رواية العاهرة ( جميع فصول الرواية كاملة ) بقلم مي علي

اكتر حاجه كان نفسي فيها وانا صغير اني ادخل جامعه وأكمل تعليمي

واختار الجامعه بتاعتي ف مصر مش ف البلد عندنا

بس والدي مرضيش

اه انا كملت تعليم ف البلد بس كان نفسي اطلع من البلد واعيش ف مصر زي اخويا يحيي

الاول خلوني اعرفكم بنفسي

انا احمد بس بقولولي يا ابو الحسن علي اسم ابويا

وسني ٢٥ سنه

من الفلاحين ف قريه صغيره بس مش بطاله

ابويا يبقي عمدة البلد وانا طبعا ابن العمده

امي ماتت بعد ما ولدت اختي رشوانه

انا الكبير ف اخواتي وعندي يحيي ورشوانه

يحيي اصغر مني بتلت سنين ورشوانه بسبعه

ابويا متجوزش بعد امي عشان كان بيحبها

وكان ميسرلنا الخدم وبالذات

خاله زبيده هيا اللي مربيانا بعد امنا ما ماتت

ابويا طول عمرو شديد اوي

معندوش حاجه اسمها شمال ولا يمين

يعرف سكة الطوالي بس

وكلمته دايما مسموعه وسط أكابر البلد

وطبعا انا مقدرش اكسرلو أمر

لما حبيت اسافر اكمل جامعتي ف مصر مرضيش ابدا

وقالي انو بيخاف عليا واني لازم اكون جمبو عشان اخد العموديه بعد منه

وكان عاوز يحرمني من التعليم وقالي

بكفياك كده

بس انا مسكتش وفضلت اون عليه لحد ما وافق اكمل جامعتي ف البلد

علي عكس اخويا يحيي

ابويا سابه يسافر ويكمل تعليمه ف مصر

مع أنه عارف انو بايظ وفسدان

انا اتخرجت من الهندسه

بس لسه متوظفتش

ابويا لازقني جمبو زي البت البكر

وانا بصراحه بخاف منو ومبحبش اكسرلو كلمه

اخويا يحيي راجع النهارده من السفر

وقاعدين مستنينه

نزلت اشوف عملو اي تحت

خاله زبيده

- اي يا ابو الحسن

- خلصتو ولا لسه

- اه خلصنا وعجنا وخبزنا وظبطنا كل حاجه ونضفنا الظفر

- خلاص يا خاله كان ممكن تردي بكلمه واحده انا مش عارف انتو عمليلنو كل ده ليه

- صفي قلبك من ناحية اخوك يا ابو الحسن

عيب أما تتكلم عليه كده

وبعدين يا عبيط انت غيران منه عشان بيسافر مصر

طب مانت هنا تعتبر خلاص بقيت العمده وكلمتك مسموعه ف البلد

- كلمتي اي يا خاله زبيده ده انا بقف قدام ابويا ببقي هعملها علي نفسي

- دي حاجه حلوه انك تخاف من ابوك يا ولا

- ماشي يا خاله اللي تشوفي

- انشالله افرح بيك وبفرحك قريب قادر يا كريم

- هه فرحي

مش باين ؟!

- يا ولا أفهم دماغ ابوك

هو عاوز يجوزك يوم ما تبقي العمده ويبقالك شنه ورنه ف البلد

- لا وانتي الصادقه عاوز يجوزني بنت خلفاوي المأمور عشان يمشي المصالح

- وفيها اي لما يدور علي المصلحه

مش كل ده هيروحلكم فيما بعد

- يا خاله مينفعش كده

كل حاجه ف حياتي مدخل فيها

البس اي وأخرج امتي واتعلم فين واتجوز مين

اشمعنا انا اللي بيعمل معايا كده

- انت الكبير استحمل

- يوووووه كل حاجه انا الكبير انا الكبير

- هشش بسسس اسكت ابوك وصل

دخل ابويا وشافنا واحنا واقفين

- اي يا ابو الحسن واقف عندك بتعمل اي

- مفيش يابويا كنت بطمن كل حاجه جهزت ولا لسه

- عااا طب اخوك زمانه علي وصول

روح هاته من المحطه بقاله يجي سنه منزلش البلد

لا يتوه ده تلاقيه نسي البيت

- يابويا يعني مش هيعرف يسأل علي دوار العمده

- بس بلاش غلبه واسمع الكلام

انا عارف انت مطلعتش زيه ليه ملحلح وطالع خيبه كده لمين

سكت وانا حاسس اني قرفان وعاوز اعيط

بصلي من فوق لتحت وسابني وطلع

- عاجبك كده يا خاله زبيده

دايما يعاملني كده زي ما كون قاتله قتيل

- معلش معلش والله ده بيحبك وعاوز يعمل منك راجل

- وهو انا مش راجل ولا اي

انا اللي قدي متجوز ومخلف اربع عيال

- انشالله نفرح بخلفك

روح يا حبيبي هات اخوك

اه ومعلش عدي هات اختك رشوانه من بيت البت بداره

راحت عندهم هناك

- طيب ماشي

- بالسلامه يا حبيبي

وخرجت وانا مدايق

ابويا بيعمل معايا كده ليه

انا عارف ان هو شديد بس اشمعنا عليا انا لوحدي

قصرو

اخدت بعضي وطلعت علي بيت عم علوان

بداره بنتو تبقي صحبت رشوانه وبتروح تقعد عندها وهيا بتجيلها بقي وكده

لقيت البنات بيلعبو قدام الدوار

البنات كلهم من دور اختي رشوانه واكبر أو أصغر

رشوانه عندها بتاع تمنتاشر سنه

اتقدملها عرسان كتير بس ابويا رافض

عاوز يجوزها علي مزاجه وللمصلحه برضو

بصيت وسط البنات

- بت يا صباح

- ايوه ياعم ابو الحسن

- اومال رشوانه فين مشيفهاش بتلعب معاكو

- تلاقيها مع بداره جوه

- طب خشي اندهيلها كده خلينا نمشي

دخلت وعوئت وشويه ولاقيتها خارجه هيا ولوزه

لوزه قالت ...

انت بتسأل عن رشوانه

- اه هي فين مخرجتش ليه

- هي مش جوه اصلا

- مش جوه يعني اي

- يعني هيا مجتش اصلا هنا

البت كانت بتتكلم بمكر وانا اتعصبت ولسه جاي اسألها لقيت

بداره خارجه جري وقاطعتها وقالت ...

امشي يا بت يا لوزه من هنا

- ياختي انا مش واقفه علي قلبك الراجل بيسأل علي حاجه بجاوبه

- هيا صاحبتك ولا صاحبتني انتي مالك انتي

- تك مله علي جنابك يا امو ارايل

شخطت فيهم

- انتي يابت انتي وهيا انتو هتتعاركو وانا واقف

اخلصي يا بداره قولي لرشوانه تطلع يلا عشان نمشي

- رشوانه ... اه ... اه حاضر هقولها هي بس ا

- في اي يا بداره متنطقي رشوانه فيها حاجه ولا اي

- لا لا والنعمه هيا بس جوا ف الحمام وخارجه

راحت لوزه مزعقه ...

كدابه يا ابو الحسن كدابه

شخطت بداره زي ماتكون بتسكتها ...

- اسكتي يا لوزه بدل ما اجيبك من شاعرك واروح اقول لأمك

- تقولي لامي اي ياختي

انا الحمدلله مبعملش حاجه غلط

مش زيكو سارحه مع الصبيان

- كده طب تعالي بقي

ومسكو ف بعض وجابو بعض من شعرهم

وانا احوش وزعقت فيهم...

اوعي يا جحشه انتي وهيا اوعي يا بت سيبي

سابت بداره وهي بتقول ...

انا هوريكي يا بنت الرافضي

انا دايره مع الصبيان يا عرة البنات يا غلاويه

- انا غلاويه ليه ياختي بشحت منكو ولا تكونيش بتأكليني ولا بتشربيني

زعقت...

يوووووه بنت انتي وهيا انا مش فاضلكو

فين رشوانه خلينا نمشي

لوزه ردت ...

هقولك يا عنيا اختك سارحه مع علي ابن مدير المغفر

واخدها وبيولعو الحب ف الدره عند الارض بتاعت النخل ورا الزكيبه

مسكتها من دراعها ...

انتي بتقولي اي يا بت انتي

- اوعي كده بت اما تبتك يا اخويا روح شوفها بنفسك انا مبكذبشي

مسكت بداره ...

بت يا بداره الكلام ده صحيح

انطقي يابت

- ما هو ماهو ماهو

- ماهو ماهو اي ده انا هطين عشيتكو

وطلعت جري عند الترعه والأرض بتاعت النخل

وببص بعيني وادور

الحته دي مقطوعه ومحدش بيهوب كتير هناك

وابص بعيني الاقي اختي قاعده وقاعد هو جنبها ومحاوط كتفها وهي نايمه علي كتفو

وقاعدين علي جذع النخله

الدم علي ف عروقي

وشكلي ف اللحظه دي كان لا يسر عدو ولا حبيب

قربت منهم وانا شايفها قاعده متنحه ف وشو وهو قريب منها

يا ليله سوده

زعقت بعلو صوتي ...

رشووووووووانه...

الفصل الثاني من هن