 |
اسكريبت رساله من شخص مجهول كامل بقلم رين
أحد المتابعين على الصفحة بعت ليَّا الرسالة دي وقبل ما أحذَّركـ.ـم بصراحة حصل شئ غريب؛
أنا فكرته الأول بيهزر لأني بيجيلي رسايل كتيرة سـ.ـخيفة بالشكل ده، يعني بسبب إسكربتاتي وكده، ولأن الرسايل دي بدأت تكتر عندي وأنا كنت بلَّـ.ـكت عدد كبير جدًا منهم، فبدخل أبعتلهم وأحـ.ـذرهم لآخر مره عشان في ساعات منهم بيكونوا بيهزروا مش أكتر،
فبكل هدوء وقتها رديت عليه وقولت :
- حضرتك أنا مبحبش النوع ده من الرسايل لأنه بعيدًا عن اللي بكتبه الرسايل دي مش لطيفة وأي حد مكاني هيشوفها طبيعي أنه يتضـ.ـايق!
= بس أنا مش بهزر!
= بردو يعني.. مصمم إني أعملك بلـ.ـوك؟!
- إسمعي كلامي لو مش عايزة يحصلك حاجة!!
= طيب أنا حـ.ـذرت حضرتك!
- مش تليفونك كانت شاشته إتكـ.ـسرت وصلحتيه من يومين؟!
حرفيًا عشت موقف مرعب،
أنا فعلًا تليفوني شاشته إتكسـ.ـرت وصلحته من يومين، جسمـ.ـي إتنـ.ـفض، خدت نفس ورديت وأنا بحاول أستوعب :
- ا.. اه عرفت منين؟!
= أنا اللي صلحته لحضرتك وكنت حطيت تطـ.ـبيق قدرت أتحكم في تليفونك وأراقبك من خلاله!!
- إ.. إنت؟!
= متحتفليش مع جوزك النهاردة بالڤلانتين مهما يحصل!!
- إنت بتقول إيه؟! إنت مالك؟!! وإزاي تراقب تليفوني؟! أ.. أنا هبـ.ـلغ عنك!!
= مش قولتلك إسمعي كلامي!!!
خرجت من المحادثة فورًا وبلكـ.ـته، من خوفي وقلقي قفلت التليفون تمامًا، كنت حاسَّة إني حياتي مكشوفة تمامًا بالنسبة ليه، خايفة، مش عارفة أكلم جوزي إزاي، ما هو مراقبـ.ـني ومـ.ـراقب كل تحركاتي، أنا فعلًا رحت من يومين لمـ.ـحل تصليح تليفونات قريب من بيتي هنا بشارعين، لازم أنزل أبـ.ـلغ عنه، الساعة دلوقتي 10 بالليل، شوية وجوزي هيوصل أصلًا.. ده معاد رجوعه للبيت كل يوم من الشغل، إحنا مقررين إننا نحتفل سوا النهاردة زي كل عيد حب،
شوية ولقيت الباب بيخبط،
وقفت في مكاني وإرتحت، جريت على الباب، ولما بصِّيت من عين السحرية إتصدمت لما شفته، ملامح وشه إفتكرتها، ده هو الشخص اللي صلَّحت تليفوني عنده، وهو اللي مراقب تليفوني، بدأ يخبط، بشكل سريع وهو بيقولي بصوت واطي وكأنه شخص مجـ.ـنون، طريقته كانت مربـ.ـكه مريبة ومرعبة مش مفهومه وكان بيقول
"إفتحي بسرعة قبل ما جوزك يرجع.. إفتحي بقولك.. إسمعيني!!!"
كنت هصـ.ـرَّخ يمكن حد من الجيران ينقذني، وفجأة سمعت صوت ضـ.ـرب وحد بيتـ.ـألم، ولما بصِّيت كان جوزي ماسكه على الأرض، كان باين عليه إن جوزي ضـ.ـربه، باين على ملامحه لما فتحت الباب وشفتهم، كانوا كأنهم بيهـ.ـمسوا لبعض، وكان جوزي بيهمسـ.ـله في ودنه، وكأنه بيهـ.ـدده، كنت واقفة وأنا بعيط ومنهاره، لكن جوزي أنقذني، بـ.ـلغنا الشـ.ـرطة ومسـ.ـكوه، إرتحت بس يومنا كله ضـ.ـاع، أهم يوم يحصل فيه شئ غريب زي كده، كنت حزيـ.ـنه جدًا، عشت تجربة مرعبة حرفيًا، زي التجارب اللي الناس بتحكيها في كل مكان، بس نهايتي كانت سعيدة مش زيهم..
في آخر اليوم ملحقناش،
إنتهى يوم 14 ودلوقتي الساعة 12 بعد منتصف الليل وخلص عيد الحب، لكن جوزي قرر أنه بردو هيحتفل، فتح كرتونه الجاتوه، وقالي أنه هيحتفل ومش هيسمح لأي شئ في الكوكب إنه يـ.ـهدم سعادتنا النهاردة مهما كانت، كان جنبي طول اليوم وهو اللي خلَّاني أتخطى وأنسى، وبعد ما قطَّـ.ـعنا الجاتوه ودوقنا منه لقيته بيقول :
- لا.. إستني إحنا عايزين نسهر.. مش تكملي الجاتوه.. هخش أعملنا فنجان قهوة نشربه مع الجاتوه!!
= كنت لسه هقولك!!
- إرتاحي إنتِ كفاية اللي عشتيه النهاردة..
= صحيح.. هو كان بيقولك إيه ؟!
- مين؟!
= الشخص المعـ.ـتوه ده.. لما ضربـ.ـته ومسكته من راسه على الأرض كان بيقولك حاجة إيه هي بعدها إنت كـ.ـتمت بوقه؟!
- كان بيقول لو كنت وصلت في وقت متأخر كـ.. كان زمانه..
= خلاص يا حبيبي أنسى.. متقلقش عليَّا أنا كويسة!!
- هعمل القهوة بسرعة وراجع هاتيلنا فيلم حلو بقا نسهر عليه!
دخل يعمل القهوة وأنا دماغي لسه في اللي حصل،
حاولت إني مش أبيِّنله، مسكت تليفوني شوية، بعدها جه جوزي وحط فنجان قهوة ليَّا وليه، وفتحنا فيلم حلو، كنت متوترة وكان باين عليَّا، جوزي حتى لاحظ إني لسه خايفة ومش قادرة أتخـ.ـطى اللي حصل، ولما جيت أمسك طبق الجاتوه عشان آكل، وقع من أيدي بسبب رجفتها المستمرة، إبتسملي وقالي حصل خير، وقام نظف الأرض وشاله، حطلي حته تانية وبدأت آكل وبدأنا نشرب فنجان القهوة بتاعنا بعدها قولتله بعد ما بدأ يخلَّص فنجان القهوة بتاعه :
- كان بيقولي.. إنك هتقتلـ.ـني!!
= هـ.. هو مين؟!
- الشخص اللي كان مراقب تليفوني.. عشان كده كـ.ـتمت بوقه!!
= إ.. إنتِ بتقولي إيه ؟!
- كنت عارفة أنه صادق من نظراته.. ولآخر لحظه كنت عايزة أصدقك لكن لما سألتك وكدبـ.ـت إتأكدت لآخر مره عشان كده مسكت بوقه عشان مش أسمعه وأعرف الحقيقة.. كنت طول الوقت خايفة منه أنه يقتـ.ـلني لكن في الأساس كنت أنت القـ.ـاتل!!
لقيته بيمسك رقبته،
وكأن في شئ غريب بيحصل في معدته، حاول يقوم لكنه وقع على الأرض من الألـ.ـم فإبتسمتله بسـ.ـذاجة وقولت :
- أنا بدَّلت فنجانين القهوة لما وقَّعت طبق الجاتوه من أيدي قصدًا!!
= إ.. إنتِ عرفتي إزاي إني هقـ.ـتلك؟!
- أنا مراقبة كل رسايلك في الواتس و الماسنجر من زمان.. وأكيد الشخص ده لما كان بيراقبني وبيتحكم في تليفوني فتح حسابك وشاف الرسالة اللي بينك وبين عشـ.ـيقتك وإن إنتوا بتخططوا تسـ.ـمموني النهاردة وأمـ.ـوت.. أنا مكنتش فتحت حسابك من فترة ولما بدأت أشـ.ـك فيك فتحته من شوية شفت رسايلك وإتأكدت!!
= سـ.. ساعديني!!
قعدت في مكاني وأنا بشوفه وهو بيآخد أنفاسة الأخيرة، وأنا بقول إزاي لغريب يحاول أنه ينقذ شخص ما من أقرب الناس ليه؛
معرفش إيه اللي خلَّى الشخص اللي بيراقبني يقرر أنه ينقذ حياتي بس الأكيد أنه كان حاسس إني شخص مكنش يستحق النهاية دي فقرر أنه ينقذني.
لمتابعه روايات سكيرهوم زورو موقعنا علي التلجرام من هنا
