رواية دمعه عين الجزء الثانى وحرب المافيا الفصل السادس عشر 16 بقلم شيماء طارق

سليم لو بايدي يا فاطمه انتي عارفه ان انا ما اقدرش اتاخر عليكي في اي طلب انتي تطلبيه

فاطمه/ انا عايزه عبد الرحمن يكتب عليا قبل ما يتحكموا عليه في  القضيه اللي عليه ؟

سليم بعصبيه/ شايل ايد فاطمه من عليه ؟

سليم/ ايه اللي انتي بتقوليه ده انتي بتهزري انتي عايزه تتجوزي المجرم ده بعد كل اللي عرفتيه في ايه يا فاطمه انت اتجننتي عقلك راح فين ازاي اصلا تفكري في الموضوع انت اتجننتي

فاطمه /انا لو ما اتجوزتوش هموت وراه 

سليم /هو كده كده ميت لو ما ماتش من المرض هيتعدم يا غبيه

فاطمه/ غبيه غبيه بس انا بعشقه ما اقدرش اعيش من غيره علشان خاطري يا سليم

سليم الموضوع ده يتقفل ومش عايز كلام فيه ثاني 

فاطمه/ بالنسبه لي عمره ما يتقفل ولو ما حققتليش الامنيه دي انا مش هعرفكم تاني وهسيب البلد وهمشي ومش هتعرفهلي طريق 

سليم/ انتي بتهدديني يا فاطمه 

فاطمه/ سميها زي ما تسميها انا قلت اللي عندي 

سليم   بعصبيه راحت خارج من الاوضه وزق الباب جامد لدرجه انه كان هيتكسر عين اخد الدوش وغيرت هدومها وكانت قاعده على كرسي وسليم دخل عليها وكان متعصب جدا 

وبدا يكسر في كل حاجه حواليه في الاوضه وكان منهار حرفيا

عين بخوف /مالك يا سليم في حاجه حصلت؟

سليم ما فيش رد ولسه برده بيكسر في اي حاجه يلاقيها في وشه تقريبا كده خلص على كل حاجه كانت قزاز في الجناح كله

كان عمال رايح جاي في الاوضه وكان متضايق جدا ومره واحده راح ضرب ايده في الحيطه جامد لدرجه ان الحيطه رنت من الخبطه

عين بخوف/ مالك يا سليم في ايه اللي حصل 

سليم بعصبيه /الغبيه عايزه تتجوز وبعد كل اللي حصل عايزه تدمر نفسها من تاني؟

عين /فهمني ايه اللي حصل طيب انا مش فاهمه حاجه اهدى كده وريني ايدك دي ايدك بتنزف

سليم /ابعدي عني دلوقتي يا عين علشان ما تزعليش مني 

عين /علشان خاطري اهدى بالله عليك وحياه ربنا لا تهدى

 سليم/لا اله الا الله 

عين/ وريني بقى ايدك ؟

سليم روح قاعده على السرير وكان لسه متعصب بس بدا يهدى وبص على ايديه اللي كانت بتنزف بغزاره

وعين جابت علبه الاسعافات وقعدت قدامه على رجليها وغيرتله على الجرح وبعد ما خلصت راحت قاعده جنبه على السرير

عين /ممكن تقوللي بقى ايه اللي حصل ايه اللي خلاك تكون متعصب قوي كده

سليم بحزن/ فاطمه عايزه تتجوزي عبد الرحمن بعد كل اللي حصل حتى مش فارق معايا هزعلك

عين بهدوء /ايه السبب اللي خلاها تفكر تتجوزي دلوقتي

سليم/ الهانم عايزه لو اتحكم عليه واتعدم تكون مراته ولو مات بمرضه برده تكون مراته في كل حالاتها عايزه تكون مراته عايزه تعيش على ذكراه ناسيه هو اللي عمله كله  في عيلتها وازاي كان عايز يدمرنا 

عين بغموض/ هو انا لو عملت في يوم حاجه غلط هتكرهني يا سليم

سليم باستغراب/ ممكن عقبك بس مش هكرهك علشان الكره   مش شيء سهل اكيد بيكون بسبب حاجه كبير حصلت معانا وخلانه وصلت للمرحله دي وانا واثق ان انتى عمرك ما هتكوني وحشه او هتعملي حاجه غلط توصلني للمرحله دي

عين/ يا سليم انا بقولك ممكن في يوم من الايام تكرهني حتى لو عملت اي حاجه غلط اللي عايزه اوصله لك ان اللي بيحب ما يعرفش يكره وفاطمه بتفكر بقلبها مش بعقلها علشان احنا في الامور دي مش بنعرف نحكم عقلنا فيها انا حطيت نفسي مكانها لو انا مكانها مش هقدر اختار راجل غيرك هي عملت نفس اللي انا كنت هعمل 

سليم /يا عين ده جنان ده اسمه انتحار تعرفي هي هتكون مرات مجرم يعني في كل حالاتها هتكون حد مكروه من المجتمع اللي عايشه فين 

عين قامت وقفت وقالت 

عين /والمجتمع ده عمل لنا ايه قدم لنا ايه لازما نعيش  حياتها زي ما هي عايزه سيبها ولو سمحت سيبها تعمل اللي هي عايزاه

سليم/ انتي ناسيه ان هو موت ريم ويتم ابني يعني اذاني كتير من غير سبب 

عين/ انا عارفه كل اللي انت بتقوله بس اعذرها يا سليم القلب اللي بيحب ما يعرفش يكره

سليم/ ينعل الحب اللي هيكون بالشكل ده

عين بزعل/ خلاص اهدى وان شاء الله بكره يبقى نتكلم في الموضوع ده سيبها على الله 

سليم/ ونعمه بالله 

عين /بس لازم تفكر يا سليم علشان خاطر ما تخسرش فاطمه وفي نفس الوقت ما تخسرش نفسك انا عايزاك تعمل اللي يرضى عليه ضميرك اتجاه فاطمه وبالنسبه لعبد الرحمن ربنا خد لك حقك منه وربنا هو المنتقم الجبار

سليم بهدوء / ان شاء الله يا عين انا مش عايز اجرح فاطمه وانا عارف ان هي اتاذت كثير في حياتها بس انا مش عارف اعمل ايه ازاي اضيع حقي ريم وازاي ادي لفاطمه اللي هي عايزاه ولو مات عبد الرحمن هتفضل كده من غير ولاد ولا جوز انا مش عارف اعمل ايه 

عين/ ايه رايك تسيب ربنا هو اللي ينتقملك منه يعني سيب فاطمه وعبد الرحمن يتجوزه واكيد ربنا هياخد حق ريم واي حد عبد الرحمن اذيه وكمان اللي انت مش واخد بالك منه ان عبد الرحمن ده كان حد كويس واخلاقه كويسه بس هو فهم الموضوع غلط وكان غبي بزياده وفكر ان انتم اذيتوه وموتوا له ابنه علشان كده اذاكم بالطريقه دي بس لو هنتكلم على الغلط من الاول هو كان غلط عيلتك وسيبه لربنا هو اللي يحاسبه 

سليم /تمام يا عين انا هفكر في الموضوع ده وان شاء الله ربنا هيقدم اللي فيه الخير🤲

عين/ان شاء الله يا حبيبي يلا بقى علشان تنام تصبح على خير 

سليم/ وانتي من اهله

طلعت عين على السرير وسليم كان جنبها سليم فضل طول الليل يتقلب وما كانش عارف ينام من كتر التفكير بعد ساعات من القلق اخيرا نام واستقر مكانه وعين ما قدرتش تنام غير اما حاسه ان سليم خلاص نام

اشرقت شمس يوم جديده على ابطالنا كانت في هذه اللحظه الشمس بدات تعاكس في عيون عين وهي نايمه وعين كانت متضايقه جدا لاني اشعه الشمس كانت بتيجي في عينها وهي كانت مش عارفه تنام وبعد كده فتحت عينيها بكسل وفضل تبص على سليم وهو نايم حطت ايديها على وشه وبدات تحرك ايديها في شعره وهو نايم 

عين في نفسها معقوله ممكن يجي يوم من الايام وانا هسيبك

كان في صراع كبير بين عقلي عين وقلبها

عقلها/ اه هتسيبيه بكره ما تخلصي الجامعه وتكوني دكتوره هيكون هو كبر وانت هتكوني لسه صغيره هتبقى عايزه حد يكمل معاكي حياتك مش راجل كبير وكركوب

قلبها /لا لا انا ما اقدرش اعيش من غير سليم حتى لو بقى كبير وكركوب برده انا بحبه

عقلها /سليم بالنسبه لك هو طوق النجاه اللي نقذك من اللي انتي كانت في وكان بالنسبه لك هو الامل الوحيد علشان ينقذك من ابوكي اللي كان ممكن يضيعك ويضيع مستقبلك وهو كان بالنسبه لك الانسان اللي هيحقق لك حلمك 

قلبها/ لا اللي انا بحس بيه ده عمره ما كان كده انا بحبه بجد يعني ده مش علشان اوصل لحلمي خالص لا انا بحبه عمري ما شعري ما كانت اتجاه سليم امتنان هي مشاعر حب يعني انا ما اقدرش اسيب سليم انا بعشقه قد ايه شكله جميل وهو نايم

عقلها / فوقي انتي مش عايزه تفوقي من الوهم اللي انت عايشه فيه ولو فضلت نايمه كده هيكون فات الاوان وما ينفعش تغيري في اي قرار انتي اخذتيه 

عين قامت من جنب سليم وقفت وكانت متعصبه قوي من نفسها وكانت مشوشه جدا دخلت عين الحمام اخذ شاور وبعد كده اتوضت وصلت وراحت  عشان تصحي سليم

عين /يلا يا سليم علشان تروح الشركه انت اتاخرت قوي الساعه بقت 7:00 

سليم قام بكسل 

سليم /صباح الخير يا حبيبتي 

عين /صباح النور مالك يا سليم كسلان كده ليه 

سليم/ امبارح ما عرفتش انام كويس انتي صاحيه من بدري 

عين/ من شويه  صليت الصبح وجيت علشان اصحيك 

سليم /احلى حاجه في يومي ان انا بشوف وشك الجميل ده اول حاجه دي اهم احلى حاجه في يومي

عين/ يعني يا عيني على الناس اللي بتقول الكلام الحلو قوم بقى علشان تتوضا وتصلي علشان انا عايزه اروح اشوف تولين

سليم /وتشوف وتولين ليه يعني انت عايزه تسيبيني وتروحي عندي تولين 

عين/ انت عارف يا سليم ان هي زعلانه من امبارح علشان زين مش بيرد عليهم 

سليم/ ما لكيش دعوه بيها انا عايزه تزعل اكتر وعايزها تحس بغيابه سيبيها انتي بس وما لكيش دعوه

عين/ انا مش فاهمه حاجه فهمني لو سمحت

سليم /بعدين بقى مش لازما دلوقتي 

عين /يعني كده

سليم/ اشوفها يا عين صعبت عليا قوي ان انا اتكلم دلوقتي 

عين /ماشي يا سليم انا هشيلها لك وهتترد لك على فكره

سليم برومانسيه /مش هتقدري يا قلبي سليم 

عين/ بكره الايام تثبتلك يا زوجي العزيز 

سليم/ بحبك وانتي بتقولي لي كلمه جوزي دي حبيتها قوي منك  

عين بكسوف/ انا انا هروح اشوف تولين سليم يعني انا معاكي وانتي عايزه تسيبيني وتروحي لتولين 

عين بكسوف وكانت مش عارفه تتكلم خلاص بقى يا سليم

سليم /ماشي يا ستي روحي لهم وانا هدخل اخد شاور وهنزل على طول 

عين /تمام 

عين كانت خارجه من الجناح بتاعها هي وسليم اول ما فتحت الباب اتشنكلت بس لحسن حظها ان سليم كان واقف ورا ظهرها فجاه وقعت في حضن سليم وايد سليم حوطه وسطها

وسليم لحقها قبل ما تقع على الارض  عين بترفع راسها وكانت مغمضه عينيها كانت خايفه ان هي تكون فعلا وقعت على الارض على الارض وبدات تفتح عينيها بالتدريج لقيت سليم هو اللي شايلها وكان باصص في عينيهم تاهت عين في عيون سليم وبعد كده بدات تفوق نفسها

  عين بكسوف/ انا انا هروح اشوف تولين

سليم / يعني انا معاكي وانت عايزه تسيبيني وتروحي لتولين 

عين /خلاص بقى يا سليم 

سليم/ ماشي يا ستي روحي لهم وانا هدخل اخد شاور وهنزل وهنزل ما تتاخريش

عين /حاضر 

عين /انا عايزه اعرف ايه سبب ان تولين زعلانه قوي كده للدرجه دي مش عارفه حاسه ان في حاجه غريبه

سليم بمكر/ يعني انت ما تعرفيش ايه السبب يا عين 

عين ببراءه/ لا والله ما اعرفش انت تعرف السبب

سليم روحي ماسك عين من وسطها وراح مقعدها جامبو وبدا يتكلم معاها ويشرح لها ليه هو عمل كده ليه مع تولين

سليم /تولين يا ستي بتحبي زين ولحد دلوقتي مش عايزه تعترف بده حتى لنفسها علشان كده انا ما رضيتش اعرفها اي حاجه عن زين وانا قاصد اني اخليها تقلق

عين/ حرام عليك يا سليم باين عليها  خايفه قوي 

سليم /لازما اضغط عليها شويه علشان تعرف هي عايزه ايه بالظبط ما تنسيش يا عين ان تولين اختي  يعني لازما اخذ بالي من كل حاجه في حياتها 💙

عين / ربنا يخليك لينا يا حبيبي ما يحرمناش منك ابدا 

سليم /ولا منك يا نور عيني

عين بكسوف/ ممكن بقى تسيبني علشان اروح اشوفها

سليم /انتي عايزه تبعدي عني

عين بكسوف/ بس بقى يا سليم انا عايزه اشوف تولين علشان اطمن عليها لو سمحت سيبني بقى؟؟

سليم راح منزل ايديه من على وسطها 

                  ♡❤♡

سليم/ اتفضلي بس ما تتاخريش يا عين انا هستناك يلا بسرعه 

عين /حاضر

------------------------------

تولين كانت زعلانه جدا وكان باين عليها الحزن قوي لانها قعدت في اوضتها وما رضيتش تكمل الحفله رغم انها كانت متحمسه جدا ان هي تكون مع عين في الحفله بتاعتها بس اختفاء زين هو اللي خليها حزينه وقلقانه رغم هي ما كانتش تعرف ايه سبب حزنها ولا سبب خوفها على زين 

و بالنسبه تيا كانت قلقانه جدا على عز بس سليم عرفها كل حاجه وفهمها اني عز في شغله وقال لها ما تعرفش تولين بحاجه علشان هو عايزني تقلق اكتر من كده علشان يعرف ايه حقيقه مشاعرها اتجاه زين♥️

سليم عايز تولين تحترف بحبها لي زين وتعيش فتره الخطوبه بكل حاجه حلوه فيها

راحت عين اوضه تولين علشان تعرف ايه اخبارها  داخله كانت تولين ماسكه التليفون وبرده ما بطلتش رن على عز وزين علشان تطمن على زين علشان قلبها مش مطمن وكانت خايفه عليها جدا❤

عين /ممكن ادخل 

تولين بالهدوء /تفضلي انتي تستاذني يا عين اتفضلي طبعا 

دخلت عين وقعدت جنبي تولين على السرير

عين /انا جايه اقعد معاكي شويه 

تولين/ طبعا يا حبيبتي مش لازما تستاذني دي اوضه اختك

عين/ احلى اخت في الدنيا قو لي يا جميل مين اللي مزعل القمر بتاعنا

تولين /انتي عارفه ان ما فيش حد يقدر يزعلني

عين /يعني على الناس اللي واثقه في نفسها عجبتني جو البلطجه بتاعتك دي يا توتي 

تولين بزعل/ بس بقى يا عين مش قادره اهزر ولا اضحك 

عين/ ليه يا حبيبتي مين اللي مزعلك في حد يقدر يزعلك وانا مزروعه في البيت ده

تولين بابتسامه /حلوه مزروعه دي لا يا ستي ما فيش حد مزعلني بس انا قلقانه على اختفاء عز وزين المفاجئ ده وكمان خايفه يكون زين راح بلده 

عين /هو زين مش من القاهره..؟؟؟