رواية تاجر النساء الفصل الخامس عشر بقلم حنان احمد ماهر
أمينه فتحت الرسالة وقرأتها وهى على ملامحها الصدمه .
( صباح الورد يا حبيبتي عايز اقولك حلو اوى عليكى اللون الروز تجنينى ياروحى )
حست أمينه بالرعب وسندت على باب الشقه ومكانتش قدرة تقف على رجليها
خرجت عايدة واستغربت لما لقتها لسه مامشيتش قربت منها
بقلق . أمينه انتى كويسه يابنتى
حولت أمينه تستجمع قوتها وماتبينش لعايدة خوفها
وتوترها . ها ابدا ياماما أنا كنت بفكر لو ناسيه حاجه
يلا أنا همشى سلام
وخرجت وقفلت الباب وراها راحت على كليتها
كانت ماشيه في الشارع وهي بتحاول تهدي نفسها وتفكر في اللي بيحصلها. كانت بتفكر في الرسالة اللي جاتلها مين اللي ممكن يكون بيبعتها
وعند مريم وحبيبه كانو فى كافتريا الجامعه طلبت حبيبه
من مريم تتصل باامينه تشوفها وصلت ولا لسه .
الو انتى فين يامونى اتاخرتى ليه كده
أمينه بحزن . انا وصلت الحمد لله انتوا فين
مريم . احنا فى كافتريا الجامعة
أمينه . تمام أنا جايه سلام
مريم بقلق . على فكره ياحبيبه أمينه فيها حاجه صوتها متغير
حبيبه: ايه اللي حصلها؟
مريم: معرفش بس صوتها كان متغير وحزين
حبيبه: طب استنى عليها شويه يمكن تكون تعبانه
مريم: حاضر.
وصلت أمينه الكافتريا شافت مريم وحبيبه قاعدين مستنيينها أمينه حاولت تخبى قلقها وتوترها بس لاحظت حبيبه ومريم تغيرها
مريم . مالك يا أمينه شكلك متغير فى حاجة مضياكى
أمينه . لا أنا كويسه بس كنت تعبانه شويه الصبح.
حبيبه . ماتخبيش علينا ياامينه احكي لنا إيه اللي حصل شكل الموضوع كبير
أمينه . لا مفيش حاجه خلينا في المحاضرة ياله على شان
هتبدأ
مريم بإصرار . لأ إحنا لازم نعرف إيه اللي بيحصل معاكى إنتِ مش شايفه شكلك عامل ازاى وشك اصفر مش طبيعي النهارده.
أمينه بتنهيده . خلاص هقولكوا بس مش هنا
حبيبه . تمام ياامينه يلا نحضر المحاضره وبعدين نروح مكان هادي نتكلم فيه
وافقوا على الاقتراح وخرجوا من الكافتريا وراحوا
على قاعه المحاضرات
دخل كريم القاعة وبدأ فى شرح المحاضره ولفت نظره
أمينه اللي كانت شكلها متغير ومش مركزة
فى الوقت ده لوجى كانت قاعده جنب مازن
لوجى بهمس . انت عملت فيها ايه خالها بالشكل ده
مازن بيمثل البرأه . انا معملتش حاجه
لوجى . ياراجل عاليه أنا بقولك إيه أنا لازم أعرف كل
حاجه بلاش تلعب من ورايا
مازن . حبيبتي احنا فى مركب واحدة انتى عايزة
كريم وأنا هتجنن على أمينه وكل واحد ياخد اللى
ليه وخلصت
لوجى . دانت طلعت مش سهل
ضحك مازن بخبث . دانا هبهرم
وبعد مده خلصت المحاضره وبدأ الكل يخرج وقبل ما
أمينة تخرج نده عليها كريم
كريم . لحظه لو سمحتى ياأمينه وقرب منها وتكلم بقلق
إنتِ كويسه شكلك فيكى حاجه وماكنتيش مركزة معايا
وانا بشرح
أمينه: ها لا كويسه شكرا ليك يادكتور
كريم: انتى متأكدة لو فى حاجة أنا ممكن اساعدك
أمينه: لأ مفيش حاجة شكرا لحضرتك يادكتور عن أذنك وسبته وخرجت
وصلوا البنات على الكورنيش بدات أمينه تحكيلهم عن الرسالة اللي جاتلها و ازاى عرف هى لبسه ايه . هتجنن
يابنات مش عارفه اتصرف ازى
مريم وحبيبه استغربوا وقلقوا وبدأوا يفكروا مع أمينه في حل للموضوع ده.
حبيبه . احنا لازم نبلغ الشرطه ماينفعش نسكت
أكدت مريم رأى حبيبه . على فكره حبيبه عندها حق
احنا لازم نبلغ الموضوع مش رسائل وخلاص لا
ده مراقبك وعارف كل حاجه عنك
أمينة بدموع . انا لو روحت وبلغت اكيد هيعرف وساعتها
مش عارفه رد فعله هيكون إيه أنا خايفة اوى ومش
عارفه اتصرف ازاي
حبيبه . انتى قولتى لمامتك
أمينه . لا طبعا ماينفعش أقولها حاجه ماما تعبانه ولسه
كانت خارجه من المستشفى مش عايزها تتعب تانى
مريم بتفكير . احنا ممكن نطلب المساعدة من دكتور
كريم هو معجب بيكى واكيد هيوقف جنبك
أمينه بإصرار . لا دكتور كريم لا
حبيبه . ليه ياامينه احنا مانعرفش حد غيره يقدر
يساعدنا
أمينه . ربنا موجود إن شاء الله هلاقى حل
نزل منصور من القطار هو والراجل اللى تبع بلال واللى
اسمه فضل
منصور . فين قريب اللى هيخدنا على الاوضه اللى قولت
عليه دى
فضل . هرن عليه أشوفه فين
أتصل فضل اخد منه عنوان اللى هيقعدو فيه
عده أسبوع وأمينه رفضه تخرج من البيت من الخوف
كل يوم بيوصلها رسايل لدرجة مابقتش تنام
من القلق والخوف
دخلت عليها عايده وتكلمت بقلق وحزن عليها. مالك
ياامينه فيكى إيه بقالك اسبوع حبسه نفسك فى
الاوضه ومش عايزة تروحى الجامعة
طمنين عليكى يابنتى فى حاجة انتى مخبياها عليه
أمينه بتوتر . ابدأ ياماما أنا بس تعبانه شويه
عايدة بقله حيله . ماشى ياامينه على راحتك أنا هقوم
أحضر الغداء
وفى الكلية كريم كان هيتجنن أن أمينه بقلها اسبوع مش
بتيجى بعت لحبيبه ومريم فى مكتبه يسألهم عنها
دقائق وخبط باب المكتب وأذن ليهم بالدخول
حبيبه . حضرتك طلبتنا يادكتور
كريم . اتفضلو اقعدو وكمل بتوتر كنت عايز اسألكم
عن الآنسة أمينه هى مش بتيجى الكلية ليه
هى كويسه
مريم باندفاع . بصراحه كده يادكتور أمينه مش كويسه
خالص وعندها مشكله كبيره مش عارفه تحلها
خبتطها حبيبه فى اديها على شان تسكت
مريم . مش هينفع نسكت اكتر من كده لازم نلاقى حل
وجايز دكتور كريم يقدر يساعدنا
كريم بقلق . لو سمحتوا ياريت تقولي مالها أمينه على شان اقدر أساعدها
مريم بتأكيد . بس ياريت يادكتور الكلام ده يفضل ما بنا
وبدأت تحكى له عن كل حاجه
اتنفض كريم وقام يلم حاجته بسرعه استغربت حبيبه
ومريم رد فعله
كريم بستعجال . عايز عنوان أمينه بسرعه
وصل كريم بيت أمينة ورن جرز الباب فتحت عايدة
وبصت ليه بشك . مين حضرتك
كريم . انا كريم دكتور أمينه فى الكلية
عايدة عارفت أنه أبنها وقعت من طولها أغمى عليها خرجت
أمينه بالبجامه وشعرها الاسود الطويل مفرود على ضهرها
مكانتش تعرف أن فى حد برة شافت عايدة وقعه على
الارض جريت عليها. ماماااااا
أما كريم كان سرحان فى منظر أمينه اللى بيخطف
الأنفاس و.......
