رواية بنت السارق الفصل الخامس
سليم باستغراب : غريبة … وعرف منين انى عندك ؟؟؟
سيف : الاغرب من كده بقى انه قالى انك مش فى البيت …. يبقى اكيد راحلك على هناك وملقكش برده …… ااااه تبقى فريدة هيه اللى بلغت وقالتله على مكانك …
مقالات ذات صلة
واحتضنها الوحش بقلم عزيزه محمد
طفله سرقت قلب راجل بقلم اسراء ابراهيم
خطوبة اخت صاحبتى
سليم : اااه فريدة وضحت كده … ماشى يافريدة حتشوفى حعمل فيكى ايه ؟؟ بس كويس يعنى انى نزلت والفلوس كانت معايا جت مصلحة ….
وبعد كده اتنهد سليم وقال : شوفت بقى كان فى مصلحتك ازاى اننا منقسمش الفلوس …. جاسر لو كان لقى الفلوس فى البيت عندك مكنش سابك ….
سيف بغيظ : حصل خير … احنا اتفقنا ان المرة الجاية الفلوس حتبقى لحسابى بس ….
سليم : تمام ياسيف … انا جبت الشقة خلاص وحخلص كل حاجة ….. مش لازم تيجى انت عشان اكيد حتكون متراقب جاسر ذكى جدآا ولازم نكون صاحيين واحنا بنلاعبه …
سيف : ماشى ماشى ياسليم مش حاجى …. وابقى سلملى على سهر بقى …. ونهى سيف المكالمة مع سليم وهوه متعصب …
بعد كده وصلت ملك للمكان اللى كانت واقفلها فيه اختها ماسة وملقتهاش …. توقعت ملك ان اختها زهقت من الانتظار وروحت على البيت … راحت هيه كمان مشت على البيت ….
( فى بيت فريدة )
دق الباب على فريدة جامد وهيه فى البيت …. اتفجعت فريدة وجرت بسرعة عشان تشوف مين لقت بنتها ماسة … بصتلها باستغراب وقالت : اتاخرتى ليه كده ياماسة ؟؟ واختك فين ؟؟؟
ماسة : استنى ياماما ….. آخد نفسى طيب …
فريدة : اخدتى نفسك خلاص … اختك فين ؟؟ طمنينى ….
ماسة : أختى بخير اطمنى ….وحكتلها ماسة على كل اللى حصلها فى الشارع …… وحادثة السرقة وعلى القسم ومقابلة الظابط وكل حاجة بالتفصيل ….
فريدة مصدومة : معقول كل ده حصل ؟؟ واختك كانت فين بقى لما كل ده حصل ؟؟؟
اتلخبطت ماسة ومعرفتش تقول ايه لامها راحت قايلة : اصل اختى كانت فى محاضرة …. وانا خرجت عشان اجيب حاجة من الشارع وحصل كل ده معرفتش ارجع لملك تانى ولا عرفت اكلمها عشان مش معايا موبايل …. حتلاقيها زمنها جاية دلوقتى …. متقلقيش …
فريدة بغضب : انا قولت مية مرة متسبوش بعض انتوا الاتنين … انا كلامى مش بيتسمع … عجبك اللى حصلك ده ؟؟؟
ماسة : معلش بقى ياماما هيه جت كده …. بس الغريب ياماما ان الاتنين دول قالولى اسم بابا يعنى يعرفوه …… ازاى بابا يبقى ليه علاقة بناس زى كده ؟؟؟
فريدة : ابوكى ده مش بييجى من وراه غير المصايب …. عرفتى …
ماسة : انا خوفت على بابا الصراحة …… ومرضتش اقول للظابط انهم قالولى كده ….. بس استغربت اووى من كلامهم ….
وفى اللحظة دى خبط الباب عليهم جامد ….. راحت ماسة قايلة اكيد دى ملك …. وجرت ماسة بسرعة عشان تفتح لقت ملك قدامها ….
فريدة : تعالى ياملك شوفى اختك حصلها ايه ؟؟؟
ملك : حصلها ايه ياماما ؟؟ وايه الورقة اللى فى ايدك دى ؟؟؟
ماسة : اه صح ياماما …. ايه الورقة دى ؟؟
ابتسمت فريدة بسخرية وقالت : دى ورقة طلاقى ياحبيبتى ابوكى بعتهالى النهاردة ….
ملك وماسة بصوت واحد مصدومين : طلاقك !!؟؟؟
ملك بسرعة : يبقى موضوع جواز بابا ده صحيح ….
فريدة باستغراب : جواز بابا ؟؟؟ مين قالك الكلام ده ؟؟
ماسة مصدومة : انتى بتقولى ايه ؟؟ بابا حيجوز ياملك ؟؟؟
أتلخبطت ملك ومعرفتش تقول لامها واختها ايه راحت بلعت ريقها بخوف وقالت : اه حيجوز بكره ….
فريدة مصدومة : مين قالك الكلام ده ؟؟؟
ملك بخوف : اصل اصل انا كلمته وهوه قالى كده ….
ماسة : مش معقول … مش ممكن … بكره كمان ….
مشت فريدة على اوضتها منغير كلام وهيه موجوعة جداا ومصدومة من كلام ملك وبتقول لنفسها : لحقت ياسليم …. حتجوز وبكره كمان للدرجة دى انا كنت قاعدة على قلبك …. قطعت كل حاجة بينا خلاص وبعتلى ورقة طلاقى …. وبقيت اسمع اخبارك زى الغريبة …. ماشى ياسليم ….
ودخلت ماسة وملك على أوضتهم وماسة مصدومة من كلام اختها …. راحت بصة ماسة لملك وقالت : سيف هوه اللى قالك ان بابا حيجوز بكره ….. صح ياملك ؟؟
ملك : ايوه ياماسة هوه اللى قالى كده …. انا مش مصدقة ان بابا حيعمل كده …. بس معلش اتاخرت عليكى كتير متزعليش منى بقى ….
ماسة : تعرفى ياملك انى بحمد ربنا انك اتاخرتى عليا … النهاردة كان اسعد يوم فى حياتى بجد ….
ملك باستغراب : انتى بتقولى ايه ياماسة ؟؟؟ انتى فرحانة انى اتاخرت عليكى ؟؟؟
ضحكت ماسة وقالت : لا مش كده …. بس النهاردة انا قابلت اجمل انسان فى الدنيا كلها ملاك على هيئة بشر …..
ملك بتنهيدة : وايه كمان يا ماسة قولى ؟؟؟
ماسة بحب : انا بتكلم جد ياملك …. ذوق حنية جمال مشفتش زيه فى الدنيا …..
ملك باستغراب : انتى حبيتى ياماسة ؟؟؟
سرحت ماسة شوية ……. وافتكرت كلام الظابط جاسر والحوار اللى دار بينهم ……
ملك : ماسة ماسة …. انا بكلمك انتى سرحانة فى ايه ؟؟؟
ماسة : هاااا مفيش ياملك …. سرحت فيه شوية بس …..
ملك : مفيش ايه ؟؟؟ وسرحتى فى مين ؟؟؟؟ احكييييلى انتى شكلك وقعة وقعة جاااامدة اووى …. قوليلى بقى شوفتيه فين ؟؟؟؟ وازاااااى ؟؟؟؟ وحصل ايه من اول ماسيبتك ؟؟؟؟؟
بصتلها ماسة وقلتلها : ححكيلك على كل حاجة ….
وتانى يوم علطول وفى نفس الميعاد اللى راحت ماسة فيه القسم وقابلت جاسر ….. خرجت من الكلية وسابت اختها ملك تكمل المحاضرات وراحت على الظابط جاسر فى القسم ….
( من داخل قسم الشرطة )
الظابط جاسر بيكلم نفسه بقلق فى المكتب : ياترى حتيجى ولا مش حتيجى ؟؟؟ حتيجى ولا لا ؟؟؟؟
دخل عليه الظابط احمد وبصله باستغراب وقال : مالك ؟؟ بتفكر فى ايه ؟؟؟ سليم برده ؟؟؟
جاسر : سليم ايه ؟؟ هوه ده وقته ؟؟؟
احمد بضحكة : بتفكر فى البنت اللى كانت عندك فى المكتب امبارح صح ؟؟؟
جاسر باستغراب : وعرفت منين ؟؟
احمد : عرفت منين ؟؟ !!!! كل حاجة كانت باينة عليك من اول مادخلتلك المكتب ….. ده انت أول مرة تطلب منى اعمل ليمون لحد ….
ضحك جاسر وقال : مش عارف يااحمد البنت دى عملت فيه ايه بجد …. حسيت زى مايكون عارفها من زمان وانها مش غريبة عنى أبدآ …..
احمد : انت لحقت حبتها ياجاسر ؟؟
جاسر : مش عارف يااحمد …. بس مش عاوزة تروح من بالى من امبارح….. علطول بفكر فيها ومسيطرة على تفكيرى جامد اكتر من اى حاجة فى الدنيا ….
احمد : تبقى حبيتها ياجاسر …. أخيراااااا ياحضرة الظابط حد عرف يوقعك …..
ضحك جاسر جامد من كلام احمد وقال : شكلها كده يااحمد ربنا يستر ……
وراح الباب مخبط عليهم فى المكتب ……قام احمد عشان يفتح لقى ماسة قدامه ……
ماسة : الظابط جاسر موجود ؟؟
احمد : اه موجود طبعآ …. اتفضلى …. ودخلت ماسة المكتب …. راح باصص احمد للظابط جاسر وقال : حستأذن انا بقى ….
جاسر بابتسامة : ماشى يااحمد اتفضل … وخرج احمد …..
وراح باصص جاسر لماسة وقايل : اتفضلى ياماسة اقعدى ….
ماسة بكسوف وقالتله : انا خايفة اكون معطلاك عن شغلك بس انا جيت فى نفس الميعاد اللى قولتلى عليه …
جاسر : مش معطلانى ولا حاجة كويس انك جيتى انا مبسوط جدا انى شوفتك تانى …. اقعدى ياماسة ….
قعدت ماسة وبصتله بخجل وقالت : طب وحاجاتى اللى اتسرقت منى امبارح …… لقتها وجبتهالى ولا لسة …
جاسر : هوه ده موبايلك ياماسة ؟؟؟
ماسة متفاجأة : اه هوه ده جبته منهم ازاى …
جاسر : ودى شنطتك ؟؟؟
ماسة بفجأة : اه هيه …. انت جبت الحاجات دى ازاى ؟؟؟
جاسر : راجعى شنطتك بقى….. وشوفى ايه اللى ناقص فيها ؟؟
فتحت ماسة الشنطة لقت كل حاجتها زى ما هيه …. والفلوس موجودة ومش ناقصة اى حاجة ….
ماسة باستغراب : الشنطة مش ناقصة اى حاجة حتى الفلوس موجودة زى ماهيه !!! انت عملت كده ازااى ؟؟؟
جاسر بضحكة : ده شغلى ياماسة ….. وبعدين انا عارف المنطقة كويس اوى وعارف واحد واحد فيها …. ومن طريقة السرقة اللى وصفتهالى انا عرفت مين اللى عمل كده معاكى وقدرت اجبلك حاجتك منغير ماتكون ناقصة حاجة …. فهمتى …..
ماسة باستغراب : يعنى مش تتبعت الخط زى ما قولتلى ؟؟؟
جاسر : لا يا ماسة …… دى كانت حجة بقى عشان آخد رقم موبايلك واطمن عليكى بعد كده عندك مانع ولا لا …..
ماسة بابتسامة خجل : لا معنديش مانع ….
وراحت مطلعة ماسة الفلوس من شنطتها وقالت لجاسر : اتفضل دى الفلوس اللى اديتهالى امبارح عشان اروح انا مش عارفة اشكرك ازاى بجد ……
جاسر : شيلى فلوسك ياماسة …. انا مش عاوز حاجة ….
ماسة : لا اشيل ايه !!! احنا اتفقنا انك حتاخد فلوسك النهاردة …. صح ….
جاسر : خلاص ياماسة خليها مرة تانية …. انتى اكيد محتاجة فلوس دلوقتى ….. واهى تبقى فرصة عشان اشوفك تانى ولا انتى مش عاوزة تشوفينى بقى …..
ماسة : لا ازااى مش قصدى كده …
جاسر : يبقى تشيلى فلوسك ياماسة ….
ماسة : حاضر ….. حمشى بقى عشان اتاخرت ….
جاسر : ماشى ياماسة …. لا اله الا الله
ماسة بابتسامة : محمد رسول الله ……. وخرجت ماسة من مكتب جاسر وهيه طايرة من الفرح ….. وبتقول لنفسها فى سرها : مش ممكن يكون فى انسان كده ابدآ بالجمال ده ……. ده ملاك مش من ضمن البشر ….
