رواية دكتور الوحده كامله جميع الفصول بقلم ملاك محمد
أنا أسمي "علي" دكتور بشري متخرج من سنة والتعيين جالي في قرية صغيرة أعتقد أن بابا ليه يد في كدا لأنه دكتور وهيموت ويوريني الحياة في القري، المهم اني لسة واصل القرية دي ومش عارف هعمل اي بيقولوا اني هيبقي دكتور في الوحدة اللي موجودة هنا، لقيت الناس كلها مشغولة،في اللي بيزرع في الأرض واللي بيسقي الزرع واللي ماشية شايلة حاجة علي رأسها واللي راكب الحمار والأطفال بتلعب، الوقت واللي ماشي ووراه بقر، ودا كله كان قرب على الغروب، وقفت واحد أسأله علي الوحدة.
علي: لو سمحت ممكن أعرف فين الوحدة.
* فضل يبص عليا وعلي لبسي والشنطة اللي في أيدي واللي علي كتفي استغربت.
الراجل: انت مين يا ابو عمو.
علي: أنا مش من هنا.
الراجل: منا عارف انك مش من اهنيه انت اكيد الدكتور الجديد؟!
علي: أه أنا.
الراجل: تعالي اوصلك لحديها.
* مشيت معاه فضل يحكي علي كمية الدكاترة اللي جت هنا وبتمشي علي طول ومبتكملش.
علي: انت بتقول اي.
الراجل: زي مابقولك يا سعادة البيه مفيش دكتور جه اهنيه وإلا وجرتله مصيبة.
علي بضحك: ههههه انت اكيد بتهزر، دمك مش خفيف خالص علي فكرة.
الراجل: لاه أنا دمي حامي.
* تجاهلته ومشينا لحد ما وصلنا الوحدة ووقفنا وشاور عليها.
الراجل: هي دي الوحدة ي سعادة البيه.
علي: طب ممكن أسألك يا عمو...
الراجل بسخرية: عموو...
علي: اقصد.. عمي قصدي...اسمك اي.
الراجل: عمك حسانين، فوتك بعافية.
علي: خد هنا يعم حسانين انت...حضرتك قولت مفيش دكتور دخلها وإلا وجرتله حاجة.
العم حسانين: ايوة.
علي: اشطا، معني كدا أن مفيش حد جوا في المستشفى دي اقصد الوحدة دي.
العم حسانين: لاه كيف اومال احنا بنداوا (بنتعالج) منين.
علي: ما هو دا معني كلامك.
العم حسانين بصوت وطريقة مرعبين: اصل كل دكتور ييجي غريب عن اهنيه يا يموت يا إما يتجن ويتلحس مخه يا إما يختفي ومنعرفلوش طريق جرته.
علي بلع ريقه: وأنا هيجرالي اي اوبشن فيهم.
العم حسانين بصوت مرعب: يمكن تموت محرووق.
علي: اي ي عم انت فال الله ولا فالك روح ي عم..روح ي عم الله يسهلك...دا اي دا يا ربي دا، انا ناقص.
* دخلتها باين أن مفيش ناس، وقفت عند الاستقبال لقيت واحد نايم علي الكرسي وحاطط رجله علي كرسي تاني وعلي وشه كاب.
علي: انت ي ابني...انت ي استاذ...ي أخينا.
* خبط علي الترابيزة، قام مفزوع.
الشاب بفزع: اي دا في اي.
علي: انت اللي في اي أنا عمال انادم من بدري.
الشاب: خير.
علي: عايز اقابل مدير الوحدة دي.
الشاب بنوم: مش موجود.
علي: طب هو جاي امتي.
الشاب قعد علي الكرسي وه ينام: مش عارف والله.
علي: انت..فوق كدا وصحصح أنا الدكتور الجديد أنا شايف أن الناس اللي برا نامت تقريبا البلد كلها هيووو برا.
الشاب بنعاس: اديك قولتها نامت ودا معاد نوم يلا تصبح علي خير.
ونام علي الكرسي تاني.
علي: انت ي ابني تصبح علي خير اوكي انت هتنام هنا وانا هنام فين.
الشاب بنوم: روح نام في اي اوضة يلا روح السراير كتير تصبح علي خير.
علي: طب المدير هييجي امتا.
الشاب وهو نايم: ممكن الصبح تصبح علي خير.
علي: تصبح علي خير....أصبح علي خير بإذن الله.
* دخلت اول اوضة جت قدامي وحقيقي كنت تعبان ونفسي أنام ركنت شنطي علي جنب وروحت للسرير ونمت عليه لسه ه غمض عيني لقيت فيه صوت همس في الاوضة وفجأة سكت الصوت لسه هغمض، صوت الهمس رجع تاني، دا انهاردة يوم شكله مش هيعدي فجأة جه في دماغي صوت عم حسانين:
"يا يموت يا إما يتجن ويتلحس مخه يا إما يختفي ومنعرفلوش طريق جرته".
* بعلت ريقي ومشيت ناحية باب الاوضة وبفتحه لقيت حد في وشي وبيزعق وانا بزعق......
