رواية دمعه عين الجزء الثانى وحرب المافيا الفصل الثانى عشر بقلم شيماء طارق
نرجع تاني عند فاطمه
فاطمه كانت لسه قاعده في اوضتها ولسه حزينه وكانت خايفه وقلبها حاسس ان عبد الرحمن ممكن يكون لي يد في كل حاجه بتحصل فالتفكير في حد ذاته كان ارعبها حرفيا في الوقت ده الباب خبط كانت عين راحت عند فاطمه علشان تقعد مع شويه وتخفف عنها
عين /ممكن لو سمحتي اتكلم معاكي شويه
فاطمه /انا مش عايزه اتكلم مع حد
عين /لو سمحتي خمس دقائق بس
فاطمه فتحت الباب وكان باين على وشها ان هي كانت معيطه كثير قوي
فاطمه/ تفضلي ادخلي
عين دخلت الاوضه وقعدت على الكنبه اللي جنب السرير وفاطمه قعدت جنبيها
عين/ انا عارفه ان انا اصغر منك بس كنت عايزه اقول لك حاجه لو تقدري تحل المشكله اللي ما بين العيله وما بين الانسان اللي انتي حبيتيه علشان ما تخسريش حد فيهم يا ريت تعملي كده ؟
فاطمه /المشكله اللي انا بتكلم بثقه مع سليم وانا اصلا مش واثقه اني فعلا عبد الرحمن بريء ولا لا لان انا عارفه ان عبد الرحمن كان متعلق جدا بالبيبي وهو حاول يوصللي كتير وياخذني من العيله هنا وانا رفضت ورفضت اتكلم معايا وهو افتكر رافضي ان العيله هي اللي منعاني
عين/ بس انتي كده غلطانه ولو فعلا هو بيغلط يبقى مش غلطه لوحده انتي كده مشتركه في كل غلطه هو غلطها
فاطمه /انا بحبه وخفت اخسره اما يعرف ان انا مريضه
عين/ اللي بيحب حد بيرضى بيه زي ما هو حتى لو في ايه تعرفي انتي لو تعبانه وهو بيحبك بجد هيسهر جنبك طول الليل هيبقى بيتمنى نظره منك اللي بيحب حد بيحب ضحكته بيحب يقرب منه ولو مريض بيحاول على قدر الامكان ان هو يساعده ويدعمه لحد اخر لحظه علشان يشوفوا بصحه كويسه واوقات كثير اللي بيكون بيحب بنت وهي مريضه ممكن يتعب على تعبها انتي ما سمعتيش عن راجل ممكن لو مراته ماتت ما بيكملش اسبوع وبيموت من حزن عليها هو ده الحب الحقيقي اللي بيحب حد بيتقبله بكل حاجه فيه عيب او مرض او اي حاجه او اي مشكله في حياته بيتقبلها علشان ده اسمه حب والكلمه دي كبيره قوي ومش اي حد يعرف معناها
فاطمه /انتي كلامك كبير قوي يا عين وجميل حاسه ان كلامك اكبر من سنك
عين/ انا عشت اللي ما عشتهوش اي بنت في سني فعشان كده تعلمت اني احافظ على اي حاجه في حياتي يعني انا دلوقتي سليم في حياتي عمري ما اتخيل حياتي من غيره علشان كده بقول لك لو بتحبيه حاولي تغيريه حاولي ترجعيه عن الطريق اللي هو ماشي فيه حتى لو ما كانش هو نفس الشخص اللي عمل المشاكل لعيلتنا لازما برده تحاولي تصلحي الغلط اللي انتي عملتيه زمان وتعرفيه على موضوع مرضك وانك دلوقتي بقيتي كويسه انا عارفه ان هو ممكن يتجرح منك بس لازما برده يعرف الحقيقه علشان لو كان بيغلط يقف عن اللي بيعمله ولو مش هو الشخص اللي بيحاول يدمر عيلتنا يبقى انت الكسبانه لانك هتقدري ترجعي حبيبك
فاطمه /انا خايفه قوي يا عين
عين/ ما تخافيش ان شاء الله خير ويمكن ما يطلعش هو ولو طلع هو لازما تخليه يتراجع عن اللي بيعملوه
فاطمه /عندك حق يا عين انتي ريحتيني انا بكره لازم اقابل عبد الرحمن
عين /انتي عارفه مكانه؟
فاطمه/ المكان اللي عبد الرحمن ما يقدرش يسيبه هو المكان اللي احنا كنا متفقين اما نتجوز نعيش فيه بيت صغير في اخر المدينه
عين/ ان شاء الله خير يا طمطم اسيبك بقى واروح اشوف سليم عشان هو متعصب من اللي حصل ربنا يسترها
فاطمه /خلي بالك من سليم يا عين سليم ده احلى حاجه في عيله البدرون
عين/ سليم ده احلى حاجه في حياتي مش في عيله البدرون تعرفي عايزه اقول لك حاجه بس مكسوفه منك
فاطمه/ قولي يا اختي ما تتكسفيش قولي احنا بنات زي بعضينا
عين/ انا بحب سليم لدرجه الجنون يعني انا ما اتخيلش اي بنت ممكن تقرب منه تعرفي ان انا بغير من اقرب الناس لي اما بيقربوا منه ولو سلم على اي بنت انا ببقى متضايقه جدا انا بحب سليم لدرجه ان انا عايزاه ليا انا لوحدي انا بعشقه بجد بس يا ريت هو يفهم الكلام ده
فاطمه/ على فكره سليم بيحبك قوي يا عين بس اهدي شويه يا مجنونه ده رجل اعمال واكيد لازما يتعامل مع بنات كثير وكمان يا اختي انا بعد كده اعمل حسابي ده انا اخاف منك يا بت
عين/ برده ما ليش دعوه رجل اعمال واللي مش رجل اعمال ما يتعاملش مع بنات غيري وكمان يا فاطمه انت استثنائي يا قمر وكمان انا عارفه ان هو بيحبني بس هو فاكر حبي ليه ان انا مراهقه ومع الوقت هيروح بس انا بحبه بجد مش مراهقه والله انا بحبه بجد وبحب كل حاجه في بعشقك يا سليم
فاطمه/ اهدي يا مجنونه يسمعك
عين/ بحبه بجد ومش قادره اعيش من غيره
فاطمه /يا عيني يا عيني على الناس اللي بتحب ربنا يخليكوا لبعض ما يحرمكوش من بعض ابدا يا حبيبتي
عين/ اللهم امين ان شاء الله يرجع اللي راح منك ويعوضك عن كل حاجه ضاعت منك عوض ربنا قريب يا طمطم
فاطمه /يا رب قولي لي هتفرحونا امتى بقى انا عايزه اشوف ولادكم يا بنتي
عين/ والله انا نفسي ما عنديش مانع بس سليم مش موافق غير اما اتخرج من الجامعه
فاطمه/ هو انتي دخلت الجامعه يا بنتي عشان تتخرجي
عين/ انا الشهاده بتاعه الثانويه هتطلع بكره ادعيلي بالله عليكي
فاطمه /good luck ان شاء الله خير
عين /يا رب
خرجت عين من اوضه فاطمه كان سليم في الوقت ده في الفرنده بيتكلم في التليفون
سليم لازما تعرف لي مكانه وجيبهلي حي او ميت
عين انت بتتكلم عن مين؟؟؟؟
سليم/ دلوقتي ولازما تجيب لي كل حاجه عنه في اقرب وقت تمام يلا سلام
📱......؟؟؟؟
قفل سليم التليفون📲
عين /ما ردتش عليا يا سليم
سليم / ومن امتى بتدخلي في شغل يا عين
عين ده مش شغلك يا سليم انت لازما تساعد فاطمه ولو في اي حاجه لازما تحاول تحلها
سليم /انتي بتتكلمي في ايه يا عين انت تعرفي لو طلع نفس الشخص اللي هو وراه البلاوي دي كلها هيبقى نفس الشخص اللي مو`ت ام يزن انتي مش فاهمه خطوره الموضوع ده
عين/ عمتك غلطت وجدها غلط بلاش تكرر غلطتهم لازما توصل له ولازما يعرف الحقيقه ولازما انت كمان تعرف الحقيقه وتعرف مين اللي عمل كده في مراتك الاولى علشان تريح نفسك انا حاسه ان انت لحد دلوقتي بتحب ريم يا سليم
سليم /انا ما انكرش ان ريم ليها مكان في قلبي بس هي ام ابني ما تنسيش الموضوع ده يا عين وكمان دلوقتي اللي موجود معايا واللي ملكه قلبي كله هي عين بس قلبي ملكك انتي وبس ريم ماضي بس لازما علشان ابدا معاكي مستقبلي لازم اقفل الصفحه دي واريح قلبي واجيب لها حقها
عين/ انا معاك بس يا ريت تفكر بطريقه عقلانيه
سليم/ انا عايز ابني لما يكبر يعرف ان انا جبت حق امه ما يبصليش بصه مش حلوه مش عايز ابني وقت ما يكبر يكرهني علشان انا ضيعت حق امه
عين/ بس فكر في فاطمه ما تنساش ان فاطمه حياتها ضاعت واتدمرت علشان خاطري حاول على قدر الامكان ان انت توصل للي اسمه عبد الرحمن ده بس ما تعملش حاجه غير لما تعرف الحقيقه كلها كامله
سليم/ تمام حاضر علشان خاطرك يا قلبي سليم
عين/ يسلملي قلبك يا حبيبي
سليم/ تصبحي على خير يا حبيبتي
عين /ممكن دقيقه يا سليم عايزه اتكلم معاك
سليم/ اتفضلي
عين /انا عايزه اعرف انت ليه بتبعدني عنك
سليم /انتي مش فاهماني يعني او مش عايزه تفهميني
عين/ انا فاهماك بس ليه مفترض ان بعد ما هنكون مع بعض هترجع لوحدتك تاني انا مش كفايه عليك او انت ممكن تحب اي ست تانيه في حياتك عرفني او انا فرض نفسي عليك برده قول لي ما تسيبنيش متعلقه كده انا عايزاك يا سليم مش قادره ابعد عنك
سليم/ انتي فرده نفسك عليا يا عين انتي الحلم اللي مش عند الجراه اني احلمه افهمي انا لو قربت منك اكون بظلمك
عين/ ليه التفكير ده انا اهو ماده ايدي وبقول لك انا معاك ومش هسيبك وعايزه اكون في حضنك على طول وانت رافضني ورافض ان انت تمسك ايدي ونكون مع بعض انت مش بتحبني
سليم/ يا عين لانى زي الغريق اللي بيموت وخلاص وتقبل الموته بس فجاه تتمد له ايد في الايد دي اديته امل واول ما يمد ايديه هتختفي الايدين دي وهتكون زي السراب
عين /مش هتختفي امسك بس انت ايدي وانا مش هسيب ايدك ابدا والله انا بحبك وعمري ما هسيب ايدك لاي سبب من الاسباب
سليم /هتمسك وهيجي في يوم وهتسيبي ده شيء مؤكد
عين/ بطل تاخد قرارات بنيابه عني لو حد ساب ممكن انت اللي تسيب ايدي مش انا انا عمري ما هسيبك انا ما صدقت مسكتها عمري في حياتي ما كنت عارفه انا عايزه ايه غير دلوقتي انا مش عايزه غيرك يا احلى حاجه في حياتي
سليم /قرب من عين وحط ايده على وشها
سليم /انتي اجمل حلم حلمته بس مش قادر اوصل له
عين /تقدر ياسليم توصل له وانا معاك
سليم /خد عين في حضنه
سليم /ان شاء الله يا حبيبتي
سليم/ يلا بقى علشان ننام
عين وسليم ناموا جنب بعض وسليم اخذ عين في حضنه ونام وعين كانت ماسكه في سليم جامد كانت خايفه اكنه هيهرب منها وسليم ملاحظ ده وابتسم ابتسامه هاديه وبعد كده نام
اشرقت شمس يوما جديده على ابطالنا مليانه بالاحداث الشيقه
قامت عين من النوم دخلت الحمام اتوضت وصلت وبعد كده راحت تصحي سليم
عين /يلا يا سليم قوم ده كله نوم قوم يا كسلان النهارده الشهاده بتاعتي يلا انا خايفه قوي يا سليم قوم
سليم بكسل /خايفه من ايه يا حبيبتي انا واثق فيك ان شاء الله خير وهتطلعي من الاوائل
عين /انا حاطه ايدي على قلبي والله بجد يا سليم خايفه مجموعي ما يجيبش طب
سليم/ان شاء الله هيجيب واكيد هتدخلي طب
عين /يا رب قوم بقى
سليم /ماشي يا حبيبتي
دخل سليم الحمام اخذ شاور واتوضا وصلى الصبح وبعد كده لبس الترنج بتاع الرياضه ونزل اتمرن شويه وبعد كده دخلت عليه عين اوضه التمرين علشان جه وقت الفطار
عين /يلا بقى علشان تفطر يا حبيبي
سليم /حاضر هاخد شاور وهاجي وراكي
عين /تمام
في الوقت ده كانت العيله كلها متجمعه على السفره
(احمد) (نوح )(الجد)(سليم)(عين)
(عز )(تيا )(تولين )(يسرا )(فاطمه)
نزل سليم قعد يفطر مع العيله الكل بدا ياكل بس عين كانت متوتره جدا ومش عارفه تاكل
سليم/ انتي مش بتاكلي ليه يا عين
عين /مش قادر يا سليم انا خايفه قوي
يسرا/ ان شاء الله خير يا حبيبتي ما تقلقيش
احمد/ هو في ايه
يسرا /اصلا النهارده النتيجه بتاعه عين هتطلع فهي قاعده قلقانه ومتوتره
احمد/ ان شاء الله خير يا حبيبتي ما تقلقيش لعله خير
الجد /بالتوفيق يا حبيبتي وان شاء الله ناجحه ومن الاوائل
تيا/ انتي يا بنتي كنت بتذاكري ليل النهار ازاي مش هتجيبي مجموع طب
تولين/ مفروض واحده زيي هي اللي ده تعمل كده ده انا كنت رمياها خالص يعني لو جبت مقبول السنه دي هيكون حلو قوي
نوح/ ربنا يسترها انا خايف منك انتي بالذات
تولين/ ما تخافش عليا يا بوب ده انا جامده قوي
نوح/ ايوه ما انا عارف في سنه ما جبتليش فيها مقبول
تولين/ علشان تعرف بس اللي بنتك مقبوله في كل حته ما فيش حد رافض وجودي حتى في الجامعه من كتر حبهم فيا بيكتبوا لي في الشهاده شفت عشان تعرف بس بنتك عامله ايه في الناس دي يا بابا
نوح حط ايده على خده 🙉
نوح/ عارف يا حبيبتي من زمان
الكل فضل يضحك ويهزره لحد الوقت اللي فتح فيه الموقع
سليم/ للاسف يا عين انتي طلعتي
عين/ انا سقطت يا سليم
سليم /للاسف انتي جبتي 99% يعني انتي طب ومن اوائل الدفعه كمان يجي تكريم من الوزاره
عين/ بجد
سليم/ وانا من امتى بهزر معاكي
عين فضلت تتنطط وراحت على سليم وخدته في حضنها وسليم بدلها الحضن وكانوا فرحانين جدا والعيله كلها كانت فرحانه
الجد/ بمناسبه الجميل ده انا عامل حفله علشان عين بمناسبه دخولها كليه الطب
عين/ شكرا يا جدو قوي مش عايزه اتعبكم معايا احنا هنحتفل مع بعضينا وخلاص
الجد/ انتي مرات سليم البدران يعني مش اي حد يعني لازما نعمل لك حفله البلد كلها تتكلم عليها
عين/ ربنا يخليك لينا يا جدي وما يحرمناش منك ابدا
فاطمه/ الف مبروك يا عين يا رب دايما في نجاح يا حبيبتي
يسرا/ حبيبه قلب ماما مبروك
احمد/ بنتي اللي رافعه راسي على طول ربنا يخليكي لينا يا حبيبتي وتبقى احلى دكتوره تشافتها عيني
عين/ حبيبي يا بابا ربنا يخليك ليا وما يحرمنيش منك ابدا
سليم/ ايه حبيبي دي احنا هنهزر مش انا قلتلك كذا مره الكلمه دي ما تتقالش لحد غيري
عين /بس ده بابا
سليم /يعني ايه بابا حضرتك حسابنا معى بعدين يا مدام سليم بدران
عين بزعل/ يو بقى يا سليم دي بقى كلمه مبروك اللي انت بتقولها ل
سليم /مبروك يا قلب بس برده حسابك معايا بعدين
عين /برده انت قلبك اسود
سليم/ الله يسامحك
احمد /في ايه يا ولد ما تلمي نفسك بقى انت مش ملاحظ اللي احنا موجودين وفيها ايه لما تتكلم معايا وتقوللي يا حبيبي لو مش عاجبك اشرب من البحر ده انا كويس اللي انا رضيت اجوزها لك
سليم/ بابا انت عايش جو ابو العروسه ربنا يسترها عليا
والله
احمد /براحتك عاجبك ماشي مش عاجبك بنتنا عندنا وتروح اوضتها تنام لوحدها وما لكش دعوه بيها لحد ما يجي لها ابن الحلال
سليم /ابن الحلال ايه يا بابا ما تهزرش
عين بابتسامه/ الله بقى يا بابا ما تكسفنيش انا مش عايزه اتجوز دلوقتي اما اخلص جامعه ويجيلي ابن الحلال ابقى افكر في الموضوع ده
سليم/ ابن الحلال ماشي يا عين احنا بقينا بنعرف نتكلم اهو
عين/ انت اللي بدات والبادي اظلم
سليم بعصبيه/ انا رايح الشركه يلا يا عمي عشان احنا تاخرنا
الجد /ما تتاخروش النهارده علشان احنا عندنا حفله بمناسبه نجاح بنتنا عين
سليم /ان شاء الله يا جدو اكيد هكون موجود قبل ما الحفله ما تبدا
خارج سليم من باب القصر في الوقت ده فاطمه قررت ان هي تروح تشوف عبد الرحمن فاطمه اتصلت على عبد الرحمن علشان تعرف هيتقابلوا فين وفعلا كلمها واتفق معاها على كل حاجه فاطمه اول ما قبلت عبد الرحمن كانت خايفه ومتلخبطه وفرحانه وفي نفس الوقت قاعده تبعد عنه وخايفه يكون فعلا هو اللي عمل كده
عبد الرحمن /حمد لله على السلامه يا مدام فاطمه
فاطمه /مدام؟
