رواية تحت التهديد الفصل الثالث عشر بقلم ليل ادم
سامح بيه: الله ينور ياعم طارق
عم طارق: تسلم ايدك انت يا سامح بيه
محمد بيه: عملتها اذاي دي ياعم طارق أنا عارف أن ولا انت ولا سامح بيه كنتوا قابلين كلمه من بعض
سامح بيه: أنا كنت مفهم عم طارق اني عايز الدايره كلها تفضل فاكره اني كاره عم طارق وعم طارق نفس الكلام
محمد بيه: صدقتني لما قولتلك يا سامح بيه انك نازل على راجل جدع بمعنا الكلمة
سامح بيه: مصدقك من أول يوم بس انت عارف انا راجل مباحث يعني احب اعمل شغلي بنفسي
عم طارق: و منير بيه وخالد بيه مصيرهم اي يا سامح بيه
سامح بيه: بعد اللجنه اللي أتشكلت دي هيتفصلوا عن العمل ويتعامل معاهم معامله فرد خارج الداخلية وكل واحد منهم يدفع تمن فاتورته
عم طارق: وعلاء
محمد بيه: أنا ضميت علاء وسطنا يا عم طارق يعني حطينا علاء شاهد ومساعد في القضيه يعني متقلقش عليه مش هياخد ساعه حبس
عم طارق: طب و سيد غنام ما هو اعترف على نفسه أنه صاحب الكيس
سامح بيه: لا متقلقش سيد غنام كده كده شغال في البودره بقاله خمس سنين يعني دي اقل حاجه ممكن يتحاسب عليها هو ابن حلال ويستاهل
محمد بيه: يعني أنت تقدر تقوم تمشي ياعم طارق براحتك ولما نحتاج منك حاجه تيجي تقول أقولك
سامح بيه: بس كنت عايز عم طارق من فضلك يا محمد بيه قبل ما يمشي
محمد بيه: تمام اسيبكم أنا بعد اذنكم
عم طارق: خير يا سامح بيه
سامح بيه: انت طبعاً من يوم ما دخلت بيتك وطلبت منك نقف مع بعض كنت فاكر اني بضحك عليك صح
عم طارق: كنت فاكرها لعبه جديده بصراحه وخصوصاً كلامك ميدخلش العقل يعني اي حابب تطهر المنطقة كلها من القرف اللي فيها و اشمعنا الوقتي طلبت معاك كده الف سؤال و سؤال
سامح بيه: أنا بقا الوقتي هعرفك اي سبب كل اللي عملته معاك وليه اتاكدت انك فعلاً راجل جدع ومينفعش واحد زايك يبقا في السجن
عم طارق: ياريت اعرف علي الأقل ارتاح
سامح بيه: يا امين محمد
الامين محمد: تحت امرك يا سامح بيه
سامح بيه: دخلها
الأمين محمد: تحت امرك يا سامح بيه
وخرج الأمين محمد جاب بنت من بره ودخل بيها المكتب
سامح بيه: تعرف البنت دي ياعم طارق
عم طارق: (أنكر معرفه البنت ) لا خير مالها
حبيبه : ياعم طارق متقلقش خلاص أنا قولت كل حاجه ل سامح بيه
عم طارق: كل حاجه
حبيبه: كل حاجه
عم طارق: اعرفها يا سامح بيه
سامح بيه: بس اللي متعرفوش أن حبيبه تكون بنت اختي تخيل
عم طارق: لا بتهزر
حبيبه: لا والله بجد
عم طارق: يعني سايبه سامح بيه وجايه ل عم طارق يجبلك حقك
سامح بيه: هيا خافت مني وعايزه الموضوع يمشي بهدوء بعيد عن البيت لما انت خدت الولد عندك وخدت الأوراق وكل حاجه عنده خدت معاك حبيبه بعد ما خلصت كل حاجه وهيا نازله كنت بالصدفه في حمله امنيه في الشارع لقيتها جايه خدتها اتكلمت معاها جايه ليه رايحه فين بدأت تعيط ولقيت معاها ورقه عرفي حكتلي اللي انت عملته معاها ومع كل البنات كنت طالع اخد الواد ده من عندك بس هيا رفضت وطلبت مني ارجع بيها من غير ما اعمل معاك أي مشكله او مع الولد بصراحه اللي عملته من غير ما تعرف أن حبيبه بنت اختي كبرك في عيني اوي خصوصاً خوفك وحرصك أن كل بنت تيجي تاخد حاجاتها من ايدك كل ده يقول اني فهمتك غلط يقول اني لازم اراجع حساباتي
رجعت القسم كلمت محمد بيه اكتر من ساعه بعرف مين هو طارق منصور غير الأمين محمد اللي كان كل كلامه عليك غير كلام القسم كله وكلام الشارع الناس اللي مستعده تحط روحها تحت رجلك ومحدش زعلان كل ده لما مشيت وراه كنت بقابل بلاوي ووسخه من منير بيه وكل امناء القسم علشان كده أنا جيت لحد عندك وقررت احط ايدي في ايدك ونكشف كل و ساخه القسم وكل اللي فيه تسلم ايدك يا عم طارق مهما اتكلم معاك مش هديك حقك
عم طارق: الحمد لله على كل حاجه يا سامح بيه أنا كنت محتاج اعرف منك سبب مقنع وعرفت السبب وعايز اقولك أنا اللي بشكرك بلسان كل اهل الدايره لولا وجود حضرتك كان زمان شباب كتير من اولادنا و اخوتنا بتدفع تمن بلاوي ملهمش يد فيها
سامح بيه: طول ما عم طارق في الدايره الدايره بخير والقسم هنا بيكمل معاك ياعم طارق أنا مش عايز احبس شباب لسه طالع بيكتشف نفسه كل واحد فينا معرض أنه يخونه ذكائه ويمشي سكه وحشه أنا مش حابب اني احبس واحد ومستقبله يضيع لجل خطوه وحده خدها غلط في حياته بس لو الخطوه دي فضلت مكمله وقتها يبقا هو لينا واحنا ليه فهمت قصدي ياعم طارق
عم طارق: وصلت يا سامح بيه
سامح بيه: اتفضل ياعم طارق تقدر ترجع بيتك
عم طارق: بعد اذنك يا سامح بيه
سامح بيه: اتفضل
عم طارق: ياله يا رعد
قام رعد خرج ورا عم طارق من القسم بدون قيود الي باب المنطقة بمجرد دخول عم طارق التف الجميع حوله وكان الجميع سعداء جدا جدا ببراءة عم طارق وكمان اللي عمله في منير بيه وكل امناء القسم اللي حرم ناس كتير من أولاده تحت مسمي الشعب والشرطة في خدمه الوطن
تم الحكم على منير بيه بالسجن عشره سنوات وعزله من منصبه
وحبس خالد بيه خمس سنوات وسحب الثقه منه بعد طلوعه معاش
وحبس سيد غنام تسع سنوات
وبراءة علاء خالد عزت مما نسب إليه في قضيه عم طارق
وبراءة عم طارق من كل التهم المنسوبة إليه والإفراج عنهم من سرايا النيابة
بعد مرور شهرين
عم طارق: عزه في عينك يا علاء اوعا تيجي تشتكي منك
علاء: دي في قلبي مش عيوني ياعم طارق
عم طارق: (ضم عزه في حضنه ) اوعي تتأخري في السفر ده اسبوع عسل وتيجي مقدرش اعيش من غيرك
عزه : هتخليني اعيط تاني ليه بقا
عم طارق: خدها وامشي يا علاء تحب العياط ذاي عنيها
علاء: ياله بقا يا عزه هو أنا هكهربك يعني (وبيفتح باب العربية)
عم طارق: (لف وشه ل عائشه) انتي كمان بتعيطي هو في اي
عائشه: أول مره تمشي بعيد عن عيني
عم طارق: تعالي بس نرجع انت عارفه الفرح ده مصروف عليه كام (وبيضحك)
عائشه: صحيح يا طارق احنا هنعمل اي في الفلوس اللي معاك دي كلها احنا فعلاً هنسيب المنطقة
عم طارق: لا طبعا يا عائشه أنا عمري ما ابعد عن اهلي والفلوس اللي معانا دي لو اكلنا فيها اللي باقي من عمرنا ما هتخلص ابدا اهلنا محتاجين حجات كتير نقدر نعملها ومش هيتأثر من فلوسنا شبر
عائشه: (بفرحه) يعني مش هنخرج من المنطقة
عم طارق: لا مش هنخرج منها إلا في توابيت يا عائشه
عائشه: بعد الشر عليك يا حبيبي ربنا يخليك لينا ولكل الناس يارب
عم طارق: شوفي العيال فرحانه اذاي بقا دي ناس تتساب والنبي
عائشه: انت مبتشغلش معاك غير ايتام يا طارق (وبتضحك)
عم طارق: الله مش أنا يتيم هشغل اي غير ايتام
عائشه: ينهار اسود انت اتجوزتني علشان أنا يتيمه يا طارق مش علشان بتحبني
عم طارق: (بيضحك وضم عائشه) يابت لا بحبك والله
انتهت احداث الرواية نتمني ان تكون نالت اعجابكم وبانتظار أراؤكم في التعليقات وشكرا لزيارتكم عالم روايات سكيرهوم
للمزيد من الروايات الحصريه زورو قناتنا على التلجرام من هنا
