قصة صوت الفصل الاول
الجزء الاول
جوزي انهارده رجع من الشغل بدري اوي ويقولي اخويه عايزاك تيجي تباتي عندهم بس كلمي مراته الاول
كان باين عليه الخضه وانه مش على بعضه
سألته ماله
لاقيته بيقولي افتحي تليفونك بسرعه
فتحت الفون لاقيته بيرن على سهيله
قولتله انت بترن من عندي على مرات اخوك ليه؟
قالي كلميها بس بسرعه وقوليلها انك هاتقعدي معاها يومين
قولتله ده ليه انا مش عاوزه اروح في حته وماليش دعوه بكلام اخوك ؟
لسه هيكمل كانت ردت
معرفتش اقول اي حاجه غير اني جايلها اقعد معاها يومين
وانا بكلمها سمعت صوت حد بيصرخ بقوه لدرجه اني رميت الفون ..
بس فوقت على طول وجبت الفون وببص فيه لاقيته اتقفل
لاقيته بيقولي ايه مالك قالتلك ايه موافقتش صح ؟
قولتله هي ملحقتش ترد ده كان في صوت صريخ جامد خلاني رميت الفون
قالي يعني هتروحي انهارده خلاص عندهم
طب قومي جهزي شنطتك
قولتله انت فيك ايه انت مجنون
لا مش هروح دي مردتش عليه عايزانى اروح ازاي؟
مش هينفع يااحمد
قالي لا هتروحي عشان تطمني عليهم
قولتله هو في ايه
مالك انت واخوك كده؟
لاقيته بيعيط جامد اوي ويقولي عشان خاطري روحي
انا مستقبلي بين ايديكي
احنا مش متجوزين من شهرين حتى
وحياتنا بتدمر
عشان خاطري ياهاجر لو خايفه علينا
قولتله في ايه
قالي انا مش هعرف احكي غير لما الموضوع يخلص
قولتله طب اهدي
انا هكلمها تاني بكره ولو مردتش هروحلها
لاقيته بيقولي بس هنستني لحد بكره بس؟
قولتله اه
بعدها قالي انا عاوز انام
قولتله ماشي ادخل ارتاح
دخل ينام واول ما حط دماغه على المخده وقفل عينيه
لاقيته بيتهز جامد
وجسمه بيعرق اوي
حاولت افوقه وعماله اقوله فيك ايه
وهو مش سامعني
ولاقيت دموع بتنزل منه
لحد ما مره واحده هدى ولاقيته بيتفح عينيه
ومسك ايدي اوي وقالي متكلمنيش عن اللي حصل انا اسف.
َورجع نام
عدي اليوم عليه وانا مش عارفه انام من اللي حصله وقاعده مستنيه يصحي
واول ما صحي لاقيته بيقولي يلا كلمي سهيله
لاقيت فونها مغلق
قولتله كده لاقيته بيقولي
يبقى تروحيلها تفهمي منها بقى ايه حصلها
كنت خايفه اوي من اني اروح
بس هو كان مصمم
خدت شنطتي وروحت عندهم البيت
فضلت اخبط تقريبا نص ساعه وارن عليها
لحد ما قررت اني هنزل
لاقيت الباب بيتفتح
واول ما دخلت لاقيت
