رواية غرام في الحي الشعبي الفصل السادس
فى شقه روح
كانت تجلس وهى تنتظر مديحه نعم مديحه فهى فعلت كل هذا لكى تضغط عليها حتى توافق على احمد تعلم ان احمد ليس الشخص المثالي ولكن ماذا تفعل فى تلك الغبيه هي تحبها لا بل تعشقها رحمتك ياالله تخرج من شرودها على صوت طرق على الباب
روح برفع حاجب : خير يا مديحه ليكى عين تيجي بعد مزقتينى
مديحه وهى تقف مثل الولد المذنب الذى ينتظر عقابه من امه : اسفه يا روح اسفه ياختى انا عارفة انى غلطانة بس هعمل اى البت حنان بنت........ استفزتني اوى
روح بزعل مصطنع : هو ده يديكي الحق تزقينى يعنى والله
مديحه بندم: خلاص بقا يا روح وبعدين مش انا اختك و صحبتك ولا ايه
روح وهى تمصمص شفتيها : طب تعالى اقعدى مش هنتعاتب على السلم
تدخل كل من مديحه وروح و يذهبون تجاه تلك الاريكة المتهالكه
مديحه : هاا ياروح قولتلك متزعليش
روح : انا مش زعلانه عليا لا انا زعلانه على البت الغلبانه اللى فوق
مديحه بسخريه : غلبانه مين اللى غلبانه دى بومه مش غلبانه
روح : يا مديحه هو انتى اى اللى مش عجبك فى احمد
مديحه بسخريه : ايه اللى مش عجبنى طب قولى ايه اللى يعجبنى عشان اعرف اقولك .. يابنتى ده رد سجون يا روح وبتاع مشاكل ياختى ده غير ان كل شويه مع واحده شكل وبعدين تسيب المدرس وتروح توافق على بلطجي طب عقل مين ده
روح : بقولك اى يا مديحه احنا مش هنقعد اللى نعيده نزيده بنتك بتحبه وبعدين الولد كويس و متربي وابن ناس وبلاش كلمه بلطجي دى .. ده الولد خريج تجاره انجلش يعني كويس ومحترم لكن انتى اللي عماله تقولي بلطجي بلطجي هو مش بلطجي ماشي وكمان هو ابن الحاج عمار اللي بتتهز له رجالة بشنبات يا اختي .. اقولك يا اختي اعملى خطوبه الواد مش جيه على هواكى يبقى خلاص وشوفى هيتعامل مع بنتك ازاي كويس ومحترم معها خلاص الف مبروك لكن مش كويس معاها يبقى خلاص يا اختي مع السلامة و هو كمان عشان بنتك تتهد
مديحه بتفكير : يعني انت رايك كده
روح : اه هو كده ماهو مش هتلاقي لها حل غير كده بنتك مدبوبه على بوزها وبتحبه
💫💫💫💫💫💫💫💫💫
في شقه مديحه
تحديدا في غرفه حنان نجد كل من حنان و رباب يجلسون على السرير حيث تضع رباب الثلج علي عين حنان المتورمه
حنان وهى تدندن ببلاهه : روحي ياعيني قلبي اللي بيحييني ايامي وسنيني انادى عليك بايه
هنا انفجرت رباب من الضحك
رباب بقهقه: الله يخربيتك يا حنان يا بنتي احترمي نفسك امك لو دخلت و سمعتك وانتى بتغني هتولع فينا احنا الاتنين
حنان ببلاهه : ايه يا رباب هو انتى مش عايزاني افرح اخيرا هتجوز حمودي يااااه على الفرحه اللي انا فيها تصدقي لولا الملامه انزل أرقص في الشارع .. اه لو تشوفيه كده وهو ماسك الولد مازن من جاكيته يا لهوي قمر قمر ربنا يحميه ولا وهو بيبصلى ويقولي فى الاخر اختاري اكيد هو .. وهو انا يجيلى اعز منه ده روح الفؤاد يا بت
رباب بسخريه: لا والصراحه برده زي ما احمد كان حلو خالتي كانت قمر وهي نازله عليكى بالشبشب لا وكله كوم وهى بتقول احضرك على جنازتك الاول كوم تانى والله عجبتني وليه بتفهم كتك نيله مش عارفه عاجبك فيه ايه
حنان : ملكيش دعوه يا رباب بحبه بحبه يا اختي قمر ربنا يحميه بس الصراحه يا بت يا رباب انتى طلعت واطيه يعني انا بتضرب وانتى تنزلي ورا امك يا زباله
رباب وهي تمصمص شفتيها : ليه يا حبيبتي عايزاني اضرب زيي زيك وبعدين خالتي لو كنت فضلت قاعده معاكى ثانيه كمان كانت ولعت فيا امك في الشبشب ما عندهاش يامه ارحمني يا حبيبتي
حنان وهي تضحك: لا بصراحه كله كوم وامك لما نزلت كوم تاني قعدت تضرب فيا بالشبشب وتقولي خلتيني اوقع اختي الله يحرقك كان منظرها حلوه هههههههه قوي وبعدين يا اختي هو انتى يعني ما كنتيش عملتى حاجه ما انتى خارجه ورايا بالطبق ولا انتى يا بت بتنسى
رباب: ولا بنسي ولا بتنيل اديني اهو امي زعلت من امك شوفي بقا هيعملوا فينا احنا الاثنين ايه
حنان وهى تلوح بيدها: لا يا حبيبتي ماتخافيش امي دلوقتى عندكم في البيت بتصالح امك المهم بقى دلوقتى شوفي اي حاجه انا مش عايزه اخرج لحمودي كده لاحسن ده انا وشي يقطع الخميره من البيض شوفي الزرقان اللي في عيني دا يروح ازاى
رباب بسخريه: نعم يا حبيبتي طب ده انتى كنت كل ما مازن يجي او اي حد يتقدملك تخرجي وشك يقطع الخميره من البيض اشمعنا المره دي عايزه تخرجي على سنجه عشره وبعدين امك قامت معاكي بالواجب مخليه وشك شوارع انا مش عارفه انت عروسه ازاى بصراحه جتك القرف
حنان: ماتخافيش يا بت هبقا احط حبه احمر واخضر على الزرقان اللي تحت عيني دوت واحط فاونديشن ولا كونسيلر ولا حاجه
رباب وهي تنظر لها بقرف: وانتى شايفة انا الحاجات دى هتعمل حاجه
حنان بتاكيد : طبعا
💫💫💫💫💫💫💫💫💫
فى غرفة مرام
كانت تتحدث مع حسن على الهاتف وتقول
مرام : خلاص ياحسن انا كلمت ماما وهنيجى معاك الصبح عشان نروح نشوف الشقة سوا
حسن : طب يا قلبي تمام .. مش محتاجة حاجة
مرام : لا ياحبيبى مش عايزة حاجة وسيبنى اجهز بقا
حسن بإستغراب : تجهزى ليه انتى رايحة فين
مرام بدهشة : ايه دا هو انت ماتعرفش ولا ايه فكرت اختك حكيتلك
حسن : حكتلى ايه ؟
مرام : احمد اخويا هيروح يطلب ايد حنان رسمى النهاردة
حسن : بجد 😃 واخيرا ابو الهول نطق وعملها
مرام بعدم فهم : ايه دا انت قصدك ايه ؟
حسن بسخرية : على اساس انك مش عارفة ان اخوكى بيحب حنان من زمان والحارة كلها عارفة .. دا اخوكى مفضوح من نظرة عينيه عليها لولا بس ان هو بيكابر شوية 😂
مرام : لا فى دى معاك حق هو بس فى الاول كان حابب يحفظ كرامته عشان لو هى مش بتحبه لكن خلاص اكتفى وقرر ياخد الخطوة واخدها اهو وبصراحة بقا اخويا قمر وانا واثقة ان البت دى بتموت فيه
حسن بمكر : طبعا هو قمر عشان شبه اخته القمرين 😘
مرام بخجل : يلا يابكاش من هنا ماتعطلنيش اكتر من كدة
حسن : هتوحشينى الشويتين دول يلا سلام 😘
مرام : سلام .. بحبك ... واغلقت الخط سريعاً قبل ان يخجلها بحديثه كالعادة
ـــــــــــــــــــــــــــــــــــــــــــــــــــــــــــــــ
في المساء
تحديدا في شقه الحاج على والد حنان نجد كل من الحاج عمار والحاجه سعديه واحمد ومرام يقفون امام باب المنزل حيث يدق الحاج عمار الباب ففتح له الحاج علي بكل ترحيب
علي : اهلا اهلا يا حاج عمار اتفضل منورنا والله البيت نور
الحاج عمار بصوته القوى : البيت منور بيك يا حاج علي
وبعد ربع ساعه من الكلام المعتاد يقول الحاج عمار بكل هدوء : بص يا حاج انا جاي النهارده اطلب ايد بنتك حنان لابني احمد
الحاج علي : والله ده شرف لينا يا حاج عمار والبنت بنتك وانا موافق ومش هلاقي احسن منه لبنتي بس انا ليا عتاب على احمد
عمار برزانة : قول ياحاج عتابك
علي : بص يا احمد انت جيت وكلمتني وقولت لي انك عايز بنتي وانا قولت لك انا موافق ايه لازمه اللي انت عملته الظهر ومجيتك هنا
احمد بهدوء : احم انا بعتذر لك يا حاج على اللي حصل الظهر بس يعني انا اجي اكلمك الظهر الاقي واحد جاى يخطب حنان هو ده ينفع
على: احمد انا اتكلمت مع اهل بيتي وقولت اني مش موافق على مازن ده خلاص و انا بعاتب بسبب انك ضربت الولد فى بيتي احمد بهدوء : انا اسف يا حاج على
حاج عمار : وانا يا حاج على عايز اتكلم مع حنان عشان اشوفها موافقه غصب ولا لا ... كل ذلك وحنان كانت تقف خلف الباب هي وامها ولكن كل منهما يشعر بشعور اخر حيث كانت تشعر مديحه بالكره الشديد تجاه احمد وحنان العكس تماما في الحب الشديد والفرحه والسعادة تجاه هذا الشاب الجميل بالنسبه لها
الحاج على : طبعا يا حاج .. ياحنااااان تعالى
حنان : حاضر يا بابا .. لتخرج لهم وتقف امام الحاج عمار ليقول : ماشاء الله عليكى قمر .. معلش ياحاج هاخد رأيها فى البلكونة لوحدنا
الحاج على : اتفضل
توجهوا للشرفة ليقول عمار : بصى يابنتى انا عارف اللى عمله ابنى الضهر وازاى اخد موافقتك انا دلوقتى عايز اتأكد من موافقتك وان كان برضاكى ولا غصب عنك
حنان : لا ياحاج عمار انا موافقه وبرضايا وابصم بالعشرة كمان على موافقتى
ليضحك على حديثها بقوه وبعدها دلفوا لتتم قرأءة الفاتحة تحت إرضاء الجميع ماعدا ام حنان ربما ترضى عنه يوما ما ولكن متى ؟
💫💫💫💫💫💫💫💫💫
فى الصباح
فى غرفة رباب التى أستيقظت على رنات هاتفها لتجده حسين فتجيب وتقول : صباح الخير خير
حسين بتعجب : خير ! ايه الطريقة دى مالك يارباب
رباب : لا مفيش يا خويا روح شوف كنت سهران مع مين وكمل معاه ولا اقولك كمل يومك كله معاه وامسح رقمى او اعمله بلوك يبقى ارحم بقا عشان تبقى تنسانى تانى
حسين : يانهار أبيض على ماسورة النكد كل دا عشان سهرت مع احمد وفرحت معاه على خطوبته ونسيت اتصل بيكى والله ماكان قصدى
رباب : قصدك بقا ولا مش قصدك انا زهقت وماتكلمنيش تانى
حسين : طب بصى من الشباك
رباب : لأ
حسين : لا ماهو ياتبصى من الشباك يأما هطلعلك دلوقتى البيت واعملك فضيحة وانتى عارفة انى اقدر اعملها
رباب : اووووف خلاص طالعة دا ايه دا .. نظرت من النافذة لتجده يقف بابتسامة عذباء للغاية لطالمة عشقتها ودابت عشقاً لاجلها
حسين : ارضى عنى بقا بدل مااعلى صوتى واقول وسط الناس دى كلها انى بعشقك
رباب : لا اعمل اللى تعمله مش هتراضى برده .. مش انا اللى يتلوى دراعى ياعنيا وبسلامة بقا يلا بلوك
حسين : بلوك ؟ بقا عايزة تعملى لجوزك بلوك
رباب : جوزى منين ياعنيا الا مافى حتى قراية فاتحة يبقى جوزى منين ؟ دا انا مخللة جنبك بقالى سنة وشكلها كدا مفيش امل منك
حسين بمكر : اخس تصدقى انا كنت ناوى اتقدم الليلة بس شكلها كدا ملكيش فى الطيب نصيب مع السلامة بقا اشوف مع حد تانى
رباب بفرحة : بتقول ايه؟ وحياه امك بتقول ايه ؟ بجد هتيجى تتقدم 😃
حسين : كنت بقا 😂
رباب بزعل مصطنع وطفولى : ليه كدا يا سنسن هو انا مش حبيبتك ولا ايه ؟
حسين : اكيد طبعا هو انا اقدر اتخلى عنك هاقفل بقا دلوقتى وجهزى نفسك انتى لبليل .. بحبك
رباب : وانا كمان بحبك يا سونة
"قفشتك بتحبى من روايا يارباب ماكنش العشم ياواطية"
من قائل هذه العبارة 😂😂
ترى هل انتهت الحرب بين الام وابنتها على عريس المستقبل ام مازالت مستمرة ؟
