رواية غموض الحب عائلة الرفاعى الفصل السابع و الستون بقلم لولا
حيدر الانصاري بابتسامه نورت يا حضره الظابط
سيف ابتسم وتابع ده نورك انت يا كبير
حيدر ضحك وتابع الكبير !!..ده انت مش هتجادل معايا بقى
سيف بابتسامه الكبير معروف كبير يا فندم احنا هنضحك على بعض ليه ماهو انا مبحبش الضعاف ومعنى اني اختارت انضملكم يبقى عارف انك كبير وكبير اوي كمان
حيدر ابتسم وتابع عاجبني يا سيف … ومن زمان وانت عاجبني بس بردو تخوف وتقلق اصل مش بسهوله هأمن لدراع الجيش المصري انه باع بلده بسهوله دي
سيف بتنهيده حقك .. وعارف لو مكنتش قولتلي الكلمتين دول كنت هتقل من نظري وهتبقى كلمه كبير دي هي اللي كبيره اوي عليك فانت كده ذكي وبتفهم وحقك تشك وانا بردو حقي اوريك واثبتلك ولائي في الايام اللي جايه
حيدر بابتسامه اممم كلام جميل طب وانت ايه يخليك تختار تسيب الجيش خايف على مراتك ???
سيف بابتسامه تؤ دي حجه انا مبخافش على حد ومبيهمنيش حد بس زي ماتقول مكنتش عارف هرفض المهمه ضدك ازاي وماصدقت جالي تهديد فخدته حجه علشان تعبت وبخاطر بحياتي كتير … بس علشان ايه ?? علشان مصر ?? هو انا خدت ايه من مصر ?? ولا لما اموت هاخد منها ايه ?? هينادوا في جنازتي ويقولوا لا اله الا الله والشهيد حبيب الله وشويه وهتنسي ??? طب وبعدين منا خسرت حياتي خلاص فاختارت اعيش المره دي على مزاجي اناا وبس واضمن مستقبلي واريح دماغي
حيدر بتنهيده يعني مش هتحسبها جنه ونار ?? اصل انا عارفك متدين ومش بتفوت فرض والشهيد معروف في الجنه انما انت معايا هتبقى
سيف بمقاطعه وضحك ياباشا انت ناوي تسيب شغلك كقائد للمهربين وتبقى شيخ جامع ولا ايه ?? هو واحد جالك برجله هنا هيحسبها جنه وناار ?? لا طبعا انا بايع ومختار اعيش مرتاح المده اللي هعيشها بس تكون في امان بعيدا عن الوش
حيدر بابتسامه بس انت عرفت سرنا ومش هتسبنا خالص يا سيف وحتى المهمات هطلعك معاهم فحياتك لسه في خطر
سيف بابتسامه بعون الله معاك في امان لان كفتك اللي كسبانه
حيدر ضحك وتابع ده انت مذاكر كل كلامي بقى
سيف بابتسامه مكنتش عجبتك لو مش بذاكر اللي قدامي يا كبير
حيدر بابتسامه ذكي وتخوف يا سيف
سيف بابتسامه يا باشاا تحت امرك وقبل ما افكر استذكى هاخد اذنك الاول
حيدر بابتسامه هنشوف بس متكبرنيش اوي كده انا 33 سنه بس
سيف بضحك العمر كله يا قائد
حيدر بابتسامه بص بقى انا اتعودت قبل ما أمن لحد احطه تحت اختبارات ولو نجحت هخليك مكان يوسف وتبقى دراعي اليمين
سيف بابتسامه يا فندم ده انا ليا الشرف
حيدر بخبث بس اتعودت اعرف نقطه ضعف كل رجالتي علشان اللي يفكر يغلط امسكه منها وعارف ان ام الباشا الصغير هي كل حاجه بنسبالك
سيف اتعصب بس حاول ميبينش وتابع هي مين يا فندم مش فاهم لان انا معنديش نقط ضعف ??
حيدر بضحك لا كده انت هتبتدي تستغبى يا سيف وانا مبحبش الاغبيا وابتسم بخبث وتابع المدام بتاعتك ومش هقولك هقتلها علشان موتها هيوجعك وخلاص ماتت الله يرحمها انما انا هكسر عينيك بيها وانت فاهم قصدي كويس اصلها حلوه اوي وعجباني وضحك وتابع انت عارف تثبتلي ولائك صح وان ملكش نقاط ضعف لو جبتهالي
سيف اتصدم من كلامه واتعصب جداا وضغط على ايديه جامد لدرجه عروقه برزت وحاول يتمالك اعصابه وتابع بهدوء غريب بنسبه لحيدر: وانا لو جبتهالك صح تأمنلي ???
حيدر ضحك وتابع طب ما انت بيعت بلدك وهأمنلك
سيف بابتسامه بس مش عرضي وشرفي انا ابيع بلدي ااه يخش تولع انما ابيع شرفي !!! ده انا لمؤاخذه كده ابقى راجل ناقص ومتأمنش
حيدر بابتسامه لا اقنعتني بس انا عارف انها نقطه ضعفك
سيف هز راسه برفض وتابع تؤ تؤ انا ماليش نقط ضعف وطلما انت جامد اوي كده وعارف كل حاجه فانت اكيد عارف اني هطلقهاا والامور بينا وصلت لمراحل صعبه
حيدر بابتسامه اممم علشان خاطر اتجوزتك علي انك حسام
سيف بابتسامه شاطر
حيدر بضحك منا عارف اني شاطر وعلشان كده بقولك بتحبها وبتحبها اوي كمان
سيف بابتسامه كنت بحبها وعلشان اثبتلك صح انا قولتلها هتولد وهطلقها ولما تولد ومتبقاش تخصني اعمل فيها ما بدالك
حيدر استغرب كلامه جدا وتابع بس انا مكنتش هعمل كده فعلا دلوقتي لاجل انها شرف واحد من رجالتي واكيد ميرضنيش بس بعرفك لو فكرت تغدر هيحصل ايه
سيف يابااشا انا عارف انا جيت لمين ومش نااوي اغدر وبيعت الدنيا كلهاا واشتريت شغلي معاك وامنيه خدها لما اطلقها طلما عجبتك خلصانه خلاص
حيدر باعجاب : يعجبني فيك جبروتك يا سيف
سيف بابتسامه وبعون الله مش جبروتي بس اللي هيعجبك .. اصل انا كل حاجه بتطلع مني مختلفه وانت هتشوف مني كل اللي يعجبك ومش هتعرف تشوف بعده تاني
حيدر بابتسامه اممم ما واضح فعلا اني هعتمد عليك انت فكل حاجه .. المهم عرفت هتتصرف ازاي الفتره الجايه ؟؟
سيف مستني تعليماتك يا فندم
حيدر انت نفذت اللي اطلب منك طول الشهرين اللي فاتوا وكنت بتدرب الكتيبه بكافاءه اقل من كل مره وانا وصلي الكلام ده من عصام
سيف بابتسامه طب حلو اديك عارف كده مطلوب مني ايه تاني???
حيدر بابتسامه هترجع بيتك ولما اجازتك تخلص ارجع الجيش طبيعي وانا هخلي يوسف يوصل بلطريقه ويبعت اخباريه اننا هنعدي الاسلحه والاثار في يوم معين ولما يجي الجيش علشان يحاربنا مش هيكون معانا حاجه اصلا بس هناخدك اسير قدامهم ونمشي وتبقي كده دخلت وسطنا ومش باين انك خاين لبلدك
سيف بستغراب طب وهتستفيد ايه من كده ??
حيدر ولع سيجاره ونفخ دخانها وتابع من ناحيه هستفيد ايه فهستفيد كتير لان اخطر عمليتين في كل اللي فات هما اللي جايين واحده منهم وانت معاياا بس الجيش مش فاهم كده الجيش فاهم انك اسير عندي وقبل التانيه هرجعك وسطهم تاني وهما ماهيصدقوا ان قائدهم رجع لانهم هيبقوا قلقانين عليك وترجع تدربهم بكافاءه بردو اقل وبعدين تسيبيهم وتجيلنا تاني في ظروف غامضه ولما نخلص تاني عمليه مش مهم يعرفوا انك خاين او لا لان اللي جاي كله سهل ومش هنضطر نرجعك وسطهم تاني خلاص
سيف بابتسامه تمام يا فندم بس انا مطلوب مني حاجه هنا غير اني هدرب مجموعتك ??
حيدر بابتسامه هتعمل ايه وهتقعد معانا قد ايه بلظبط بين كل مهمه والتانيه ده سيبها لوقتها
سيف بتنهيده اتفقنا همشي انا دلوقتي وعلى معادنا لما توصل الاخباريه
حيدر بابتسامه تمام وبص للبنت اللي قاعده جنبه وتابع لارا وصليه للباب الخلفي
لارا بابتسامه حاضر ياروحي وقامت وتابعت يلا يا سيف
سيف خرج وراها وهو متعصب ومش طايق نفسه وضغط على ايديه جامد وتابع في سره اقسم باالله العظيم وغلاوه امنيه عندي لنهايتك وطلوع روحك على ايدي انا يا حيدر وهوريك يعني ايه تقول على مراتي كده وتبصلها بلنظره دي يا ابن الكلب يا زباله .. وفضل يضغط على ايديه بغل وقابل يوسف واقف قدام الباب فابتسم وغمزله ويوسف فرح جدا ان حيدر صدق سيف
وفضل ينزل وراها لحد ماوصلوا عند الباب وكلمت حد يجي يفتح وبصتله باعجاب وتابعت مبسوطه اوي انك هتبقى معانا يا سيف
سيف برفعه حاحب لا يا شيخه للدرجه دي ??
لارا قربت منه وهو كان بيرجع لورا وتابع بحده ابعدي طيب علشان مقلش منك وازعلك فخبط في الحيط فحطت ايديها على صدره وتابعت باعجاب ايه مالك اهدى كل الحوار بصراحه انك عاجبني اوي وعايزه ارحب بيك بما انك جديد معانا وباست رقبته فزقها سيف بقوه ومسك دراعها تناه ورا ضهرها فضرخت بألم وعيطت فتابع سيف بعصبيه انا هنبهك مره واحده اهو والتانيه هتشوفي مني وش احقر من الوش اللي لسه شيفاه فوق اياكي تقربي مني بلشكل ده كده تااني علشان ورحمه اخويا همسح بيكي الارض ومش هيهمني حد
لارا بعياط ووجع اوعى ايدي اوعى بتوجعني حرام عليك فسابها سيف وبعدها عنه فتابعت بحده ودموع متحسسنيش انك محترم اوي ما انت بايع بلدك وهتبيع طليقتك واكيد عارف اني انا والبنات هنا علشان كده علشان مزاج حضراتكم لانكم بتقعدوا هنا بلشهور بس كل الحوار انك عجبتني فغيرت ان واحده تانيه تاخدك
سيف مسكها من شعرها وتابع بعصبيه ولا انتي ولا غيرك يا زباااله انا بقرف منكم ومش انتوا البنات اللي تغريني فابعدي عني كده وحلي عن دمااغي بدل ما اقسم بالله ازعلك على شكلك الحلو اللي فرحانه بيه ده وابتسم بخبث وتابع وساعتها مش هبصلك كده كده لان انتي مش زوقي ولا حتى غيري هيبصلك .. فخليكي في قرفك بعيد عني انا مش جاي للمرقعه والقرف ده وزقها
لارا بغيره ده انت بتحب مراتك بجد بقى
سيف بضحك انا مبحبش غير نفسي والفلوس بعدها انما انتي ومراتي وكل صنفكم عايز يتحرق بجاز وسخ وهطلقها وارميها بس الصبر تجبلي ابني الاول
لارا بابتسامه مراتك دخلت دماغ القائد واحب ابشرك انها فعلا مش هتطلع من دماغه غير لما يعمل اللي هو عايزه واديك شايف انا والبنات اللي فوق كلنا كان لينا حياتنا عادي بس اللي بتعجبه بتيجي هنا ومش بتشوف النور تاني
سيف اتعصب جدا وحاول ميبينش وتابع بهدوء لما اطلقها يعمل اللي يعملوا واخلصي استعجلي اللي هيجي يفتح الباب
لارا بدلع بس عارف مسيرك هتضعف والله العظيم وفكت اول كام زرار من الشميز بتاعها وتابعت اصل انا مبتقاومش
سيف بص في الارض لما لقاها بتعمل كده وضحك بسخريه وتابع والله صعبان عليا ثقتك بنفسك علشان ولا انتي ولا عشره زيك ياحيوانه قادرين تهزوا فيااا شعره واحده ده انتوا رخااص فاعرفي بتكلمي مين الاول ده انا سيف الرفاعي يابت واللي المسها دي لازم تكون بنت ناس وانا اول راجل في حياتها انما انا مبجيش جنب بواقي حريم متاحين للكل بقرف
لارا اتعصبت جدا ورايحه تضربه بلقلم فمسكها سيف وتنى دراعها جامد فعيطت بوجع فتابع بعصبيه فكري تعمليهااا تاني كده وانا اقسم بالله العظيم هكسرهاالك خالص .. فوقي لنفسك يا زباله يا رخيصه واعرفي بتكلمي مين الاول مش انا اللي ست تفكر ترفع ايديها عليا وزقها بقوه وقعها على الارض
ومعتز راجل من رجاله حيدر فتح الباب وشافها فتابع بضحك ايه ده ايه ده مالكم بس في ايه ده حتى الباشا لسه جديد زعلتيه ليه يا لاراا وبص لسيف وتابع بضحك ايه يا باشا حد يرمي النعمه على الارض كده ووطى قومها وباس خدها وتابع بضحك ايه يامزتي رفضك ولا ايه ??
سيف بعصبيه بقولك ايه ياعم انت وهي حلوا عن نفوخي كده على المساا وخرجوني علشان جايب اخري
معتز بضحك استنى طيب اراضي القمر واجيلك اوصلك للعربيه
لارا بصت لسيف بعصبيه وكرهه وتابعت بدموع فاكر نفسه مين علشان يعاملني كده
معتز بضحك جديد يحبيبي ولسه ميعرفش قيمتك هنا وغمز وتابع اطلعي انتي وانا هوصله وجايلك يلا
فطلعت لارا وهي بتعيط وبص معتز لسيف وتابع وهما ماشين: انت فكرتها تخص حيدر بيه ولا ايه ؟؟
سيف بحده ولا تخصه ولا متخصوش تبعد عن دماغي انا مش ناقص قرف
معتز بضحك ياباشا ده هي اللي هتعدل دماغك حد يرفض النعمه كده وبعدين ده هما موجودين هنا علشان كده حيدر بيه اللي جابهم ال 3 بنات دول ومن بعده بيرميهم لاي حد هنا ماعدا سيرين دي بنسباله خط احمر انما لارا ودارين عادي
سيف حس باشمئزاز وقرف وتابع بضيق بقولك ايه فكك من جو حريم السلطان ده وفهمني دول موجودين هنا علشان ايه هو انتوا مش بترجعوا لاهلكم ??
معتز بتنهيده قليل اوي يا سيف بيه والله فعلشان كده سايبهم وغمز بضحك وتابع اصل المده بتطول اوي فمش معقوله هنفضل كده يعني
سيف بضيق اممم لا يحبيبي ربنا يصبركم
معتز بضحك وعادي عيش حيااتك مش هيقولك لا على فكره ده انت بلذات اهم واحد عنده دلوقتي فعايزك علطول رايق
سيف بضيق لا للاسف مش بروق بلكلام ده هي كوبايه قهوه بتظبط الدنيا خليهالكم انتوا انا مستغني
معتز بضحك يسلام طب كتر خيرك والله
ووصلوا عند العربيه فتابع معتز يلا العربيه اهي اللي هترجعك ترجع بلسلامه ان شاء الله
سيف بضيق تسلم وركب ورجع ضهره لورا وتنهد بعمق شديد وحس بحيره وقلق من كل اللي جاي
———
عند امنيه كانت قامت روقت الشقه وشالت الاطباق المكسوره وخدت شاور ولبست كاش مايوه حمالات وفردت شعرها وراحت قعدت قدام الشاشه والباب خبط فقامت بصت من العين السحريه لقيتها نرمين ففتحت من ورا الباب وتابعت ادخلي يا ماما
نرمين دخلت وقفلت الباب وتابعت ايه يا امنيه مش قيلالك من امبارح اني بكره عايزه ارغي معاكي في كلمتين مجيتيش ليه ????
امنيه بصت للارض بحزن وتنهدت وتابعت ما انتي عارفه يا ماما ان سيف قالي متحركش من الشقه فمحبتش اعمل مشاكل
نرمين بتفاجئ ليه ان شاء الله هيحبسك ولا ايه !! ده انا قولت تلاقيهم كلمتين ساعه غضب روحي بس البسي انتي وانا هشوف مينفعش اخدك عند حماتك ازاي
امنيه بدموع وخوف لالا بالله عليكي انا مش ناقصه مشاكل حتى لو قدامك سكت وعداهاا فهيهزقني انا ويبهدلني وانا مبقتش قادره
نرمين حضنتها وتابعت بحزن حقك علياا يا بنتي طب ادخلي ناديه قوليله امك عايزاك
امنيه وهي بتمسح دموعها تابعت نزل من الساعه 10 الصبح ولسه مجاش
نرمين بستغراب ايه ده .. ده الساعه 3 راح فين كل الوقت ده
امنيه بتنهيده حزينه : معرفش حاجه مرضيش يقولي
نرمين بستغراب طب كلمتيه ??
امنيه بوجع اممم ومقفول
نرمين تنهدت بعمق وتابعت طب تعاالي عايزاكي في كلمتين وراحت قعدت في الصالون وامنيه قعدت جنبها وتابعت اتفضلي يا ماما سمعاكي
نرمين بتنهيده انا مش جايه احكي معاكي في اللي حصل لان كلامي مش هيغير حاجه انا جايه اكلمك علشان اللي جاي ورغم اني ضد سيف ففكره انه يحبسك هنا دي بس انك تسمعي كلمته ومترديش تيجي معايا دي كبرتك في نظري اوي
امنيه دموعها نزلت بصمت وتنهدت بوجع وتابعت سيف مش زي حسام يا ماما
نرمين بابتسامه عليكي نور وخلصتي بلكلمه دي اغلبيه الكلام اللي جايه اقولهولك واللي هو بدايته سيف مش زي حسام .. الاتنين عيالي وحته من قلبي ودموعها نزلت وتابعت ومتفكريش علشان واحد راح للي خلقه فخلاص غلاوته هتقل لااا ده هيفضل ليوم ما اموت عايش جوايا ومش كلامك اللي فتح جرحي انا جرحي مبطلش ينزف يا بنتي بس اللي مصبر قلبي انه في الجنه ومبسوط
امنيه دموعها نزلت وتابعت بوجع الله يرحمه حقك عليا وباست راسها فتابعت نرمين بدموع يارب يحبيبتي بس انا مش جايه اكلمك على حسام انا جايه اكلمك على التاني اللي شاف وسمع منك بما فيه الكفايه
امنيه بدموع والله غصب عني انا تايهه ولحد دلوقتي مش مستوعبه ولا فاهمه حاجه ومقصدش خالص كل اللي حصل مني
نرمين بدموع بصي يا امنيه انتي لما حبيتي يا بنتي حبيتي سيف من البدايه ولما شوفتي حسام حبتيه لانه فكرك بسيف وفي النهاايه انتي مع الشخص اللي حبتيه ركزي كده وهتعرفي اني صح الموضوع يبان يخض وحقك على فكره بس سواء احنا ولا اهلك محدش رماكي يابنتي لاننا عارفين انتي مع مين … وزعلي منه لما سابك يوم صابحيتك وكل الاحداث دي كانت طبيعيه لاننا عارفين انتي مع حبيبك وهتزعلي شويه وخلاص وكل حاجه هتبقى كويسه انما تقولي تنزلي عيل وطلاق والكلام يكبر كده طب هو ده ينفع
امنيه بعياط انا مش هموت ابني اكيد انا كنت بستفزه علشان يطلقني بس مش بحب الكدب وهو عارف فالوضع صعب علياا اوي بجد
نرمين بدموع وانتي فهمتي هو عمل كل ده ليه وفهمتي هو مين ومسكت ايديها وتابعت بعيداا عن فارس اللي حبتيه انا هكلمك عن سيف ابني .. سيف محبش قدك يا امنيه ده ظابط جيش بيروح يحارب مش خايف ولا بيهاب الموت وانتي بنسباله نقطه الضعف .. فاهمه يعني ايه واحد معندوش نقط ضعف غيرك !! فاهمه يعني ايه سنين بيصلي بيطلبك من ربنا وفي نفس الوقت مش عايز يدخلك حياته من كتر ماخايف عليكي في غيابه !! ولما شافك مع اخوه سكت وسابك تعيشي حياتك بس لما ضهره اتكسر في حسام ودموعه نزلت لاول مره في حياته ومش بصعبلك الدنيا لا فعلاا اول مره يا سيف يا ابني اشوفك بتعيط وبتوري ضعفك للناس كلها كانت لما حسام مات الله يرحمه رغم انه كان هيتجوزك وهيوجعه بس روحه في حسام ومن زمان .. سيف كان الاخ اللي بيدي سندوتشاته لاخوه ويفضل جعان واللي يمثل انه تعب ومش قادر يلعب كوره لما يكون فاضل شخص والفريق يكتمل علشان حسام يلعب واللي يضرب ويقول معملتش الواجب ويدي كراسته لاخوه ويرمي التيكت واللي دخل حربيه وقاله انت شرطه علشان بخاف عليك .. سيف كان بيضحي علشان بس حسام يفضل فرحان يا امنيه حتي لما شافكم بتحبوا بعض سكت وعاش بألمه بس لما شافك بتموتي مقدرش يسيبك كده وراح عيط وباس راسك وقالك اجمدي علشان خاطري ماهو مش انتي واخوه ولما امك سمعته حصل كل اللي قالك عليه ورجع استحمل علشانك انك تنطقي اسم اخوه وتحبي اخوه وسيف بردو لا فحرام يابنتي حرام تقهري قلب عاش طول حياته مظلوم ومشافش فرحه غير لما حبك والحياه استخصرتك فيه .. ولما خدك اخيراا انتي نفسك كسرتيه وبهدلتيه قدام الكل
امنيه دموعها كانت بتنزل بغزاره وهي بتسمعها وصعبان عليها سيف جدا فتابعت بدموع ووجع انا معترفه اني غلطت بس والله في ساعتها مكنتش شايفه قدامي خالص وعيطت وتابعت بس انا مقصدش اجي عليه زياده والله
نرمين بدموع اهدي يحبيبتي المهم اللي جاي ورغم الاتنين عيالي بس محدش حبك قد سيف اافتكري مين في عز ماهو في الجيش كان يخطف المكالمه علشان يكلمك ومقصرش رغم انه لو قصر غصب عنه ومعزور
امنيه بدموع حصل وقولت انه اتغير لان حسام مكنش بيكلمني في القسم وانا اللي كنت علطول بتصل
نرمين بدموع ومين وقف جنبك ومنع امك تضربك قدام الكل رغم انك اهانيته قدام الكل
امنيه بدموع بردو سيف ومش اول مره يعملها انه يقف قصاد ماما علشاني رغم اني بغلط في حقه ومش بهون عليه وشاورت على ايديها وتابعت ودهنلي عليها مرهم لما اتحرقت الصبح واتلهف عليا في عز زعلنا وبيغير عليا جدا وعملي حفله تخرج وبيعاملني زي العيله الصغيره انا معترفه ان حب جوزي كان مختلف عن حب خطيبي بس اللي واجعني وملغبطني اني فكرته حسام
نرمين بدموع ومطلعش حسام وطلع حبيبك يبقى تاخديه في حضنك يا بنتي وتعوضي اللي فااتكم وبلاش تخسري كل حاجه ده هما كام يوم وهتلاقيه سافر وسابك تاني فبلاش تضيعوا عمركم في الزعل يابنتي
امنيه بعياط سيف مش طايقني وهيطلقني يا ماما
نرمين بدموع والله ابني وعارفاه ومش هيعملها بس انتي حاولي اكسبيه وياهبله ده بيعاقبك انما روحه فيكي ومحبش قدك .. يا امنيه سيف مفيش راجل بيكسرله كلمه وليه هيبه وكلمته سيف وواخد نصيب من اسمه في تصرفااته وشخصيته بس معاكي صبر اوي .. صبر بطريقه كلنا استغربناها وده علشان انتي غير اي حد بس انسي اللي فات وحاولي ابدائي صفحه جديده
امنيه بدموع حاضر يا ماما
نرمين وده جوزك يابنتي مينفعش اسلوبك ده معاه بلاش صوت عالي ولا عصبيه ولا تكسير كلام اسمعيه وقولي حاضر تاخدي عينيه ده انتي بطوله لسانك وبيموت فيكي مبالك لو بقيتي هاديه وبتسمعي الكلام هيعاملك ازاي ?? بصي عامليه زي ما ربنا امرك وانتي والله هتشوفي منه حنيه ودلع عمرك ماشوفتيهم
امنيه تنهدت بوجع وتابعت بدموع حاضر والله
نرمين خدتها في حضنها وطبطبت عليها وتابعت بتنهيده حزينه ربنا يهدي سركم يارب ويسعدكم يابنتي وباست جبينها وتابعت وكفاياكي عياط متضايقيش نفسك علشان اللي في بطنك
امنيه بتنهيده حزينه يارب اللهم امين وحاضر يحبيبتي
نرمين بحب يلا هقوم انا علشان احضر الغدا مع خالتك عايده
امنيه طب لو عايزه اساعدكم في حاجه هاتي هنا اعملهولكم عنيا الاتنين
نرمين بضحك لا يحبيبتي عايزين سلامتك وقامت وقفت
امنيه بضحك وهي بتمسح دموعها بتضحكي عليا ان ابنك بيربيني وحابسني يعني يا ست الكل
نرمين بضحك لا يعمري مقدرش ماهو قادر ومايقدر عليه الا ربنا فمش مستغربه
امنيه تنهدت بعمق وتابعت ربنا يهديه
نرمين بضحك ربنا يهديكم هو هيهديه لوحده وانتي تفضلي مجنونه ولا ايه
امنيه بضحك ربنا يهدينا ولا تزعلي
نرمين بحب اللهم امين ياروحي ولما يجي جوزك لو مشوفتوش وهو طالع خليه يطمني انه جيه البيت بلسلامه
امنيه بحب حاضر
نرمين بحب يحضرلك الخير يابنتي ومشيت وامنيه راحت جابت الخضار من المطبخ وقعدت تقوروا علشان تعمل محشي
——–
عند نور ويونس
يونس كان قاعد على اللاب توب بيشتغل ونور بتعمل اكل في المطبخ فطلعت وهي ماسكه شوكه وتابعت دوق اللحمه دي كده مظبوطه
يونس بصلها ورجع بص لللاب وتابع بضحك انتي صايمه ولا ايه
نور بضحك لا بس مبعرفش اظبط الملح خصوصا انا بحب الاكل مالح وحضرتك عادم
يونس بضحك قصدك بحبه مظبوط وبيجي لحضرتك عادم من كتر ماعودتي نفسك على الملح وعايزين نتلم هاا كفايه ام املاح ماصدقنا اتحسنتي
نور بضيق ياباااي عليك منا بدوقك علشان ميملحش اهوو ودخلت الشوكه بوقه وتابعت يونس كل وانت ساكت وقولي رايك يلا
يونس وهو بياكل حط ايديه على بوقه وتابع انتي غبيه يابت حشرتي الشوكه في زوري
نور بضحك سلامتك ياروحي اخلص بقى مش وقته الاكل على النار
يونس مظبوط خلاص متجيش جنبه في اي حاجه تاني ومسك الكوبايه يشرب
نور انت عارف مروى حرقت دمي اوي امبارح
يونس بستغراب مروى مين
نور استنى اطفي على الاكل وجيالك
يونس بحب ماشي واعمليلي كوبايه قهوه معاكي
نور لا يا يونس كفاياك قهوه شربت اتنين انهارده ودخلت المطبخ
يونس بتنهيده طب هتعملي انتي ولا اقوم اعمل انا ??
نور طلعت وقفلت اللاب وحطته جنبها وقعدت على الترابيزه قدامه وتابعت بالله عليك كفايه بتتعب القلب وبتعمل بلاوي
يونس اوعي يا نور اوعي علشان هتبدائي المحاضره وانا دماغي هتتنفجر مش قادر ورايح يقوم فمسكته وتابعت لا متقومش هو انا مش قولت مش هتشرب يا يونس ??
يونس برفعه حاجب اه يعني ايه قولتي مش هشرب مش فاهم بتؤمريني يعني ??
نور بصتله بحب وتابعت لا يعمري مقدرش امرك بس انا خايفه على صحتك فا وحياتي متشربش تاني انهارده وباست خده وتابعت ممكن ??
يونس بصلها بحب وابتسم غصب عنه وتابع طب بذمتك مش عيب يضحك عليا في السن ده ??
نور فضلت تضحك وتابعت لالا عادي معروفه ان نور نقطه ضعفك كده كده
يونس قعد وحط ايديه على وسطها وشدها ليه وتابع بحب ده الا نقطه ضعفي .. دي عيوني دي
نور بابتسامه والله ده انت اللي عيوني وحطت ايديها حوالين رقبته وتابعت وحاول علشان خاطري قلل القهوه شويه انت دكتور جامعي ومتعلم وعارف ان ليها اضرار
يونس بتنهيده وحياتك عندي لو مشربتش بتعب وبصدع جامد فغصب عني وفي شغل لازم يخلص
نور بحب طبيعي علشان متعود انما بلتدريج هتيجي عادي والله
يونس بحب حاضر يانور هحاول والله وشدها قعدها على رجله فتابعت بضحك اتلم وبطل تحرش
يونس بضحك انا اتحرش براحتي حلالي ولا مش حلالي
نور سندت جبينها على جبينه وتابعت بحب حلالك طبعا يعمري
يونس باس خدها وتابع بحب قولي بقى مين مروى بنت الكلب اللي ضايقت سمو الاميره بتاعتي دي
نور بتذكر ااه كويس فكرتني انا نسيت دي مروى صابر اللي معانا في الدفعه
يونس ضيق عينيه وتابع مش متذكر بصراحه بس مالها يعني
نور بضيق متصله بيا تباركلي وتقولي كان لازم طبعا تطلعي الاولى على الدفعه علشان انتي بنت عم دكتور يونس
يونس فتح عينيه بتفاجئ وضحك وتابع ايه الصُفر والحقد ده
نور بضيق اه اومال ايه بس انا مسكتلهاش
يونس بضحك اه يقلبي ابهريني عملتي ايه
نور ابتسمت بخبث وتابعت قولتلها معلوماتك ناقصه علشان انا مش بنت عم الدكتور بس انا المدام بتاعته كمان وبلنسبه لاني طلعت الاولى فده علشان انا مجتهده وجوزي بيذاكرلي وعايزه اشرفه قدام الدنيا كلها انما مش ذنبي انك بتعلقي فشلك وتقصيرك على شماعات علشان تقللي من نجاحي وتعبي انا
يونس فضل يضحك وتابع كوين بنت كوين والله العظيم
نور بضحك طبعا اومال هسكتلها الصفرا دي ولا ايه
يونس بضحك لا بجد برافو عرفتي تردي وبموت فيكي وانتي كياده كده اقسم بالله وقرب باسها بحب
نور ابتسمت وتابعت انا مبقتش كده غير لما اتجوزتك حاسه اني بقى ليا ضهر اتسند عليه وبقيت استمد ثقتي بنفسي منك من ساعه ماقولتلي مش مشكله عكي الدنيا وانا هتصرف
يونس بابتسامه وانا لسه عند كلامي عكي الدنيا وانا هتصرف وهفضل في ضهرك العمر كله
نور حضنته فدفن وشه في حضنها وباس رقبتها وايديه بتمشي على ضهرها فهمس بحب وتأثير : نور
نور بضحك اممم خير
يونس بضحك بقيتي بتلقطي اسرع من البلوتوث يابت يا نور وبصلها بحب وسند جبينه على جبينها
نور بحب بقيت حافظاك خلاص
يونس وهو بيقلع تيشرته تابع بضحك طب دي حاجه حلوه جداا ورماه على جنب وقرب باسها بحب وهي تجاوبت معاه وايديه بترفع بدي بيچامتها والباب خبط فاتنفضوا وبعدوا عن بعض ونفخ يونس بضيق ومرر ايديه في شعره بضيق
نور قامت بسرعه وقفت قدام المرايا تظبط هدومها وتابعت بحرج مش وقته نفخ ابوس ايدك اعدل شعرك ده وامسك ووطت جابت التيشرت ادتهوله
يونس بصلها بضيق وتابع جبت اخري من بيت الرفاعي بجد
نور بحرج معلش حقك علياا البس بس واخلص علشان خاطري متفضحناش وغلاوتي عندك
يونس وهو بيلبس تابع بحده متعصبيش ام الواحد هو انا شاقطك ولا ايه مالك خايفه ولا اللي هيقفشوكي مع واحد
نور بحرج وخوف بس يا يونس وطي صوتك بالله عليك اسكت اكيد مينفعش حاجه زي دي تتعرف متحرجنيش ابوس ايدك وفضلت تمسح الروج من على وشه وشفايفه وتابعت بتوتر اووف بهدلتنا اقول عليك ايه ومسكت المناديل تمسح كويس
يونس بضحك انا براحتي يابنت الجزمه
نور بضحك بالله عليك اسكت اقفل بوقك خليني امسح الروج بتاعي اللي بهدلت نفسك بيه ده وفضلت تمسح وشه
يونس بغمز وابتسامه بالله دي البهدله اللي تتحب
نور بضحك يا يونس اتلم مش وقتك خالص ورمت المناديل في السله
يونس بضيق لا هو مكنش وقت الباب بصراحه اوعي اقوم افتح وقام وسابها وهي وقفت قدام المرايا مسحت وشها حلو وظبطت شعرها
يونس حاضر حاضر جاي وفتح فكانت شهد فتابع بابتسامه ايه يحبيبي تعالي
شهد بتنهيده حزينه انت كنت نايم ولا ايه ودخلت وقفلت
يونس بحب لا يعمري نايم ايه دلوقتي ده الساعه 3 ونص بس مسمعتش علشان كنا جوه
شهد تنهدت بعمق وتابعت يونس انا مخنوقه اوي
يونس بقلق ايه ده في ايه مالك تعالي تعالي نقعد وفهميني
شهد دموعها نزلت ودخلت معاه فتابعت نور بقلق ايه ده مالك يا شهد في ايه
شهد قعدت وتنهدت بحزن وتابعت انا مش مرتاحه مع احمد يا يونس وعايزه نسيب بعض
يونس قعد قدامها وتابع بستغراب مش مرتاحه مع احمد ازاي يعني هو شغل عيال ??
نور بقلق استني بس يايونس افهم الاول حصل ايه يا شهد
شهد بدموع محصلش بس انا مش مرتاحه ومش هرتاح ويظهر ان حبي ليه عماني عن حاجات تانيه كتير ومع الوقت مبقتش عارفه اكمل من غيرها زي الثقه
يونس بحده ليه ياشهد عملك ايه مش فاهم
شهد بدموع معمليش حاجه والله العيب فياا انا .. انا اللي مش بثق فيه ومش بنتفق وتنهدت بوجع وتابعت احمد علاقاته كانت كتير وسببتلي فقدان ثقه فيه بطريقه محدش يتخيلها فطول الوقت بخاف عينيه تروح على غيري او انه حتى لو اتجوزني يزهق ويبص برا
نور بحده انتي ايه اللي بتقوليه ده اخوياا عمره ما ..
يونس قاطعها لما بصلها بحده وتابع نورر
نور بصتله وتابعت نعم يا يونس خير في ايه قولت ايه غلط انا
يونس بحده لما يكون جوزك قاعد تحترميه ومتعليش صوتك
نور بحده انت مش شايف بتقول ايه على احمد هو احمد ناقص يا يونس ده مريض قلب هو شويه هي وشويه اختهاا
يونس بحده طب قولت مسمعش صووتك هتتخرسي ولا ادخلك جوه ???
نور بضيق اهو يا يونس اتخرسنا خالص
ويونس بص لشهد وتابع بتنهيده احمد مالوش ذنب ابداا في كل اللي انتي بتتكلمي فيه ده .. انا هبقى معاكي في حاله واحده لو اتجراا وعرف او كلم واحده عليكي انما غير كده اعقلي ياشهد وفكري في كلامك قبل ماتقوليه انتي مبقتيش صغيره وده ابن عمي واخو مراتي واخو جوز اختك يعني اللي بتتكلمي فيه هيعمل مشاكل في العيله
شهد بدموع اول مره متفهمنيش يا يونس
يونس بتنهيده فاهمك يا شهد والله العظيم فاهمك بس بختصر عليكي كلام كتير لاني بردو متاكد انك مش هتقدري تسيبيه ولا واحده غيرك تتجوزه انتي بتفرغي طاقه مش اكتر بس المشكله الكلام ده لو احمد او حد من العيله سمعوا هيبقى فيها زعل ومشاكل والمشكله الاكبر انك هبله متعرفيش تعيشي من غيره وبتقولي كده وخلاص بس الكلام هيكون خرب الدنيا
شهد بدموع ووجع اه انا بحبه وبموت فيه بس والله غصب عني مش عارفه ابطل اشك فيه وهو تعب من كتر غيرتي عليه فمش عارفين نتفق خالص
يونس تنهد بعمق وتابع ياشهد متندميش الراجل انه فتحلك قلبه اكتر واحده وكان بيحكيلك كل اسراره ..احمد دلوقتي عقل واتغير وبقى حاجه تانيه وطلبك وخطبك وعايز يتجوزك ومقصرش معاكي في اي حاجه فبلاش يابابا نعلقله المشنقه علشان غلطات ومراهقه عيال زمان انسي وكبري دماغك ومفيش راجل بيحب الغيره الزياده عموما سواء بشك او من غير شك كترها بيخنق وبيقفلنا
شهد بدموع والله عارفه ان كل كلامك صح بس لما بفتكر كلامه ليهم وسهره بلساعات في الفون واسلوبه الخراا ده واشوفه بيهزر مع واحده ولا بيكلم واحده والله بقلق
يونس علشان معندكيش ثقه في نفسك انتي لو واثقه في نفسك هتسيبيه وسط 100 بنت عارفه انك ماليه عينيه وكلنا كنا مراهقين وبنكلم دي وبنكلم دي وشغل عيال بس الفرق ان احمد كان بيحكيلك انما احنا محدش يعرف عنا حاجه
نور شهقت وتابعت نعم يحبيبي ?? بتقول ايه ?? كنت بتكلم مين يا يونس نهاارك اسود والصبح تسرح بياا وتقولي محبتش قبلك !!!!
يونس بضحك انتي قاعده مركزه مستنيه غلطه ولا ايه انا مقولتش اني حبيت يابنت الجزمه انا قولت اتكلمت وصاحبت عادي شغل عيال مراهقه انما محبتش فعلا واحمد بردو محبش حد
شهد بدموع لا كان بيقول ان بيحبهم
يونس بضحك بيحب مين ياشهد متعصبيناش ده بيبدلهم كل يومين
شهد انت بتحرق دمي صح ??
يونس فضل يضحك وتابع لا والله مقصدش بس بفهمك اصل كلمه بيحب دي مش سهله وبص لنور وتابع ده الحب بيجيب الارض انتي بتقولي ايه بس
نور وشها احمر وتابعت بابتسامه وهي بتبص للارض: اتلم متبصليش كده اختك قاعده
شهد بضحك طب ايه سيبك من مشكلتي دي وهقوم انا شكلي جيت في وقت غلط
يونس فضل يضحك وتابع لالا يعمري خليكي وقام قعد جنبها وخدها في حضنه وباس راسها بعمق وتابع حقك على عيني انا والله فاهم موقفك وعارف ان كتر الف خيرك وغصب عنك وحقك تقلقي بس احمد عمل كل حاجه تخليكي تثقي فيه يا شهد مش كده يحبيبتي لو جينا عكسنا الوضع وبقي يغير عليكي ويشك بزياده هتتخنقي وهتطلبي متكملوش كمان فمتلوميش عليه في حاجات كان بيعملها وهو عيل خلاص اللي فات مات وكبرنا واتغيرنا وخطبك وهيتجوزك كمان فعلشان خاطري صالحيه ومتسيبهوش زعلان انتي اه غصب عنك بس غلطي في حقه لانه دلوقتي حاجه تانيه خالص بجد
شهد بدموع حاضر يا يونس
يونس مسح دموعها وخدها في حضنه وتابع اهدي يابابا اهدي متعيطيش طب هو فين احمد روحي ناديه وانا هصالحكم
شهد بحزن احمد نزل للعمال ولسه مجاش متخافش والله هصالحه لما يجي
يونس باس جبينها وتابع ربنا يهديكم يارب يحبيبتي
شهد بحزن يارب
يونس بتنهيده وانا لما زعقتلك وقولتلك مينفعش تسيبوا بعض علشان العيله مكنش ده السبب الوحيد .. لاني كمان واثق انك بتحبيه اوي وده كلام خارج منك وقت غضب والموضوع مش مستاهل نقول قدام الكل كده ونعمل زعل بسببه انما هو لو جيه عليكي فعلا مش هيهمني حد وهخليكي تسيبيه
شهد بحزن عارفه والله
يونس باس جبينها وتابع ربنا يهديكم يحبيبتي
شهد بحزن يارب وقامت وقفت وتابعت طب هطلع انا علشان عايزه اعمل كذا حاجه ولما يجي هصالحه
يونس بحب استني خليكي ونتغدا سوا
شهد لالا مش قادره خالص وباست خده وتابعت الف هنا على قلبك يحبيبي
يونس مسك ايديها باسها وتابع بحب اقعدي ياشهد تلاقيكي متغدتيش
شهد بتنهيده مراتات عمامك لسه بيعملوا اهو وانا والله مش جعانه دلوقتي خالص هطلع انا اشوف ورايا ايه لحد ما احمد يجي
يونس تنهد وتابع طب شويه كده هناديكي اشوفك اتغديتي ولالا
شهد بحب تسلملي يحبيبي وباست خده وتابعت فين قمصانك اللي قولتلي اكويهوملك ??
نور قامت وتابعت ثواني هجبهملك حقك عليا لسه مبعرفش اكويهم ولما جربت مره حرقته
يونس اتصدم وتابع انهي ده اللي حرقتيه ?? انتي مش قولتيلي مبعرفش فهخاف اجرب ??
نور اتصدمت وتابعت بتوتر قميص مازن يحبيبي ودخلت الاوضه جري تجيب القمصان لشهد
يونس كان لسه مصدوم وبص لشهد وتابع كدابه طبعا صح ??
شهد فضلت تضحك وتابعت ان بعد الظن اثم ياقلب اختك يمكن قميص مازن صح
يونس بصدمه لا وربنا هيطلع القميص الاسود اللي قلبت عليه الدولاب وقالتلي معرفش انت بتودي حاجتك فين
شهد فضلت تضحك ونور خرجت بلقمصان وتابعت بتوتر اهي يا شوش امسكي يقلبي هتعبك
شهد بضحك تعبك راحه ياروحي يلا هطلع انا ربنا معاكي
نور بتوتر وهي بتلعب في صوابعها ومعاكي ياروحي
وطلعت شهد وقفلت الباب ولفت نور لقيت يونس بيبصلها برفعه حاجب فابتسمت بتوتر وتابعت ايه يحبيبي
يونس تنهد بعمق وتابع واما القميص اتحرق مش تعرفيني بدل ما اقلب عليه الدولاب وتقوليلي معرفش انت اللي بتودي حاجتك فين ???
نور بتوتر قميص ايه يروحي اللي اتحرق مش فاهمه ??
يونس بحده نورر
نور بخوف ايه يقلب نور
يونس بحده انا مش عايز استعباط حرقتيه ولالا ??
نور بصت للارض بتوتر وتابعت وغلاوتك عندي من غير قصد
يونس قام وقف فتابعت نور بتوتر وهي بترجع لورا : وربنا هجري وهقفل الباب ومش هتشوف وشي انهارده
يونس فضل يضحك وتابع تعالي بس تعالي متخافيش
نور بتوتر والله ما مرتاحالك
يونس بابستامه لا والله عيب عليكي وراح وقف قدامها وشد وسطها ليه وتابع اما انتي حرقتيه مش تعرفيني بدل ما سيباني الف حوالين نفسي يا نور ??
نور بصتله بتوتر وتابعت بصراحه خوفت اقولك
يونس حط واحده من ايديه على خدها فغمضت بخوف فتابع بضحك بس بس اهدي مالك في ايه وابتسم وتابع بحب هو من امتى يونس بيخوف مش فاهم ?? ولا انتي لسه هيباني على اني ابيه ولا ايه
نور بتوتر لا طبعا بس انا عارفه انك بتحب القميص ده اوي وبتلبسه على كذا حاجه فخوفت اقولك فرميته
يونس فضل يضحك وتابع لا يابابا متخافيش ما انتي بتتعلمي كنتي عرفيني عادي وباس جبينها وهمس فتحي عينيكي
نور فتحت بتوتر وبصتله فابتسم وتابع خلاص والله مش هعملك حاجه ولما تيجي في مره فاضيه اطلعي اتعلمي من شهد واحده واحده
نور باست خده وتابعت بابتسامه انشاالله يخليك ليا ياارب وصح انا مخلصه كل اللي ورايا في البيت اطلع لشهد اتعلم دلوقتي ??
يونس ابتسم بخبث وتابع مخلصه كل اللي وراكي ازاي يعني ده انتي نسيتي اهم حاجه ووطى شالها بين ايديه
فا نور ضحكت وحطت ايديها حوالين رقبته وتابعت يونس بالله عليك مش وقته كلهم صاحيين دلوقتي وطالعين نازلين كل شويه
يونس سند جبينه على جبينها وتابع بهمس هششش كبري دماغك لو حد خبط مش هنفتحلهم زي اول يوم فاكره وغمز بضحك
فا نور فضلت تضحك وتابعت اه فاكره فقرب يونس باسها بحب وهو شايلها بين ايديه
——-
عند مازن في الفندق بتاعه كان قاعد في مكتبه بيراجع اوراق والباب خبط فتابع ادخل
ميرا بابتسامه مساء الخير
مازن بستغراب مساء النور .. جيتي هنا ليه غريبه
ميرا بابتسامه لا ولا غريبه ولا حاجه ده انا قريبتي هتتجوز فجات تحجز اوضتها هي وجوزها اللي هيجهزوا فيها هنا في الفندق فقولت اطلع اسلم على حضرتك
مازن بتنهيده طب وشغلك مين بيعملوا في الكافيه ??
ميرا بابتسامه انهارده اجازتي يا فندم متقلقش
مازن رايح يتكلم ففونه رن فتابع ثواني يا ميرا
ميرا دخلت وتابعت لا تمام براحتك وقعدت قدام مكتبه وهو رد وتابع ايه يحبيبي
-لا يا ياسمين كلي براحتك علشان الساعه 12 هتصومي يا بابا
-قالتلي اه اشربي مايه على قد ماتقدري
-سمسم انا مش هتاخر يحبيبي وجايلك متوتريش نفسك كلها كام ساعه خلاص وهتولدي ونرتاح
-هجبلك حاضر كل اللي انتي عايزاه
-بضحك ينورعيني جاي حاضر بتعيطي ليه
-بضحك لالا حقك عليا انا لو قدرت هدخل معاكي حاضر
-فضل يضحك وتابع حاضر يا ياسمين هناخد سيف وهخليه يقولهم حاضر اي اوامر تانيه
-ماشي يحبيبي كلي انتي بس لحد ما اجيلك ومتستنيش علشان انتي هتصومي انما انا اكل اي وقت عادي
-ماشي يعمري حاضر ساعتين بلكتير وهجيلك يحبيبي
-خلي بالك من نفسك ولو عوزتي تعملي حاجه نادي اي حد يعملهالك
-انتي قاعده معاهم اصلا .. خلاص ماشي وضحك وتابع انا كده اطمنت عليكي امي تلاقيها بتاكلك زي البط
فضل يضحك وتابع اه منا عارف طب يحبيبي يلا هقفل معاكي ومش هتأخر وجايلك
-حاضر من عيوني باي
وقفل معاها وحط الفون قدامه
ميرا بغيره هي مرات حضرتك هتولد بكره ??
مازن بابتسامه اه عقبال مانفرح بيكي
ميرا تنهدت بعمق وتابعت يارب اللهم امين وقامت وقفت وتابعت طب هنزل انا .. مبسوطه اني شوفت حضرتك انهارده وسلمت عليك يا فندم
مازن بابتسامه انا اكتر تنوري اي وقت يا ميرا وقريبتك باذن الله متندمش على اختيارها لهنا
ميرا بابتسامه اه ده اكيد يلا عن اذنك
مازن اذنك معاكي ورجع يبص للورق وهي بصت بغيره عليه ونفخت بضيق وخرجت ونزلت وهي مش طايقه نفسها وفضلت تفكر هتوقعه ازاي
——-
في بيت الرفاعي شقه منصور كانوا قاعدين بيتكلموا بعد ماحطوا الاكل يستوي وعايده ماسكه طبق وبتاكل ياسمين اللي قاعده جنبها
ياسمين بضيق خلاص يا ماما بالله عليكي تعبت مش قادره
عايده يابت كلي بلاش دلع لو جوعتي بليل مش هينفع تاكلي يا ياسمين
ياسمين بتعب والله مش قادره فعلا شبعت جدا لسه الساعه 5 قدامي وقت كويس شويه واكل تاني
عايده بتنهيده يابنتي متتعبنيش مجرد مانيجي نتغدا الوقت هيجري في غسيل المواعين والشاي اللي هيتعمل دلوقتي فاضين احسن
ياسمين بضيق لا والله مش قادره حاسه هرجع شويه طيب
صافيه بحب سيبيها تاخد نفسها شويه يا عايده تلاقي الواد بردو طابق عليها
ياسمين بتعب اه والله مش قادره اتنفس
صافيه بحب معلش هانت يابنتي كلها بكره ربنا يقومك لينا بالف سلامه يارب
ياسمين بتوتر يارب بجد ونفخت
عايده طبطبت عليها وتابعت متخافيش عمليه سهله باذن الله وهتقومي بالف خير
ياسمين بتوتر يارب يا ماما يارب
عايده بحب يارب يحبيبتي اشربي طيب مايه
ياسمين مدت ايديها جابت الكوبايه وتابعت حاضر ورفعتها تشرب
صافيه بصت للساعه وتابعت دي خمسه صح اومال فينه سيف كل ده يا نرمين
نرمين بتنهيده هو ده حد بيعرفله طريق نازل من 10 الصبح
معتز بستغراب طول اوي كده ليه
نرمين بتنهيده والله يا معتز ما عارفه ولا عمري هفهم ابنك اصلا بيعمل ايه ولا بيفكر في ايه
صافيه بتنهيده والبت امنيه فينها مش باينه انهارده بردو
نرمبن لوت بوقها وتابعت ولا هتبان هو انتي نسيتي ان البيه منعها تتحرك من الشقه
صافيه بحزن ياحزني عليك يا ابني
نرمين بتنهيده اه اومال انتي فاكره ايه وبصت لمعتز وتابعت بحزن معتز
معتز بحده خرجيني من الموضوع ده واحد وبيربي مراته انا ميخصنيش ومش هستنى اسمع ابني بسببك بيعترض على كلامي وبيقولي دي مراتي يا بابا وانا حر
نرمين بحزن يا معتز البت حامل وشايله حفيدك وسيف مزودها عليها اوي ده والله مرعوبه منه لما قولتلها مجتيش عندي ليه تعالي يلا رفضت اوي وخافت
معتز بتنهيده ربنا يهديهم بس انا مش هقول لسيف حاجه .. مراته غلطت في حقه وهما احرار مع بعض
نرمين بحده طب نشكيه لمين سيف يعني يا معتز هنعتبره مالوش كبير ??
معتز بحده نرمين متعصبنيش عليكي على المسا وخلي بالك من كلامك انا كبيره غصب عن عين اهله بس هو مغلطش هقف اقوله ايه انا مش فاهم ???
منصور بتنهيده بس يا معتز اهدى خلاص
معتز بحده انت مش سامع يابا دي تعصب قسما بالله
نرمين بحده اصل ابنك ومن زمان مش من دلوقتي محدش بيغيرله كلمه فانا نفسي اشوف حد بيقفله كده ويوقفه عند حده
معتز بحده علشان ابنك حكيم وعاقل ومبيغلطش فمنقدرش نقف نقوله انت ايه اللي بتعملوا ده فسيبيه يربي مراته بمعرفته البت غلطت في حقه وبلجامد ويربيها ازاي دي بتاعته هو .. متجيش على ابنك يا نرمين .. سيف مغلطش وطول عمره راجل ويفهم في الاصول ويعرف ربنا وبيغض البصر ومبيشربش سيجاره فمش ده اللي اقف اقوله انت غلطان وهو عمره ماعمل حاجه غلط
نرمين بدموع معاك فكل كلمه وانا عارفه سيف بلذات ايه بس البت حامل يا معتز مش كده والله صحتها تعبانه اوي قوله يخف عليها شويه ورحمه ابنك
معتز تنهد بعمق وتابع لما يجي يا نرمين
صافيه بتنهيده حزينه ربنا يهديهم يارب يابنتي
نرمين بحزن يارب يا ماما ياارب بجد
وشويه وسيف وصل وشايل حاجات فتابعت نرمين بلهفه سيف
سيف بصلها وتابع ايه يحبيبتي
نرمين بلهفه ايه ينورعيني كل ده فينك
سيف بتنهيده كنت في عزا ابو واحد صاحبي فسافرنا ندفن وكده
نرمين تنهدت بارتياح وتابعت قلقتني عليك ينورعيني ومراتك كل شويه تتصل بيا اقولها مجاش فكراك عندنا وفونك مقفول
سيف بتنهيده اه فصل شحن انا طالع اهو دلوقتي
معتز من جوه تابع سيف
سيف نعم يا بابا
معتز بتنهيده تعالى يحبيبي عايزك
سيف دخل وتابع مساء الخير فا الكل رد فباس راس صافيه وايديها فطبطبت عليه بحب وباست خده وتابعت يخليك ليا يحبيبي
فتابع سيف بحب ويخليكي ليا يا غاليه وبص لمعتز وتابع سامعك يابابا
معتز بتنهيده انا ماليش اني اتكلم انت راجل وسيد الرجال وتعرف تحكم بيتك كويس اوي بس علشان خاطري واحده واحده على مراتك يا ابني .. البت حامل وشايله ابنك وحملها صعب وشويه زعل ولا عياط غلط عليها
سيف برفعه حاجب ليه هي اشتكت ولا حاجه ??
نرمين بلفهه لالا والله ما اتكلمت ده هو كل اللي حصل ان
معتز بمقاطعه وبحده هو انتي مش قولتيلي انا اتكلم بترغي ليه ??
نرمين بخوف لا خلاص اتكلم بس فهمه بالله عليك
معتز بتنهيده امك كانت عايزاها من امبارح وهي منزلتش فلما طلعت سالتها قالتلها انك مانعها تنزل وخافت تتحرك لما امك قالتلها تعالي وكانت بتعيط فواحده واحده عليها يحبيبي انا مش بقولك متعاقبهاش لا براحتك لانها غلطت بس البت فعلا ادركت انت مين وخافت فبص للي في بطنها ولانها حبيبتك بردو ما اكيد مش هتهون عليك يا سيف
سيف بتنهيده حاضر يابابا متخافش انا اكيد مقدرش اضرها كده كده
معتز بتنهيده عارف يحبيبي بس بنبهك لان انت في طبعك صعب وممكن شيطانك في لحظه غضب يمشيك
سيف بتنهيده حاضر هطلع انا ارتاح بقى عايزين حاجه ??
نرمين بحب سلامتك ينورعيني
وطلع سيف فتابع معتز بتنهيده ياريت نتهد بقى
نرمين تنهدت بارتياح وتابعت والله ريحتني لحسن ابنك مايقدر عليه الا ربنا خوفت على البت
ياسمين بضحك صدقتي يا مرات عمي والله ده كلنا شايلين همها مش انتي بس حتى مازن قبل ماينزل قالي ابقي كلمي امنيه اطمني عليها وطمنيني لحسن سيف ده مجنون
نرمين بضحك اه يابنتي مامعروف والله اومال انا بقلق ليه
صافيه بضحك كلنا عارفينه الا مراته والحمدلله عرفته وشافت اسلوب منه مش هتنساه العمر كله
عايده بضحك اه والله ربنا يهديهم
نرمين بتنهيده ده هي كمان شافت اللي محدش فينا شافه ولا توقعه لما ضربها
ياسمين بتنهيده امنيه تستاهل بس بردو غصب عنها فربنا يهدي سرهم يارب
نرمين بتنهيده يارب يابنتي
—–
فوق في شقه سيف فتح الباب ودخل كانت الشاشه شغاله وامنيه نايمه على الكنبه واغلب رجليها باينه لان الكاش مرفوع ومن فوق حمالات فحط الحاجات اللي جايبها على السفره وراح عندها وبلع ريقه بتوتر وتابع يخربيت اهلك ايه تعب الاعصاب ده !! الواحد غاب شهرين ورجع ماصدق هيشوفك روحتي قلبتي حياته خالص ونكدتي .. بالله حاسس اني فقري ماليش نصيب في اي حاجه عدله خالص الحمدلله ووطى شالها بين ايديه ودفن وشه في رقبتها واتأثر بريحتها جدا وباسها بحب ومشي بيها يدخلها اوضتهم وهمس بالله واحشاني يخربيت اهلك ودخل حطها على السرير فصحيت وشهقت بخوف فتابع سيف بضحك بس بس في ايه يابابا ده انا دخلتك تنامي هنا
امنيه بقلق ودموع انت جيت يا سيف حرام عليك كل ده برا البيت قلقتني اوي وقعدت بركبتها على السرير وحضنته فغمض سيف عينيه بتأثر وحط ايديه على ضهرها يضمها ليه فتابعت بدموع كنت فين كل ده قلقتني عليك
سيف كان متأثر جداا بقربها وصوته طلع بلعافيه وتابع في عزا ابو واحد صاحبي فسافرنا ندفنه
امنيه بدموع طب يحبيبي ماكنت تطمني عليك ليه قافل فونك
سيف بتنهيده فاصل شحن يا امنيه وبعد عنها باعجوبه وخرج من الاوضه
فتنهدت بحزن وقامت وراه وتابعت سيف ومسكت دراعه وتابعت بدموع هنفضل كده لحد امتى ??
سيف بتنهيده كده ازاي يعني ماحنا طبيعين اهو ونزل ايديها وتابع جبتلك فواكه وعصاير طبيعيه حطيهم في التلاجه علشان حلوين ليكي في الفتره دي
امنيه بدموع قصدك حلوين لابنك مش كده
سيف بحده اه قصدي كده ومش شايفها حاجه عيب نهائي مانا طبيعي خايف عليه
امنيه بدموع وانا .. انا بنسبالك ايه يا سيف ودموعها زادت
سيف تنهد بعمق وتابع ام ابني
امنيه بوجع وصدمه بس كده ??
سيف بتنهيده اه بس كده ورايح يمشي وقفته ومسكت دراعه وتابعت بدموع يعني بطلت تحبني وتغير علياا
سيف غمض عينيه بغضب وتابع امنيه انتي عايزه توصلي لايه علشان افهم بس
امنيه بدموع عايزه اشوف امنيه في عينيك يا سيف يمكن طول الفتره اللي فاتت كانت مشاعرك الحقيقيه بس انا فكرتك حد تاني فنفسي اشوف امنيه في عين سيف بجد
سيف بوجع سيف انتي محبتيهوش فملهاش لازمه
امنيه حطت واحده من ايديها على خده وتابعت بدموع مين قالك كده ??? انا حبيت فارس وانت فيك قلب وروح فارس اللي عاشت جوايا ومن قبل ما اشوفك
سيف غمض بوجع وتابع امنيه علشان خاطري
امنيه بدموع علشان خاطري انت رد علياا هو انت هتقدر تطلقني يا سيف ?? هتقدر تسبني وتتجوز غيري ??? طب لو انت قدرت تعمل كده هتقدر تبطل تحبني وتغير عليا وعادي شوفني مع راجل غيرك ??
سيف افتكر كلام حيدر عنها واتعصب جداا
فلاااش باااك
انما انا هكسر عينيك بيها وانت فاهم قصدي كويس اصلها حلوه اوي وعجباني وضحك وتابع انت عارف تثبتلي ولائك صح وان ملكش نقاط ضعف لو جبتهالي
***
لارا بابتسامه مراتك دخلت دماغ القائد واحب ابشرك انها فعلا مش هتطلع من دماغه غير لما يعمل اللي هو عايزه واديك شايف انا والبنات اللي فوق كلنا كان لينا حياتنا عادي بس اللي بتعجبه بتيجي هنا ومش بتشوف النور تاني
***
باااك
فحط ايديه على وسطها وشدها ليه جامد وقرب باسها بعمق وهو بيضمها ليه بشوق اول مره امنيه تشوفه كأنه عايز يثبت لنفسه انها ملكي انا وتخصني انا واتعصب وهو بيفتكر كلام حيدر فباسها اكتر بعنف وضغط على وسطها جامد فتأوهت بوجع وبعدت وتابعت ااه سيف وجعتني
فسند جبينه على جبينها وهمس حقك عليا مخدتش بالي ورفع وشها ليه باسها برقه وهمس انتي ملكي انا بس يا امنيه ومش هسمح اشوفك مع حد تاني واتعصب وتابع ببعض من الحده واقسم بالله العظيم اللي يفكر بس فيكي هيكون طلوع روحه على ايدي وهفرغ فيه مسدسي
امنيه فهمت انه كان بيعمل كده علشان غيران وعايز يثبت لنفسه انها من حقه هو فمخدش باله انه وجعها فاستغربت غيرته وعصبيته وتابعت بدموع حبيبي في ايه انا بسألك انما مبقولش ان ده هيحصل والله
سيف شدها ليه وقربها منه اوي لدرجه مبقاش يفصل بينهم حاجه وتابع بغيره سواء سامحتك او لا انتي مراتي ليوم ما اموت وعمري ماهطلقك واللي يفكر فيكي بس هقتله
امنيه دموعها نزلت بفرح وسندت جبينها على جبينه وتابعت بدموع وانا والله مش عايزه غير كده وهسعى اني اكون الزوجه اللي ترضيك انت تعبت اوي علشاني يا سيف وتستاهل اتعب علشانك العمر كله
سيف بتنهيده وايه غير رايك مش فاهم
امنيه بدموع يمكن لو مكنتش حامل كنت هحكم عليك ومش هسمعك وهطلق لاني فعلا بكرهه الكدب بس لما قعدت مع نفسي وحسبتها علشان ابني وكنت هاجي على نفسي لاجل يفضل مع ابوه ويحس بحنانه عيطت وتابعت لاقيت ان انا كمان محتجاك وخصوصا اني عرفت انك فارس يمكن انا متلخبطه بس الاكيد اني عرفت معنى الحياه لما جوزي بقى معايا .. وجوزي تحديداا وافتكرت خوفك لما سالتني على المسلسل التركي وقولتلي بعدها هو انا لو كدبت يا امنيه هتسامحيني افتكرت قلقك اني اعرف طول الوقت علشان خايف تفقدني وعيطت اكتر وتابعت افتكرت حضني ليك ووعدي اني مش هسيبك في عز ماكنت قلقان وبتقولي خايف افقدك ومتبقيش معايا يا امنيه … افتكرت انك ضحيت كتير اوي علشاني وعلشان اخوك وانا جيت عليك مع الكل يا سيف .. انت طول الوقت كنت عايز سعادتي وبتهتم بتفاصيلي وبتجبلي هدايا وبتفتكرني في الجيش في عز انشغالك وبتستحمل اني بندهك باسم اخوك حتى وانا في حضنك وكل ده علشان صحتي وعيطت اكتر وتابعت وانا اصلا مراتك انت وحلالك انت وجيت اتخانقت معاك انك خدت حقك فيا ووجعتك قدام الكل وانت رغم انك سيف الرفااعي اللي كل العيله حذرتني منه بس كنت هادي معايا وسكت واستحملت وانا حقيقي جبت اخر نقطه صبر فيك ومعترفه انك حقك تعمل اللي عملتوا واكتر كمان بس وغلاوتك عندي انا محستش مع حسام اللي حسيته معااك خالص يمكن اللي صدمني اني فكرت حسام اتغيرر وطلع حد تاني خالص وحطت واحده من ايديها على خده وعيطت اكتر وتابعت انما متخيلتش يطلع انت يعمري وربنا يجمعني بيك تااني .. شكلك اتغير واسمك بنسبالي اتغير بس انت لسه فارس .. انا لسه بحس بيك وحطت ايديه ناحيه قلبها وتابعت بعياط من يوم مااتخلق وهو مش شايف غيرك ولا حاسس بغيرك وكل مره بتتعب ولا بتزعل ولا بتتصاب بيوجعني ويقولي حبيب روحك مش كويس يا امنيه ولو هو سكت احلامي مبتسكتش انت حبيب عمري وروحي ومش عايزه غيرك .. حبي لاخوك والله العظيم علشان هو شبهك وانا حتي قولتله ..قولتله هو انا شوفتك قبل كده يا حسام قالي لا محصلش بس انا حسيت كده علشان شوفتك فيه يا سيف وعيطت اكتر وتابعت يمكن طول الوقت كنت بوجعك لما بقولك بحبك يا حسام بس انا انهارده ودلوقتي تحديدا بعد ما راجعت كل حاجه اكتشفت اني محبتش غيرك وبسبب حبي ليك كل ده حصلنااا ياريتك جيت خطبتني انت من البدايه وعيطت اكتر وتابعت ياريتك مابعدت عني يا سيف بس رغم وجعنا لفراق حسام ربنا مأرادش يفرقناا وبردو كنت ليك .. عارف ليه ?? عيطت اكتر وتابعت علشان قلبي قالي والله قلبي قااالي انك هتبقى جوزي من اول يوم شوفتك فيه واديني انهارده بعد 8 سنين واقفه قدامك وشايله ابنك وحضنته جامد وتابعت انا بحبك يا سيف بحبك اوي بحبك علشان انت حبيب الروح
…. فالقلب لو اختار غلط يقدر ينسى ويحب تاني انما الروح مستحيل تتقرر تاني
سيف حضنها اكتر ورفعها عن الارض وهو حاضنها وهي بتعيط في حضنه وهمس وانا بموت فيكي يحبيبت عمري
امنيه ضحكت من بين دموعها وتابعت بدموع ده والله انا اللي يبختي اني حبيبت عمرك انت .. حبيبت عمر سيف الرفاعي اللي مفيش حاجه بتعرف تكسره وامنيه هي نقطه ضعفه الوحيده
سيف ضمها اكتر وغمض عينيه وتابع لو انا حبيب روحك فانتي اصلا روحي يا امنيه .. روحي اللي عايش بيها ومدياني امل في الحياه
امنيه عيطت وتابعت انا اسفه بجد وخرجت من حضنه وبصتله وتابعت انا حقيقي اسفه وحطت ايديها على خده وتابعت مش هسكرلك كلمه تاني ولا هتعصب ولا هعلي صوتي في اي نقاش ولا هعمل اي حاجه تضايقك وحياتك عندي
سيف مسح دموعها وسند جبينه على جبينها وهمس بحب خلاص كفاياكي عياط وغمز وتابع ماتيجي نعمل حاجه مفيده بلمناسبه السعيده دي
امنيه ضحكت من بين دموعها وتابعت والله انت رايق
سيف بحب واحشاني يابت بقالي شهرين بعيد عنك
امنيه بصتله بحب وتابعت ده انا عيوني ليك
سيف بس لحظه .. عادي ولا فيها مشاكل علشان حملك ???
امنيه بضحك انا خلصت الشهرين متقلقش كانت قيلالي اول شهرين لا علشان انا تعبانه انما في الحمل العادي محدش بيمشي بلكلام ده
سيف بحب بس انا اهم حاجه عندي انتي واللي في بطنك علشان كده سألت
امنيه بحب وانا عارفه انك غير اي حد وسندت جبينها على جبينه وهمست ووانت كمان واحشتني على فكره
سيف اتأثر من صوتها وكلامها وقرب باسها بحب فغمضت عينيها وايديها بتفك زراير قميصه ورمته على الارض وبعد عنها علشان تاخد نفسها وايديه بتعدي على ضهرها وبيضمها ليه وهو بيبوس رقبتها فابتسمت امنيه ورايحه تبوس رقبته اتصدمت بشده ورفعتله وشها ونزلت ايديه عنها
فبصلها سيف بستغراب وتابع ليه ام الفصلااان ده
امنيه الدموع اتجمعت في عينيها بقهر وتابعت على اساس ايه انك بتضيع وقت ??
سيف بصلها بستغراب اكتر وتابع مالك يابت في ايه ماتظبطي كده
امنيه دموعها نزلت بقهر وقلبها كان واجعها اوي وتابعت لا بس حقك اصل شهرين كتير والله واعلم خلال الشهرين دول حصل ايه
سيف مسك دراعها جامد وتابع بعصبيه امنيه ماالك في ايه ماتتعدلي لاعدلك انتي بتلمحي على ايه بلظبط ????
امنيه شدت ايديها جامد وتابعت بحده انت كنت فين يا سيف ????
سيف بعصبيه قولت في عزاا ابو واحد صااحبي هو اللي هنعيده هنزيده ليه
امنيه شدته وقفته قدام المرايا وتابعت بحده ودموع وعزا ابو واحد صاحبك كنتوا بتاخدوا في الكباريه بدل المسجد ولا حاجه ???
سيف شاف الروج المطبوع على رقبته اتصدم بشده وغمض عينيه وتابع في سره يانهار اسود هتصرف ازاي في المصيبه دي ??!!!
