رواية حينما تعشق الذئاب الفصل السابع
<انا احبك..>!
خلاص يا بنات ده اخر فصل هينزل امتحناتي جت قولت انزل واحد اهوو عشان متزعلوش هو اه قصير بس الي قدرت عليه ابقو قولو رائيكم ادعولي ربنا يوفقني هتوحشوني الكام اسبوع دول يابنانيت😢
"اسيل" عمر افتح الباب وخليني اخرج..!!
"عمر" /وهو يجلس علي كرسي المكتب/ لا....
"اسيل" انت مجنون صح...
"عمر" مش عايز صداع روحي اقعدي لحد ماخلص شغلي ونروح..
"اسيل" يا عمر ابوس ايدك بطل بقاا انا تعبت...!!
"عمر" اسيل خلصنا انا مش هسيبك خالص..!
"اسيل" انت عارف فرق السن بنا كام..
"عمر" تسع عشر سنين مش كتير..!!
"اسيل" يا عمر انا مبحبكش...
"عمر" كدابه..!
"اسيل" احنا مننفعش لبعض انا وانت زي اليل والنهار مينفعش يكونو مع بعض في نفس الوقت عشان مهما حاولنا في حد هيجي يفرقنا مش كل الناس طيبه انت لغيري وانا لغيرك يا عمر.....!
"عمر" انت لغيري وانا لغيرك....انتي عارفه قد ايه الجمله دي وحشه..!!
"اسيل" وهي عشان وحشه لازم تعرفهاا..؟
"عمر" /وهو يتجه ليقف امامها/ لازم اعرفها بس مش لازم نطبقها..!!
"اسيل" لا لازم...لازم عشان مش كل حاجه نعوزها بناخدها..؟
"عمر" /بانفعال/ طب ليه..ليه مينفعش الحجات الحلوه الي بنحبها تكون لينا..!؟
"اسيل" مش انا الي هقدر اجوبك...انت الي تجاوب نفسك..!!
"عمر" مش ملاحظه انك بقيتي تتكلامي كتير وبتقولي الغاز غريبه..؟
"اسيل" انا بقول الغاز وانت لازم تحلها ممكن بقا تفتح الباب..!!
"عمر" /ببرود واستفزاز وهو يضع يده في جيبه/ لا افتحيه انتي...!
"اسيل" /وهي تغمض عيناها بغضب/ افتحه بدل ما اصوت والم الناس..
"عمر" /ببرود/ صوتي المكان مكاني الشركه شركتي الموظفين موظفيني وطبيعي لما يلاقوه مديرهم قاعد مع حبيبته ميدخلوش.....!!!
"اسيل" خلاص...خلاص بقيت حبيبتك..؟
"عمر" /وهو يبتسم بجاذبيه/ واحلي حبيبه وحياتك...
"اسيل" متقلش كده..
"عمر" وحياتك و وحياه عيونك البني دول...
"اسيل" /وهي ترجع خطوه للخلف/ عمر بطل....
"عمر" /وهو يقترب خطوه/ انتي مالك حلوه ليه ؟
"اسيل" /بحرج/ ه...هاا...
"عمر" /وهو يقترب اكثر/ هو ايه الي هاا..
"اسيل" /وهي تلتصق ورائها لتنظر للحائط بذعر/ م...ممكن تبعد..
"عمر" لا انا مش هقدر كل يوم عماله تحلوي كده...!!
"اسيل" /وهي تحاول عدم التأثر بكلامته التي مثل السحر الاسود/ انت فاكر هتاخد عقلي بكلم...
/لم تكمل كلامهاا فقد حاوطها عمر بسرعه بيداه ليكون وجهه امام اعينها مباشره حتي انه يكاد يشعر بانفسها المضطربه ليقول بصوت رجولي يكسو الحنو/ خليكي معايا....تحت اي ظرف مهما حصل خليكي معايا...انتي الحلم الي جيه يطرد كل كوابيس حياتي انتي شعاع النور الي نور قلبي....انتي مش عارفه انتي عملتي فيا ايه....انتي الحدوته الي بتمنها تكمل...انتي الخيال الي مش عارف اخرح منه...انا معجب بيكي عشان طفولتك...عنادك...شقوتك...روحك..معجب عشان انتي...اسيل انا....انا بحبك...
/كانت هي تنظر له وكانه معجزه....لم تغمض جفن او تحرك رمش بل تبتت اعينها عليه...كانت كلامته كورود حمراء تلاقي علي عازفه كمان ماهره علي المسرح/
"عمر" انا مسمحك..مسمحك عشان الحب عباره عن مسامحه...!
"اسيل" /بتنهيده/ انت متعرفش كلامك بيعمل فيا ايه...!
"عمر" كذب في كذب مش عارف اصدق مين فاصدقتك...اسيل انتي املي الوحيد الي هيعلقني بالحياه...انتي مش عارفه عملتي فياا ايه...!!
"اسيل" انا شايفه فراق في اخر الطريق يا عمر....سامعه صوت لحن حزين..!!
"عمر" بأيدنا...والله بأيدنا نخلي الطريق مليان ورود بدل الاشواك...ممكن نخلي فيروز تغني في اخر الطريق بدل الحن الحزين..؟!
"اسيل" /وهي تغمض اعينهاا بوجع وحسره/ انا اسفه لو هخذلك في يوم..!!!!
/في منزل نورا/
"نورا" البت دي لازم تتربي..
"شاهي" صح يا مامي...
"نورا" علي راي المثل اتمسكنت لحد اما اتمكنت...بتعصي اوامري..
"شاهي" /محاوله اشعال امها اكثر/ تؤ تؤ...سوري يا ماما بس فعلا هي ذودتها اوي..احم احم خصوصا يعني معاكي مش عملالك اعتبار..!
"نورا" /بعصبيه/ طيب انتي هتشوفي هعمل فيها ايه...!
"شاهي" هاا لا يا مامي سبيلي الموضوع ده..
"نورا" هتعملي ايه يعني..!
"شاهي" متخفيش هتصرف قرصه ودن بس..
"نورا" لا بلاش اخرجي برا الموضوع..
"شاهي" جرا ايه يا مامي..متقلقيش..
"نورا" /بجديه/ شاهي قلنا قرصه ودن اوعي تأذيها..!
"شاهي" عيب عليكي يا مامي هو انا صغيره..!
"نورا" تمام يا حبيبتي انا طالعه اريح شويه..
"شاهي" نوم الهنا يا مامتي...
/ما ان خرجت نورا الي الخارج حتي اخرجت شاهي هاتفها تطلب المدعو هشام/
"هشام" عايزه ايه يا شاهي دلوقتي..
"شاهي" مالك..
"هشام" الزفت ذياد ده شفته تاني...
"شاهي" ذياد مين..؟
"هشام" بتاع ملك..!!
"شاهي" ااااه....وشوفته فين..
"هشام" في الكافيهه لما كنت بقابل ملك..!
"شاهي" /بذعر/ نعم وانت تقابل البت دي ليه..
"هشام" الله جرا ايه يا شاهي مش لازم الين دماغ البت بكلمتين...
"شاهي" تمام وده كان اتفقنا..
"هشام" صح...
"شاهي" انا عيزاك في حوار كده بخصوص اسيل..
"هشام" اسيل مين..
"شاهي" البت بتاعت عمر يا هشام انت نسيت..!!
"هشام" لا تمام خلاص...بس هي مالها ومالي..
"شاهي" معرف انا حاسه انها بتحوم حولين عمر..
"هشام" لا مانتي فعلا احساسك عالي..
"شاهي" ممكن تبطل هزار..!
"هشام" اممم سمعك...
"شاهي" عايزه اقرصلهاا ودانها..
"هشام" بمعني..
"شاهي" كام كلمه جامده وتهديد من بتوعك..
"هشام" طب وهو انا هشوفها فين ؟
"شاهي" بيتهيألي عندها درس بليل في....
"هشام" تمام هحاول..
"شاهي" مفيش حاجه اسمها هحاول..
"هشام" ماشي يا شاهي ماشي...باي..؟
/ اغلقت شاهي الهاتف وهي تبتسم بمكر و تتوعد لتلك القطه الصغيره/
/في الجيم/
/كان ذياد يتدرب بشده وبادي علي ملامحه الضيق والغضب ليقطعه صوت مضربه قائلا بجديه/ كفايه يا زيزو خد راحه...
"ذياد" لا يا كوتش انا تمام..
"المدرب" طيب بس متحملش كتير..
"ذياد" ماشي...
/بينما اكمل ذياد تدريبه بحده وهو يتمتم بغضب متذكر ما حدث بالامس ليلا/ عيله مجنونه...قال ايه فستان احمر وقصير..عايزه تتربي...فرحانه بجمالها اوي وكله عمال يبصلهاا..ماشي يا ملك ماشي..!!
Flash Back
(في المساء)
/عبر الهاتف/
"عمر" صدقني هي دي البنت الي هتمسكنا طرف الخيط...
"ذياد" خيط ايه وزفت ايه...مش هاروح ديسكو انا..
"عمر" ياعم انت مبتعملش حاجه لوجهه الله ابدا..
"ذياد" انت اهبل ياعمر....اعمل حاجه لوجهه الله اروح ديسكو..!
"عمر" الله اعمل ايه يعني مهو عشان الزفته القضيه ؟
"ذياد" لا ياعم استغفر الله ياعم لا....
"عمر" ولا هتعمل محترم عليا اشحال دفنينه سواا..
"ذياد" اوف خلاص خلاص اكتم.
"عمر" سلام
"ذياد" سلام ياعم..
/وبالفعل ذهب ذياد الي الديسكو ليدلف وهو يشعر بالأشمئزاز ليجلس علي الكرسي يفتش بعينه علي تلك الفتاه/
"ذياد" هات حاجه اشربهاا..
"العامل" ويسكي..
"ذياد" تؤ صودا..
"العامل" تمام..
/جلس ذياد يحتسي مشروبه الي ان وقعت اعينه علي شي ليقف الشراب فحلقه/
"ذياد" كح...كح كح....يا صلاه العيد..كح...ده مين الي داعه عليكي../قالها وهو يقف بهيبته وطوله الفارع و وسامته المفرطه الي حلبه الرقص....ليجذب ملك بشده وينظر لها بتفحص من فستانها الاحمر الضيق دون اكتاف فوق الركبه مما يجعلها فاتنه وجذابه جداا وهذا ما يراه ذياد في اعين الرجال حولهاا تمني لو ينقص عليهم كالذئب صارخا توقفو عن النظر اليهاا فهي ملك لغيركم؟؟؟؟؟؟!/
"ملك" Hi....
"ذياد" Hi....Hi اوي...دانا الي هوريكي ال Hi عامله ازاي...
"ملك" What...
"ذياد" وات واتو عليكي ساعتين وستو يا بعيده...؟؟؟
"ملك" في ايه مش فاهمه...
"ذياد" انتي جيتي ازاي ثم ايه الي انتي متنيله لبساه ده...
"ملك" فستان..
"ذياد" شوف سبحان الله وانا الي فاكره مايوه..
"ملك" انت بتتريق...
"ذياد" لما الاقيكي لاابسه حاجه مبينه جسمك ومجسمه عليكي يبقي مايو...
"ملك" ذياد ارجوك...
"ذياد" /بصراخ/ بت انا خلقي ضيق انطقي مين الي جابك هناا..
"ملك" /بعناد/ ملكش دعوه..
"ذياد" مله علي جنابك قللت الحيه...
"ملك" انا انا قللت الحيه ؟
"ذياد" وعايزه تربيه..
"ملك" انا مش متربيه !
"ذياد" ذودي بقاا وعايزه كسر رقبتك ؟
"ملك" انت بجد غريب....
"ذياد" /وهو يخلع جاكيته الجلدي الاسود ويضعه عليها/ لما نروح يا ملك هوريكي الغرابه !
"ملك" طب تصدق مش مروحه معاك..
"ذياد" /وهو يذهب للمنتطده قائلا/ سوري يا كباتن الفرش ده يلزمني../انهي جملته ليشد الفرش الاسود الموضوع اعلي المنتطده لتنكسر الاشياء وتقع ارضاا مع ذهول الجميع/
"ملك" /بصدمه/ انت مجنون...
"ذياد" /وهو يجذبهاا من خسرها ويلف الغطا حولهاا/ خليكي شاطره معايا عشان هعمل حجات وحشه مش هتعجبك.
"ملك" اوف الناس بتبص شيل الغطا ده من علياا..
/بينما اكتفي ذياد بجذبهاا معه للخارج بحالتها هذه/
"ذياد" والله عال بتخرجي من ورايا وكاني طارطور..
"ملك" ط..ايه ؟
"ذياد" بس اسكتي انا مش طايقك اركبي...!!
"ملك" /وضعت يدها تزيح الغطاء من عليها/
"ذياد" /بحده/ وربي لو شيلته لوريكي ليله سوده علي دماغك..؟
/بينما اكتف هي بالصمت مع بعض النظرات الخائفه/
/في منزل ذياد/
"ذياد" بردك مش هتقولي من الي روحتي معاهم هناك..
"ملك" صاحبي البنات ارتحت..
"ذياد" البنات دي ملكيش دعوه بيهاا ابدا..
"ملك" بس...
"ذياد" /بحده/ ملك....
"ملك" /بحزن/ oky
"ذياد" /وهو يجذبها من اذنها/ ورب محمد يا ملك لو لقيتك لابسه كده تاني هفرمك....!!
"ملك" اي..اي حاضر والله سيبني..
"ذياد" جتكم الهم بنات اخر زمن..
"ملك" اصماله..
"ذياد" نعم...
"ملك" no..ولا حاجه..
/بينما دخل ذياد غرفته يذفر بشده من تصرفات تلك المجنونه التي تجعله يفعل تصرفات غريبه/
Flash Back
(في شركه عمر)
"عمر" اعترفي بقاا واخلصي...
"اسيل" /بحده/ لا..
"عمر" اعترفي بمزاجك احسنلك..
"اسيل" لا عمري ماعملها لو حطيت السيف عرقبتي!
"عمر" /بتحدي/ متاكده..
"اسيل" /بثقه/ اهاا..
/بلامح البصر اختفي عمر من امامها لتتنهد هي بوجع من مشاعرها المكتومه وكلامها التي لا تريد البوح به فـ في قلبها فجوه حب اذاا خرجت ستدمر الجميع..!!/
/بعد عده دقائق سمعت صوت عمر في مكبر الصوت يرن باذنها قائلا/ نرجو من السيده الانسه الي هي هتبقي مراتي هههه احم نرجو منها التوجهه خارج الشركه ضروري حياه او موت نكرر حياه او موت.....
"اسيل" /وهي تفتح الباب وتخرج بسرعه/ مجنون...!!
/في خارج الشركه خرجت اسيل لتجد الجميع يقف وينظر لاعلي بذهول تتجه بـ بصرها نحو الاعلي لتلمح عمر وهو يقف اعلي البنايه علي الحافه/
"اسيل" /بذعر/ عمر...عمر انت بتعمل ايه..
"عمر" /بصراخ كي تسمعه/ بصييي بقااا انتي قدامك حل من الحلين يا تقولي بحبك يا تقولي بحبك ياما هرمي نفسي والزمب فرقبتك وانتي عارفاني مجنون واعملها ؟
"اسيل" /بصراخ وذعر/ انزل وبطل جناان هتقع يا عمر..
"عمر" اسيل حيااتي في ايدك..
"اسيل" طب انزل بس وهعمله واقولك كل حاجه..
"عمر" لا يا حلوه قوليها دلوقتي...
"اسيل" يا عمر كفايه بقاا اعصابي تعبت..
"عمر" طب ما تقوليها وتخلصي بدل ما اموت ويكون نهايتنا زي روميو وجوليت والناس النكد دي...
"اسيل" لا يا عمر مش هعمل الي فدماغك..
"عمر" /وهو يرفع قدمه لاعلي قليل/ بصي يا بنت الناس هعد ل 3 لو مقلتيش اقري الفتحه علي روحي وزعي سندوتشان حلاوه...!! 1....2...2ونص...3الاربع...3....
"اسيل" /بصراخ/ بحبك....!!!!!!!!!!!
