رواية البريئة و القاسي الفصل الثانى بقلم اسماعيل موسى
مشى رعد فى شوارع القريه، طرق ترابيه لا علاقه لها بشوارع القاهره المرصوفة، بص على حذائه إلى التصق به التراب وتأفف، لم تكن المنازل سيئه لتلك الدرجه إلى اعتقدها
ولم تكن كل النساء ترتدى خيم متحرك مثلما سمع، بل ملابس عاديه متنوعه، متدرجه بين العبايات للنساء الأكبر سنآ
والملابس الملونه للفتيات، وكان كل شيء يجرى بصوره طبيعيه فكل امرأه لا تسير وخلفها حارس او تحمل بندقيه
بل انه لاحظ ان ما من احد يعيره أدنى انتباه
كان يتوقع ان يشار اليه هذا رعد السلامونى والكل يحدق به
واصل سيره دون أن يلقى السلام على الرجال الجالسين امام منازلهم او الذين يقابلوه صدفه فى الطريق وكان نصيبه مجموعه من نظرات احتقاريه وهمسات بأنه شخص تافه لا يعرف الأصول
ايه البلد إلى مفيهاش قهوه دى؟
نادى على رجل يسير فى الطريق وسأله عن أقرب مقهى
الناحيه التانيه من البلد يا استاذ، خد تكتك هيوصلك هناك
تكتك؟ ابتسم رعد بسخريه، بقا رعد السلامونى يركب تكتك؟
مش بعيد عروستي تكون راكبه حمار دلوقتى وجايبه البرسيم من الغيط
استدار رعد نحو الدار بعدما شعر انه لا فائده من تفقد تلك القريه الحقيره العفنه
وصل البيت وكان هناك نساء يعملن خارج الدار وداخله
ما بين أعمال منزليه واعمال أخرى
انا عايز اكل أصدر رعد اوامره لواحده من الفتيات
نهضت سهى ووقفت امامه مفيش وكل، ابوك عمى السلامونى
أمر منقدمش اكل ليك الا بأمره
الاكل وصلك لحد باب عرفتك لكنك رفضته
رفع رعد حاجبه انتى مين يا شاطره؟
تنهدت سهى، انا سهى جابر عبد العظيم، ابويا عمك جابر الله يرحمه
انتى ليه لابسه كده؟ تذكر رعد انه رأى وجهها فى الصباح لكنها الان ترتدى نقاب كامل رغم انه لا يتذكر ملامحها
مش شغلك البس ايه وملبسش ايه يا ولد عمى
كاد رعد ان يصرخ لى وجهها ان فتاه مثلها لن تعلمه كيف يتحدث او يتصرف وان عليها ان تجيب اسألته
بقا انتى سهى؟ جميل جدا، دا انتى هتشوفى ايام سوده
انتى بقا واخده ابتدائيه؟
ولا ساقطه اعداديه؟ منا عارف إلى زيك آخره ايه !!
تقصد انا بدرس ايه؟
اه بتدرسى ايه؟ خاطبها رعد بنبره ساخره
___بدرس تجاره انجلش
اطلق رعد ضحكه كبيره متقطعه كان يضحك من قلبه
انتى بتدرسى تجاره انجلش؟ يعنى بتعرفى تتكلمى انجلش؟
___لا بتكلم فرنساوى، همست سهى استغفر الله العظيم يارب
يعنى على اخر الزمن دا يكون حظى؟
اسمع يا رعد دخلتك دى وكلامك وسخريتك أحتفظ بيها لنفسك لو كنت مغصوب عليه
انا كمان مغصوبه عليك، لازم تتعلم تحترمني عشان احترمك
لان الجزاء من جنس العمل
