روايه شقاوة مريم الفصل الاول
بسم الله
🕺شقاوة مريم💃
#الحلقه_الاولى
كانت رايحه عند خالتها اتقابلت في شاب بيدخل شقته المجاوره لشقة خالتها بصتله بكل شقاوة وقالت
مريم صباح الخير
الشاب صباح النور
مريم عامل ايه
الشاب بصلها واستغرب
مريم رفعجت حاجبها وقالت ايه مش بسألك
الشاب بصلها وسكت وبيفتح باب شقته
مريم وكمان قليل الذوق
الشاب وقف قدامها وقالها ممكن افهم ايه الي انتي قولتيه دا
مريم قولت انك قليل الزوق
الشاب تاني
مريم وتالت وعاشر
الشاب ليه بقا هو انتي تعرفيني علشان تقولي كدا
مريم من غير ما اعرفك من الذوق لما حد يسألك ترد
الشاب والحد دا يبقي مين ان شاء الله
مريم مراتك
الشاب فتح عيونه وانصدم من كلامها
مريم ايه مش مصدق نفسك طبعا
الشاب ابتسم وقالها مراتي
مريم ايوا شقاوة مريم نور عصام
الشاب قرب اكتر وقالها طيب انا بقا دلوقتي لو مديت ايدي علي مراتي وضربتها حد له عندي حاجه
مريم يالهوي يالهوي يالهوي عاوز تضربني ايوا ما انته من يومك معندكش رحمه ولا انسانيه
الشاب اششش اخرصي الله يخرب بيتك هتوديني ف داهيه
مريم اسمك ايه
الشاب احمد
مريم قالت بقا كدا يا احمد اهون عليك تسيبني انا وابنك وترمينا الفتره دي كلها من غير ما تسأل علينا
احمد انا
مريم ايوا انته
احمد انتي مين يابت انتي
مريم انا مراتك يا حبيبي ام ابنك
احمد كمان ام ابني
مريم ايوا ياروحي
احمد طيب فين ابني دا عاوز اشوفه
مريم ف بطني
احمد نعم يا اختي
مريم لأ اختك دي مش حلوه انا مراتك حبيبتك ام ابنك
احمد لحظه كمان وهقتلك
مريم اهئ اهئ اهئ واهون عليك يا احمد عاوز تقتلني وتقتل ابنك
احمد بنفاذ صبر قالها يا بنتي هو انا اعرفك دا انا اول مره اشوفك
مريم ازاي بقا دا انته جوزي وابو ابني وحبيبي وعمري كله
احمد قالها هدي صوتك اللي هيوديني ف ستين داهيه دا
مريم طيب انا عندي استعداد اهدي صوتي بس تقول للناس كلها اني مراتك ام ابنك وانك بتحبني زي ما بحبك
احمد حاااضر عاوزه حاجه تانيه
مريم ايوا
احمد ايه تاني
مريم عاوزه علبة لبن لأبنك وبامبرز وطبق بيض واتنين كيلو طماطم وحزمة ميلوخيه وبصل وكرنبه وورق عنب وفرخه كبيره ولحمه مفرومه وخضره علشان عاوزه اعمل محشي
احمد بس كدا من عيوني
مريم ايه دا استني انا لسه مخلصتش
احمد هييييحح
مريم كدا يا احمد بتنفخ ومش طايقني وانا اللي استنيتك عشر سنين انا وابني ومتحملين البهدله وكلام الناس
احمد عشر سنين
مريم ايوا ومحافظه علي ابنك ف بطني
احمد ما شاء الله محافظه علي ابني ف بطنك عشر سنين
مريم ايوا علشان تعرف انا مخلصه ليك قد ايه
احمد لا والله كتر خيرك
مريم يلا انا هندخل علي ما تجيب الحاجه
احمد اخيرا
مريم استني
احمد اوووف في ايه تاني
مريم انت عايش لوحدك
احمد لأ مع امي واختي
مريم ببتسامه قالت طيب سلمي علي حماتي وعمتي حبيبتي
احمد هي مين دي اللي حبيبتك
مريم مامتك واختك يا روحي
احمد انا شكلي كدا هاخدك من ايدك وروح بيكي عالقسم
مريم عين العقل يا حبيبي اهو تبقي وفرت عليا حاجات كتير لما الناس تشوفك وانته ماسك ايدي يعرفو ويتأكدو اني مراتك ولما اقولهم انك بتتهرب مني انا وابنك يصدقوني
احمد اقسم بالله
مريم قاطعته وقالت متحلفش القانون معايا اعمل تحليل الصبح واثبت ان الولد ابنك وادفعك كمان المصاريف وفتحت الباب ودخلت وقفلت ف وشه
احمد اتغاظ وبعدين ابتسم وقال مجنونه بس دمها شربات
مريم دخلت عند خالتها وراحت علي اوضتها
خالتها حبيبتي حمدلله علي سلامتك
مريم الله يسلمك ياحنونه
حنان خالت مريم مريضه عامله عمليه وعندها بنوته باعدادي
مريم البت موني فين
حنان راحت الدرس
مريم تيجي بالسلامه وراحت علي خالتها باستها وقالتلها تحبي اعملك ايه ياقلبي انا تحت امرك
حنان تسلميلي حبيبتي وبعدين قالت امك عامله ايه
مريم عامله صنيه مكرونه باشاميل
حنان ههههههه
مريم هههههه
حنان يابت انتي مش هتعقلي ابدا
مريم هو في حد زي يا خالتي ف العقل دا بيقولو عني ست العاقلين
حنان ماهو واضح
مريم دي اهانه انا مقبلهاش ولا اسامح عنها الا ببوسه منك ياقمر
حنان باستها وقالت ربنا يحميكي ياقلبي
مريم طيب انا جايبه معايا شويه حاجات هقوم اجهز اكل علشان البت موني لما تيجي من الدرس بس الاول افطرك
حنان فطرت يا حبيبتي
مريم بالف هنا ياروحي وبعدين قالتلها ميعادك عند الدكتور بكرا صح
حنان لا بعد يومين
مريم ماشي ياقلبي الله يشفيكي ويعافيكي ودخلت المطبخ
احمد دخل شقته وعلي وشه ابتسامه وبيفكر ف القمر اللي قلبت حياته كلها ف لحظه وبعد شويه طلع البلكونه جايز يشوفها بس للأسف
مريم كانت تهتم بخالتها وبنتها ومش بتخرج خالص
احمد هيتجنن وعاوز يشوفها باي طريقه ومش عارف هي مشيت ولا لسه موجوده وبيحاول حتي يشوف مني بنت خالتها علشان يسألها عنها بس بردو مش بيشوفها لان مواعيده تختلف عنها فكر يروح يخبط عالباب بس اتراجع ف اخر لحظه
مريم موني تعالي علشان اراجع معاكي دروسك
مني حاضر يا ابله مريم
وبعد ثلاث ايام شقاوة مريم بقلمي نور عصام
مريم اخدت خالتها عند الدكتور واطمنت عليها انها بقت كويسه وتقدر تتبابع حياتها زي الاول ومشيو رجعو البيت
احمد كان راجع من الشغل شاف مريم وخالتها بيفتحو الباب جري بسرعه علشان يلحقها ويشوفها
مريم قبل يوصل قفلت الباب
احمد خلاص مش قادر فكر وخبط عالباب
مني فتحت وقالت اهلا ابيه احمد
احمد ازيك يا مني عامله ايه وماما وعيونه بتدور عليها
مني قالت بخير الحمد لله
احمد واقف
مني عاوز حاجه يا ابيه
احمد قبل يرد
ام مني طلعت وقالت اهلا يا ابني اتفضل
احمد اسف يا طنط بس كنت بتطمن عليكي لو محتاجه حاجه شوفتك وانتي داخله وحسيت انك تعبانه
حنان تسلم يا ابني انا بخير ربنا يحفظك
احمد بردو ما شافها اتعصب وبعدين قال لو احتاجتي حاجه يا طنط قوليلي ومشي
مريم بعد ما اتطمنت علي خالتها عملت اكل يكفيها كام يوم وبعدين قالت لخالتها انها هتمشي علشان الجامعه وفعلا مشيت
وبعد عشر ايام
مريم كانت رايحه الجامعه وهي بتنزل من الاوتوبيس اتكعبلت ومسكت في شاب رفعت عينها وقالت ايه مش تفتح
احمد بصلها وكأن الدنيا رجعت نورت من تاتي شدها من ايدها
احد الناس الموجودين قالها في حاجه يا آنسه
احمد رد وقاله دي مراتي مفيش حاجه وضغط علي ايدها وبصوت عالي قالها كل دا كنتي فين
تدخل رجل كبير ف السن وقال ف حاجه يا بنتي
مريم ابدا يا عمي دا جوزي
احمد ابتسم وترك ايدها وقالها أسف
مريم علي ايه حضرتك وعملت مش عرفاه
احمد استغرب وقالها انتي نستيني
مريم انساك ازاي وانت جوزي وانا مراتك مش انته قولت كدا من شويه ولا ايه
احمد كنتي فين كل دا انا هتجنن عليكي
مريم باستعباط قالت ليه هو انا اعرفك انت مين
احمد قالها ايوا مش انتي
مريم انا مين
احمد مراتي وحبيبتي وام ابني اللي بقاله عشر سنين ف بطنك
مريم ههههههه ههههه
احمد ضحك وبعدين قالها صوتك ميعلاش ف الشارع فاهمه ولا لأ
مريم لأ
احمد بينا عالمأذون
مريم كدا علطول
احمد بعدين نقول لكل الناس احنا مش بنعمل حاجه حرام ولازم نخطف لحظات السعاده من الزمن قبل يخطفنا المهم نخاف من الله 👌
عند المأذون بسم الله وبعدين قال هاتو البطاقات
احمد قالها اسمك ايه
المأذون قال نعم
مريم واحمد ههههه هههههه ههههههه
طرائف بقلم الكاتبه نور عصام
انا كنت ناويه اريح دماغي شويه من التأليف
بس للأسف مقدرتش لقيت نفسي بكتب
شقاوة مريم 😍
