رواية قدري والدال ميم محمود ورنيم ( كاملة جميع الفصول ) بقلم مجهول

- نعم يارنيم!!

- قصدي يعني اننا زي ما اتفقنا اننا نمثل كدا وكدا عشان نتطلق ومحدش هيرضى يبص لمطلقه

ف بابا يوافق يضطر اتجوز حسن....

- والي ف بطني ياهانم دا اعمل ف ايه ؟!

- انت بتقول ايه يامحمود ؟!

- قصدي يعني شايفاني هموت عليكي ، انا اصلا بعد الايام ياهانم عشان نتطلق...

- وانا بعد الساعات...

- وانا بعد الدقايق...

- وانا بعد الثو ...

- خلاص بقى مش هنفضل نعد لحد الصبح...المهم هنام فين ؟!

- ع الارض....

- كدا تنيمي جوزك ع الارض....جوزك ابو ولادك مروان ومنه...

- منه مين ؟!

- وبالنسبه لمروان دا عادي! 

- بص اولا انت مش جوزي...

- ثانيا ؟!

- ثانيا...تصبح ع خير...

- وانتي من اهله...بس برضو هنام فين ؟!

- يوووه ما قولتلك ع الارض...

" بقرف "

- هاتي المخده الي وراكي...

بياخد المخده وبيقرب الكنبتين قصاد بعض وبيروح الحمام الي عندهم ف الغرفه وبيلبس البيجاما وهو بيقول ف سره وهو متعصب..

- ماله التيشيرت والبنطلون ، قال ايه ابوها لازم بيجاما وماينفعش انام من غيرها!!

" فلاش باك "

محمود شاب ناجح ف حياته مليونير ، بيكافح مسكين لسه ع باب الله ، كان حظه ان فيه مشروع ضخم محتاج تمويل اكبر من امكانيته ...

اما بالنسبه لرنيم ف هيا البنت الجميله ذات الشعر الأسود والعيون الزرقاء ، البنت الدلوعه بنت باباها الملياردير الي كانت امنيه اي شاب ف الدنيا انه يتجوزها والي كانت اي حاجه بتعوزها كانت بتتنفذ الا حاجه واحده بابها كان رافضها وهيا انها تتجوز حسن ابن منافسه ف السوق 

وهنا كانت الخطه والاتفاق بينهم

محمود يتجوز رنيم ولولولولي وكدا ف مقابل انه ياخد التمويل من ابوها

وبعدين يتطلقو وهيا تتجوز حسن ....

ولكن كان شرط ابوها ان الجواز يكون عنده ف فيلاته الواسعه ...

" ف الوقت الحالي "

- اصحى يامحمود ، اصحى بسرعه...

بيفتح عينيه وهو لسه نايم ودماغه مدلدله ع جنبه وفاتخ بوقه

- ايه يا ، انتي اسمك ايه ، اه رنيم ، ايه يارنيم الدوشه دي ع الصبح...

- مامتك وبابا جات وجاين ع هنا عشان يباركو لينا....

محمود بيحرك عينيه العسلي ناحيه رنيم بيلاقيها حد تاني غير الي كان معاه امبارح

لبسه فستان قصير بتاع عرسان وشعرها ديل حصان وميكب ع اصوله

محمود سرح فيها وهو ف باله افيه

- جمل يابا الحج...جملللل

- محمود سرحت ف ايه بقولك مامتك وبابا جاين هنا

- مايجيو ياستي ...ااااه

- ايه مالك.. ؟!

- رقبتي يارنيم تعالي بسرعه اعدليها بسرعه....ااااه

بتجري بسرعه ناحيته وتمسك رقبته 

- اعمل ايه يامحمود ؟!

بوجع بيرد عليها..

- معرفش يارنيم ، لفيها يمين ولا شمال ولا اي حاجه....

- محمود انت مسامحني صح ؟!

- هتقطيعها ولا ايه...اتجي الله !!!...

- محمود 

- نعم...!

- سامحني...

- اتجي الله بقولك !!!

" مشهد سلو موشن "

" لفت رقبته عكس عقارب الساعه لحد ما طقطقت ، وهيا بتلف رقبته اتزحلقت رجلها وكانت هتقع لولا محمود حط ايده ورا ضهره وضمها لحضنه  وهو بيقولها بخوف وقلق"

- رنيم انتي كويسه ؟!

ودي كانت اول لحظه عيون محمود تاخد بالها من عيون رنيم

واول لحظه عيون رنيم تاخد بالها من عيون محمود...

- عينيك يامحمود يعني ، حلوه يعني....

- وانتي كمان يعني....

" ب ابتسامه من رنيم بتقوله   "

- انا كمان ايه ؟!

- يعني عينيكي...

" رنيم بتحر شعرها ب ايديها لورا  وهيا لسه ف حضن محمود "

- عينيا مالهم ؟!

- ياعني...قمرين...قصدي حلوين !!!

" الباب بيتفتح "

- بنتي...

- بابا ....لو سمحت حضرتك ماتفهمنيش غلط !!

- محمود ، ابني !!

- ماما استغفر الله ، ارجوكي كل حاجه وليها تفسير...

عم عبده بواب الي بينضف الفيلا وبيعمل الاكل بيدخل عليهم وهو شايل المشروبات للضيوف ، بيقف مبلم ومبرق ومحمود بيقوله

- لا ياعم عبده نظرات الشك الي ف عينيك دي مش هستحملها ، لا ياعم عبده لا...

- نظرات شك ايه يابيه ! ماهي مراتك ...!!

بيسيب الحاجه وبيخرج...

محمود بيقولهم

- ايه ياجماعه الافوره الي كنا فيها دي ؟!...

مامه محمود بتدي محمود هديه وبتقول لمحمود اديها لمراتك دي هديه مني...

محمود بيفتح الهديه بتكون عباره عن عقد الماظ 

- ليه تعبتي نفسك كدا ياطنط...

- ان ماكنتش هتعب لبنتي هتعب لمين ...

" مشهد سلو موشن "

محمود بيلف ورا رنيم وبيقرب من رقبتها وبيلم شعرها ع جنب وبيقرب من ودنها وهو بيلبسها العقد وبيهمس بنبره تخطف الانفس

- ع فكره انتي زي القمر النهارده...

بتبص عليه بطرف عينيه وهيا نبضات قلبها بتدق وبتعض شفايفها عضه خفيفه

- وانت كمان ع فكره...

- بالبيجاما دي !! معتقدش...

رنيم بتنفجر ف الضحك بعد جملته...

ام محمود بتقوله 

- ها الجواز حلو ؟!

- بيوجع الرقبه بس...

- نعم !!

- قصدي جميل ياماما ....

ابو رنيم بيقولهم

- نسبكم عرسان بقى احنا جينا نبارك...

- تسبونا ليه احنا كدا كدا مابنعملش حاجه !!!

 رنيم بتقرصه ف ايده وهيا بتقوله 

- اتلم يامحمود واسكت...

- منورنا ياحج...مش حج برضو ولا لسه ولا ايه !!

رنيم بتبرقله

- منورنا يابابا !

بعد ما بابها ومامته بيخرجو حلاص...

- بقولك يارنيم تيجي نخرج النهارده ؟!

- هتوديني فين ؟!

- ممكن ف الاول اعزمك ع ماك 

بدلع وهيا مبتسمه

- وبعدين 

- وبعدين ممكن نروح سينما 7D 

بنفس الدلع بتقوله

- ماشي وبعدين

- فيه يخت بتاعي كبير ممكن نلف بيه كتيير....

- ماشي....

ثواني هروح اغير هدومي واجيلك...

بيروح محمود الحمام وهو كله حماس 

- لا لا دي واقفت نخرج ونتفسح مع بعض اعاااااا ...محمود امسك نفسك...خلييييك تقييييل

انت واد تقيل...

بيخرج بره الحمام الي عندهم ف غرفتهم بيلاقيها خرجت ف البلكونه الي عندهم ف الغرفه

بيقرب منها ولسه هيخضها ويهزر معاها وكان فاتح موبيله ع حاجه كان عاوز يفرجها عليها

سمعها بتقول

- بص ياحسن انا اكيد مش بحب غيرك...

يومين ونتخانق ونتطلق ، لا لا انت حبيبي وانت الي ف القلب....اكيد هنتقابل النهارده 

 هو عاوز يفسحني وانا هاخده حجه عشان اقابلك...

محمود كان بيحب رنيم من قبل ما هيا ماتعرف...كان متابع الانستجرام بتاعها وكل صورها وكان معجب بيها جدا او بالاصح كان بيحبها ولما هيا عرضت عليه انهم يتجوزو هو وافق فورا لانه كان بيحبها بجد وكان عنده امل ولو واحد ف الميه انها تحبه وتنسى حسن

ولكن يبدو انها مجرد احلام

وكان عاوزها تعرف انه كان بيحبها ، وكان عاوز يفرجها الصور الي كان بيحفظها عنده ع موبيله من زمان من قبل حتى ما يتقابلو

بلع كلامها مع حسن ع مضض ، وقفل موبيله...

بتخرج رنيم بتلاقي محمود نايم ع الكنبه ومديها ضهره

- ايه مش كنا هنخرج....

صمت من محمود....

- طيب انا خارجه وهقولهم اننا هنتقابل بره....

بيلف ناحيتها

- استني هنا

-مالك متصعب ليه يامحمود ؟!

- كنتي بتتكلمي مع مين ؟!

- وانت مالك ؟!

- رنيم...

- محمود...

- رنييييم

- محمووووود

- لا احنا مش جاين نحفظ اسامي بعض...بكل هدوء كنتي بتتكلمي مع مين ؟!

- بكل هدوء كنت بتكلم مع حبيبي حسن...

- ياريتك مارديتي عليا...

- محمود احنا اتفقنا ع كدا من الاول وانت وافقت...وخد هنا " بنفس طبقه ياسمين صبري "

 انت بتغير عليا ولا ايه!!!

- لا مش بغير...

- لا بتغير عليا

- لا مش بغير...

- وانا بقولك بتغير

- ايوه قصدي لا مش بغير عليكي...ودي اصلا اسمها اساسات التعامل الزوج والزوجه...يعني انتي ترضي اني اكلم بنات واخرج معاهم

- دا انا ادبحك واشرب من دمك انت مجنوووون !!

- يعني انتي بتغيري عليا اهو كمان

- مابغرش يامحمود

- لا بتغيري عليا

- محمود مابغرش عليك ، ماتعصبنييييش...

- اومال اسمه ايه دا ؟!

- اساسات التعامل الزوج والزوجه ويلا انا خاجه سلام...

بتخرج بره وبترزع باب الاوضه وراها وهيا بتقول

- قال يكلم بنات ويخرج معاهم اتهبل دا ولا ايه....انت جوزي ومحدش يلمسك غيري

ايه يارنيم انتي اتهبلتي انتي كمان ولا ايه !!.

عم عبده

- نعم ياست هانم

- لو فيه بنات جات ولا حاجه اقتلهم واقتل محمود وبلغني 

- بتقولي ايه ياست هانم !!!

- سلام ياعم عبده...

محمود بيقوم من مكانه وهو متعصب وبيقول ف سره

- انا معصب نفسي ليه ها رد عليا انا معصب نفسي ليييييه...عادي يعني احنا كنا متفقين....

احنا كنا متفقين !!

انا هبلغ عليهم بوليس الاداب دلوقت عشان نتفضح كلنا !!!

ايه دا انا جوعت!!

هو دا وقته!!!