رواية النصيب الفصل الثالث 3 بقلم اسماء صلاح

امل والخوف يدب في اعماق قلبها: السلام عليكم

وليد: وعليكم السلام ورحمة الله وبركاته

شمس: انا هقعد على جمب هنا وانتوا خدوا راحتكم.... واكيد مش هتمشي غير ما تتغدى معانا ياوليد اعمل حسابك بابا زمانه على وصول

وليد: ماشي ياحب ماتقلقش انا جاي عامل حسابي على اكله، ماهو مش هاجى وامشي من غير اي حاجه كدا 

شمس: هههه طااايب يااعم خُد راحتك

_عندها ابتسمت امل على طريقة وليد التي لطالما لم تلاحظها بسبب الحب الذي كان يعمى قلبها وكأنها بإخراج كل ما كانت تكتمه في قلبها ليلة امس جعلها تشعر بالأرتياح اكثر وترى الامور اكثر كما يجب ان

 تُرى

وليد: اذيك يا استاذة امل 

_عندها نظرت له امل هذه المرة بتمعن حاد على غير عادتها فهو لا يُحَدَثُها هكذا ابدا بل دائمآ كان يذكرها بإسمها من دون القاب قبلها ولكن اليوم يوجد شيء مختلف.... هل هذه النهاية؟! هل ستنتهي هذه القصه هنا؟! 

وليد: انتي كويسة؟

امل وقد فاقت من شرودها: هاا... اه اه انا الحمدلله بخير، وحضرتك

وليد: بخير الحمدلله.... اتفضلي دى شنطة حضرتك

كنت هجبها لكي امبارح بعد ماسبتك، بس....  

_عندها ادركت امل انه قد سمع كل شيء

وليد: بس حصل خير

_دب الصمت بينهم لبعض الوقت الى ان طال هذا الصمت وعيون الحبيب معلقة بحبيبته وكأنه يقول لها ارجوكي لا تقولي لي الان اذهب فقلبي معلق بكي ولن اتحمل بعدك فانتي من اعطيتني سبب لاعيش لاجله واتقبل كل هذه الحياة بعد كل ما مررت به، انتي من وجدتي فيها مخبيء من هذا العالم، رغم كل البعد الذي كان بيننا الا انني كنت اشعر بالراحة لمجرد الحديث معكي، انتي كل عالمى ارجو ان لا يخطفكي هذا العالم مني....... قطع هذا الصمت صوت وليد وهو يسال امل سؤالا كاد ان يقسم قلبها نصفين

وليد: انتي لسه بتحبيه؟!...... يعني ممكن متقدريش تكملي معايا

_لم تجاوب امل، فقط ظلت على صمتها وبداخلها تتمني ان لو تقول له اصمت ماذا تقول انت ؟!.ابهذه السهوله تريد ان تتركني لغيرك! ولكن هي حقا لا تعلم لِما لِما تريد قول ذلك وهي في الاساس لا تحبه

وليد: طب هتخليكي ساكته كدا كتير

امل والدموع كادت ان تنزل من عيونها: انا اسفه

وليد بحنان: بس انا مش بلومك يا امل

_عندما سمعت اسمها منه كادت ان تطير من الفرح ولكن ما لبثت ان قالت لنفسها لِما لِما يا امل لِما كل هذه السعادة وانتي لا تحبيه من الاساس

وليد: بصي يا امل لو انتي عاوزا تكملي حياتك معايا انا ابدا مش هتخلى عنك، انا مشتريكى يابنت الناس، وانا فعلا عاوزك تكوني زوجة ليا وام لعيالى، عاوزك سند ليا في الدنيا دى واكون انا كمان سند ليكى وحاميكي من كل حاجه. بصي يا امل انا مش هاممني اي حاجه حصلت معاكي في الماضي، انتي لو عاوزه تكملي حياتك معايا صدقيني هشيلك فوق راسي والماضي دا خلاص انا اصلا رميته ورا ضهرى،حتى اعتبريني مسمعتش اي حاجه ولا حتى قرات حاجه

_عندها كانت تنظر له امل بتمعن وحب وكأنها لم تنظر اليه قبل ذلك ابدا، تنظر وكأنها تقول له ارجوك لا تتوقف عن الحديث فكم اشتاق لسماع هذه الكلمات منك... حقا كم كنت غبيه. 

وليد: امل انتي سمعاني؟ 

امل: هااا

وليد بحزن: برضو مش عوزاني؟ 

امل بلهفة وسرعة: انا قولت كدااا امتى

عندها ابتسم وليد للهفتها واردف قائلا: يعني قصدك عوزاني؟ 

امل وقد احست لما قالته: هاااا.... انا قولت كل

امتي برضو 

وليد بإبتسامه وهو يحاول اخفاء ضحكته من طريقتها: طب قولتي ايه؟ 

شمس: انا بقول نتعشى الاول لان الحج وصل

وليد بغيظ: يخربيييتك يااشمس بوظتلي اللحظه منك لله ياشيخ. 

عندها ابتسمت امل على كلام وليد ثم اردفت قائله وهي واقفه: طب انا هروح اجهز الاكل علشان احطه

وليد: طب استنى بس يابنت الحلال ردى علياا، يابنتي مش هعرف اتلم عليكي تااني.... ياابووي عليك ياشمس عيييل رخمم

شمس: يااعم انشف شوية مش كدا ههههههه 

وليد: ياعم والله انت رخم 👊👊

شمس: ههههههه لا لا لا لا دا انت رااايح فيهااا خاااااالص هههههههههه

وليد: اوعي ياعم كدا اوعي

...................................... 

......: يا احمد

احمد: نعم يا مي عاوزة ايه

مي: ايه يابني مالك من امبارح مش ظاهر ليه، ولما دخلت البيت امبارح دخلت من غير حس ولا خبر، حتي قعدة اخبط عليك مردتش

احمد: معلش بقا يا حبيبتي كنت تعبان ودخلت نمت علطول

مي: طب انت مالك كدا في ايه؟ 

احمد: انا كويس يا مي متقلقيش

مي: على اختك برضو... دا انا حفظااك ياعمهم

احمد: طايب يلا ياعم الشبح على برة علشان مش ناقصك يلاااا

مي: طب بوراحه الله

احمد: ايه البت دى يا ولاه بحسها بتقلب على عبده موته مرة واحدة

مي: هههههه انا احسن منه طبعا

احمد: برررررة

مي: طااااايب الله

احمد: ههههه اه منك يا هبلة والله فكيتي عني كتير، ربنا مايحرمني منك ابدا يا مي� يارب

.............................. 

-مالك يانور

نور: مافيش يا ماما.... قلقانة على امل شوية بس. 

والدة نور: يابنتي اقلقي على نفسك شوية كدا ذي ما بتقلقي على امل

نور: يا ماما ربنا يخليلي اياكى ما انتي اهو، انما امل ملهاش حد ياخد باله منها، صح شمس ربنا يباركله مش بيحسسها بغياب مامتها وباباها بس اهو برضو

مابتلاقيش حد جمبها

والدة نور: طب ووليد دا كيس جوافه يعني

نور: ربنا يسهلهم الامور يا ماما، وليد بيموت فيها والله يارب هي كمان تحبه وتنسي اي حاجه واجعه قلبها

والدة نور: طب وابوها يابنتي مهو موجود

نور: طول الوقت في الشغل ومشغول، شمس هو ال دايما واخد باله منها، ومش بيخليها محتاجه لحاجة بس مهما كان برضو هو له شغله وخصوصياته، ربنا يرزقه ببنت الحلال ال تجعله سعيد 

والدة: يارب يابنتى، ربنا يسعدهم جميعا

نور: امين 

........................................... 

والد جنا: الو يابني..............ان شاءالله نشوفك الاسبوع الجاي.... ربنا يكرمك يارب يابني.....يلا سلام عليكم في حفظ الله

والدة جنا: ايه يابو جنا قولت لراجل؟ 

والد جنا: اه يا كريمه ربنا بس يهدى بنتك وتلين كدا ومتعملش مشاكل لما الراجل يجي يوم الخميس ان شاءالله

كريمه "والدة جنا": ماتقلقش يا حبيبي، جنا عنيدة بس عاقلة صدقني

والد جنا: انا عارف... بس لما بتعند بتعمل بلاوي

كريمه: ربنا يسترها

والد جنا: يارب

................................ 

شمس: انت تجيلي البيت حااالا

وليد: في ايه يا شمس

شمس: اعمل ذي مابقولك وبسسس، اخووك واقع في ورطة ومحتااجلك، في ثانية تكون هنا، واهو بالمرة تشوف امل، انا عارف انك بقالك اسبوع ماشوفتهاش واتلاقيها وحشتك

وليد: طايب يالى فاهمني ههههه

شمس: ايوة كدا لين معايا وفي دقيقة تكون هنا

وليد: ما كان من شوية ثانيه

شمس: اخلص بقا ياعم 

وليد: لا الظاهر فعلا ان الموضوع خطير

شمس: جدا خلص

وليد: طايب طايب مسافة السكه

......................... 

امل: يعني اعمل ايه انا دلوقتي، من ساعة ما قولتلك على الحصل وانتي عمالة تزعقيلي 

نور: لااا والله وكمان بتزعقي، شااطرة يابه شاطرة، لسانك بيطول عليا انا بس انما تردى على الواد الغلبان دا اذااااي

امل: ياستي والله ماعرفش ايه الحصل لما بصيت في وشه انتي عارفه اني مش متعودة ابصله

نور: ياعيني عليك يا دوله

امل بإستغراب: دوله مين

نور: حتي مابتدلعهوش ياااختاااي

امل: اسمه وليييد يامااا انظبطيي احسنلك

نور: ايه دا ايه دا ايه دا، احنا بقينا بنغير ولا اييه، يابركة دعى الست الوالدة يااض يادوله

امل: يابت انظبطى والله هفتح راسك بالكوبايه ال في ايدى دى

شمس: في ايه يابنات صوتكم مسمع لجيران ليه

نور: لا ولا حاجه، بس اختك طلعت بتغيييير ههههههه

امل: طب والله لتنضربي، انتي عيله رخمه وانا غلطانه اني بقولك على حاجه، خُدي يابت هنا

_عندها اسرعت نور في الهرب من الغرفه فهي تعلم بطش صديقتها جيدا عندما تغضب

نور: خلااااص سماااح المرة دى هههههههه

امل: لا والله ل....... 

_لم تكمل امل كلامها لتنصدم بجسد ضخم امامها ترتطم فيه وتسقط ارضا 😱😱😱

...... ..........