رواية امتلكني بالاجبار الفصل الرابع عشر
ادهم مسك أيديها برفض . و ميل باسها بهدوء تحت صدمتها و هو محاصرها بين أيديه . مريم اتجاوبت معاه بدون وعي . بس فاقت و بعدته بتوتر و دخلت الحمام . ادهم ابتسم بهدوء .لنفسه /قربتي يا مريم . قربتي .
مريم قفلت الباب وراها . و هي بتاخد نفسها بسرعه . و دموعها نزلت في صمت . شريط ذكرايات بيعدي قدامها صراع بين قلبها و عقلها مش قادره تتغلب عليه. مريم مسكت دماغها بتعب .
_____________________________
عند ناديه كانت بتتكلم في التليفون .
ناديه بعصبية/في ايه كل ده عشان ترد .
شخص آخر/ مكنتش عارف ارد .
ناديه/مش مهم . عملت اللي اتفقنا عليه .
شخص آخر/متقلقيش كل حاجه ماشيه زي ما اتفقنا . و بكره هنتقابل انا و هي .
ناديه/ انا مش مهم عندي كل ده . المهم اي حاجه تحصل لمريم عايزه اعرفها . الصغيره قبل الكبيره . و انا مش هوصيك تعمل كده ازاي .
شخص آخر /لا متقلقيش . اللي انتي عايزاه هيحصل .
____________________________
مريم بصت على المرايا بضيق من نظرات ادهم ليها . ادهم وقف وراها بهدوء./ والله اللي يشوف ضحكتك امبارح . ميشوفش شكلك انهارده.
مريم بصتله بهدوء/ليه هنسافر يا ادهم.
ادهم/عشان أنا محتاج اسافر .
مريم برجاء/طب ما انت ممكن تسافر و تسبني .
ادهم /بس انا محتاج اسافر معاكي . انا و انتي يا مريم .
مريم بصتله بتوتر/ليه .
ادهم ابتسم/متخفيش اوي كده . انا شايف أن انتي مش كويسه و محتاجه تغيري جو . و الصراحه انا كمان . و قولت نسافر سواء و لا ايه .
مريم بصتله بضيق و سكتت . ادهم سحبها من ايديها بهدوء/يلا هنتأخر على ميعاد الطياره .
_______________________________
جلال ركن دماغه بتعب/انا كده هروح في داهيه.
ناديه /ليه بعد الشر .
جلال/الشر اللي انا فيه .هجيب فلوس الناس منين و لا هجيب البضاعه ازاي.
ناديه بخبث /خدهم من بنتك .
جلال بعدم فهم/ازاي بس .
ناديه/انت مش قولت أن جوزها راجل كبير اوي . انت مشوفتش الناس كانت حواليه ازاي في التليفزيون روح خد منه الفلوس .
جلال/و انا هقوله هات الفلوس هيديهالي كده على طول.
ناديه بخبث /اه هيديهالك عشان هيخافه تاخد كاميليا.
جلال رجع دماغه لوره بتفكير .
____________________________
مريم دخلت الفيلا و هي ماسكه في ايد ادهم . اللي كان رافض يسيبها.و فضل يوريها كل ركُن في الفيلا . لحد ما دخل اوضتهم .
مريم قعدت على الكرسي بتعب /انا تعبت .
ادهم ضحك /تعبتي من ساعه و نص سفر .
مريم حركت راسها بتعب. و كملت./معرفش ايه لزمتها الطياره كنا سافرنا بالعربيه احسن .
ادهم /حاضر و احنا راجعين هنسافر بالعربيه .
مريم /عايزه اكلم كاميليا .
ادهم بهدوء./لسه في المدرسه يا مريم. لما ترجع كلميها.
مريم بصتله بهدوء و سكتت .
ادهم /ايه هتفضلي قاعده كده .
مريم بنفاذ صبر./اعمل ايه يعني .
ادهم/يعني تبقي في الغردقه و متنزليش و لا تخرجي .
مريم بعدم اهتمام./مش عايزه .
ادهم اتنهد بضيق./بس انا عايز و اتفضلي غيري هدومك عشان هنروح نتغدي بره .
مريم اتحركت و هي بتبصله بضيق من تحكماته .
_______________________________
اسر كان عدي على نور و خدها عشان يخرجو...
نور ابتسمت بهدوء./امبارح كان اول مره انام و انا مبسوطه كده .
اسر بصلها بحب./ السنتين اللي فاته كنت بعد الايام و الليالي عشان ارجع و أثبتلك اني مقدرتش إنساكي .
نور /حاسه كل حاجه حصلت بسرعه بس انا مبسوطه.
اسر /ده المهم عندي.
نور اتنهدت بصعوبه./كان نفسي تكون موجود الفترة اللي فاتت . مكنتش عارفه اتعامل بطبيعتي . بس مكنتش عارفه اتكلم مع حد .
اسر /و انا جيت اهو و معاكي و عايز اسمعك .
نور /خلاص اللي عدي عدي يا أسر مش عايزه احكي حاجه.
اسر بهدوء/اللي يريحك يا حبيبتي. بس مش غريبه أن مريم تتجوز رجل اعمال كبير زي ادهم نصار .
نور بصتله بسخريه/غريبه في ايه يعني .
اسر /اصل من كلامك عنها أن هي عايشه مع اختها لوحدهم . و كلامه في الصحافه واضح أن في بينهم قصة حب كبيرة.
نور اتنهدت بهدوء/ قولتلك في حاجات كتير حصلت و انت مش موجود .
اسر ابتسم بخبث./بس محظوظه. يوم ما اتجوزت وقعت على ادهم نصار .
نور كتمت غضبها بصعوبه./أسر اسكت انت متعرفش اي حاجه. و ياريت متجبش سيرة الموضوع تاني .
اسر بهدوء/ في ايه يا نور انا بهزر عادي مقصدش حاجه.
نور /ماشي يا أسر بس لو سمحت متتكلمش في الموضوع ده تاني .
اسر /حاضر . بس اضحكي كده متقلبيهاش نكد من تاني يوم .
نور ابتسمت بهدوء و سكتت.
__________________________________
ادهم بص على مريم اللي عماله تلعب في الطبق من غير اكل.
ادهم بهدوء/لو فضلتي على الحال ده ممكن مخلكيش تكلميها غير لما تخلصي اكل .
مريم بهدوء/انا فعلا مش جعانه . هو احنا ممكن نمشي .
ادهم بصلها بضيق . و طلب الحساب و خدها و مشيو . و بعد شويه كانو رجعو الفيلا تاني . ادهم قعد قدام مريم بهدوء/ممكن اعرف انتي مضايقه ليه.
مريم /مش عايزه افضل معاك يا ادهم . انت ليه مش قادر تفهمني .
ادهم اتنهد و اتكلم بهدوء عكس كل مره./طب ليه منديش بعض فرصه تانيه . احنا خلاص متجوزين كده كده ليه منديش لعلاقتنا فرصه. و كأن محصلش اي حاجه.
مريم قامت بغضب/فرصة ايه اللي بتتكلم عليها . انت ازاي قادر تكمل معايا و تقول الكلام ده و انت عارف اني مش عايزاك . انا مش عايزه الفرصه دي . في مليون واحده غيري تتمناها بس مش انا .
ادهم / ليه يا مريم ليه . حياتك و حياتي ممكن تكون احسن لو ادتيني الفرصه دي ..اديني فرصه أثبتلك اني بني ادم كويس.ليه دايما شيفاني الشخص الوحش . فرصه واحده يا مريم ممكن تخليكي تغيري فكرتك عني .
مريم اتنهدت بدموع./طب لو مقدرتش هطلقني .
ادهم بصلها بتردد./مش هقدر يا مريم مش هقدر .
مريم بدموع/ ليه بتقول عليها فرصه و هو حكم . ليه عايز تخليني معاك حتي لو انا مش عايزه كده .
ادهم بغضب/عشان أنا مش هسمحلك تخرجي من حياتي يا مريم .
مريم وقفت قدامه بدموع./ادهم انت ممكن تعمل فيا اللي انت عايزه . بس تتطلقني . عشان خاطري يا ادهم طلقني . مش هينفع نكمل يا ادهم مش هينفع . انتقم مني زي ما انت عايز . و لو انتقامك مني اني افضل مراتك طول عمري بلاش ده ارجوك .
ادهم مسح على وشه بضيق/مش عايز انتقم مش عايز . مش هطلقك يا مريم مهما حصل مش هطلقك .
مريم /ليه يا ادهم لييه.
ادهم بغضب./عشان بدل ما انتقم منك انتقمت من نفسي . عشان حبيتك يا مريم .....
