علي موضوع
مروة بصوت عالي شد الإنتباه
مروة/ بردو مافيش فايدة فيك يا مجد نسيت تجيب بن يا بني هي قهوة بتقرصك
ماجد بنفس نبرة الصوت العالي
ماجد/ يووووو يا مفعوصة عليكي ما تقولي كل طلباتك مرة واحده
كل ده ومسك لسه مكانها وعنيها رايحة و جاية بين فارس و بيجاد و سرعة ضربات قلبها تكادو تكون مسموعة لكل من حولها
كاد توازن مسك يختل لو أن فارس جري عليها و لحقها بين دراعته
استنشقت مسك رائحة فارس وكان روحها بترجع لها
فارس قال فارس فجاءة بدون سبب
حضرتك كويس تحبي نطلب دكتور
هزت مسك رأسها بالرفض
جرت مسك علي مطبخ تستمد الدعم من اي حد قابلت ندي في طرفها
اترمت في حضنها بدون اي مقدمات
ربطت ندي علي ظهرها بحنان
ندي / مالك يا قلبي فيكي ايه
مسك بعياط مش قادرة اشوف خالتو كده هربت من موقف المواجهة سوسو قلبها حيقف يا ندوش انا خايفة عليها المفجاءة جامده المفروض كنا مهدنا لها حكاية
ندي /أخرجت مسك من حضنها وقالت لها تعالي لما نقف جمب خالتك ما ينفعش نسبها كده
دخلت ندي ومسك و فجاءة وقعت عين فارس علي مسك الصغيرة ابتسم ابتسامة خبث و قال بصوت غير مسموع اهلا بلقطة انتي واقعتي ولا هوا رماكي
جرت مسك صغيرة علي خالتها
مسك/ سوسو انتي كويسة فيكي حاجة تحبي نروح
حمزة/ بس يا اوفور ما هي قدامك زي الفل انتي عارفة خالتو مش بتفطر واكيد شربت قهوة كتير علشان كده داخت اول ما دخلت
مسك صغيرة/ اه. اه عارفة وانا كذا مرة اقولها لازم تفطر قبل شرب قهوة بس انتم كلكم طبعا عارفين سوسو و دمغها مش بتسمع كلام حد
هند/ انتي حتقوليلي عليها صاحبة عمري وحفظها صم العند ده عندها هوايا
مسك / اية يا جماعة هي الليله عليا ولا ايه انا بقيت كويسة الحمد لله قالتها وهي قلبها بيترعش وعنيها بدور علي عطر
شاور لها بيجاد بعينة نحية عطر كانت واقفة وسط بنات عمها وعنيها علي مسك مش بتنزلها
اقتربت عطر من نفسها ناحية مسك
عطر/طنط هو حضرتك والدت مسك صح
مسك/بعينين دامعتي لا يا حببتي انا خالتها مش مامتها
قربت منهم مسك صغيرة وقالت بمرح
مسك صغيره/ بس تقدري تقولي عليها ما متنا كلنا كل اللي هنا بنقولها قدام الناس ماما و بنا وبين بعضينا بتقولها يا سوسو
عطر/ يعني هو ينفع انا كمان اقولك يا ماما
مسك مقدرتش تقاوم دموعها اكتر من كده
شدتها لا اردي لحضنها ودموعها نزله
مسك/ اااه طبعا يا حببتي تقدري تقولي ماما انتي كمان انا امكم كلكم هنا
جرت لوجين عليها وحضنت مسك من ضهرها
لوجين / لاء بقا أنا كده حغير بقا الاول ما كنش عندك بنات غيري دلوقتي بناتك بقوا كتير يا ست سوسو
مسك شدت لوجين ابعدي دي امي انا بقا وانا اللي بيات في حضنها مش انتي
كل ده و مسك حاضنة عطر جامد اوي مش عاوزة نسبها
بيجاد غمز لمروة علشان محدش يلاحظ
مروة/ خلاص بقا يا بنات ابعدو عن سوسو سبوها تعرف تتنفس
نطق فارس لأول مرة و هو يدقق النظر لمسك
فارس/ هو حضرتك تقربي للعيله ايه
التفت الكل ينظر لفارس باستغراب
فارس/ في ايه يا خونا حتكلوني كده ليه انا بس بسال انا شايف انها محمور اهتمام الكل وأنها واضح حد مهم في عيله و الكل بيحبها قلت اتعرف بس عليها
قامت مسك صغيرة وقربت منه وهمست بصوت جامبة
مسك صغيرة/ هو لسانك ده مش بيعرف يخش في بقك خالص ارحمة شوية ودخله يمكن يرتاح
فارس/ هو حد جه جانبك ولا وجهلك كلام انا مش فاهم غير أن لسة بنا حساب مخلصش اوعي تكوني فاكرة إن علشان طلعتي قريتي أو معرفة حرحمك من اللي ناوي عليه لا خالص
مسك صغيرة/بغرور. هو انا مقلتلكش أن ما بخفش يا بتاع بلاد برا
فارس / امممم بلاد برا انا حروبكي بقي شغل تقفيل الخارج يا بتاعة بلاد جوا يا ام ملايه لف ماشي
شهقت مسك / هي حصلت ملايا لف لا ميغركش أن انا سكانه في زيزينيا لا خالص انا زي اجدع بنت من بنات البلد وعندك حق ملايا لف بس استحمل بقا خربشت بتوع ملايات اللف
من بعيد هند / يلا يا جماعة السفر جاهزة قام الكل علي الاكل ماعدا مسك كبيرة و بيجاد اخر نفسة عنهم
الكل راح ماعدا بيجاد ومسك
فضلت مسك باصىه لبيجاد و دمعها سبقها
جري بيجاد عليها وبكل حنان
بيجاد/ كفابا بقا عياط يا راحة قلبي متوجعنيش اكتر من كده
مسك/ انا لو راحة قلبك بجد ما كنتش وجعت قلبي انا كده متصلتش و قلتلي ليه انكم جاين مصر يا بيجاد تسبني كده اخد المفجاءة
بيجاد/ ضمها لحضنة قوي علشان اشوف كل مشاعر دي علي وشك يا راحة قلبي من جوا علشان لما اضمك لحضني احس الاحساس اللي انا حاسة دلوقتي يا بنت قلبي وعمري
مسك / كان نفسي قوي أضم فارس لحضني واشم رحته قوي فارس ده اللي انحرمت من حضنة وهو لسة مولود ملحقتش اضمة لحضني نفسي قوي يا بيجاد احضنه جامد زي ما حضنت عطر
بيجاد/ مش أن الاوان بقا يعرفوا الحقيقة يا مسك
خرجت مسك من حضن بيجاد
مسك/ لاء يا بيجاد اوعي مش لازم يعرفوا دلوقتي لحد ما نأمن الدنيا احنا نسنا الفيديو ونسينا نتابع اخباره
بيحاد/ للاسف لما نعمل بحث بلاسم بيطلع الفيديو لسة
مسك/ ااااااه حفضل ادفع تمن غلطة ما عملتهاش العمر كله بجد تعبت قوي يا بيجاد تعبت و خلاص ما عتش قادره استحتمل اكتر من كده
شكلي حاعيش العمر كله محرومة من عيالي و أن أسمع منهم كلمة ماما
ولكن دخلت عطر فجاءة و بدون مقدمات
عطر/ماما, مش يلا بقا الاكل حيبرد
وبصت لبيجاد
عطر/ امممممم وانت بتعمل ايه عندك هنا يا سي بابا و قربت منه وغمزت بعنيها هي صناره غمزة ولا ايه وجيت في وقت مش مناسب
شدها بيحاد من قفها ولا ايه يا لمضة تعالي يلا علشان الاكل وبص لمسك ويلا يا م؟. يلا علشان الاكل
هزت مسك رأسها وقامت معاهم
دخل بيجاد وهو شادد عطر من هدومها و الكل ضحك علي منظرها
الكل كان ليأكل في جو أسري مليان بالحب و فارس عينه علي مسك صغيرة متابعة شقاوتها وضحكها مع بنات عمه وكأنها هي مقربه جدا ليهم والكل بيحبها ماعدا فرح كانت لتنظر لها نظرات غل
لا حظ فارس نظرات كل واحد و حلل شخصية كل واحد قاعد علي سفرة ولحد مسك واحتار من نظراتها لهم و من شخصيتها
وقعت عينه علي فرح و هي بتبص للبنات بغل و بلذات مسك صغيرة
فارس /وانتي يا فرح بقا خريحة ايه
جوبت رحمة اختها بدون تفكير
رحمة/ احمد ربنا دي اخدت بكاريوس تجارة بطلوع الروح لما يأسنا من أنها اكمل
فرح/ محدش عينك المحامي بتاعي عندي لسان و بعرف ارد كويس مش قالك اتكلمي عني
ماجد/فرح في ايه اختك بتهزر معاكي ايه حصل
عليا/ سيبك منها يا بابني فرح كده لو ملقتش حد تعككن عليه بتعككن علي نفسها هي كده
فرح/ هو في ايه يا عليا طايب رحمة اختي وانا حستقبل منها لكن انتي ايه دخلك بنا
عليا/ ليه أن شاء الله منا اختك أنا كمان ولا مش واخده بالك
فرح / انا اقصد أن رحمة اختي شقيقة
مسك صغيرة/ اهدي علي نفسك شوية يا فرح حتختفي من كتر الاكل في نفسك براحة
فرح/ ااوف بت انتي انتي بالذات تقيله علي قلبي مش عرفه ليه مش بحب اكون في مكان انتي فيه بجد مش عارفه ابلعك
مسك صغيرة/ ولا تزعلي ابلعك نفسي لوجي ناولي القطة كباية ماية علشان تعرف تبلع و لا حد يخبط لها علي ظهرها يمكن اكون واقفلها في معدتها
قرب منها جاسر وحط ايده علي كتفها
جاسر/ اتصدقي بالله يا لمضة هانم اليوم اللي متصبحش بلسانك مبعرفش اعيش
فارس حاس أنه مضايق من جاسر وقربه الشديد من مسك و هزارها معاه وكأنه هو اللي اخوها مش حمزة
حمزة / اقعد بقا يا جاسر خليني اعرف اكل بقا
جاسر/طول عمرك همك علي بطنك ما بتعرفش تفرمل نفسك قدام الاكل
حمزة / اعمل ايه ما سوسو و شلتها اكلهم ما يتقاومش
فارس/ حلو قوي الاسم ده سوسو وشلتها
هند/ ما ده اسم مشروع بتعنا علي النت اسمنا سوسو وشلتها بنعمل اكلات وتوزعها اون لاين
فارس/ بجد ممتاز حلو قوي
مسك صغيرة/ بصراحة مش عارفين من غير ممتاز حلو قوي دي كنا حننجح ازاي فعلا كنا مستنين التاتش بتاعك حلو قوي ممتاز قالتها وهي يتقلد صوته ثم قالت ايه يا بني انت متحمل نفسك كده ازاي
بيجاد نظر له وغمز بعتيه لفارس أن مسك علمت عليه تاني مرة
فارس بعتلة نظرة ان الصبر حلو
انتهوا من الاكل و قامت كل البنات تشيل السفرة
مسك بنشيل الأكل معاهم
عطر/ مسك انتي شكلك واخده علي بنات هنا قوي
مسك / بصي ياعطر انا يعتبرهم كلهم هنا اخواتي لوجين و عليا ورحمة حتي فرح بحاول اتحملها رغم رخمتها مع الكل
عطر/,وهي تنظر نواحي عمتها وهند و مسك وندي من واضح بردو أن حتي كبار و اخدين علي بعض قوي كان خالتك قريتهم اختهم الكل بيحبها
مسك./ هما شركا مع بعض من زمان الاول مشروع الاكل اللي علي النت لحد ورده مسك
عطر/ الله خلو قوي الاسم ده بجد جميل وردة مسك
مسك / ده اسم المطعم اللي خالتوا سوسو فتحته والكل شريك معاها من الاخر المطعم ده الكل شريك في بحاجة بس تعرفي اهم حاجة هما شركا فيها ايه
عطر بفضول واضح ايه هي يا مسك
مسك/ الحب الغريب اللي بيربطهم ببعض وكأنهم كلهم اخوات بدم
عطر/ تعرفي يا مسك أن خالتك دي فيها حنان غريب قوي حاسيت وهي بتحضني با حساس اول مرة احسه انا ما كنتش عاوزة أخرج من حضنها خالص احساس انا مش عارفة اوصفه عارفه لما تحسي انك تايهة في مكان مش بتاعك و حاسة انك يتيمة ملكيش حد و فجاءة تيجي ايد تسحبك من ده كله و تاخدك جواها وتحسسك بالأمان و كأنها بتقول للعالم ده كله انا هو و البت دي تخصني واي حد حايجي عليها حاكله باسناني
فرح/ بتريقة والله جد كل يا حنينه اتصدقي دمعة حتفر من عيني
عطر/ لا يا فرح علشان انتي مجربتبش احساس اليتم انك تبقي يتيمة محرومة من ام تطبطب عليكي انك تبقي في مدرسة داخلي طول الاسبوع و ترجعي في الإجازة متلقيش ام فاتحة أيدها مستنياكي في حين أن كل الامهات بتبقي مستنية عيالها علي باب المدرسة علشان بقضوا معاهم الإجازة لكن انا وفارس كنا نطلع من المدرسه يا نلاقي سواق مستنينا أو بيجو لو فاضي بيستنانا بنفسة
كنا بترجع البيت بدل ما نجري علي ام تحضنا كنا بنلاقي مريية في انتظارنا و كأنها ريبوت إنسان آلي مش بني آدم من لهم و دم اول ما تخش تيداء في إصدار الأوامر
خشوا اغسلوا ايدكم علقوا هدمكم تعالوا كلوا
تعرفي عمرها ما سالتنا تحبوا تاكلوا ايه كنا بتأكل اللي يتحط قدمنا ممنوع نعترض علي نوع الاكل
فرح/ اتصدقي صعبتي عليا خالص و كل ده اللي حاستيه ده من حضن اللي اسمها م..
مسك صغيرة/ اايه في ايه يا فرح و ماسكت ملوخية قلبتها عليها
فرح / بصوت عالي سمع الكل انتي انعبطي ولا شكلك كده يا زفته انتي
مسك /ببرود اولا اسمي مسك غير كده مش قاصدي اكعبلت في سجاده وانا يشيل اطبق و قع عليكي سوري بقا يا فوفو
ندي و ماجد و مسك وبيجاد واقفين بصوا لبعض و ماتووا ضخم افتكروا منظر فاطمة بلملوخية وكان التاريخ بيعيد نفسه من جديد
فارس/ ما ضحكونا معاكم في ايه اللي يضحك كده
ندي وقفت علي الأرض من كتر الضحك وكان المشهد بيتعاد قدمها تاني و مسك شايله حله ملوخية و بتقلبها علي فاطمة
جاسر و حاتم شالو مسك صغيرة من دراعاها والاتنين في نفس واحد أطلقوا صافرة اعجاب ويا مسك يا جااااااامد اديلوا بقااااا مترحمهوش
شعر فارس بغيرة للمرة تانبة لا يعرف سببها ولكن وشه احمر من الغضب
فارس بطريقة هجوم / انتم بتشجعوها علي ايه علي الخيبة. انتم شايفين أنها عملت حاجة صح اللي عملته ده اسمة قلت ذوق و ربايه أنها كل ما تشوف حد تقلب عليه حاجة تبقي مش محترمة
نزلت مسك من ايدهم و الجو اتكهرب
مسك قربت من فارس وبصوت كله غضب
مسك / انا محترمة غصب عنك و حتفضل اتعامل كده بطبيعتي مع أي حد ميعجبنيش و اعلم عليه كمان ولا ايه يا بشمهندس و اخدت شنطتها و مشت من غير ما تبص وراها
