رواية زهرة البنفسج الفصل السابع 7 بقلم لولو طارق

بسم الله الذى لا يضر ما إسمه شئ فى الارض ولا فى السماء وهو السميع العليم 

لا حول ولا قوة إلا بالله العلى العظيم 

سبحان الله وبحمده وسبحان الله العظيم 

💗💗💗💗💙💙💙💙💙💚💚💚💚💚

زهره : زيزو .. حبيب ماما .. تعالى فى حضنى 

تامر : اه روح على حضنها .. اصلها بتوزع احضان على الكل .. إلا انا 

زهره : ها نبتدى الغيره بقى .. وشالت زياد .. يرضيكى كدا يا ماما 

سعاد : 😂😂 عريس بقى وبيدلع 

تامر نط على الكنبه جمب أمه : انتى ها تعومى على عومها من اولها كدا .. مش ها اعرف اشكومها كدا 

سعاد  بثقه : احنا احرار محدش يقدر يشكمنا وعمر ما يخرج منا العيبه 

زهره بإنتصار قعدت جمبها الناحيه التانيه : ايوا كدا يا سوسو اديلو كمان وانا فى ضهرك 

تامر : يابت اتلمى .بقلم لبنى طارق . انا جوزك .. حوزك انتى ايه مابتفهميش عربى 

زهره : بقولك يا سوسو 

سعاد بابتسامه : قولى يا قلب سوسو 

زهره : ايه رايك كل جمعه نقضيه مع الولاد فى دار الايتام .. نعمل الغدا وناكل ونتبسط معاهم انا حبيتهم قوووى 

تامر ابتسم : ادعيلى طيب اى حاجه منك 

زهره بنفس الابتسامه قربت وباسته : انت احلى حاجه حصلت فى حياتى يا تامر .. بس يارب تفضل كدا على طول 

تامر : وربنا نفسى تكملى جمله مفيده للاخر 

سعاد : ياريت يابنتى دا غيرو نفسيتى وحسيت كدا انى رجعت شباب 

تامر بيغمز لها : اوعى تكونى حطتى عينك على مدير الملجأ انا ملاحظ انه ما بطلش كلام معاكى .. اوعى يا سوسو دا انا اروح فيها 

سعاد : 😂😂 يوووه جاتك ايه يا تامر وبتدايق تامر .. لسا بدرى يابنى مش نتعرف الاول افرد طلع مش مناسب 

تامر تنح : هو مين الا مش مناسب يا أما 

سعاد : العريس مدير الملجأ 

زهره : 😂😂 .. يابنى انت ها تغلب مع الستات .. قوم .. قوم ربنا يهديك 

تامر : قام وشال زياد من ايد زهره واداه لامه .. وشال زهره .. بعد اذنك يا أما ها اخد رايها فى عريسك 

سعاد : 😂😂 ربنا يسعدكم ياولاد يارب 

تامر نزل زهره فى الاوضه وحاضنها بايده وبيبوس فى خدودها .. انتى مش عايزا تقصى لسانك دا 

زهره :  بتضحك .. وبهمس وبتشده من التيشرت  .. ها تعمل ايه يعنى 

تامر : كتيررر .. انا شرانى 

زهره : وانا كمان 

تامر : انتى كمان ايه 

زهره : بحبك .. بحبك .. بحبببببببببك 

تامر : عملك مفاجأه بمناسبه الحب دا كله 

زهره زى الاطفال : ايه .. ايه .. قول 

تامر : لالالالا .. مش دلووقتى .. تعالى عشان عايزك فى كلمه سررر  🤔🤔🤔

**************** 

سميحه قايمه من على السرير : يا زهره يا مجنونه انتى .. اكيد اتخانقت مع تامر وجيالى .. وبتفتح الباب وبتتواب ووقفت تنحت وبتدعك فى عيونها ... وبتقل فى لسانها .. ان ت ... معقول .. اه يارب .. ووقعت أغمى عليها  

خالد بالهفه شالها ودخل وقفل الباب  .. نيمها على الكنبه .. وبيفوووق فيها  فين وفين لما فااقت 

سميحه بعياط وبتحضنه جاااامد .. اه يا خاين .. كل دا سايبنى .. كل دا .. انا كل يوم بموت فى بعدك عنى .. كل يوم بتمنى اشوفك فى المنام وتحضنى وتطمنى زى ما كنت بتعمل .. كل يوم عايشه على الامل واقول بكرا اشوفك .. 

خالد بنفس الدموع : غصب عنى يا حبيبتى .  اه لو تعرفى جرالى ايه واتعرضت للموت كام مره .. اه يا سميحه .. كل تفكيرى فيكى وفى اهالى وحسرتهم وموتهم بالبطئ .. البعد احساس وحش .. وحش بينهش فينا كل يوم وكل ساعه وكل دقيقه  .. وبيبوس راسها وبيضمها على صدره حقك عليااا يا حبيبتى .  حقك عليا 

سميحه اتعدلت وبالهفه ماسكه راسه بين ايديها : وبتحسس على جسمه .. مالك يا حبيبى .. وايه اللى عمل فيك كدا خسيت قوووى كدا ليه وبالهفه أكبر .. مش مهم .. مش مهم اى حاجه فى الدنيا .. المهم انك رجعت وعيطت تانى .. وشوفتك يا خااالد .. معقول انت والا انا بحلم .. يارب تكون أنت يارب 

خالد مسكها ومتبت على دراعها : انا يا سميحه مش حلم .. كنت خايف تكونى اتجوزتى ونسيتى كل الا كان بينا لما عمل جميل العطار  سلم عليا تحت وقالى انك اصيله وعايشه على امل رجوعى .. ماكنتش ماشى بعد ما كنت بقدم رجل واخر التانيه .. بقيت طاير عايزا اخدك فى حضنى واعيش شوقى وحبى معاكى من تانى 

سميحه بضحكه مختلطه بالدموع .. انا قدامك كلى معاك مش ها اقولك لاء على حاجه ولا ها اعارضك تانى .. اه يارب  انت كبير قوووى يارب .. ورحيم بينا قوووى .. كنت خلاص ها نهار من تانى وها افقد السيطره على نفسى ربنا بعتك من تانى تطمنى وتكون جمبى فى الدنيا دى وحشتنى ..وقامت بسرعه اتوضت وفضلت تصلى شكر لربنا هو وهى .. وعملت له اكل كتيررر .. وفضلت تأكله بايدها  وهى مبسوطه وطايره من السعاده 

خالد كفايه يا سميحه مش قادر انا كلت كتيرر 

سميحه : كمان دى يا خالد انت اصفر خالص 

خالد : 😂😂 والله اصفر اخضر .. المهم انى رجعت ومعاكى والا هاتغيرى رايك 

سميحه : اوعى تقول كدا .. وقعدت على رجله وسابت المعلقه من ايدها ولفت ايدها حوالين راقبته .. كنت عامل ايه من غيرى 

خالد : مش عايز افتكر دلوقتى .. عايز اشبع منك وبس وقرب من شافيفها بيعوض غيابه وحياته الا ضاااعت فى غيابها وشالها بين ايديه ودخل اوضتهم وابتدو حياتهم وبقت مراته قولا وفعلا  ..بعد وقت كبير خالد خارج من الاوضه وسميحه متشعلقه فى رقبته زى الاطفال .. قعد وخدها فى حضنه  رفع راسه لها .. كنتى عامله ايه طول الوقت وانا قلقان عليكى 

سميحه : يااااه يا خالد بعدك دا علمنى كتير قوى اولهم انى كنت طفله وفجأه كبرت والمفروض اعتمد على نفسى .. طول الوقت وانا معاك ماكنتش حاسه بمسئوليه ولا عبئ الحياه لما اخاف من حاجه اجرى عليك واقولك وانت تحلهالى لو غلطانه فى حاجه او حتى غلطانه فى حقك اجرى واتشبس فى رقبتك زى الاطفال وانت بكل حب بتفرد ايدك وتضمنى العقاب الوحيد لكل حاجه انا عملتها فيك انك بعدت عنى وعيطت كبرت مية سنه فى بعدك يا خالد .. ازاى الرجاله كلها مش فاهمين معنى الرجوله وقيمة الزوجه  زيك .. ازاى مش فاهمين انهم أمن وأمان الست الراحه الا دايما بتلجأ لها فى تعبها .. مش فاهمين ان الست مهما كانت مكانتها وقيمتها اول ما تحتاج تحتاجه هو او ما تفكر فى البسمه والضحكه والحياه الا عايزا تعشها بكل ما فيها تفكر فيه هو .. انت فهمتنى يعنى ايه رجوله واحتواء ومعنى الحب 

خالد ابتسم وحط ايده على وشها :  كنت بستغرب من معاملة ابويا لامى .. كان ساعات امى تتخنق وتتعصب زيها زى اى أم وتصرخ .. الاقى ابويا ضمها بكل حب ويقلب الدنيا هزار معانا بعد ما كنا عاملين  دوشه وكل واحد بينفد بجلده من ناحيه وضحك .. اروح بعدها اقوله يعنى هى بتزعق لنا وتضربنا .. وانت بتحضنها انت ما بتحبناش .. ابويا يبتسم وياخدنى فى حضنه ويقولى طيب انت متعصب وانا حضنتك اهوو  كدا لسا مش بحبك .. ساعتها بس بحس انى هديت وابتسم وزى اى طفل .. ماهى بتضربنا يا بابا .. المفروض تضربها .. لقيت ابويا كشر وشه ومسكنى من دراعى وبص ليا بصه عمرى ما ها انسها .. وقالى اسمع  رسولنا الكريم 

عن علي بن أبي طالب رضي الله عنه عن النبي صلى الله عليه وسلم قال :

( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم ) 

فاهم معنى الكلام دا ايه يعنى الست الا تدخل بيت راجل وتتهان وتعيش مهدده طول الوقت ما يبقاش راجل .. الرسول قبل ما يوصى النساء بشئ يخصنا احنا وصى الراجل عشان انت قوام عليها .. قوام يعنى تحتوى وتتحمل مسئوليتها مش تبلطج عليها وتضربها .. . قوام يعنى توجها التوجيه الصح .. قوام يعنى الست مهما كان معاها فلوووس انت الا تتحمل مسئوليتها وما تطمعش فيها وتقلب الموازين وتبقى هى الراجل وانت الست وبيبص لابنه فهمت 

خالد رديت قولتله انت بتقولى ليه كدا انا لسا صغير مش لما اكبر .. رد عليا بابتسامته عشان لما تكبر وتتجوز ويبقى فى بيتك واحده ست تحافظ عليها وتصونها وتكون مسئول عنها .. وبص لسميحه وبس يا ستى 

سميحه ضربته على صدره بهزار : كنت عايز ابوك يضرب امك شكلك كنت خرابها 

خالد ضحك بصوت عالى : كنت عيل لا اطاق تخيلى امى مسكاها عليا زله لحد دلوقتى .. ابويا الله يسامحه راح قالها 

سميحه : تستاهل الصراحه انت لو ابنى انا كنت ضربتك وانتقمت لنفسى وبتعلى صوتها اصلك عيل شرير يا خالد  

خالد حضنها جااامد وحط راسه على صدرها .. ها اهون عليكى 

سميحه ابتسمت : لا مش ها اقدر انا اضرب العسل والسكر دا ياناس .. بس قولى هو انت واخواتك كنتو عاملين ايه لدرجه انك امك تحرى وراكو وتعمل كدا 

خالد ضحك أكتر : كسرنا لها النيش .. كسرنا لها الهرم الرابع بتاع مصر 

سميحه شهقت وحطت ايديها على بوئها : يالهوووى انتو ماكنتوش بنى ادمين 

خالد : 😂😂😂 لا الصراحه ابويا كان حايش عنا بلاوى  كان بيثبتها تثبيت 

سميحه فضلت تضحك : طيب انت ها تعمل ايه ها تروح لهم أمتى 

خالد : خايف يشوفنى كدا انا طول عمرى منور فى عيونهم ودلوقتى بقيت شبه سفروت 

سميحه : كفايه انهم ها يطمنو عليك يا خالد دول ميتين بالحيا .. انت ها ترد ليهم حياتهم ونور عنيهم من تانى 

خالد دفن راسه فى كتفها : مش قادر ياسميحه انا تعبان قوووى ..

سميحه : مش عايزا اشوفك ضعيف ابدا .. الا فات .. فات .. عايز تحكيلى وتفضفض .. احكى انا سمعاك 

خالد خد نفس طووويل : احنا عشنا اوقات صعبه جدا فوق ما تتخيلى  اول ما عرفت ان الطياره فيها عطل وفى لحظات صعبه ومميته جهزنا الناس الا كانت منهاره وبتعيط وخصوصا الا معاهم اطفال حضنوهم بقوه وبيبص فى عيونهم وبيودعو الحياه هلع وخوف ورعب عمرى ما حسيته غير لما شوفته فى عيون الناس دى .. بدئنا انا وطاقم الطياره نرمى فيهم  كلهم من الطياره الا مش ها تصمد فى الجو اكتر من دقايق بعد ما أمنا نزولهم للميه كويس 

 .. وبعدين كنا احنا اخر ناس فى الطياره الطاقم كله  طلعتهم كلهم قدامى ونطو فى الميه وانا معاهم على اخر لحظه  .. الحظ خدمنا اننا كنا نوعا ما قريبين من الشط  .. بس البحر كان غويط لدرجه مرعبه وتخوف خصوصا الا ماعندهمش اى فكره عن العوم ناس كتير جدا الا كان رافعهم على وش الميه هى جواكت النجاه من الغرق بس من خوفهم  كانو بيطبشو ويصوتو ووشه إحمر .. صريخ .. صريخ الشئ المرعب الا شوفته وما قدرتش انساه ابدا الطياره وهى بتقع على ناس  والا اتخبط فيها وفقد الوعى والا اختفى وحاله من الهلع والخوف اتملكت من الكل  ناس بتصرخ وبتدور على الا معاها  بدئنا نخرج وكل الا يقدر ياخد حد معاه ياخده 

فلاااااش باااك 

************* 

خالد بينهج جاااامد وطلع طفلين معاه .. وناس كتير خرجت ولسا ناس تانيه جوا الميه 

روفيدا مضيفه فى الطياره بصريخ وعياط : يا كابتن نرمين ماتت يا كابتن وبتلف حوالين الناس وبتجرى على البحر بعد ما احد زميلاها طلعها معاه

خالد بصوت مخنوق : اهدى يا روفيدا المفروض انتى الا تطمنى على الناس دى وتفضلى جمبهم 

روفيدا بصريخ أكتر : كانت ماسكه فى ايدى ونطت معايا .. الطياره خدتها اه يارب ... ها اقول ايه لعريسها دا فرحها فاضل عليه اسبوع .. خلاص مش ها اسمع صوتها تانى 

خالد بيصرخ فيها : اهدى بقولك فى ناس كتير لازم نطلعها من الميه قبل ما تموت .. فى اطفال قومى حاولى تسعفى الا فاقد الوعى ... وخد بقية الطاقم ودخلو الميه تانى وبدئو يسحبو ناس كتير فقدت الامل وخلاص بتستسلم للموت خرجو بيهم وبيرجع تانى 

محمد احد طاقم الطياره بينهج جااامد : كفايه يا كابتن انت كدا بتنتحر 

خالد بنفس النهجه والتعب : مفيش حد بيموت ناقص عمر .. وبينادى على الموجودين الا بيعرف يعوم يطوع معايا عشان فى ناس كتير محتاجنا وفعلا مجموعه تانيه نزلت معاه وبقية الطاقم بدئو يسعفو فى الناس ..  

خالد دخل مكان ما نزلت الطياره .. وبيدور بعنيه على نرمين هى الوحيده الا ناقصه من الطاقم كله  وبدء يسحب فى ناس تانيه وطالع بيهم لقى نرمين مصابه اصابه كبيره وعايمه على وش الميه بأستسلام والا رافعها على وش الميه جاكت النجاه  .. سحبها وطلعها معاه .. 

روفيدا : نرمين .. نرمين وبيحاولو معاها بس مفيش أمل ... خدت راسها على صدراها وحضناها وبتعيط بحرقه .. وصوت العياط مالى المكان كله من كل حد موجوع  

خالد بيكلم روفيدا :  لو فى امل انها تعيش انتى الا بتموتيها بعمايلك دى وزق روفيدا بعصبيه .. وبدء يدوس على صدر نرمين بقوته ويعمل لها تنفس صناعى ..  تعب وقعد جمبها ودموعه نازله بقى عايش جوا كابوووس مش عارف نهايته ايه لاحظ ان نرمين جرح ايدها بينزف رغم ان مفيش نبض بس حاسس انها عايشه حاول معاها تانى وتالت لحد ما استسلم ... وفجأه نرمين شهقت جاااامد وكحت وبترجع ميه كتير جدا ... 

روفيدا بعياط وباصه للسما الحمد لله يارب .. الحمد لله ومن فرحتها نسيت نفسها وحضنت خالد الا ضحك وسط دموعه .. قام  انسحب بهدوء هو الوحيد الا طول الوقت بيسحب فى ناس حتى لو خلاص ماتت  

************ 

بااااك 

سميحه بتاخد نفسها كانها كانت غرقانه معاهم وحضنته جااامد .. يا حبيبى دا رعب .. الحمد لله انك رجعت الحمد لله  واتعدلت وبغيره وبشر واضح ضربته جااامد ... بقى انت  بتعملى تنفس صناعى  وكمان بتحضن غيرى  ومسكت رقبته .. دا انا ها اقتلك 

خالد : 😂😂😂😂 مش انا الا حضنت والله كان برئ وعفوى  .. ثم كمان لو فى امل واحد فى الميه انقذ شخص مش ها اتردد 

سميحه : بتضربه تانى ما روفيدا هانم تعمل التنفس اشمعنا انت 

خالد : روفيدا كانت مصدومه ومستسلمه استسلم غريب عمرى ما شوفت البنت دى كدا .. دايما اشوفها قويه وبتعرف تتصرف .. صعب بردو انك تفقدى حد يخصك ممكن تفقدى عقلك وتحكمك بنفسك فى لحظه 

سميحه بتبص له بنص عين : مش مرتحالك يا خالد وبتعلى صوتها .. نصيبه لتكون اتجوزت الست روفيدا ونسيتنى طول السنين دى دا انت ولسا ما كملتش 

خالد : شدها عليه هششش مش عايز هبل ماحدش عرف ياخد مكانك لا وانتى قريبه ولا وانتى بعيده عنى .. انا عايزك انتى وبس اكتفيت بيكى 

سميحه بدلع وابتسامه : طيب كمل وتخنت صوتها عملت ايه مع روفيدا .. قصدى مع الناس 

خالد ضحك : غيوره انتى يا قلبى دا انا لسا راجع اكسبينى طيب فى صفك 

سميحه : انا عرفت البت زهره كانت بتجنن لما بقف فى نص الحكايه ليه .. كمل وبعدين اكسبك 

خالد اتعدل : مين زهره دى 

سميحه نسيت كل حاجه وحكتلو كل حكايتها لحد ما اتجوزت تامر امبارح .. 

خالد ابتسم : والله كووويس ربنا بيعوض بردو وتامر جدع زعلتينى على مراته 

سميحه : انا عشت وشوفت كل وجعى فيك فى عيون تامر وحياته 

خالد : ربنا ما يكتبها على حد يا قلبى ..  يعنى زهره بقى هى الا تعمل لنا حفلاتنا انا وانتى 

سميحه بثقه : طبعا .. وانا بقيت ايه شاطره واعرف اعمل لوحدى 

خالد : بيبص لها لسا زى ما انتى صغيره وجميله وطفله زى ما انتى 

سمحيه شدته بما انك مش ها تكمل قوووم عشان نروح لمامتك وبابك واخواتك .. قوووم 

خالد : بلاش انهارده خليها بكرا 

سميحه : انت خايف كدا ليه يا قلبى  .. والله لسا حليوه وصغنون 

خالد : لا مش عايز انهارده 

سميحه خلاص براحتك ..ومره واحده سمعت صويت وصريخ على السلم .بقلم لبنى طارق. اتنفضت من مكانها .. يالهوووى زهره بتضرب تامر ..قصدى تامر بيضرب زهره .. يووووه وبيبتص لخالد الا متنح من تحولها .. وبتشاور عل  الباب فى حد بينضرب برا .. قامو فتحو الباب . .. وسميحه اتفاجئت بحسام طليق زهره معاه اتنين بلطجيه  بيتهجمو على تامر 

حسام ماسك تامر والعيال الا معاه مكتفينه  : انا ها اعرفك ازاى تضربنى والهانم قاعده عندك كان

زهره نطت على حسام ومسكته من شعره  : تعالى بقى انت ما بتجيش بالذوق .. سيب جوزى يا حيوان يا همجى 

حسام بعصبيه : بيزقها جااامد وقعها وسميحه جريت عليها قومتها 

زهره ماسكه دراعها : اعاااااا زقنى يا سميحه كسرنى يا سميحه .. هو دا جوزك الا غرق يا سميحه 

سميحه :  يخربيتك اخرسى 

خالد ضرب حسام وتامر قدر يفك نفسه من الاتنين التانين .. وبيضرب مع خالد وبدئو يزقو حسام والا معاه على السلم لحد ما نزلو تحت وشباب الشارع اتلمو عليهم وكملو ضرب مع خالد وتامر 

تامر : ماسك حسام قولتلك ها احبسك لو جيت هنا تانى .. زهره بقت مراتى  فاهم والا عايز تفهم تانى ابعد عن حياتها وعن طريقها 

خالد : سيبه خليه يمشى وبيزق حسام غور من هنا انا عرفت ان بقى عندك عيال حافظ على بيتك وعيالك وبطل نداله 

حسام بعياط : انت خطفتها منى انا لسا بحبها وهى كمان بتحبى 

تامر بعصبيه : ها اطلع روحك لو جبت سيرتها تانى على لسانك .. والا بيحب ما بيغدرش ولا بيخون 

حسام : هى قالتلى اتجوز ها تفرق مين اهى اى واحده تجبلى العيال 

خالد : انت ما بتفهمش تحط عينك على صحبتها وتضربها وتطلقها غير الاهانه اليوميه منك وتاخد شقتها .. وتقول هى قالتلى اتجوز ياخى عيب على شنبك الا فى وشك دا .. ثم كمان خلاص الحكايه خلصت الست اتجوزت والموضوع انتهى ياله بلاش شر وأمشى من هنا وفعلا حسام مش بعد ما فقد الامل كل شئ انتهى فاق من غلطته متاخر بعد ما اكتشف ان سمر مش اكتر من انسانه طماعه وحقوده .بقلم لبنى طارق .. طمعت فى حيات صحبتها وعيشة غيرها وحقدت عليها وبعد ما طلق زهره واتملكت منه دمرت حياته وعكننت عليه 

************ 

تامر بفرحه بيحضن خاااالد وبيخبط على ضهره جااامد ...يا حبيبى حمدالله على السلامه ..الواحد فقد الامل يشوفك تانى 

خالد بيرفع ايده لفوق : ربك قادر على كل شئ 

اهل المكان كلهم رحبو بخالد الا افتكروه على طول وعاملين زيطه كبيره والشارع اتحول كله لفرح وزغاريط وخالد مبسوط نفسيته اتبدلت وفرح جدا رغم انه ماعش وسطهم غير شهور .. بس فاكرينه كلهم ودا بيرجع لتعامله الطيب ووجود سميحه وسطهم ..  طلع على فوق هو و تامر وسعاد استقبلته بهوليله كبيره بعد ما كانت بتعيط  وتحضن فيه وتبوسه .. 

زهره مبسوطه جدا بعد ما عرفت من سميحه انه لسا راجع  .. وقاعده متشوقه تعرف ايه سبب الغيبه الطويله دى ..

تامر : قومو اعملو اكل انتو لسا ها تقعدو 

زهره : استنى يا تامر اعرف خالووود خرج ازاى من الميه 

خالد ضحك بصوت عالى جدا وسميحه خبطتها على راسها 

زهره بإحراج : احممم قصدى الكابتن خالد خرج ازاى من الميه 

تامر : قومى يازهره بدال ما اغرقك انا بالميه عشان تفوقى 

سميحه قامت وشدتها : قدامى يا مصيبه 

خالد شال زياذ وهو مبسوط قوى .. دا ابنك كله انت 

تامر : ايوا كان نفسى يطلع لامه بس طلع شبه ابوه 

خالد اندمج قوووى مع زياد وبيلاعبه وواخده طول الوقت فى حضنه وبيتكلم مع تامر .بقلم : لبنى طارق . ايه اخبار شغلك انت طموح من زمان 

تامر بابتسامه : الحمد لله تمام جدا تقدر تقول انى بقيت معروف 

خالد : انت شاطر يابنى عندك قدره غريبه فى تحويل كل حاجه للاحسن 

تامر : دا من فضل ربنا عليا .. انت اخبارك ايه وليه كل الغيبه الطويله دى وبدء يحكيلو اد ايه سميحه بتدعيلوه دايما وكل ما تشوف طفل تخليه يدعيله وعمرها ما نسيته 

خالد : تعرف كنت بستغرب من حاجات كتير بتحصلى والاقى ربنا بينجينى منها باعجوبه  فعلا كثرة الدعاء وخصوصا الصادق والخالص لله بيخفف من اقدارنا وبيجعلها بتنزل بلطف علينا   ... وبدء يحكيله على كل الا حكاه لسميحه والبنات خلصت وخرحت 

سميحه : استوب .. تكمل الحكايه بقى واحنا معاك 

تامر بتشوق : كمل كمل