رواية امتلكني بالاجبار الجزء الثاني الفصل الخامس عشر
ادهم فتح الباب بعصبية علي الدكتوره . الدكتوره بصتله بغضب ./ايه ده ازاي حضرتك ..
ادهم قاطعها بغضب ./ ليه معرفتنيش أن مريم حامل . و ليه رفضتي تعمليلها العمليه .
الدكتوره بتوتر ./استاذ ادهم اناا...
ادهم بعصبية ./انا مش همشي من هنا غير لما اعرف ليه مقولتليش . كنتي عارفه انها عايزه تنزل اللي في بطنها و معرفتنيش ليه .
الدكتوره بهدوء ./يا استاذ ادهم انا مكنتش عندي خلفيه أن حضرتك مش عارف كل اللي حصل اني قولتلها تفكر تاني .
ادهم مسح علي وشه بضيق ./هتستعبطي عليا انا ممكن اوديكي وره الشمس . مريم جتلك تاني و انتي رفضتي تعمليلها العمليه أو حتي تعالجيها .
الدكتوره نزلت راسها بخوف ./ايوه ده حصل بس..
ادهم بغضب ./بس ايه انطقي .
الدكتوره بتوتر ./في واحد جالي بعد ما هي مشت . و قالي أني امشيها و محاولش اعالجها او اعملها العمليه . حتي متابعة الحمل و هددني اني لو معملتش كده هياذيها و ياذيني . و انا خوفت ابلغ حضرتك . حسيت أن كلام مدام مريم بيكمل كلام الراجل ده .
ادهم بعدم فهم ./يعني ايه .
الدكتوره بتوتر ./مدام مريم قالتلي كلام غريب عشان تجبرني اعملها العمليه . قالتلي أن العمليه هتنقذها و تنقذ حيات ولادها . و كان واضح عليها الخوف . ده غير ان موضوع البرشام اللي بتاخده هي أنكرته رغم أن الجنين كان معرض للتشوهات بسبب البرشام .
ادهم غمض عينه بتعب و فتحها بسرعه ./مين الراجل ده .
الدكتوره بتوتر ./معرفوش .
ادهم صرخ في وشها بغضب ./شكله كان عامل ازاي . قولي اي حاجة انا مش هتحايل عليكي .
الدكتوره بخوف ./يا استاذ ادهم الكلام ده من شهر . انا مكنتش مركزه ده كان ماسك مسدس . بس انا لو شوفته اقدر اعرفه طبعا .
ادهم بص عليها بتحذير ./متحاوليش تهربي أو تغيري مكانك عشان هوصلك وقت ما اعوز و لو اي حاجه حصلت تاني تبلغيني فاهمه .
الدكتوره هزت راسها بخوف و ادهم مشي . الدكتوره قعدت بدموع و دفنت وشها بين أيديها بعياط .
_____________________________________
فات شهر و مكنتش في اي جديد غير أن ادهم ليل نهار بيدور علي دكتور مصطفي . و مريم اللي حالتها زي ما هي . و نوران اللي مش عارفه توصل لـ هدفها .
ادهم دخل اوضة مريم و بص علي الدكاترة بغضب و قرب منهم بعصبيه ./انتو بتعملو ايه .
الممرضه بهدوء ./بنشيلها من علي الأجهزة .
ادهم بعصبية ./رجع كل حاجه زي ما كانت .
الدكتور هز راسه بهدوء ./مخها مش مستجيب و وجودها علي الأجهزة ملوش لازمه .
ادهم زقه بغضب و وقف مكانه ./قولتلك رجع كل حاجه مكانها .
الدكتور اتعدل بضيق ./استاذ ادهم خلينا نشوف شغلنا .
ادهم هز راسه برفض ./محدش هيقرب منها اطلعوا بره .
نصار دخل علي صوته و اتنهد بحزن عشان فهم ./ادهم خلي الدكاترة تشوف شغلهم و خلي..
ادهم قاطعه بغضب ./محدش هيقرب منها . لو حد قرب هقتله والله هقتله .
نصار قرب منه بهدوء ./ادهم ابعد عنها طيب عشان يرجعولها الأجهزة .
الدكتور برفض ./مينفعش . المدام بقالها شهر و نص مينفعش تفضل علي الأجهزة لو هتستجيب كانت استجابت من...
ادهم قعد قصاد سرير مريم و مسك ايديها بدموع ./هي هتفوق . هتفوق و هتبقي كويسه .هي مش هتسبني .
نصار و الدكتور بص عليه بشفقه . نصار بص للدكتور بدموع و هز راسه برفض ./هندفع كل اللي انتو عايزينه بس خلوها زي ما هي . و خليهم يرجعه الاجهزه .
الدكتور اتنهد بضيق و شاور للممرضين يرجعه الاجهزه و سبهم و مشي .
نصار حرك أيده علي كتف ادهم بحنان ./قوم يا ادهم قوم يا ابني كفايه .
ادهم هز راسه برفض ./مش قادر اسيبها مش قادر . طولت عليا اوي .
ادهم رفع وشه ليها بدموع و عتاب ./للدرجادي زعلانه مني يا مريم . كل ده و موحشتكيش . مش قادره تفوقي عشاني . فوقي و قوليلهم انك مستسلمتيش و انك قويه يا مريم .
ادهم حضن ايديها بدموع .
نصار بص علي حالته بحزن و شاور للممرضين يطلعه بره .
نصار حرك أيده علي ضهره بحنان ./كفايه يا ادهم كفايه متوجعش قلبي عليك .
ادهم غمض عينه بضيق ./انت مش حاسس بيا . مش حاسس بالنار و الوجع اللي جوايا . انا السبب في اللي هي فيه . انا اللي كنت بعايرها في كل مشكله و استغل ضعفها عشان متسبنيش . انا اللي خليتها تمشي و تخاف مني و كنت بايدي باذيها . انا مش هقدر اسامح نفسي غير لما اشوفها كويسه قدام عيني .
نصار قومه بهدوء و حزن عليه ./كل ده فترة و هتعدي . انا واثق أن حبكم لبعض و عيالكم هيخليكم تعدو كل ده . بس بلاش يأسك و استسلامك . متبقاش ضعيف يا ادهم عيالك محتجينلك .
ادهم هز راسه بحزن و بص عليها بتعب ./انا همشي . محتاج اعمل كام حاجه كده .
نصار هز راسه بهدوء ./انا كمان هنزل معاك .
و مشيو .
_________________________________________
فات تلت شهور . كل الاوضاع مستمره زي ما هي من غير أي جديد .
كاميليا طلعت بغضب لما سمعت صوت ادهم . اماني بصت عليهم بتوتر . كاميليا بعصبية ./مريم فين . مريم مختفيه بقالها خمس شهور .
ادهم بص عليها بتوتر عشان كان متاكد أن ده هيحصل زي كل مره بييجي فيها . ادهم اتنهد بهدوء ./ مريم مش مختفيه مريم في شغل .
كاميليا بضيق ./انا مش صغيره عشان يضحك عليا . ازاي في شغل و مش بتكلمنا . طب لو مريم نسيتنا هتنسي أن عيد ميلاد عز انهارده .
ادهم بص عليها بضيق من نفسه عشان هو كان ناسي عيد ميلاد عز ./هي اكيد مش ناسيه . بس..
كاميليا دموعها نزلت بخوف ./لو مريم حصلها حاجه قولي . انا مش بعرف انام و هي مش موجوده . انا خايفه اوي .
ادهم بص عليها بحزن و حضنها بحنان ./مريم كويسه والله العظيم كويسه . بس...
كاميليا خرجت من حضنه بدموع ./قولي الحقيقة . انا عارفه انها مش مسافره .
اماني بصت عليه بدموع و هزت دماغها أنه لازم يقولها .
ادهم اتنهد بتعب ./مريم عملت حادثه في اليوم اللي سبتكم فيه . و من ساعتها و هي في غيبوبه .
كاميليا بدموع ./يعني ايه . انا م..
ادهم مسك ايديها بحنان ./ هي هتفوق والله هتفوق بس هي محتاجه أننا ندعيلها .
كاميليا مسحت دموعها بسرعه ./انا عايزه اشوفها .
ادهم هز راسه بهدوء ./البسي انتي و عز و هنروحلها المستشفي .
كاميليا دخلت بسرعه . اماني بدموع ./كان لازم تعرف من زمان . مكنتش لازم نخليها توصل للمرحله دي .
ادهم بسخرية و دموع ./ مكنتش عارف ان الموضوع هيوصل لحد كده .
اماني ./طب و الدكتور قالك ايه .
ادهم اتنهد بتعب ./حالتها زي ما هي .
اماني هزت راسها بحزن ./هتبقي كويسه انشاء الله .
ادهم نزل راسه بدموع ./انا واثق أنها قويه و هبتقي كويسه .
_________________________________________
نوران ابتسمت بهدوء ./ادهم شكله ابتدي يتقبل فكرة أن مريم خلاص مش هتفوق و حتي لو فاقت مش هتكمل معاه .
علي ابتسم بسخرية ./ خلي بالك مريم لو فاقت في اي وقت . هنرجع لنقطة الصفر تاني.
نوران هزت راسها ببرود ./مريم بقالها كتير في الغيبوبه . و كمان بابا قالي أن الدكاترة مش لاقيين اي استجابه منها و عايزين يشلوها من علي الأجهزة . يعني مجرد قلب بينبض .
ليلي اتنهدت بهدوء ./المهم الورق و انتي و شطارتك و مضيه عليه بـ اي طريقه .
نوران ابتسمت بخبث ./يومين و كل حاجه هتبقي عندكم .
علي بهدوء ./يومين بس يا نوران . احنا بقالنا سنين صابرين .
نوران هزت راسها بهدوء و هي بتفكر في ادهم .
_____________________________________
كاميليا بصت علي مريم و الاجهزه اللي حواليها بدموع ./هما ليه مركبينلها كل ده .
ادهم حرك أيده علي شعرها بحنان ./ده عشانها و عشان جسمها مياثرش لما تفوق .
كاميليا مسكت ايد مريم بدموع ./هي وحشتني اوي . انا كنت حاسه انها مستحيل تبعد و متكلمناش كل ده .
ادهم اتنهد بتعب و بص علي عز اللي كان بيبص علي مريم باستغراب . ادهم ميل عز و ابتسم بحزن ./ بوس ماما يلا.
عز بص علي مريم بحب و باس راسها . ادهم نزل لمستوى سريرها و باس ايديها بدموع . عز مسك ايد مريم زي ادهم و باسها و ابتسم ببراءة لـ ادهم و بعدين بص على الأجهزة و رجع بص لـ ادهم بدموع ./ماما .
ادهم ابتسم بدموع ./ماما كويسه . هي بس تعبان.....
ادهم بص بصدمه علي ايد مريم اللي مسكت ايد عز . كاميليا مسحت دموعها بفرحه ./مريم . مريم مسكت ايد عز .
عز ضحك ببراءة و حاول يسحب أيده بس مريم كانت ماسكه في أيده اوي . ادهم قام بفرحه ./خليكم هنا هجيب الدكتور و اجي .
ادهم مشي و رجع بسرعه و معاه الدكتور . ادهم سحب ايد عز بسرعه و الدكتور كشف علي مريم بهدوء . بعد شويه الدكتور اتنهد بهدوء ./اللي حصل ده مؤشر كويس . ده معناه أنها حاسه بيكم و مخها ابتدي يستجيب . بس مفيش حاجه بتقول أن هي قربت تفوق . واضح انها كانت بتعدي بـ ازمه عصبيه أو اي مرض نفسي مخليها مش قادره تستجيب لأن جسدياً هي كويسه و معندهاش اي حاجه ممكن تاثر علي المخ .
ادهم مسح علي وشه بحزن و بص علي كاميليا اللي كانت ماسكه عز و بصتله بدموع . ادهم شال عز بسرعه و باس كاميليا بحزن ./هتبقي كويسه والله ..انا حاسس بيها . هتفوق و هتبقي كويسه .
و سحبها من ايديها و مشيو .
وووووو
