رواية شمس تتحدي الغيوم الجزء الثاني (للعشق كلمته الاخيرة) الفصل الخاتمة
ضيوف الشرف
ادهم اسر التهامي
بدر الدين جلال
وظهور خاص ل ملك وفارس ابطال حياة أسرت قلبي
🌹🌹🌹🌹🌹🌹
يالها من سنوات طوال مرت علينا وبقدر مااوجعتنا بالامها واحزانها بقدر ماوهبتنا السعاده وعوضتنا الحرمان
تفتح عينيها على قبله حانيه على خديها :صباح الفل والياسمين على اجمل عروسه فى الدنيا
عشق وهي تقوم وتحتضنها:حبيبتي يامامي صباح كل حاجه حلوه في الدنيا ياأغلى الناس
إيمان وهي تمسح على شعرها والدموع تتجمع فى مقلتيها:ياحبيبتي ياعشق خلاص كبرتي ياروحي وحتمشي وتروحي بيت جوزك انا مش مصدقة ان النهارده فرحك
عشق : انا مهما مشيت ورحت مقدرش أبعد عنكم أبدا
إيمان :ولا احنا نقدر على بعادك يانور عينيه ربنا يطمن قلبي عليكي يارب
عشق :ايمي انا بحبك أوي انا مش عارفه اقولك إيه ولا اشكرك ازاي على كل اللي عملتيه معايا ومع اخواتي السنين دي كلها انتي كنتي لينا ونعم الأم انا شفت في فحضنك حنان واحتواء كل الناس كانت بتحسدني عليه
إيمان :انتي ايه اللي بتقوليه ده طب تصدقي اني زعلت منك بجد هو فى بنت تشكر مامتها على حبها لولادها بردو واللا انتي مش بتعتبريني مامتك ياعشق
عشق:ياخبر ايه اللي بتقوليه ده انتي مامتي وصاحبتي واختي وكل دنيتي ياايمي
تعرفي اني كان معايا بنات كتير اوي كان فى جفاء بينهم وبين اهاليهم وفى منهم كانوا بيخافوا اوي يحكوا لاهاليهم اي حاجه كنت وقتها بحمد ربنا عليكي اوي وعلى نعمة وجودك فحياتنا
وانا صغيرة لما كنت اسمعهم هنا بيقولوا ايمان محافظه على امانة عاليه مكنتش فاهمه حاجه ولا عارفه يقصدوا ايه بكلمة امانه دي
لكن لما كبرت فهمت انهم كانوا يقصدوني انا وعاليه وسليم وانتي فعلا حافظتى علينا ياايمي
ياحبيبتي وكفايه انك مخليتيناش ننسى مامي عاليه الله يرحمها وكنتي بتاخدينا نروح نزورها وعلمتينا ازاي نطلع صدقه باسمها وازاي نقرالها قرآن ياااه عليكي يامامي انا مهما قلت واللا عملت مش حقدر اوفيلك حقك ابدا
ايمان وهي تمسح دموعها:عشق ياحبيبتي انا لما دخلت البيت ده كنتي عندك عشر سنين واخواتك كانوا عندهم سنه كان كل همي فى الدنيا اني اكبركم واوصلكم لبر الأمان واكون اد الثقه اللى وثقوها فية كلهم
عشق :وانتي كنتي ادها وأدود ياموني يامزة انتي
عمري ماحنسى لما كنت بسخن وتفضلي سهرانه جمبي طول الليل
ولما سليم تعب وعمل عملية الزايده لسه فاكرة شكلك وانتي قاعده ادام اوضة العمليات وعماله تعيطي وبابي هو اللي كان بيهديكي
ويوم ماعاليه وقعت من على الشجرة ورجلها اتجبست انا عمري ماشفتك بتعيطيي زي اليوم ده وكنت مبتنيمهاش غير فحضنك وشايلاها فكل مكان تروحه
وفاكرة يامامي لما كنت فى الثانويه العامه وكنتي بتفضلي طول الليل سهرانه جمبي عشان اذاكر وتعمليلي السندويتشات وتشربيني اللبن بنفسك مامي انتي عملتي عشانا حاجات كتير اوي وانا اتعلمت منك حاجات نفسي لما يبقى عندي أولاد اعلمها لاولادي
إيمان :ياحبيبتي ياعشق يارب اشوفك مبسوطه وفرحانه ياحبيبتي واشيل ولادك يارب وافرح بعاليه وسليم يارب
عشق انتوا ولادي حبايبي اللى نفسي اعملهم كل حاجه حلوة ولو بايدي اجيبلكم نجوم السما ياحبايبي
يفتح عليهم الباب ويدخل:انتوا مستخبيين هنا وانا بدور عليكم
عاليه:تيم حبيبي تعالى ياروحي
يصعد تيم لها على الفراش وتأخذه فحضنها:حبيب قلبي الصغنن
تيم :هو انتي وانوس حتتجوزوا النهارده خلاص ياشوشو
عشق :ايوة ياحبيبي
تيم :وحيبوسك ياعشق
إيمان :الله يخرببيتك ويخرببيت سنينك انت إيه اللي بتقوله ده يامتخلف
تيم :متشتمنيش ياماما ايوة انا شفتهم فى الفيلم بيبوسوا بعض
وصاحبي قاللي ان العروسه والعريس بيبوسوا بعض صح ياعشق
عشق :هههههههه هههههههه طب اقولله ايه يامامي
إيمان :حسبي الله ونعم الوكيل يابني انت عاوز تجلطني حرام عليك اخواتك عاوزني بص انا لو حصللي حاجه مش قلقانه عليك خالص انت حتتصرف مع نفسك انا قلقانه على اخواتك ياحبايبي
تيم :لاء ياماما مش تقلقي على سليم مانا سألته وقاللي اه العريس والعروسه بيبوسوا بعض وانا عاوز ابقى عريس ونور عروسه عسان ابوسها
إيمان :ياخيبتك فولادك ياايمان وربنا لو ابوك سمعك حيعلقك من رجليك امش اطلع برة
لا لا وربنا الواد ده حيموتني
عشق :ههههههه ألف بعد الشر عنك يا ست الكل
يطرق عليهم الباب ويدخل :صباح الخير ياعروستنا الحلوة
إيمان :اهلا بوش المصايب
عمر :انا وش المصايب ليه بس كده عالصبح ياموني
ايمان :مفيش حد فسد اخلاق العيال دي غيرك وربنا الواد سليم وتيم طالعين نسخه منك اعمل ايه انا دلوقتى
عمر :ياختي اتنيلي هما يطولوا يطلعولي
إيمان :ماشي طب خد عندك بقى يامعلم تيم عاوز يتجوز نور عشان يبوسها
عمر :ماطبيعي انه لما يتجوزها حيبوسها والا وربي اخلع بنتي منه اه هوالباشا ابن الباشا لكن الا مستقبل بنتي وان مكنش يبسط البنت اخلعه وغلاوتك
إيمان :ههههه ههههههه يالهوي انا خارجه عشان انا ضغطي علا
عمر :قلب عمو ألف مبروك يا ست الكل
عشق :الله يبارك فيك يا عمو
عمر :ايمان استني بس هو ابو العروسه فين
إيمان :يزيد خرج الصبح وراجع كمان شويه
عمر :خرج على فين عالصبح كده
إيمان :راح لمامة العروسه يفرحها بجواز بنتها
عمر :انتي بتهزري امال انتي مين يااستاذه
إيمان :انا اللي حافظت على امانة ام العروسه لكن أمها عاليه وحتفضل امها طول العمر
عمر :هو اللي قالك انه رايح عندها
إيمان :يزيد مش محتاج يقوللي على حاجه حيعملها لأني فاهماه اكتر من نفسه
عمر :ياعم المتمكن
إيمان :ده احساسي بيه ياعديم الإحساس
عشق وهي تجري عليها:انتوا الاتنين ماماتي
مامي عاليه هي اللي خلفتني وشافتني وانا طفله بلعب ادامها
وانتي إيمي مامتي حبيبتي اللي كبرتني وربتني وتعبت فتربيتي انا واخواتي ربنا يخليكي لينا ياست الكل
إيمان :ويخليكم لية ياحبايب قلبي
🌹🌹🌹🌹🌹🌹🌹🌹
ها هو يجلس أمام قبرها ويتحدث إليها :حبيبتي وحشتيني اوي
عمري مانسيتك ولاحنساكي ابدا حتفضلي دايما فقلبي
النهارده فرح عشق بنتنا ياعاليه عشق كبرت خلاص والليله فرحها على أنس ياااه تخيللي السنين جريت بسرعه ازاي
عارف ياحبيبتي انك كان نفسك اوي تعيشي لليوم ده بس حنعمل ايه ياريت كان بايدي كنت اخدت من عمري واديتك ياحبيبتى
انا عارف انك فمكان احسن بكتير اوى من اللي احنا فيه كان نفسي أوي تشوفي بنتك وهي عروسه
عشق اتغيرت خالص وبقت جميله اوي وانس كمان كبر وهما الاتنين طبعا من المهندسين الاكفاء فى الشركه
اما بقى عاليه وسليم دول حاجه تانيه خالص
عاليه شبهك اوى ياحبيبتي شبهك فى كل حاجه فى الشكل والطباع طول الوقت حسك قدام عينيه
اما الاستاذ سليم ده بقى اللي مسابش حاجه من عمر شكله ونفس طباعه لا والاستاذ بتاع تالته اعدادي طالع حبيب درجه اولى وعايش حياته مع هلا بنت عمه شكلهم كده حيبقى الدور عليهم
كلهم بخير ياحبيبتي اطمني على ولادك ياعاليه عمرهم مانسوكي ابدا ولا نسيوا امهم حبيبتهم دايما فاكرينك وبيدعولك ايمان سابت شغلها فى الشركه من سنين واتنازلت عن انها تبقى المهندسه
عشان تربي الولاد وتراعيهم و تعبت اوي فتربيتهم سهرت عليهم الليالي حافظتلك على امانتك ياعاليه ربنا يجمعنا كلنا على خير يارب
يلتفت على الصوت الذي يتحدث خلفه:يارب يجمعنا كلنا على خير
يزيد :على انت هنا
علي :والله كان قلبي حاسس اني حلاقيك انت كمان حبيت اجي اقول لعاليه على فرح الولاد اكيد هي حسه بيهم وفرحانه عشانهم صح يايزيد
يزيد :اكيد ياعلي
على وهو يحتضن يزيد :الف مبروك باابو العروسه
يزيد :مبروك لينا احنا الاتنين ياابو العريس
🌹🌹🌹🌹🌹🌹
يدخل يزيد وعلي الفيلا على اصوات الزغاريد التي يطلقونها اعلانا عن خروج عشق وذهابها للفندق حيث يتم تجهيزها
عشق :بابي كنت حزعل اوي لو مشيت من غير مااسلم عليك
يزيد :نور عين بابي الف مبروك يا حبيبتي ربنا يسعدك ويهنيكي يارب
على وهو يحتضنها:عشق حبيبتي الف مبروك
عشق :الله يبارك فيك يا خالو
عمر :انت بتسلم عليها ليه انا عاوز افهم هي مش رايحالكم
تيم :عمو عمر ياعمو
عمر :اهلا بالباشا الصغير خير عاوز ايه ياكابتن
تيم :عاوز اتجوز نور انا كمان
عمر :بس كده من عينيه بس لما تكبر وتبقى راجل
تيم :بس كده انا حستنى كتير وانا مستعجل
يزيد :مستعجل ليه ياحبيبي مالسه بدري
تيم :عاوز ابوسها يابابا طب خللوني ابوسها وانا استنى
يزيد :ايمان الحقي ابنك ياايمان
إيمان :الواد ده مش ابني انا معرفهوش
عمر:ده مش ابنك ده هو ابنك بعينه
على:هههههههه
تتجه عشق ناحية جدها وتقبله:جدو حبيبي مش عاوز تسلم على عشق حبيبتك
شاكر وهو يحتضنها:يامانت كريم يارب انا عاوز اسجد لربنا شكر العمر كله انه استجاب دعائي ومد فعمري لحد ماحشوف اليوم اللي اتمنيته طول عمري اني اشوفكم انتي وانس فى الكوشه ياحبايبي الف حمد وشكر ليك يارب
عشق :ياحبيبي ياجدو ربنا يخليك لينا يارب
انس وهو يقبل يده :حبيبي ياجدو انت اجمل حاجه فحياتنا كلها ياما وقفت جمبنا وساعدتنا نقوي حبنا ربنا ميحرمناش منك ياحبيبي يارب
شاكر :انس عشق دي نور عينيه من جوة دي بنت الغاليه تخللي بالك منها وتشيلها جوة نن عينيك
مشوفش فعنيها غير الفرح وربي لو شفت دمعه واحده نازله من عيونها
أنس :والله مانت مكمل جدو عشق دي روحي قلبي دنيتي اللي اتمنيت اعيشها وطول عمري بحلم باللحظه اللي حتكون فيها مراتي اطمن على عشق ياجدو
هاله وهي تحتضنها:الف مبروك يا حبيبتي خدي بالك من انس
عشق:حاضر ياتيته
تسلم على شمس وعهد ومروة والأولاد وياخذها أنس ومعها اختها عاليه ومليكه هلا وبعض الاصدقاء الى الفندق
تجلس إيمان على الكرسي وتنهار من البكاء
يزيد :فى واحده بردو تعيط يوم فرح بنتها ياايمان
إيمان :مش قادرة اصدق انها خلاص خرجت من حضني حتوحشني اوى يايزيد
شمس :عقبال ماتفرحي باخواتها هما كمان ياحبيبتي
سليم :قريب ان شاء الله الدور الجاي علية انا وهلا ياللا استعدوا
إيمان :طب اتشطر انت بس وخد الاعداديه الاول
سليم :حشرفك ياماما وارفع راسك وحطلع الأول على الجمهوريه فى الاعداديه
إيمان :ايوة شاطر ياحبيبي عشان اعرف اتكلم بقلب كده ده انت معاك الاعداديه ومحدش يقدر يقول حاجه
يزيد :ههههههه والله حتجنني هي وابنها
تيم :ياسلام اشمعنى سليم حيخطب هلا وانا لاء انا كمان عاوز اخطب نور واتجوزها
عمر:عارف عارف عشان تبوسها
تيم:اه ياعمو عاوز ابوسها
هاله:مستعجل ليه بس ياتيم ياحبيبي
تيم :مستعجل اوى اوى ياتيته
عمر:ماما انا بقولكم اهوه لو الواد ده اتحرش ببنتي انا
شاكر :انت ايه ان شاء الله ده الباشا الصغير ولاحد يقدر يلمسه
عمر:عاجبك اللي بيحصل ده ياماما محدش حيبوظ اخلاق العيال دي غير بابا
هاله :بابا وهو فى حد زي بابا ياريت كل الدنبا فاخلاقه
عمر :لا ده احنا نروح بقى ونسيبكم براحتكم يامزز
شاكر :لسه بتحبيني زي زمان ياهاله
هاله :بحبك ده انا ببوس التراب اللي بتمشي عليه يا شاكر ربنا يخليك لينا وميحرمناش منك ياحبيبي يارب
عمر :يزيد شايف ابوك وامك بيعملوا ايه كده حيخللوا الحلوين دول عينيهم تفتح علينا
يزيد :بابا وماما يعملوا اللي هما عاوزينه ربنا يخليهم لينا يارب
تيم:يعني حتجوزها واللا استنى شويه
على:ولا امشي روح العب بعيد
الجميع:ههههههه ههههههه
شاكر :ربنا يخليكم ليهم وتفرحوا بيهم يارب
🌹🌹🌹🌹🌹🌹🌹
يمر النهار ويأتي وقت ارتداء الملابس و الاستعداد للذهاب للحفل
فى فيلا التهامي
أسر :حياة مش ياللا بقى نطلع نلبس عشان منتاخرش وانت ياادهم ياللا ياحبيبي عشان حتيجي معانا زي مااتفقنا
أدهم :واشمعنى انا ماكنت تاخد سليم
أسر :على اساس انك مش عارف ان سليم خارج مع جويريه بنت خالتك شيرين
أدهم :نفسي انا كمان اخطب بقى واخرج مع خطيبتي
حياة :اما نشوف بس حتدخل كلية ايه يافالح
أدهم :ليه بس بتفكريني يادكتورة كنت عاوز انسى
اسر :تمام يبقى تقوم تلبس وتيجي معانا عشان تنسى ياهمي الكبير
يسمعون صوتهم من الخلف :الحقي يابت ياملك دول بيقولوا حيخرجوا رايحين فين دول
أسر :رايحين فرح يا حلوين
ملك:رايحين فرح من غيرنا يااسور كده بردو نهون عليك تسيبنا وتروحوا لوحدكم
أسر :وانا مالي بيكم هو انا كنت خلفتكم ونسيتكم
فارس:اه خلفتنا طبعا خدنا معاك والنبي ومش حنعمل صوت خالص صح ياملوكتي
ملك:ايوة طبعا يافروستي خدنا معاك والنبي يااسور
حياتي تقدري تروحي الفرح من غيري اهون عليكي
حياة :خلاص بقى ياحبيبي متزعلهمش ناخدهم معانا وخلاص
أسر :مانتي عارفاهم مبيستوروش فحته فروستي حيفضل يعاكس اللي رايحه واللي جايه وملوكتي تهزأ فيه يااما تقولله اه والله معاك حق يافروستي تعرف انها امورة اوي
ويفضحونا والناس دي ناس محترمه وده اول تعامل بيننا وبينهم
فارس :ماخلاص بقى يااسور اخوك كبر وراحت عليه
أسر :ياراجل علية بردو
أسر :اه وحياتك بص جربني انت بس وحتشوف
أسر :اتنيلوا اطلعوا البسوا نص ساعه وحننزل لو لقيناكم مش جاهزين حنمشي ونسيبكم
فارس:مين دول اللي مش جاهزبن ده احنا لبسنا خلاص ادامي يابت ياملك ياللا بسرعه
ملك:ياللا بسرعه قبل مايرجع فكلامه
أسر :فارس فين ولادك مش شايفهم
فارس:يالهوي وقعتنا سوده لا ماهو اصل يعني
أسر:اصل ايه فين الولاد يابني ادم انت
فارس :حقولك حقولك بص هو محمد ابن سعيد خرج مع لمار
وعاصم ابن شيرين خد جوري وبيتفسحوا مع سليم وجويريه
اما بقى ريان حبيب قلب عمه لازق من الصبح لمريم بنت اختك نور فبيتهم ومؤمن حيقتلهم هما الاتنين ان شاء الله
أسر :لاحول ولا قوة الا بالله يابني انت عاوز تشلني هو انا قلت ايه مش قلت مفيش خروج غير لما يبقوا مخطوبين رسمي
فارس :متكبرش الموضوع بقى يااسور مفيهاش حاجه يعني
هما يعني حيروحوا فين ماهما حياخدوا بعض يعني حياخدوا بعض وكل واحد حيصلح غلطته
أسر :غلطته ايه يامتخلف انت لا اقسم بالله انت ناوي على شللي
حياة :اسر ياحبيبي انت يعني مش عارف اخوك بيحب يهزر وبعدين ماهما كلهم ولادنا وعارفين اخلاقهم كويس
أسر :حتى انتي كمان ياحياة استغفر الله العظيم ياربي
ملك :قلتلك اسر لو عرف حيمسخرنا غاوي كل شويه نتهزا كده شكلنا بقى زباله فى العيله دي
فارس:هو احنا حنفضل نتهزا كده لحد امتى يعني كل روايه نتهزا فيها شويه شكلنا بقى وحش اوي فوسط القراء
ملك:طب ياللا بينا نطلع بسرعه عشان نلحق نلبس
فارس:اجري يابت ياملك
اسر:مفيش فايده فيهم عمرهم ماحيكبروا ابدا
وانت ياحبيب عصرك واوانك ياللا يااطلع انت كمان البس اما اشوف اخرتها معاكم ايه
وانا اصلا مش مرتاحلك
أدهم :ليه بس يابابا
أسر :مش نسخه من عمك ربنا يستر منك انت كمان اطلع قدامي
حياة :اسر ياحبيبي انا بكرة ان شاء الله حقضي اليوم عند تولين
أسر :فى حاجه ياحبيبتي
حياة:اه اصل اسر الصغير سخن شويه حروح اطمن عليه واقضي اليوم معاهم وانت لما تخلص شغل تعدي علية ونرجع سوا
اسر:تمام ياست الكل ربنا بخليكي لينا يارب
🌹🌹🌹🌹🌹🌹🌹
فى فيلا المهدي
شمس :ياربي عليكي انا تعبت وربنا امشي روحي لايمان انا قرفت
فى غرفة ايمان:حبيبي قمر ياناس
يزيد :قمر ايه بس مانا كبرت خلاص
إيمان :فشر كبرت ده ايه ده انت سيد الرجاله كلهم
يزيد :بجد ياموني
إيمان :وجد الجد ياروح موني طب ده انا مجهزالك ليله بعد مانرجع من الفرح ونعيد بقى امجادنا
يزيد :دي حتبقى ليله يامعلم
إيمان :هههههههه
يزيد :يخرببيتك حتفضحينا
إيمان :لسه بتحبني يايزيد
يزيد وهو يحضنها :بحبك وبس ده انا بموت فيكي
فجاة تفتح عليهم الباب وهي تبكي :ههههههه مش قلتلك زمان عشق ودلوقتى نور
تعالي ياقلب عمو مين مزعل البرنسيسه نور ده ابوكي لو شافك بتعيطي حيولع فى البيت كله
نور:مامي زعقتلي وقالتلي امشي روحي عند ايمان
إيمان :ليه ياروحي عملتيلها ايه
نور:مش عارفه تعمللي شعري ياموني وبتعمله وحش
إيمان :متزعليش ياقلب موني تعالي انا حعملك تسريحه جميله خالص ونغيظ مامي دي
تيم وهو يدخل وراءها: ماما ياماما
إيمان :عاوز ايه انت كمان
تيم:انا عاوز اتصور مع نور عريس وعروسه
يزيد :بس كده من عينيه ياحبيبي
🌹🌹🌹🌹🌹🌹🌹
فى فندق من اكبر فنادق عروس البحر المتوسط
تحتفل عائلة المهدي بزواج ابنهم أنس على ابنتهم عشق
يقف يزيد وعلي وعمر فى استقبال المدعوين يرحبون بهم
بينما بالداخل ايمان وشمس ومروة وعهد والاهل والاصدقاء وزملاء العمل جميعهم
فالجميع يود ان يشارك تلك العائله الكريمه في فرحتهم باحفادهم
يزيد :بشمهندس يوسف اهلا وسهلا
يوسف :الف مبروك للعرسان
يزيد :الله يبارك فيك عقبال ماتفرح باولادك
يوسف :ان شاء الله اعرفك مرام المدام
علي:مرام مش معقول اهلا وسهلا
مرام:هو حضرتك تعرفني
على:لا والله بس اصل اسم حضرتك على اسم بنت اختي اسمها مرام بردو
يوسف :ربنا يخليهالك يارب وهي بقى صغيرة واللا كبيرة
على:داخله تانيه اعدادي السنه دي
مرام:ياروحي ربنا يفرحك بيها يارب
يزيد :امال فين الاولاد
يوسف :والله مش موجودين مسافرين بيتعلموا برة
يزيد :ماشاء الله ربنا يباركلك فيهم اتفضلوا حضرتكم يدخل معهم ويجلسهم على احد الطاولات
ويخرج مرة ثانيه:اهلا اهلا بالدكتور جلال والدكتورة حور الفرح نور والله
جلال:ألف ألف مبروك
يزيد :الله يبارك فيك بسم الله ماشاء الله مين البطل ده
جلال:ده ياسيدي الملازم بدر الدين لسه متخرج طازة
على :ماشاء الله ربنا يحميك يارب عقبال ماتشوفه عريس ان شاء الله
بدر :لسه بدري يااونكل انا مبفكرش فى الموضوع ده دلوقتى
يزيد :بكرة تفكر ياحبيبي
حور :امال فين المدام اسلم عليها والحاج شاكر
على:اتفضلوا معايا انا حوصلكم عندهم
🌸هههههههه الحبايب وصلوا بالهيصه بتاعتهم :ملوكتي تفتكري الفرح ده حيكون فيه مزز
ملك :أكيد طبعا يافروستي ده فيه نجوم المجتمع
بقولك ايه اسكت احسن اخوك عينه علينا
يزيد :اهلا اهلا نورتونا والله
أسر :ده نوركم والله الف مبروك ربنا يتمم بخير يارب
يزيد :ربنا يخليك وعقبال اولادك ان شاء الله
حياة:الف مبروك يابشمهندس
يزيد :الله يبارك فحضرتك يادكتورة
أسر :الف مبروك يابشمهندس على
على:الله يبارك فيك
اسر:اعرفكم بادهم ابني الصغير
عمر:ابني بردو اسمه ادهم عاشت الاسامي
اسر:ده بقى اخويا فارس والمدام بتاعته مدام ملك معلش بقى شبطوا فينا
عمر:هههههههه دول نورونا والله اهلا بيكم نورتواالفرح
فارس :اهلا بيك بقولك ايه هو الفرح فيه مزز
عمر :احلى مزز حتنبسط اوي
فارس :طب وطي صوتك احسن اسر يولع فينا
عمر:لا بقولك ايه انت تيجي معايا واحنا حنعمل مع بعض احلى جو سيبك من العالم المعقدة دي
فارس:قشطه يامعلم
يدخلون ويجلسون وجميعهم وتتعرف شمس وايمان على ملك
ملك:والله انتي عسل ياموني
شمس :موني دي سكر متشبعيش منها
ملك :لا ده انا شكلي حضمك لشلتنا
إيمان :ومين شلتكم دي
ملك:نور اخت جوزي
والدكتورة حياة وعلا مراة اخوها وشهد صاحبتها ويسر اختها وشيرين خالة البنات بصي شله مسخرة حتحبينا اوي يمكن اعقل واحده فينا حياة
ايمان :قشطه وانا معاكم
عمر وهو يقترب منهما للسلام عليهم:عمار مش معقول اتاخرتم اوي كنت حزعل اوي لو مجيتوش
عمار وهو يحتضنه:الف مبروك ياعمر ربنا يتمم فرحتكم على خير يارب
معلش والله الشغل هو السبب
أشرقت :ألف مبروك يا عمر
عمر :الله يبارك فيكي ياشوشو عقبال ياسين ان شاء الله
يأتى اليهم يزيد ويحتضن عمار ويسلم عليه وعلى اشرقت ويرحب بقدومهم
يتعرف الجميع على بعضهم ثم تعلن الشاشات عن وصول العروسين واستقبالهم
زفه جميله يرقص فيها الجميع ثم يدخلون القاعه ويستقبلهم الكل ويقومون بالتصوير معهم
تتحرك الفتيات داخل القاعه
فارس:يالهوي عالجمال واد ياادهم
ادهم :ايوة ياعمو
فارس:بص ياولا البنات الحلوين دول يخرببيت جمالهم
ادهم:ايوة ياعمو لاء استنى انا رايح للبنت دي دي جميله اوي
ياانسه ياانسه:نعم انت بتكلمني
ادهم:ايوة انا بكلمك انتي حلوه اوي ممكن نتعرف
تتركه وتتحرك نحو ابيها الذي يقف مع اسر التهامي:بابي يابابي
يزيد :نعم ياروح بابي
عاليه :فى شاب غلس بيقوللي عاوز يتعرف
أسر :مين ده اللي عاوز يتعرف ياحبيبتي قوليلي عليه وانا اسجنهولك
عاليه:هو ده اللي جاي علينا يااونكل
اسر:يالهوي الله يكسفك يابعيد
معلش يابشمهندس حقك علية متزعليش مني ياحبيبتي مش قادر اسجنه اصله يبقى ادهم ابني
عاليه :ابن حضرتك بس ده قليل الادب
اسر:ايوة مانا عارف اصله طالع لعمه تربيته الزباله متزعليش ياحبيبتي
ادهم:انا اسف والله يااونكل مقصدش انااسف يامودمازيل
عاليه :طيب خلاص عشان خاطر اونكل
ادهم:بابا
اسر:وقعتك سوده لما نروح متلاقيش غير اخت العروسه تعاكسها يا حيون
أدهم :اصلها حلوة اوي يابابا انا عاوز اخطبها مليش دعوة
اسر:مش لما نعرف حتدخل كلية ايه الأول
ادهم:والنبي يابابا كلملي باباها بس يحجزهالي
أسر :والله باباها عندك روح كلمه
ادهم:ماشي انا حكلمه اونكل يزيد
انا عاوز اخطب عاليه بنت حضرتك
يزيد :ههههههه عاليه بنتي دي فاعداديه السنه دي
ادهم:تمام يبقى استناها لحد ماتاخد الثانويه العامه ونتجوز
يزيد :ههههههه استاذ اسر هو ابنك ماله مستعجل كده ليه
اسر:تربية عمه حتقول ايه
يزيد :هو كمان تربية عمه زى ولادي الظاهر ان كل الاعمام بيبوظوا ولاد اخواتهم
اسر:هههههههه والله انا يشرفني اني اناسبك يابشمهندس
يزيد :الشرف لينا والله يااستاذ اسر
♥️تتحرك فى الفرح كالفراشه جمالها يخطف القلوب يتتبعها بعينيه وهو يجن من جمالها وبراءتها فيجري على ابيه:بابا بابا
جلال:عاوز ايه يابدر
بدر:عاوز اخطب يابابا
حور:تخطب مين ياحبيبي انت مش معتزل فكرة الجواز
بدر:لاء اصلي خلاص رجعت فكلامي وعاوز اتجوز دلوقتى مليش دعوة
قوم اخطبهالي قبل ماحد يخطفها مني
جلال:مين دي طيب
بدر:بص يابابا اللي هناك دي
جلال:اه فعلا حلوة اوي طب والله لخطبهالك تعالى معايا
بشمهندس يزيد من فضلك تعرف البنوته دي
يزيد:مليكه تعالي ياحبيبتى
مليكه :نعم ياخالو
يزيد :دكتور جلال عاوز يسلم عليكي
اعرفك مليكه بنت اختي وباباها البشمهندس علي ابن عمى
جلال :اهلا بعروستنا الحلوة فسنه كام ياحبيبتي
مليكه:مخلصه ثانويه عامه ومنتظرة النتيجه
جلال :ياحبيبتي بسم الله ماشاء الله
اعرفك بابني الملازم بدر الدين
مليكه:اهلا وسهلا
بدر:اهلا بيكي
جلال:بشمهندس يزيد احنا عاوزين نخطب مليكه لابني بدر قلت ايه
يزيد :لا الحاجات دي من اختصاص الحاج شاكر انت تروحله وتتفق معاه هو لأنه هو المسئول عن زواج الاحفاد احنا ملناش دعوة ولالينا كلمه هو اللي ليه الكلمه الاولي والاخيرة
جلال:الحاج شاكر حبيبي لا لو كده يبقى خلاص ضمنا الموافقه الف مبروك يابدر
❤️ليله سعيده يتجمع فيها كل الأحباب
والكل يرقص مع العروسان ويشاركهما فرحتهم
😂تيم:نور مترقصيش مع حد ارقصي معايا انا بس
نور:ماشي ياتيم
، 😂ادهم ابن عمر:انتي ياست مرام
مرام:ايوة ياادهم
ادهم :عاجبك الفستان اللي انتي لبساه ده كل اللي رايح واللي جاي يبص عليكي
مرام:مش احنا ففرح يادومي
ادهم:اخر مرة تلبسي قصير انتي فاهمه
مرام:حاضر بس متزعقليش عشان بخاف
ادهم:ايوة كده امشي قدامي
☺️سليم:القمر واقف بعيد ليه
هلا:زعلانه منك ياسليم
سليم :زعلانه مني انا ليه بس
هلا:عشان انت بترقص مع الولاد وسايبني
سليك:صحابي بس وبجاملهم ياللا بينا نرقص مع عشق
هلا:ياللا بينا
😂سعاده تغمر قلب عشق وانس الذين نال الحب من قلوبهم ونما مع الأيام وها هو يكلل بالزواج السعيد
أنس :عشقي زي مااتفقنا ياقلبي ان شاء الله بعد مانرجع من الحج بأمر الله مش حتقلعي الحجاب
عشق :ايوة طبعا ياحبيبي انا مبسوطه اوي اننا حنبدا حياتنا بزيارة بيت الله الحرام
أنس :عاوز نبدأ بدايه صح ياعشق عشان ربنا يرضى عننا
عشق :وانا اي حاجه ترضي ربنا حكون معاك فيها ياانس
أنس :ربنا يباركلي فيكي ياقلب انس
🌹🌹عمر :ياللا بينا بقى ياجماعه كلنا كده نقف جمب بعض وناخد صورة جماعيه الكل ييجي ياللا ياجماعه اتفضلوا معانا🌹🌹
💙استنوا انا عاوزه اتصور معاكم
عمر:ياخبر ياعبير طبعا ده انتي اولنا يامجمعانا ومفرفشانا ربنا يخليكي لينا وعقبال روايتك الجديده
وياريت متنسيناش ده احنا حبايبك
💙لاء استنى كل القراء ياللا كلنا حناخد صورة مع بعض
صورة جماعيه تجمع بين الجميع كل حبيب واقف بجوار حبيبه
والشباب يقفون بجوار بعضهم
بدر الدين بجوار مليكه وادهم اسر بجوار عاليه وسليم بجوار هلا وتيم بجوار نور
قصص حب جديده تولد مع الأيام
الحب لا ينتهي من القلوب مهما حدث
ومهما تعرضنا للاحزان والفراق بالتاكيد سيأتي الوقت الذي يعوضنا الله ويبدلنا بافضل مماخسرناه
فقط كل مايجب علينا هو الرضا بكل مايحمله لنا القدر وترضى به قلوبنا
تمت بحمد الله
انتهت احداث الرواية نتمني ان تكون نالت اعجابكم وبانتظار ارائكم في التعليقات وشكرا لزيارتكم عالم روايات سكيرهوم
للمزيد من الروايات الحصرية زورو قناتنا علي التليجرام من هنا
