رواية رحلة الغريب الجزء الثاني العراف والمرأة الشقراء الفصل الثالث والاخير بقلم محمد منصور
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويخرج دكتور رفعت اسماعيل من عند الغريب وهو مش عارف يعمل اية يقتل جيهان علشان ينقذ كاميليا من ايدين الشيطان اللي اسمة رفعت ولا يسيب كاميليا ويتخلي عنها وركب عربيتة وهو عمال يفكر ويفكر يعمل اية، ،،،،،
وفي نفس الوقت كان الساحر رفعت اسماعيل مع كاميليا في مكان ما علي شاطي البحر في الاسكندرية ويجلس علي الشاطئ وهو يقول لكاميليا
فرحانة يا كاميليا انك حامل
فتبص له كاميليا وقرنية عيونها بدأت تشبة قرنية عيون القطط والنني بتاع عيونها اصبح بالطول مش دائري زي عيون البشر والعيون لونهم احمر بلون الدم وفيهم صورة رفعت الساحر وبطنها بدأت تكبر بشكل غريب وكانها حامل من كام شهر مش من كام يوم بعد ما وصفت لكم كاميليا تعالو نعرف قالت اية
طبعا فرحانة جدا. وبحلم كل ليلة باليوم اللي اولد في اول طفل ليا ومنك انت يا حبيبي
فيحضنها رفعت وهو يقول
انا اهم حاجة عندي انك تكوني فرحانة.
كاميليا
انا فرحانة طول ما انت فرحان
رفعت
ما جوعتيش
كاميليا
جوعت جدا
رفعت
تحبي اصطاد لك حاجة تاكليها
كاميليا بدلع
سابني انا اجرب اللي اتعلمتة منك
رفعت
طيب يالا وريني هاتعملي اية
فوقفت كاميليا واتجهت ناحية البحر ووضعت رجليها في المية وفضلت تبص في البحر والغريب ان موج اسكندرية الشديد كان يبتعد من امامها وكانة خائف وكاميليا تبص للبحر بتركيز شديد ثم تقفز في البحر بمنتهي السرعة وتغطس تحت الماء للحظات ثم تطلع من المية وفي بوقها سمكة كبيرة فيبص لها رفعت ويقول
بقيتي متمكنة
فتمسك كاميليا السمكة بمنتهي الجوع وتغرز اسنانها اللي اصبحت حادة كا السيف وتقطم حتة من لحم السمكة الذي كانت لاتزال حية فيظل رفعت يبص لها وهو يضحك، ،،،،،،،
وبعدها بساعة ومن داخل شقة جيهان يجلس رفعت قدام جيهان وهو يشرب فنجان قهوة عملتة لي والدة جيهان وجيهان بتبص له وبتقول
دكتور رفعت حضرتك بقالك ساعة قاعد قدامي ومش عايز
تقول حضرتك جاي لية
رفعت وهو بيحط فنجان القهوة قدامة علي التربيزة الصغيرة
جاي بخصوص رحلة الغريب. او العراف.
جيهان باستغراب
مش فاهمة حضرتك تقصد اية
رفعت
مش فاكرة العراف اللي طلب منك انك تروحي لي علشان اكشف عليكي
جيهان
اة. طبعا فاكرة هو لية اختفي مرة واحدة كدة من حياتي
رفعت
علشان تعبان شوية.
جيهان
تعبان عندة اية
رفعت
عندة نفس المرض اللي عندك
فتنصدم جيهان
دكتور رفعت انت مش قولت لي اني ماعنديش حاجة
رفعت
انتي عندك مرض نادر اسمة متلازمة كرات الدم
جيهان بعدم استيعاب
مش فاهمة حاجة
رفعت
الدم اللي اتنقل ليكي كان دم ملوث واتنقل لك المرض دة وانتي نقلتي للغريب او العراف والمرض دة هو اللي بيسبب لك النزيف
جيهان
انت بتقول اية
رفعت
هي دي الحقيقة العراف يبقي ابنك والمرض اتنقل له عن طريقك
فتضحك جيهان بشدة وتقول
ابني. ،،، انا بنت العشرين مخلفة الغريب
وتستمر في الضحك فيهز رفعت راسة في ياس ويقول
ممكن تبطلي ضحك وتفهميني
جيهان
دكتور انت بتشرب حشيش
رفعت بعصبية
ياريت تحترمي فرق السن اللي بيني وبينك وماتنسيش نفسك
جيهان بادب
انا متاسفة بس حضرتك يعني بتقول كلام مش منطقي
رفعت
انا عارف انه كلام مجانين بس هي دي الحقيقة. انتي مسالتيش نفسك ازاي الغريب كان بيتنبأ بكل اللي بيحصل لنا قبل ما يحصل والنبؤة بتطلع صح
فلاترد جيهان فيكمل رفعت
علشان هو جاي من المستقبل وشاف وعرف كل اللي حصل لنا في حياتنا وهو جه علشان يمنع جوازك من عبد الغني
جيهان
عبد الغني مين
رفعت
جوزك
فتكتم جيهان ضحكتها وتقول
انت جايب لي عريس اسمة عبد الغني
رفعت بعصبية
ممكن تصدقيني وتبطلي هزار لان الموضوع مش مستحمل اي هزار انا مراتي في خطر ولازم انقذها وياما تسمعي كلامي ونشوف انا وانتي حل للمشكلة دي او ياما هاتموتي
جيهان وقد بدات تفقد اعصابها
اسمع يا دكتور رفعت انت تنفع تكون مؤلف لقصص الخيال العلمي اكتر من انك تكون دكتور ياريت تخرجني برة قصتك دي لاني مش محتاجة اعرف اي تفاصيل منك
رفعت
يعني اية
فتقف جيهان
يعني تقدر تستاذن
رفعت
انتي كدة هاتخليني اعمل حاجة عمري ما عملتها. لاني ماعنديش استعداد اخسر حياة مراتي كاميليا بسببك انت والمختل ابنك
ويقف رفعت ويخرج من باب الشقة وهو ناوي علي الشر، ،،،،،،،،،
وبعدها بيومين يقف الغريب علي رجلة ويسترد عافيتة بعض الشي ويتوقف النزيف فيفرح بشدة ويبص لنفسه في المرايا ويحلق ذقنة ويقول لنفسه
عملها دكتور رفعت وخلصني من المرض اللعين اللي عندي
وفي هذة اللحظة يسمع صوت جرس الباب فيروح ناحية الباب ويفتح الباب فيلاقي دكتور رفعت اسماعيل امامه فيضحك فرحا وهو يقول
اخيرا عملتها وريحتني من العذاب
رفعت بحزن
عملت لك اللي انت عايزة. قولي بقي اوصل ازاي لكاميليا
الغريب
شوفت بقي ان القتل سهل ازاي كان لزمتها اية تضيع يومين في انك تيجي ليها فيهم وتقعد معايا ساعة تتحايل علية اعرفك مكان كاميليا
رفعت بحزم
ملهوش لزوم كتر الكلام. اوصل ازاي لكاميليا
الغريب
هانروح للكهف ونقول تعويذة تحضير انس من العالم الموازي
رفعت باستغراب
واحنا هانحضر مين بقي
الغريب
كاميليا
رفعت باهتمام
وبعدين
الغريب
البروفسير راشد قالي قبل كدة ان اي شخص من العالم الموازي بيبقي ضعيف جدا. واعمي بعد نص الليل
رفعت
برضو مش فاهم
الغريب
احنا في الوقت دة ورفعت الساحر مصاب بالعمي تقدر تبدل كاميليا اللي حضرنها بكاميليا مراتك ومش هايقدر يكتشف الفرق
رفعت
ازاي
الغريب
اي اثنين من العالم الموازي بيتقابلو في عالم اخر ما يقدروش يتعرفو علي بعض وبكدة تبقي حررت مراتك ويفضل رفعت الساحر عايش مع كاميليا الثانية
رفعت
وانت تعرف دلوقتي فين رفعت دة
الغريب
باتصالي بالبروفسير راشد اقدر اعرف مكانة
رفعت بلهفة
طيب يالا اتصل بي واعرف هو فين وخلينا نحضر كاميليا الثانية واحرر مراتي ،،،،،،،،،،
وتمر كام ساعة وبعد منتصف الليل تتم مراسم تحضير كاميليا الاخري وعرف رفعت مكان رفعت الساحر وركب العربية وانطلق وهو معه الغريب وكاميليا الاخري ناحية الاسكندرية وهما في الطريق تالم الغريب وبدأ ينزف دم من مناخيرة زي الاول فبص لرفعت وهو يمسح الدم النازل من مناخيرة ويقول
هو اية اللي بيحصل لي دي
فبص رفعت للغريب
دة مفعول المسكن اللي انت بتاخدة بقالك يومين بدأ يروح
الغريب بعصبية
يعني اية. انا مخفتش
رفعت
انا ماقدرتش اقتل جيهان وكان لازم انقذ مراتي علشان كدة فضلت يومين اجي لك واديك مسكنات شديدة علشان بس تفوق شوية وتساعدني
الغريب
ازاي المسكن دة كان بيدخل جسمي
رفعت
عن طريق المية اللي كنت بتشربها من ايدي
الغريب بعصبية شديدة
انت تضحك علية يا رفعت
رفعت
كان لازم اعمل كدة علشان ترضي توصلني لمراتي
فيضحك الغريب بشر ويقول
لا برافو عليك لكن تفتكر اني هاسيبك تفلت بعملتك دي
رفعت
هاتعمل اية يعني
فبص الغريب لكاميليا اللي قاعدة في الكرسي الخلفي للعربية وهي ضعيفة جدا لان الليل اضعف قوتها وقال
هاحرمك من كاميليا
ورمي الغريب جسمة في الكرسي الخلفي بمنتهي السرعة وفتح باب العربية وحاول انه يزق كاميليا برة العربية لكن رفعت امسك بي واخرج من جيب بدلتة حقنة بها مخدر وغرز الحقنة في رقبة الغريب اللي بص له وبدات قوتة تنهار ويفقد الوعي ويخرج رفعت الحقنة من رقبة الغريب وبها الدم بتاعه ويرمي الحقنة في العربية ويرجع الغريب للكرسي الامامي ويغلق الباب ويستمر في طريقة ،،،،،،،
ويصل رفعت الي الاسكندرية قبل شروق الشمس بدقائق معدودة ويقف امام بيت صغير من الغوص علي شاطي البحر في الاسكندرية وينزل من العربية ومعه كاميليا ويقترب من ذلك البيت الموجود به رفعت الساحر ومعه كاميليا ويظل يقترب بحذر شديد وهنا يفتح باب البيت وتخرج منه كاميليا مراتة زي القط المتوحشة اللي بدافع عن اولادها وتقفز ناحية كاميليا الاخري وتغرز انيابها في رقبتها وتقطع لها الوريد الرئيسي في الرقبة فتتالم كاميليا وتنزف بشدة وتموت ورفعت ينظر لما يحدث وهو مش مصدق فتبص له كاميليا زي المسعورة وهو يبص لها خائفا وتقفز ناحيتة بلا اي رحمة. ويسقط رفعت علي الارض وكاميليا فوق منه وتحاول غرز اسنانها في رقبتة ولكن رفعت يبعدها عنه بمنتهي القوة ويجري مسرعا ناحية عربيتة ويقفل الباب وراء منه بسرعة وكاميليا تقف علي الباب وتحاول فتحة ولكنها لا تستطيع فيبص لها رفعت وهو خائفا ويقول لنفسه
عمل فيكي اية الخبيث دة
ويفكر ازاي يخلصها من اللي هي في والشمس قربت تشرق وقوة رفعت الساحر هاترجع له وساعتها مش هايقدر يعمل حاجة وهنا هجمت كاميليا كمان مرة علي السيارة زي القطة الغاضبة وتهز العربية بمنتهي القوة وينزل رفعت لارضية العربية وهنا تقع عينة علي الحقنة اللي فيها دم الغريب فمد ايدة مسرعا وامسك بالحقنة وغرز الحقنة في رقبة الغريب وسحب منه دم فاسد من اللي بيجري في عروقة وقال لنفسه
طالما رفعت الساحر بيبقي في اضعف حالاتة وقت الليل يبقي المرض دة لو دخل جسمة بمنتهي السرعة هايتمكن من جسمة وبسرعة طالما الجسم ضعيف بس اهرب ازاي من كاميليا دي
وفي هذة اللحظة يشعر بايد تلف حوالين رقبتة جاية من جنب منة وتخنقة بمنتهي القوة فبص بطرف عينة لقي الغريب اللي استعاد وعية اللي كان بيخنق رفعت وهو بيقول
هاموتك زي ما انت عايزني اموت
وبدأ الغريب يضغط علي رقبة رفعت بمنتهي القوة وبدأ رفعت يختنق بشدة فبص وراء منه لقي كاميليا امام الباب اللي جنب الغريب فمد ايدة وفتح الباب وزق الغريب برجلة برة العربية ولقي الغريب نفسه في ايد كاميليا اللي بدات تقطع الغريب باسنانها زي اي حيوان مفترس واستغل رفعت هذة اللحظة وانطلق بالعربية مسرعا ناحية البيت اللي من غوص واللي نايم في رفعت الساحر ودخل الي البيت بالعربية ورات كاميليا عربية رفعت اللي اخترقت البيت فانطلقت مسرعا ناحية العربية واقتربت الشمس من الشروق والدقائق بدات تمر كثواني ونزل رفعت من العربية واستعد لغرز الحقنة في رقبة رفعت ولكن كاميليا كانت اسرع وامسكت من رفعت الحقنة ورمتها بعيد وانطلقت ناحية رفعت واستعدت لغرز اسنانها في رقبتة ولكنه التقط خشبة كبيرة وضرب بها كاميليا في راسها فابتعدت عنه وهي تتالم والدم ينزف من راسها وقلبة بيتقطع عليها ولكن مافيش وقت الشمس بتشرق فطار بسرعة ناحية الحقنة ومسكها ورفعت بيستعد لاستعادة قوتة ولكن رفعت غرز الحقنة في الوريد الرئيسي والموصل للقلب وهنا غرزت كاميليا اسنانها في رقبة رفعت ويتالم رفعت ولكنه يضغط بكل قوة واصرار علي الحقنة ليجري الدم في عروق رفعت الساحر وابعد رفعت كاميليا عنه ووضع ايدة علي الدم اللي نازل من رقبتة وتستعد كاميليا للهجوم مرة اخري ورفعت يبص لها وهو مستسلم للموت وتعتلي كاميليا جسم رفعت ورفعت يقول لها
خلاص اهون عليكي اموت وبايدك انتي. لكن لو كان الموت هايكون بايديكي فاهلا بالموت
وتتجة كاميليا بوشها ناحية رقبة رفعت وتستعد لغرز اسنانها وهنا تصرخ وتصرخ وتسقط من فوق جسم رفعت وهي تتالم ويبص لها رفعت ويبص لرفعت الساحر اللي كان بدأ المرض يتمكن منه لان جسمه في اضعف حالاتة وبدات الجلطات واحدة تلو الاخري تتمكن من عروق رقبتة وهو مش قادر يعمل حاجة لنفسه وهنا تتحرر كاميليا مما اصابها ورجعت عيونها كما كانت ورجعت لطبيعتها وبصت لرفعت وهو بينزف وقالت بخضة
رفعت اية اللي عمل فيك كدة
فبص لها رفعت وابتسم لما عرف انها رجعت لشكلها الطبيعي وقال
حبيبتي
وبدأ يضعف جسم رفعت بسبب الدم النازل من رقبتة وبدأ يفقد الوعي، ،،،،،،،،
وبعدها بيوم ومن داخل احدي مستشفيات الاسكندرية يرقد رفعت اسماعيل علي احدي السرير ومتعلق له محلول لتعويض جسمة مما فقدة من دم وامام منه تجلس كاميليا اللي اختفي ما في بطنها بموت رفعت الساحر وتبص له بكل حب الدنيا وتقول
الف حمد لله علي سلامتك يا رفعت
رفعت مبتسما
حمد لله علي سلامتك انتي
كاميليا
من اية
رفعت ضاحكا
من اية هو كل اللي حصل دة مش فاكرة منه حاجة
كاميليا
هو اية اللي كان حضل
رفعت وهو يضحك بشدة
ولا اي حاجة
ويفتح ايدية الاثنين في وضعية الحضن ويقول
تعالي في حضني تعالي
فتذهب ناحيتة كاميليا وتدخل في حضنة وهي تقول
هو في اية صحيح
رفعت
احضني وانتي ساكتة. حاكم انتي وحشاني اوي
ويظل رفعت يضحك بشدة وكاميليا مستغربة ما يحدث، ،،،
وبعدها باسبوع ومن داخل كلية الطب يقف دكتور سناء امام دكتور رفعت اللي كان بيدي محاضرة لطلابة ويقول
اسف اني هاخليك تقطع المحاضرة بتاعتك
رفعت باستغراب
خير يا دكتور سناء
سناء
انت صحيح ظهرت برائتك من تهمة بيع ورقة الامتحان لاحدي طلابك وحامد قالي هو وصل للاسئلة ازاي ورغم اني انا مش مصدقة بس انا مصدق انك برئ وماتعملش كدة وعلشان كدة انا جاي اعتذر لك قدام الطلاب بتوعك كلهم. انا اسف يا دكتور رفعت
فترغرغ عيون رفعت بدموع الفرح علشان حقة اللي رجع له وبص للطلاب بتوعه اللي كانو فخورين بي، ،،،،
ويرجع رفعت لحياتة الطبيعية ويعيش مع كاميليا في سعادة وتستمر الحياة الا ان يقابل دكتور رفعت حكاية جديدة ومغامرة اصعب من مغامرة رحلة الغريب عارفين رفعت اسماعيل قابل مين. النداهة.
تمت بحمد الله
