رواية دمعه عين الجزء الثانى وحرب المافيا الخاتمة 1 بقلم شيماء طارق

   

 

 رواية دمعه عين الجزء الثانى وحرب المافيا الخاتمة 1 بقلم  شيماء طارق

عز وزين اعرفه ان عبد الرحمن هرب بس عبد الرحمن كان بالنسبه لشخص ميت ما كانش ليه عايزه فاما عرفوا بمكان زعيم المافيا ده كان بالنسبه لهم الخبر المناسب وهي دي الضربه اللي هم كانوا محتاجينها
عز وزين دخلوا القصر وكان باين عليهم ان هم متوترين جدا وعز كان باين عليه العصبيه


سليم ايه اللي حصل يا عز مالكم متضايقين كده ليه


عز ما رضيش يرد وراح طالع على اوضته


زين بخبث/اصلا عبد الرحمن هرب النهارده


سليم/ وبعدين عملتوا ايه


زين عرفنا مكان زعيم المافيا وكل المشتركين معاه وعرفنا كمان مكان نعيمه بس الغريب ان النفس التوقيت اللي عبد الرحمن هرب فيه هو التوقيت اللي احنا عرفنا فيه مكان زعيم المافيا وكل اعضاء المافيا وكمان نعيمه


سليم/ تمام قوي دي حاجه كويسه ان انتوا عرفتوا مكانهم


ايوه فعلا عندك حق علشان كده القائد خلينا اللي احنا لازما نجهز شنطنا علشان لازما نكون موجودين في المقر النهارده وكمان الموضوع ده هياخد معانا على الاقل يومين علشان نخلص القضيه خالص ونقفلها


سليم ربنا يكون معاكم ويقويكم يا رب هو عز ايه اللي مضايقه


زين عز متضايق لانه ما كانش عايز عبد الرحمن يهرب كان عايز كل اطراف القضيه تكون موجوده يوم المحاكمه


سليم خير ان شاء الله


زين غريبه قوي يا سليم ان انت ما اتضايقتش الا عبد الرحمن هرب


سليم ما بقاش فارق معايا كثير يا زين عبد الرحمن كده كده ميت لو ما تعدمش هيموت على ايد المافيا فهو كده كده ميت وحق مراتي ربنا خده لها يلا ادي غار في داهيه خلي بالك انت بس من نفسك ومن عز


زين ان شاء الله
جه نوح وكان متفاجئ من وجود زين وعز


نوح: رايح فين يا زين


زين: انا لازم امشي علشان عندنا شغل مهم جدا في الجهاز وفي مهمه لازم اقوم بيها انا والمقدم عز


نوح: مش هينفع تمشي يا زين انا خايف عليك يا ابني ليحصل لك حاجه انت او عز انا مش عارف انتم شغلكم خطر قوي ربنا يسترها عليكم يا اولاد


زين: انا هرجعلها تاني بس لازم امشي دلوقتي ما تقلقش عليا ان شاء الله خير يا عمي


نوح: انا واثق انك هترجع يا زين بس قلبي مش مطمن


زين: ارجوك ماتقولش لتولين انا رايح فين عشان مش عايزها تقلق عليا


نوح: تمام

زين انا كنت عايز اطلب من حضرتك طلب يا عمي انت وسليم ممكن


سليم ونوح اتفضل طبعا


زين انتم عارفين ان انا والدي كبير ومش بيقدر يعمل اي حاجه من غيري فلو سمحت يا سليم انت وعمي لو من وقت للتاني تعدوا عليه وتطمنوا عليه وتبقى تطمنوني هكون متشكر جدا ليكم


نوح من غير ما تقول انا كنت ناوي ان انا هروح ازوره واطمن عليه انا بقى لي فتره ما شفتهوش وصراحه العجوز ده وحشني


زين بابتسامه امتنان شكرا جدا يا عمي


سليم وانا ان شاء الله هروح له اي حاجه محتاجها انا هكون معايا ما تقلقش احنا مكانك يا زين شوف شغلك وما تقلقش على والدك


زين متشكر جدا يا سليم انت زي اخويا الكبير واكتر كمان


سليم ما تشكرنيش انت مش بتقول اللي انا زي اخوك يعني ده واجبي يا زين


زين ماشي يا سليم انا هطلع بقى علشان اجهز شنطتي


سليم اتفضل


تولين بتبص لاقيت زين طلع اوضته وهو متعصب جدا وبيلم هدومه في شنطته و رايح اتجاه الباب علشان يخرج من الاوضه


تولين فتحت الباب وقالتله


تولين/ زين بتعمل اي انت رايح فين وايه الشنطه دي


زين/ انا لازم امشي يا تولين مش هقدر اقولك رايح فين بس كل اللي اقدر اوعدك بي اني راجع تاني خلي بالك من نفسك


تولين بقلق/انت مش هترجع تاني يا زين انا عارفه انك عايز تهرب وتسيبني علشان مشاكل عيلتي من وقت ما عرفتني


زين/ اذا كنتي فاكره اني ممكن اهرب واسيبك تبقي غلطانه مافيش حاجه في الدنيا ممكن يتاذي من بعدك قدي يا تولين انت كل حياتي .. انتي وبس ..عشان كده عايزك تقاومي ومش عايزك تستسلمي مهما حصل وانا هاجيلك وهتبقي احلى عروسه في الدنيا


تولين/ وليه تتحمل واحده زيي انا مش شايفه حاجه مميزه علشان تحبني الحب ده كله وكمان ترضى اللي انت تعيش معايا هنا في القاهره وانت ممكن تعيش مع اهلك في الصعيد


زين / انتي كلك مميزات بس انتي مش واخده بالك يا قلبي وكمان انا بحبك يا تولين وبالنسبه لاهلي انا ما شفتش منهم حاجه حلوه وانتي عارفه بالكلام ده وكمان انتي اغلى حاجه عندي في الدنيا دي كلها ❤️


تولين ابتسمت ومع انها عارفه ان زين بيحبها بس كانت عايزه تسمعها منه وتعرف غلاوتها عندي


زين/ انا لازم امشي بس هرجعلك تاني ده وعد مني ليكي اتفقنا يا تولين


تولين وقتها اترمت في حضن جوزها وحضنته والدموع في عنيها وقالتله


تولين /بابتسامه وعنيها كلها دموع اتفقنا يا زين ❤️


زين /المؤمريه دي هتخلص ومش عايز حاجه اسمها تاجيل انا مش قادر اصبر


تولين/ خلي بالك من نفسك واما ترجع يبقى نتكلم في الموضوع ده


زين/ ان شاء الله راجع وهاخدك وهتبقى احلى عروسه


تولين/ ان شاء الله خلي بالك من نفسك والبس الواقي يا زين


زين /يا بنتي انا في اي مهمه لازما اكون لابس الواقي ما تقلقيش


تولين/ في حفظ الله ربنا يحفظك يا رب

خرج زين من الاوضه في التجاهل السلم كان عز مجهز نفسه وبيودع تيا


تيا بدموع /خلي بالك من نفسك يا عز


عز /مش عايز اشوف دموعك تاني اضحكي بقى


تيا /انا خايفه قوي مش عارفه ليه المره دي


عز /ما تخافيش يا حبيبتي انا راجع لا انا لابوكي في القصر ده


تولين ابتسامه /عيب بقى هيسمعك وهيزعل


زين/ يلا يا عم احنا تاخرنا


عز/ يلا


عز وزين ودعوا العيله وخدوا الشنط بتاعتهم وخرجوا علشان رايحين مقر الامن لانهم مكان الزعيم ولازما يجهزوا قبل الهجوم علشان الخطه تكون محكومه ويقدروا يقبضوا عليه من غير خساير


في مقر الزعيم


الزعيم/ السهر النهارده الصباحي


الحرس/ اكيد يا باشا كل حاجه تمام زي ما حضرتك قلت بالظبط


الزعيم/ انا عايز بنات يكونوا على الفرازه علشان رجال الاعمال اللي جايين النهارده انا هعمل معاهم صفقات وعايز بنات تكون حلوين علشان اقدمهم هديه لرجال الاعمال


الحرس/ اكيد يا باشا زي ما حضرتك قلت ويمكن اكثر كمان


الزعيم/ ما عرفتوش حاجه عن نديم او عن عبد الرحمن


الحرس/ عبد الرحمن ما نعرفش عنه حاجه خالص اما بقى نديم فهو بيظهر ويختفي وانت عارف اللي هو عامل زي الشبح ما حدش يقدر يعرف مكانه


الزعيم/ طب يلا روح شوف شغلك يبقى نشوف موضوع نديم ده بعدين اهم حاجه الولد اللي جوه ده خلي بالكم منه ولازما ياخذ علاجه في وقته ومش عايز اي اهمال لو الولد حصل له حاجه رقبتكم كلكم هتكون تحت رجلي


الحارس بخوف /تمام يا فندم ما تقلقش


الزعيم/ يلا غور من وشي تعال


نروح قصر عائله بدران
كانت تولين قاعده في اوضتها
وقلقان على


زين /جدا لانها بعد خطوبتها كانت دي اول ماموريه ازاي يروحها


اما بقى عند تيا كانت قلقانه بس مش زي تولين لان تيا عايشه مع عز من صغرها وعارفه ان المامورات اللي زي دي عز بينجح فيها ودي مش اول مره يروح ماموريه بس برده ما يمنعش ان هي كانت خايفه عليه جدا


اما عند بطله عين فجه يوم الموعود أول اليوم في الدراسه


عين كانت نشيطه جدا رغم هي عارفه المشاكل اللي كانت في العيله بس سليم كان بيحفزها وبيشجعها ان هي تروح الجامعه وهو هيكون معاها ويدعمها وكل العيله كانت بتدعمها لانهم كانوا فرحانين جدا لفرحتها قامت عين من النوم دخلت الحمام اتوضت وصلت ولبست اشيك طقم عندها وعملت ميك اب رقيق وسيبت شعرها واخد الكتب بتاعتها وخرجت من الاوضه كان سليم مجهز نفسه علشان يروح الشركه


عين نزلت و سليم كان بيبص عليها وهي نازله من على السلم وما كانش قادر يشيل عينه عنها


عين/ صباح الخير


للكل/ صباح الخير


الجد/ صباح الخير يا بنتي النهارده اول يوم جامعه


عين/ اه يا جدو


الجد/ بالتوفيق ان شاء الله


عين /شكرا يا جدو


سليم /انا كنت عايز اقول لك على حاجه يا جدو


الجد /اتفضل يا حبيبي


سليم /فاطمه سافرت امريكا علشان كانت مخنوقه جدا وانا وافقت وحجزت لها في الطياره وسافرت النهارده الصبح


الجد/ ازاي الكلام دي لسه خارجه من المستشفى وحالتها النفسيه زفت ازاي تخليها تسافر وتقعد لوحدها في بلد غريبه


سليم /ما تقلقش عليها يا جدو انا هسافر لها الاسبوع الجاي وكمان انا حجزت لها هناك مع دكتوره نفسيه علشان نفسيتها تتحسن شويه وما تقلقش معاها كتير من صحابها ودول هيكونوا معاها وهيقدروا يخففوا عنها وجودها هنا في البلد هيخليها نفسيتها تتعب اكثر سيبها تعمل اللي هي عايزاه علشان ما نضغطش عليها اكثر من كده


الجد/ انا يا ابني عايزها تعمل اللي هي عايزاه انا مش هكره لها الخير بس برده ما يمنعش اللي انا اخاف عليها


سليم /انا فاهم حضرتك بس سيبها براحتها المره دي


الجد/ انا ما اكرهلهاش الراحه يا ابني ايه اللي يريحها تعمله بس خليها تتصل بيا على طول وتطمني عليها


سليم/ طبعا يا جدو ده شيء مؤكد ان هي تتصل بحضرتك وتطمنا عليها على طول


يسرا كانت خارجه من المطبخ واول ما عرفت اللي فاطمه مش موجوده كانت خايفه عليها جدا


يسرا بتوتر وخوف/ ازاي فاطمه تسافر يا سليم من غير ما نعرف


سليم/ هي مسافره علشان تتعالج يا ماما وتباشر حياتها لو سمحتم سيبوها تاخد قراراتها لوحدها


يسرا /احنا بنحب فاطمه فاكيد مش هنكره لها الخير بس برده احنا بنخاف عليها احنا عيلتها ولازما نكون معاها في وقت زي ده


سليم/ يا حبيبتي انا فاهمك بس سيبيها المره دي يا ماما لو سمحتي


يسرا/ ماشي يا سليم اما نشوف اخرتها معاكم عزم ما اتصلش او زين علشان عايزه اطمن عليهم


سليم /يا ست الحبايب دول في شغل وابنك مش اول مره يروح ماموريه فدي حاجه مفروغ منها


يسرا بزعل/ انت عارف قلب الام طول ما ابنها بعيد عنها هتفضل خايفه عليه فلو سمحت سيب قلبي ياخد حريته ويخاف على ابني زي ما هو عايز


سليم/ لا انا ما اقدرش اتكلم مع قلبك في حاجه زي كده يا حبيبتي عين يلا بقى يا سليم علشان هتاخر على الجامعه


يسرا/ استني يا عين ما تخرجيش بره البيت الا لما تاكلي الحلو اللي انا عاملاه لك علشان يبقى اول يوم في الجامعه حلو


سليم/ ايه اللي انتي بتقوليه ده يا ماما


يسرا/ بس يا سليم انت تعرف حاجه تعالي يا عين كلي من الرز ابو لبن ده علشان يومك يكون حلو وابيض زي اللبن


سليم/ طب يلا يا ست الكل عشان انا كده هتاخر عن الشغل


سليم وصل عين لحد الجامعه ودخل معاها


عين كانت منبهره جدا المكان


سليم/ احضري المحاضره بتاعتك واول ما تخلصي هتلاقي السواق عندك


عين/ تمام


دخلت عين المدرج وكان فيه كام بنت قاعدين جنبيها


سلمى/ انا اسمي انتي اسمك ايه يا قمر


عين/ انا اسمي عين


سلمى /اسمك جميل ومميز شكلنا كده هنبقى اصحاب


عين/ اتشرفت بيكي يا حبيبتي


رنا /اسمها غريب بس عادي ما عنديش مانع ان احنا نكون صحاب


عين كانت مستغربه المكان وكانت حاطه في دماغها ان هي مش عايزه تعمل مشاكل مع حد هي جايه تتعلم وبس المدرب كان دوشه جدا بس فجاه الكل سكت الكل قام وقف لان الدكتور دخل


الدكتور/ انا اسمي دكتور غيث


الكل /اهلا وسهلا
بحضرتك يا دكتور


الدكتور بدا المحاضره كله كان منسجم معايا جدا؟؟،،
الخاتمة الثانية من هنا