رواية حاقدة الفصل الثامن 8 والاخير بقلم ايمان مرسي

حاقدة

#الجزء_الأخير

خالد يموت وأنا السبب ذهبنا للمستشفى واعترفت للطبيب بكل شىء أمام ذهول أمى ،نعم اعترفت لارتاح وليفعل الطبيب أى شىء ليسعف أخى صممت أمى بعمل محضر لى بإنى عرضت خالد للموت وسجنت وأنا الآن فى السجن أكتب ما مررت به وواعترفت على الساحر وما يفعله و ذكرت فى المحضر أسماء كبيرة لكنى أصبحت فى نظر الجميع مختلة 

إيه بقا يا أميرة كنت بتحطى منوم لأخوكى ليه 

عشان أعرف أخرج

ليه بقا 

عشان الساحر كان بيطلب منى إنى أروح مقابر وأحضر جلسات تحضير أرواح مع ناس مهمين وبكون أنا وسيط بنهم 

ساحر وتحضير أرواح 

إنتى هتعملى فيها مجنونة 

أنا قولت على أسماء الناس اللى اتعملت معهم جبهم واسئلهم

أجيب مين أنت يظهر هتتعبينى 

الساحر اسمه أسامة عبد الخالق هو دكتور نفسى 

وانت كنتى بتتعلجى عنده 

لا أنا مش مريضة أنا كنت المفروض زبونة عنده بس هو استغلنى عشان اكون مساعدة ليه فى الحاجات اللى بيعملها

أنت هتتعبينى شكلك كدا 

طيب دوروا عليه وانا هواجهه بالكلام دا 

انت معندكيش أى دليل الى بتقوليه ندور على مين بقا 

لا عندى فى صور كنت مصوراها على موبايلى للعيادة 

أحنا شوفنا موبايلك مش عليه غير صور لبيتكوا 

بيتنا !!!

مستحيل أنااا ،أنا متأكدة إنى كنت بصور العيادة 

تنهد المحقق قائلا تحول إلى مستشفى الأمراض العقلية لمعرفة صحة قواها العقلية 

حضرتك أنا مش مجنونة هو السبب فى اللى أنا فيه 

مين بقا ؟؟

الساحر..

خدها يابنى وديها الحجز لغاية ماتترحل مش ناقصين جنان 

بعد يوم واحد من ترحيلى للمستشفى حضرت والدة آمال ومعها الفيديو الذى كنت فيه أقطع شرايين أبنتها وهى تحت تأثير المخدر كانت تدعى على وتصرخ وأنا أقسم لها إنى لم أفعل شىء بإبنتها وأصبحت الجريمة بدلا من شروع فى قتل خالد أخى إلى قتل عمد صديقتى آمال تغيرت كثيرا قررت ألا أرد على أحد أنا أعرف إنى لست مختلة لكن لا دليل معى شقة الساحر التى وصفت عنوانها أتضح إنها شقة المهندس حاتم السيد وعندما رأيت دكتور حاتم أو المهندس حاتم تذكرت فورا إنه يدرس لى فى الجامعة كيف حدث هذا؟؟ وما علاقته بالموضوع ؟ شهدت زوجته بما حدث وإنى ذهبت إليهم فى ساعة متأخرة ووصفتنى هى أيضا بالمجنونة ..كيف أدخلت نفسى هذه المتاهة كنت أعيش فى بيتى مع أخى وأمى ،كان سيكون لى مستقبل باهر  بعد تخرجى من كلية الهندسة التى طالما حلمت بالالتحاق بها لكن الآن أصبحت قاتلة مجنونة فى نظر الجميع ،لماذا لم أرضى بما كتبه الله لى ؟؟ الآن أنا نادمة فى وقت لا يصلح معه الندم 

بعد مرور أسبوع 

أفتح الباب يابنى للدكتور 

ميرا عاملة ايه

لم ترد أميرة ظلت فى صمتها شاردة فى اتجاه شباك الغرفة غير مبالية بما يحدث حولها

طب مش عايزة تشوفى مين بيكلمك

هذه الصوت مألوف لدى لا يمكن أن يكون هو 

جحظت عينيها بعد أن أدارت رأسها فى بطء شديد لتجده أمامها 

أنت حقيقى ولا خدعة

حقيقى طبعا أعرفك بنفسى أنا دكتور عادل هكون مشرف على حالتك هنا 

أنت أسامة صح

أسامة مين؟؟

الساحر!!

أنا قولتلك إيه قبل كدا ؟؟ أنا مش ساحر بالمعنى المفهوم 

يعنى أنت حقيقى موجود وأنا مش مجنونة 

أنا أه موجود بس مش السبب فى اللى انت فيه كل اللى أنت فيه دا من أمنياتك وأنا كنت بساعدك بس

أنت دمرتنى وبقيت فى نظرهم مجنونة قولهم أنك كنت ساحرنى وأنا بعمل كدا 

ساحرلك أنت عايزاهم يقولوا عليا مجنون أنا كمان بعدين أنت نسيتى كلامى لك مش قولتلك شيطان العصر هو العلم 

عملت فيا كدا ازاى وموفقة اتعدم بس أفهم

وأنا هريحك يا ميرا بصى أنت قتلتى صحبتك وكنت هتقتلى أخوك بإرادتك أنت كنت عايزة كدا فى عقلك الباطن وأنا نفذت رغبتك 

أنا عمرى ما كنت عايزة أقتل 

طيب تيجى نسمع حاجة كدا مع بعض 

شغل لى على موبايله بعض مقاطع الفيديو بينى وبينه كانت عبارة عن محادثات بيننا على ماسنجر 

أيوة يعنى أنت إيه تعبك يا ميرا

"أخويا متعب جدا وأمى دائما محملانى مسئوليته كأنه ابنى أنا معشتش طفولتى بسببه كنت اغيرله وأكله واشربه وماما نائمة وسيبانى تعرف لو عيط شوية تصحى تضربنى وتقولى ملكيش لازمة ،يااا نفسى يختفى من حياتى خايفة يضيع شبابى كمان وأنا بربيه"

هاااا دا كلامك ،اسمعى كمان دا

"أنا عمرى ما حبيت آمال بس كنت مصحباها لأنها كانت اجتماعية وناس كتير تعرفها وبتحبها كنت بغير منها نفسى تموت عشان اعرف أنا أعيش"

أنا مش فاكرة الكلام دا

لأنك كنت تحت تأثيرى بس بتقولى اللى متقدريش تقوليه حتى لنفسك بس كل دا كان جواكى 

إزاى كنت بتخلينى كدا

بصى يا ميرا لولا أنك جبتى أسماء ناس كبيرة فى التحقيق كنت خرجتك من اللى أنت فيه بس أنت غلطتى والمرة دى الغلطة كبيرة أووى وأنا بردو طلعت أصيل وهخليك مجنونة بدل ما تتعدمى 

لا أنا عايزة اتعدم بس أفهم 

أول رسالة جاتلى منك فكرت إنى مردش لأنى بختار بعناية اللى هرد عليهم بعدين قررت اعرفك الأول بعتلك لينك وأنت فتحتيه وقدرت أهكر تليفونك وعرفت تفاصيل حياتك وصورك ومكالماتك وقدرت أدخل جوة دماغك بالتنويم المغناطيسي وأسيب فى الذاكرة اللى عايزه وأمحى اللى عايزك تنسيه

طب أزاى كنت بروح العيادة وفى نفس الوقت هى مش موجودة 

عشان العنوان اللى كان ثابت فى الذاكرة عندك هو عنوان الدكتور بتاعك فى الكلية وأنت على فكرة اللى عرفتهونى مش أنا لكن أنت كنت بتيجى عيادتى فى مكان تانى خالص 

أزاى دا حصل ؟؟

ما قولتلك كنت تحت تأثير تنويم مغناطيس ومسح كلى للمعلومات اللى مش عايزها تكون موجودة عندك ودا عن طريق عقار من أختراعى أنت كنت بتاخديه كل ما تيجى فى كباية العصير فبتنسى كل شىء وميفضلش فى دماغك إلا المعلومات اللى بحفضهالك وبس ودى أمرها سهل أنت عقلك وحركات جسمك كلها بتكون تحت سيطرتى 

مش قادرة أفهم كلامك 

لأنه صعب عليك تفهمى أنا عظيم يا أميرة عبقرى وكان لازم استخدم عبقريتى دى فى إنى أدوس أى حد يشكك فيها 

طب أنا ذنبى إيه 

نصيبك 

أنت اللى خلتنى أقتل وأنا مغيبة 

أنت اللى أخترتى وسمعتى بنفسك اللى قولتيه وأنت مغيبة زى ما بتقولى 

أنت شيطان

وأنت مش أقل منى بس أنت غبية وأنا ذكى دا الفرق

هبلغ عنك

تانى!! محدش هيصدقك كمان أنا الطبيب المعالج هنا يعنى كله تحت السيطرة 

انهرت لعنته وشتمته بأسوء الألفاظ تركنى وأنا مازلت لا أصدق ما أنا فيه كتب على البقاء هنا فى غرفة لا يوجد بها غير سرير ونافذة وذكريات لا أعرف منها الحقيقى من الزائف ومن الممكن أن أكون مختلة وأتوهم ...حقا أصبحت لا أعرف

تمت....