رواية صدمه كامله جميع الفصول بقلم كوكى سامح
النهارده تانى عيد جواز ليه وماما وآسر جوزى اتفقوا يعملوا حفله كبيره وطبعا كانت مفاجأه ليه لأني مكنتش جاهزه ولا عامله حسابى على الحفله دي رجعت من العياده ودخلت الفيلا لقيت أهلى واصحابي وكلهم مبسوطين وماما كانت فرحانه اوى ما انا بنتها الوحيده اللى ربتها احسن تربيه انا الدكتوره نسمه عندى 25 سنه اما آسر جوزی عنده 28 سنه وهو محامى بس لسه مبتدأ اول ما اتقدملى بابا وماما رفضوا وقالوا انه مش من مستوانا بس مع الوقت انا اقنعتهم انه ده الإنسان اللى هتشرف بيه وفعلا آسر اثبت ده وفى وقت
بسيط آسر اشتغل ع نفسه وبقى محامى مشهور ومعروف ومسك فلوس كويسه وماما وبابا فرحوا بيه
اوى مش علشان الفلوس لأ علشان آسر اثبت انه راجل بجد وبيخاف ع بنتهم الوحيده انا فعلا فرحانه بآسر جوزى اوى بس يا خساره الحلو ميكملش انا عندى عيب ولازم عمليه علشان اخلف وكل الدكاتره أجمعوا اني اعمل حقن مجهرى وانا رافضه وقولت هجرب العلاج الأول وفعلا كنت باخد العلاج ومنتظمه وأسر جوزی وقف جمبى اوى لحد ما ربنا كرمنى وعرفت النهارده ويوم عيد جوزانا انى حامل انا حاسه اني طايره من الفرحه دخلت الفيلا وانا مبسوطه وفرحانه ومن غير ما يعرفوا اني حامل شوفت في عين ماما وآسر لامعه جميله اه ما هما
فرحانين علشانى وكل ما سنه بتعدى ع جوازنا بحس انى بحب آسر اكثر واكتر وماما شافتني وقالتلي انتي وصلتی یا نسوم يا روح قلب مامي أيه رأيك فالحفله انا وآسر قولنا نفرحك يا حبيبتي
نسمه قالت في سرها انا مش هقول اني حامل دلوقت هخليها مفاجأه واقولها لما آسر يقدملي هديه عيد جوزانا والحمل هديتي لحبيبي آسر نسمه : اه يا مامى انا فرحانه اوى والحفله تحفهه كفايه انك فيها يا حبيبتي ربنا ما يحرمنى منك يا ست الكل
آسر : حبيبتي نورتى دنيتك كل سنه وانتى طيبه وقاعده على قلبي مربعه
يلا اطلعی غیری هدومك انا اشتريت فستان سواريه هتلاقيه عالسرير فوق وجاهز عاللبس علطول ونسمه راحت حضنت أسر وطلعت على اوضتها وسابت المعازيم علشان تلبس وتنزل الحفله ولما طلعت دخلت اوضتها وكانت فرحانه اوى ووقفت قدام المرايا ومسكت بطنها وقالت اخيرا هفرح وهخلف من حبيبي آسر اه يا قلبى وشافت فالمرايا الفستان وقالت الله ده لونه ازرق جميل اوى ربنا يخليك ليه يا آسر
وابتدت تغير هدومها ولبست الفستان وقالت انا وشى شاحب اوى لازم ميك اب وقعدت ع التسريحه
وعملت ميك اب لنفسها خفيف وجهزت وخرجت بره الأوضه وقالت لما اروح اخد سلفى بالفستان الأزرق ده لونه تحفه وقالت انا هاخد السلفى عند باب اوضه ماما لأن لونه يشبه الفستان وهيمشى مع الفستان وهتطلع صوره حلوه وكمان انا بحب أتصور عالطول وراه وفعلا نسمه مسكت فونها وراحت عند اوضه مامتها ووقفت ورا الباب وهي بتاخد السلفى سمعت صوت آسر بيكلم أمها وبيقولها حامل ازاى انتى مجنونه انتى حماتى مينفعش ...
