رواية السعادة الفصل السابع بقلم ليل ادم
ملك: تعالي ادخل بابا سأل عليك أد كده
زين : وانا جبت اهو هو فين عمك مفتاح
ملك : أتلم يا زين بعدين مال وشك
زين : مفيش نتكلم بعدين عمي وعم عيالي أكبر شخصية قيادية في مصر
الأب: ايوه أعملهم عليا
زين : ولا اقدر ياعم الكوكب دا انت تعملها مع بلد
الأب: لا والله مش هاكل من الكلمتين دول
زين : غريبه مع أن البت لوكه شبعانه من الكلمتين دول وبتاكل برضوه
ملك : لا يا حبيبي دا علشان أنا عايزه أكل منهم
الأب: ولا بتسأل ولا بترفع التليفون عليا ولا اي حاجه ينفع يعني
زين : لا طبعا مينفعش وقله أصل مني كمان راسك أبوسها يا عم عموم مصر
الأب: نفسي اشوفك بتتكلم جد مره
زين : ليه كده بس يا عمي انت عايزني اموت صغير
ملك : بعد الشر عليك ليه بتقول كده
زين : خدت باللك بقولك بتموت فيا موت
الأب: هتقولي
زين : اي ده شكله مش مصدق طب اسمع علشان تصدق بت يا لوكه
ملك : نعم
زين : أنا ولا الحج مفتاح
ملك : مفتاح طبعاً
زين : يابت ردي متحرجنيش
ملك : (بتغمز ل والدها ) انت طبعاً يا زيونتي
زين : ها ها اي رأيك
الأب: دي غمزالي يا اهبل
زين : مش مهم المهم انها أشتريت خاطري (وبيضحك) مالك يا حج خير
الأب: اهو الحمد لله على كل حال شويه تعب متقلقوش
زين : انت عايز تتجوز مش اكتر اسمع مني
ملك : زين ملكش دعوه ب بابا
زين : روحي يابت اعملي شاي
ملك : مش رايحه
زين : لا هتروحي
ملك : قولت مش رايحه
الأب: ينهار ابيض انتوا لسه ناقر ونقير أعقلوا بقا
زين : لالالا دي حته من قلبي دي
ملك : ( بتضحك ) حبيبي ده
زين : ياله على المطبخ
ملك : احلي اتنين شاي
زين : هبله فحت يعني أنا على كده كل شويه
الأب: ربنا يخليكم لبعض يارب
زين : اللهم امين
الأب: خلي بالك منها يا زين أنا حاسس اني قربت اوي اوعي تزعلها في يوم ولا تمد ايدك عليها أنا عارف انك بتحبها وحنين عليها بس أنا حبيت اقولك كده علشان لو مفيش نصيب نشوف بعض تاني (وبدأ يبكي)
زين : لا لا بالله عليك بلاش الكلام ده ربنا يخليك لينا وليها يارب يا عم مفتاح هو أنا مهما اعمل مع ملك هقدر أديها ربع حبك ليها ( وقام حضنه)
الأب: اسمع كلامي و توعدني انك تحطها في عينك
زين : والله في عيني يا عم مفتاح بس بالله عليك كفايه دي لو دخلت وشافتك كده تموت فيها
الأب: خلاص والله مفيش حاجه روح اقعد مكانك أنا كويس
زين : طب ما تخليني جمبك على السرير السرير سخن
الأب: ياض اقوم بقا مش حمل هزارك أنا
زين : يا حلوتك ياعم مفتاح
ملك : اي ده صوتك عالي كده ليه وبتعمل اي جمبه أنا بقلق منك
زين : فرجته على حتت عروسه أحلي منك تخيلي أن طلع في واحده على الكوكب احلي منك
ملك : والله طب كويس طالما طلعت احلي مني ما تروح تتجوزها انت
زين : حاولت
ملك : والله
زين : اه اه حاولت بس للاسف رابطه دماغه كل ما أقولها حاجه تقولي يا مفتاح يا بلاش مز تاني مينفعناش
الأب: (بيضحك) يخربيت شيطانك يا زين
ملك : لا ما هو كده على طول لحد ما يجبلي جلطه
زين : بعد الشر عليك يا قلبي
ملك : لا خلاص بقا مش هصدقك تاني
زين : طب باح الخير
ملك :(بتغمز ل زين يسكت ) بس اسكت
زين : باح الفل طب بوسه بوسه
الأب: لا انتوا هتوجعوا قلبي خد مراتك واجري امشي
زين : اي ده هيا مش هتقعد معاك أربعين خمسين سنة لحد ما تبقا كويس
ملك : بص يا بابا كلامه
الأب: بيهزر انتي حقنه
زين : نشرب الشاي وننزل يا فقر
بعد انتهاء الزيارة والنزول والخروج من المنزل
ملك : في اي مالك يا زين أول ما دخلت كنت مخطوف كده
زين : طب استني حتى ننزل الشارع
ملك : الفضول قاتلني
زين : دا صاحب الفلاشه هو اللي هيقتلنا متقلقيش
ملك : اي ده بجد عرفت بتاعت مين
زين : بتاعت الحج مجدي يا اختي
ملك : ايوه بقا كده لعبت طب فيها حاجات مهما
زين : جدا جدا
ملك : حلو اوي
زين : هو اي اللي حلو ولعبت
ملك : ما طالما فيها حجات مفيده يبقا اكيد هو قالب عليها الدنيا احنا بقا نروح نقوله خد الفلاشه ونطلب منه الحلاوه
زين : حلاوه
ملك : اه حلاوه يجي عشرة عشرين ألف جنيه كده
زين : حلاوه ب عشره عشرين ألف جنيه كده يجيلك السكر
ملك : يا عبيط مش حلاوه تتاكل
زين : أما اي حلاوه تتشرب
ملك : لا فلوس يعني وكده
زين : يارب تقعي على وشك رقبتك تتلوح يا بعيده
ملك : وسع وسع خليني أطلع من الباب
زين : أطلعي
عربيه سوداء وقفه تحت منزل والد ملك
الحج مجدي: زين زين
زين : اهلا حج مجدي بتعمل اي هنا
حج مجدي: أركبوا
زين : طب ما اسيبها تطلع هيا وأنا جاي معاك لحسن أبوها مدمر نفسياً وعنده بعيد عنك تبول لا أرادي
ملك : اي ده لا يا حبيبي بابا معندوش حاجه أنا جايه معاك اشوفك بتاخد اي
زين : ابوس ايدك اسكتي واطلعي البيت وبلاش تخدي اللي أنا هخده الوقتي
حج مجدي: أركبوا
زين : حلو اوي ليكي نصيب تخدي نفس اللي هخده اركبي
ملك : اه اركب يا حبيبي
زين : (ضرب ملك على قفاها) وكمان لمضه يخربيت امك
بعد الوصول إلى منزل في مكان مطرف عن المدينة
الحج مجدي: اقعد يا زين
زين : لا والله مش عايز اكون ضيف تقيل على حضرتك احنا جايين من غير ميعاد وشكلكم شايلين العفش وبتفرشوا يعني يابخت من زار وخفف ياله بينا يا ملك
الحج مجدي: زين اقعد
ملك : ما تترزي تشوف الحج مجدي عايزك في اي
زين : تتخرسي يا بعيده
الحج مجدي: الفلاشه اللي معاك
زين: مالها
الحج مجدي: تلزمني
زين : وعرفت منين أنها معايا يا عمهم بس
ملك: راجل بتاع ربنا مكشوف عنه الحجاب أديله حاجته يا ضلالي انت لازم تاخد الحلاوه يعني ما كده كده هيديك
زين : وكتاب الله كدابه ولا تعرف ربنا هيا اللي قالت موضوع الحلاوه ده وعايزه تلبسهولي بشياكه
الحج مجدي: الفلاشه اللي معاك دي فيها جي بي اس أول ما فتحتها اشتغل عندي عرفت مكانك جيتلك على البرند بتاعك لقيتك قافل سألت عرفت انك عند والد ملك جيت استنيتك لحد ما تنزل براحتك أنا عارفك عيل جدع ومراتك ملك غلبانه وملكوش في المشاكل سلمني فلاشتي وكأنك متعرفش حاجه وخد الشنطه اللي قصادك دي واخرج من الباب ده غير كده هاخد الفلاشه والشنطه و انت عارف الباقي قصادك خمس ثواني تفكر
زين : ولا حته ثانية واحدة اتفضل يا باشا ( وخد الشنطه) قومي بينا من هنا
ملك : هنمشي من الصحراء اللي بره دي اذاي
زين : هو انتي لو سكتي هتتخدي غياب يابنت الجزمه
حج مجدي: استنا
زين : أهو زعل اهو ياللي تولعي
حج مجدي: كامل طلعهم بره ولا اقولك خدهم مكان ما يقولك زين
زين : أنا مش عارف اقولك اي ابويا نفسه مش هيعمل معايا كده
حج مجدي: طول ما انت راجل أنا ابوك تفكر تفتح ده (وأشار إلي بوقه ) هزعل منك واظن انت مش عايزني ازعل
ملك : هو بيهدد
زين : (كتم بوق ملك) حقك يا عم الدنيا حقك بينا يا عم كامل
وخدهم كامل الي منزل زين
