رواية جاري حتت سكرة الفصل الثالث
في وقت الفطار خبط الباب فتح أحمد لقي فاطمه قدامه
احمد/تعالي يا طمطم
فاطمه/اجي فين خد الطبق ده
احمد/ايه ده
فاطمه/مكرونه بالبشاميل بعتاه ماما
احمد بغمزه/مامتك بتموت فيا
فاطمه بخجل/طب امشي أنا
احمد/ماتجي تفطري معانا
فاطمه/ماينفعش علي شان اختي موجوده عندنا النهارده
احمد/زينب بجد ابقي اجي اسلم عليها اصلها وحشتني
فاطمه بغيره وعصبية/وحش اما يلهفك إيه وحشتني دي دي ست متجوزه علي فكره
احمد /والله ماقصدي حاجه وبعدين زينب دي أختي
فاطمه/وأنا ابقي ايه
أحمد/تبقي ح
لاكن قبل مايكمل كلامه صوت سلوي قاطعهم
فاطمه/طب أنا همشي هقابلك بكره الصبح
احمد/ماشي شكراً على المكرونه
فاطمه/بالهنا
زينب/كله ده بتديهم الطبق
فاطمه/وانت مالك يا زينب
زينب/يعني انتو عازميني علي شان اجي اجهز الاكل بنفسي
فاطمه/ما انا إللي عامله كل حاجه بنفسي ايه اللي انت عملتيه
سلوي/بس انت وهي الاذان اذن
سكتو الاتنين وفكرو وبعد الفطار جابو الحلويات وقعدو يسمعو المسلسلات
فاطمه/ماجبتيش زيزو معاكي ليه يابت
زينب/اخده بباه يفطر عند امه يا اختي
فاطمه/كان نفسي اشوفه
زينب/حماتي عرفت أن ماما عزمانا على الفطار ام تقوم تعزم حمدي قصدها جوزها
وعوزانا نروح لا انا مسكتش قولتله أنا مش هزعل ماما
قالي خلاص هروح انا وابني
سلوي/كنتي سمعتي كلام جوزك وروحتي وكنتي جيتي بعدين
فاطمه/لا جدعه يا بت دي مره سو عاوزه تمشي رأيها عليكي
زينب/سيبك من الكلام ده
قولتي ايه علي العريس
فاطمه/مش موافقه
زينب/هو انت مستنيه يتقدملك هو أصلا مش شايفك غير اخته
فاطمه بضيق/قصدك مين
زينب/ قصدي احمد
فاطمه/ايه اللي بتقوليه ده
زينب /بلاش لف و دوران كلنا عرفين انك بتحبيه
بس صدقيني انت قدامه ليكي سنين لو بيحبك كان اتقدملك
فاطمه بزعل/لو سمحتي يا زينب مش حابه حد يكلمني في الموضوع ده
سلوى/اختك معاها حق اصل مافيش حاجه معطلاه
شقه وعنده إللي ساكنين فيها ملك شغل وشغال ومش معاه اخت حتي نقول بيجهزها
اسمعي الكلام وشوفي حالك
فاطمه قامت ودخلت اوضتها
زينب/ماما إحنا قسينا عليها أوي
سلوى/علي شان تفوق من الوهم إللي هي فيه ده
عند أحمد
كوثر/يا ابني ريح قلبي وقولي انت بتحبها ولا لا
احمد/بحبها يا ماما ارتحتي بقا
كوثر/طب مستني ايه متتقدملها
احمد/في حجات كتير يا ماما تمنع ده
كوثر/زي ايه اللي يمنعك مش لاقي تاكل ولا مش هتعرف تاكلها
احمد/لسه ما اعرفش مشاعرها نحيتي وده اهم حاجه عندي
كوثر/يعني عاوز البنت تيجي تقولك بحبك يعني ماهو واضح حبها ليك
احمد/لا مش لازم لازم احس انا بده وبعدين اتقدملها
كوثر/طب اكلم سلوى في الموضوع
احمد/ماما لو سمحتي سبيني أنا اللي اتصرف
سلام هروح أصلي التراويح
عند فاطمه ماسكه الفون علي صوره وبتعيط جامد
فاطمه/ياريت تحس أنا قد ايه بحبك ليه مش حاسس بيا يارب ازرع حبي في قلبه يارب أنا هقوله بكره علي العريس وهشوف رده ايه
