رواية هادمايا زواج خاطيء الفصل الخاتمة
اتي اتصال الي شمس فأجابت عليه سريعا قائلة :
شمس :ايوه انا شمس ....خير ...
المشفي :ممكن حضرتك تيجي حالا ....
قلقت شمس قائلة :ل.ليه في حاجه ....
المشفي :شرفينا حضرتك وهتعرفي ......
اغلق الهاتف دون أن تجيب شمس .....وكانت مايسة تنظر إليها بقلق ولهفه ....
مايسة :في اي ياشمس ....انت سكتي ليه ؟؟؟
شمس بتلعثم :ل ...لا ا..اصل المستشفي قالتلي تعالي الوقتي ...فاانا لازم اروح ...عن اذن حضرتك ....
الحقت بها مايسة قائلة :استني ياشمس ....انا هاجي معاكي ...
شمس :مفيش داعي لو في حاجه هكلمك ...خلي ياسين معاكي ...وهبلغك بالتليفون ....
اسرعت شمس وركبت السيارة ......بينما هتفت مايسة بصوت عال :ماتنسيش تطمنيني .....
جلست مايسة علي اعصابها لا تعرف ماذا تفعل ......ففكرت أن تتصل بابنتها ولكنها تراجعت .....
استغفروا الله.......
وصلت شمس الي المشفي وتوجهت سريعا الي الاستقبال قائلة :
شمس :لو سمحتي في دكتور اتصل بيا عن حالة هادي عز الدين ....ممكن توصليني بيه ...
الموظفه :حاضر يافندم ..؟ثواني
كانت دقات قلب شمس ترتفع ......بينما كانت قلقه للغاية .....
الموظفه :اتفضلي الدور التالت مكتب الدكتور سامي ....
شمس :تمام ...شكرا ....
اسرعت شمس ذاهبه الي مكتب الطبيب ....
الطبيب :مدام شمس ؟
شمس :ايوه ....خير يادكتور ....
الطبيب :اي مالك خايفه كده ليه ....ماتقلقيش الاخبار كويسه ...
وضعت شمس يدها علي قلب وبدأت تأخذ نفسا قائلة :
شمس :بجد يادكتور....طب اي الاخبار ...
الطبيب :الحقيقه انا تابعت النتائج بتاعه علاج هادي ....وطبعا انا مكنتش متخيل أن هيستجيب للعلاج بالسرعه دي ....الحمدلله ....ولو النسبة فضلت واتحسنت عن كده ممكن في اقرب وقت يبقي كويس ....ويخرج ...خصوصا أن المرض لسه في أوله ....وبجد شكرا للي اقنعه بالعلاج بدري .....
ابتسمت شمس وادارت وجهها والسعاده تملأها ....إلي أن هتفت الي الطبيب
شمس :طب انا ممكن اشوفه ....
الطبيب :لا لا ممنوع الزيارات حاليا ....بس قريب هتشوفيه ....
شمس :ارجوك يادكتور ....لو من بعيد حتي بس اشوفه ....
الطبيب :عموما هو نايم دلوقتي من أثر المسكنات ....اتفضلي معايا. .وياريت تلبسي دا وانتي داخله ...
شمس :حاضر .....بدأت شمس في ارتداء الملابس الخاصه بالمشفي. ...وتوجهت إلي غرفه هادي ....
نظرت إليه نظرة حب وشوق علي العلم انها فاقده حياتها ولم تتذكر اي شئ ...ولكنها تشعر حقا انها تعرفه من سنين ....ظلت تنظر إليه وهو نائما ....كأنها تتوعد بأنه سيكون بخير ويعيشون مع بعضهم مرة ثانية ...وان الحياه ستعطيهم الفرصه ....
خرجت شمس من الغرفه ولكنها نظرت نظرة أخيرة قائلة :في رعاية الله ياحبيبي .....
ذهبت الي السيارة وعادت الي الفيلا ...ولم تتصل بمايسة ولا تجيب علي مكالمتها ....الشئ الذي جعل مايسة تقلق ...وكانت علي وشك الذهاب الي المشفي....ولكنها تفاجئت بدخول السيارة الي الفيلا ...فأسرعت مايسة نحوها ...
مايسة بلهفه :اي ياشمس ....طمنيني يابنتي ؟؟
شمس بابتسامه :اطمني ياطنط.....هادي كويس ....دا الدكتور كان بيقولي أنه بيتحسن وبيستجيب للعلاج ...
مايسة بفرحه اخذت شمس بين أحضانها قائلة :
مايسة :الحمدلله......الحمدلله لك يارب ....
.....صلوا على النبي......
ظل معاذ يباشر الشركة بنفسه في غياب هادي .....وعلاقته تزداد بزهرة يوما عن الآخر .....ولا يستطيع أن ينام الا بالاتصال بها ....
وفي يوم كان معاذ جالسا في مكتب هادي يتابع الأعمال ....فدلفت إليه زهرة دون أن تستأذن من السكرتيرة ...
السكرتيرة :انا اسفه جدا يامعاذ بيه بس هي اللي صممت تدخل فجأه ...
معاذ بسعاده :اخرجي انتي ....تعالي يا زهرة ....
زهرة :انا مش جاية اتضايف ....انا عاوزه اقول كلمتين وامشي ...
معاذ بضحك :طب هتقوليهم وانتي واقفه ولا اي ....اقعدي طيب ....
جلست زهرة إلي أن بدأت تتحدث قائلة:انا جاية اقولك قراري في موضوع الجواز ...
معاذ :اممممم ...طب كويس فكرتي يعني ...
نظرت إليه زهرة قائلة :ايوه.....انا مش موافقه ....
شعر معاذ بالبداية انها تهزر .....
معاذ :بطلي هزار ...
زهرة :دا مش هزار ....دا جد ....انا معنديش استعداد أن حد يشتريني بفلوسه ...
معاذ بذهول :يشتريكي ؟؟؟
زهرة :أيوة .....انت ممكن تاخد واحده اغني مني .....واحسن مني ....إنما انا في حياتك مجرد نزوة بس ...
معاذ رافعا حاجبه :علي فكرة أنا لو كان نيتي تسلية مكنتش عرضت عليكي الجواز ....وانا سعيد جدا بصراحتك فيا. ...
نهضت زهرة من مجلسها متوجهه نحو الباب ...إلي أن استوقفها معاذ بحديثه ....
معاذ :انا لو عاوز جسمك مفيش حاجه هتمنعني عنك حتي لو هنا في المكان اللي انتي واقفه في دا .....بس انا حبيتك وربنا عالم إن كان نفسي تبقي مراتي ....
فتحت زهرة الباب وخرجت سريعا .....بينما قام معاذ بكسر الزجاج من ضيقته....وقفل الباب عليه ....
......وحدوا الله.....
بعد مرور عدة أشهر ..
والحال كما هو عليه. .. .زهرة لا تريد رؤية معاذ ....ومعاذ كان يوميا يذهب أمام بيتها يراها من بعيد .....ويذهب الي عمله ....لعلها تتراجع في رأيها.....
اشرقت شمس ساطعه بنورها علي غرفه شمس ....فتحت شمس عينيها لتظهر الشمس جمالها. ..
جلست علي الفراش واضعه يدها علي رأسها .....تشعر بدوار شديد ....فنهضت واستدعت بأحد يأتي لها بقهوه .....
إلي أن آتي إليها اتصال من المشفي ....
المشفي :صباح الخير .....كنا بنبلغ حضرتك أن الدكتور هادي خرج النهاردة ....
شمس بذهول :اي ....خرج ازاي ؟؟
المشفي :الحالة اتحسنت .....وخرج ...
شمس بسعاده :بجد ....حضرتك بتكلم بجد ...
المشفي :ايوه طبعا ....الحمدالله عن اذنك ....
اخذت شمس طفلها باحضانها وبدأت تدور به .....قائلة:بابا خرج ياسين ....بابا خف خلاص ....
إلي أن استوقفت قائلة:بس هو راح فين ؟؟؟
توجهت إلي الطابق الاسفل. ...لتخبر الجميع ولكنها لم تجد سوي العاملين .....
اتي الليل والجميع لا يعلم أين هادي .....الي انهم سيصابهم الجنون ....
شمس :لا ....مش هقدر استني اكتر من كده .....
توجهت سريعا وركبت السيارة .....ذاهبه الي بيت هادي الثاني .....
وعندما وصلت صعدت الي الدور ...وبدأت تدق علي الباب..؟
إلي أن فتح لها هادي ....
شمس بحب ودموع تنزل من عينها :هادي ...هادي.....واحتضنته بشده. ....
هادي بحب :حبيبتي .....
شمس ومازالت تبكي :كنت فين ياهادي ؟؟؟؟ ليه معرفتنيش انك خرجت .....انا كنت هتجنن ...
وضع هادي يده علي وجهها ناظرا في عينيها :خايفه عليا. ..
ارتبكت شمس لم تعرف ماذا تقول ...إلي أن بدأت تأخذ نفسها بصعوبه .....
شمس :عاوزه اخد نفسي. ....
هادي :خودي نفسك مني ......وحشتيني ....
أبعدت شمس عنه قليلا ....قائلة :الحمدلله أن اتطمنت عليك ....همشي انا ....
كانوا واقفين عند الباب ... فنظرت إليه مره اخري واسرعت تحتضنه ....فقام هادي بتقبيلها قبله ساخنه علي شفتيها ....
شعرت شمس بأنها في عالم تاني ملئ بالحب .....
شمس :سبني امشي ....
فقام باعطائها قبله ثانية .....قائلا :
هادي :ها ...لسه عاوزه تمشي برضو.....
اكتفت شمس بهز رأسها فاستجابت معه ....إلي أن قام هادي بحملها بين كتفيه واغلق الباب ....وذهب بها إلي غرفه النوم ....وتسكت شهرزاد عن الكلام غير المباح .....
.......اذكروا الله... .
اتي صباح يوم جديد في سماء القاهرة.....
كان معاذ نائما في الشركة ....فاستيقظ علي وجه زهرة الجميل .....وهي تنظر إليه بحب ....
معاذ :زهرة .....انتي هنا فعلا ...ولا انا بحلم ...
زهرة :لا انا هنا فعلا......مش هطول عليك....انا جاية اقولك أن موافقه .
معاذ :موافقه .....قوليها تاني ...
زهرة بابتسامه :موافقه ....موافقه ....
نهض معاذ من مجلسه وقام بأخذها في أحضانه وبدأ يدور بها .....
معاذ :بحبك ....بحبك ...
زهرة :انا كمان بحبك ....بحبك .....
علي الجانب الآخر .
استيقظت شمس وهي في أحضان هادي ....إلي أن نظرت إلي نفسها وماترتديه .....فخجلت كثيرا ....الي أن. ظلت ناظرة الي هادي وهو نائم. ...
استيقظ هادي قائلا :بيبقي شكلك حلو اوي وانتي مكسوفه ....
شمس :انت كنت صاحي ....
هادي :امممم ...عشان اشوفك اول ماتصحي.....كنتي حلوة اوي امبارح. ..
وضحكت شمس بخجل :طب يلا قوم ...عشان نرجع الفيلا .....انا سايبه ابني من امبارح ....
سحبها هادي فوق جسده قائلا :ماتخلينا هنا .....
شمس :لا طبعا ....يلا ....
قام معاذ بالاتصال بهادي ليطمئن عليه ....ويخبره بدعوه زفافه ....
هادي :بجد....الف مبروك يامعاذ ....بجد فرحتني ....
معاذ :الفرحة بجد هي رجوعك بالسلامه يا هادي ....يلا سلام بقي انا اروح اشوف عروستي ....
هادي بضحك :ماشي ياحبيبي ...سلام ....
صلوا على النبي.......
وجاء يوم الزفاف .....
وكان الجميع يستعد للذهاب الي الحفل .....
وبالفعل توجه كل من هادي وشمس .....وكانت شمس ترتدي فستان من اللون الابيض وحجابا رقيق ....بينما كان هادي في قمة الشياكه والجمال ....وكان الجميع ينظرون إليه .....
اتي العروسين وقام كل من شمس وهادي بالمباركه لهم ....
وبعد مرور عده دقائق .....
اخذت شمس المايك بكل جرأة .....إلي أن نظرت لها الجميع ....
شمس :مبدأيا انا جاية النهاردة عشان ابارك للعروسين معاذ وزهرة ......تاني حاجه حابه اشارك الجميع يفرحتي .....
أخذ الكل يتساءل ماهي فرحتها ....
شمس :انا اسمي شمس ....حرم هادي عز الدين ....انا عارفه اللي هقوله دا مكنش ينفع يتقال هنا ....بس صدقوني كان لازم أقوله ....انا كنت بنت عادية حصلها حادثه وفقدت فيها الذاكرة كنت متجوزه وحبيت جوزي جدا وبعدت عنه اكتر من سنه بسبب فقداني. الذاكرة وشاء القدر واتقابلنا تاني بس مكنتش عارفاه ومكنتش فاكرة حاجه .....انا دلوقتي عاوزه أقوله حاجه .....ويشهد عليا الجميع ....أن بحبه اوي حتي بعد مارجعتلي الذاكرة .....
فرح هادي لسماعه بأنها عادت لها الذاكرة فنهض من مجلسه ....
شمس :انا بحبك يا هادي .....من اول يوم اتكلمت معاك فيه ....بحبك ....
اسرعت شمس نحوه ....الي أن قام هادي بأخذها في أحضانه وبدأ يدور بها والجميع يصفقون لهم .....واشتغلت اغنية رومانسية ل اليسا (انت الي )
والجميع سعداء .....وذهب هادي إلي معاذ هو وشمس وأخذوا صورة جماعية .....وامتلأت الحياة لهم بالسعادة والفرح ....
والسلام عليكم ورحمه الله وبركاته
تمت بحمد لله ❤️
هادي :يمكن كان الجواز بالنسبالي غلط ....أو أن اخترت من البداية غلط ....بس انا عرفت ان الحياه مش دايما هتديك الحلو اللي فيها إلا بعد ماتدوق مرارها .....ودا حصل معايا اخذت شيطانه ....وربنا عوضني بعدها بملاك .....اينعم حصلت حاجات كتير صعبه بس بحبنا قدرنا نتجمع ونمحي الصعاب . ..
شمس :كنت معتقده أن جوازي في الاول من هادي هيبقي مصلحة .....كنت خايفه بجد يبعد عني...لان اكتر انسان حسيت منه بالرحمه .....بندم علي كل الايام اللي عشتها بعيد عنه وفرقتنا .....بس الحمدلله ربنا جمعني به من تاني .....ولو ضيعته ابقي غبية ....لان كده ابقي يقضي علي روحي ...لانه روحي ......
...................................
تمت بحمد الله
