 |
رواية امتلكني بالاجبار الجزء الثاني الفصل العشرون بقلم ملك عبد المنعم
في فيلا نصار ...
مريم كانت بتبص علي ادهم بحزن من بعد ..بعد ما الدفنه و العزاء خلصو . ادهم دخل عند مريم و نوران بتعب و بص علي نوران ./عايز مفتاح المكتب .
نوران مسحت دموعها بتوتر ./ليه .
ادهم مسح علي وشه بضيق ./من غير ليه هاتي المفتاح يا نوران .
نوران خافت ادهم يتعصب أو يعمل حاجه . و طلعت المفتاح و ادتهوله بهدوء ..
مريم قربت من ادهم بقلق ./ادهم انت كويس .
ادهم هز راسه برفض ./خليكي هنا هعمل حاجه و اجيلك .... و بص علي نوران بشك ./و خلي بالك من نفسك .
ادهم سحب المفتاح بضيق و دخل المكتب . و مريم فضلت تبص علي اثره بشرود ..و بتبص علي نوران باستغراب اللي حالتها بقت طبيعية بعد ما العزاء خلص .
ادهم دخل اوضة مكتب نصار بحزن . و هو مش مستوعب كل اللي حصل . ادهم وقف قدام المكتب بخنقه و دموع ./ انا مش عارف هعمل ايه من بعدك . انت مشيت بدري اوي .. ملحقتش اشبع منك . انا اتحرمت منك كتير و انت كنت عارف ان انت ابويا الحقيقي و اللي ربتني . كان نفسي اقدر اعرفك انا بحبك قد ايه .
مريم كانت واقفه بتبص علي ادهم من بعيد بدموع . و قربت منه بقلق عليه . /ادهم عشان خاطري اتماسك شويه . انا عارفه انت كنت بتحبه قد ايه ..بس بلاش تضعف يا ادهم عشان خاطري .
ادهم دموعه نزلت بحزن ./ طول اليوم و انا مستني اليوم يخلص عشان اصحي من الحلم اللي فيه . الناس بقت تيجي تعزيني و انا مش فاهم ليه و عشان ايه . كان كويس يا مريم كان كويس والله و بخير ..مكنتش عنده اي حاجه ..كان نفسي بس اشبع منه . هو اللي رباني يا مريم من بعد موت بابا .. أنا مكنتش ليا غيره.
مريم دموعها نزلت في صمت . و حضنته بحنان ./ ده اختبار من ربنا و هو دلوقتي في مكان احسن . ادعيله يا ادهم ادعيله .
ادهم غمض عينه بتعب و دفن نفسه في حضنها بحزن . مريم فضلت حضناه لحد ما حست أنه هدي . هي كمان حاسه ان في حاجه غلط و أنه كان كويس لحد قبل ما يموت .
نوران بعدت عن الباب بسرعه قبل ما حد يشوفها. / كفايه لحد كده يا ادهم كفايه . خلتني عايشه مقهوره طول حياتي و انت عايش حياتك و مبسوط . حتي بابا مات بسببك . و رحمة بابا يا ادهم لـ هاخد حقي و حق السنين اللي اتحبستهم بسببكم .
ادهم اتنهد بتعب و خرج من حضن مريم ./ يلا بينا عشان نمشي .
مريم هزت راسها بحزن علي حالته و مشت معاه . ادهم خرج و قفل الباب و خد المفتاح و وقف قدام نوران بجمود ./مفتاح المكتب هيفضل معايا .
نوران بعصبيه ./هيفضل معاك بصفتك ايه و لا مين اصلا . انا اللي بنته مش انت .
ادهم ساب ايد مريم بهدوء و قرب منها بغضب ./ اللي سمعتيه يا نوران . و اللي عندك اعمليه . بس المكتب ده مش هتدخليه غير بأذني و وجودي . لحد ما اعرف نصار مات ازاي .
نوران بلعت ريقها بتوتر ./مات ازاي يعني ايه .
ادهم لف و مسك ايد مريم بهدوء ./هو مش علي هربان و لحد دلوقتي محدش عارف يوصله . و نصار كانت صحته كويسه في الفترة الأخيرة . اللي حصل كان بأيد ربنا . بس مفيش مانع لو دورنا و أتأكدنا . و انا هتاكد بنفسي .
و مشيو .
______________________________________
نوران طلعت اوضتها و هي بتعيط في صمت . لحد ما لقت تليفونها بيرن .
نوران ردت بعياط ./ علي انت لازم تيجي دلوقتي.
علي بهدوء ./نوران اهدي . انا فاهم حالتك بس احنا لازم نفكر .
نوران بغضب ./نفكر في ايه . ليلي قتلت ابويا يا علي قتلته . ادهم شاكك فيا و لو وصل لحاجه مش هيرحمنا كلنا . احنا لازم نخلص من ليلي يا علي لازم .
علي بهدوء ./نوران انا هشوف يوم و اجيلك بس بعد كام يوم . عشان محدش ياخد باله . متقلقيش يا نوران انا مش هسيبك .
نوران قفلت التليفون بغضب و هي بتعيط . و رمت المخده علي الارض بغضب ./ لو مكنتيش عيشتي تاني مكنتش ادهم هيفكر فيكي و لا كان هيحصل كل ده . انتي دخلتي دمرتي حياتنا كلنا و خليتي بابا يتقتل بسببكم . انا مبقاش عندي حاجه اخاف عليها . حقي و حق بابا حتي لو وصلت اني اقتلك تاني .
__________________________________________
مريم فضلت صاحيه جمب ادهم و هي بتبص عليه و هو نايم بحزن . بعد ما نام بصعوبه . و بتفتكر وقت ما كانت صغيره و مامتها اتوفت . و دموعها نزلت في صمت . و فاقت علي صوت عياط دنيا . مريم قامت بهدوء و راحت اوضة دنيا . مريم قربت من سرير دنيا بحب و هي بتضحكلها ./ايه يا كتكوته مالك .
مريم شالتها بحب و هي بتلعب معاها . دنيا كانت بتبصلها و تضحك .
مريم ببراءة ./ انتي بتعيطي عشان اجيلك بقي .
مريم فضلت تلعب معاها بحب . و شلتها تاني . /تعالي نروح عند بابا عشان منسبوش لوحده.
مريم راحت اوضة ادهم تاني . و قعدت علي الكرسي الي قصاده و هي بتحاول تنيم في دنيا . دنيا بقت تبص علي ادهم و ترجع تبص لـ مريم و تضحك . مريم ضحكت بخفه ./بابا هيصحي كده .
مريم فضلت شايله دنيا . لحد ما راحو في النوم هما الاتنين .
_______________________________________
تاني يوم .
ادهم فتح عينه بتعب من اللي حصل امبارح . و بص جمبه و ابتسم بهدوء لما شاف مريم و دنيا نايمين علي الكرسي . و مريم ماسكه أيده . ادهم ابتسم بحب و باس ايديها بهدوء . و قام بسرعه شال دنيا و دخلها أوضتها بحرص و هو خايف تصحي . و حطها علي السرير و ابتسم بهدوء و مشي . ادهم دخل عند مريم و شالها بهدوء و نزلها علي السرير بحرص . و قعد جنبها . مريم فتحت عينيها بنوم و مسكت ايده ./صحيت من امتي .
ادهم ابتسم عليها بهدوء و باس ايديها بهدوء ./نامي انتي و متشتغليش بالك بـ حاجه .
مريم فتحت عينيها بهدوء . /ادهم انت فعلا شاكك يكون نصار ممتش موته عاديه .
ادهم هز رأسه بتعب ./انا حاسس يا مريم . انا عارف انها بنته و مستحيل تعمل كده . بس دي شيطانه يا مريم شيطانه . نوران ممكن تعمل اي حاجه في الدنيا لو حست انها بتقف في طريقها .
مريم اتعدلت بهدوء ./ بس دي بنته مهما حصل مش هتعمل كده . ايه اللي مخليك متأكد انها فعلا ليها علاقه و ممكن يكون مات موتة ربنا .
ادهم اتنهد بتعب ./زي ما أنا متأكد أن اللي حصلك مكنتش حادثه عاديه . انا متأكد أن في حاجه حصلت . نصار كلمني يوم ما يموت الصبح و كان صوته كويس اوي . في حاجه غريبه يا مريم .
مريم بتوتر ./مكنتش حادثه عاديه ازاي يا ادهم .
ادهم اتنهد بهدوء ./اللي الدكتوره قالته . و اللي الدكتور مصطفى قاله . ملوش غير معني واحد . ان في حد مكنتش عايزك تنزلي البيبي . و في نفس الوقت عايز ينتقم مني فيكي .
مريم هزت راسها برفض ./لا معتقدش لو هي فعلا زي ما بتقول كان هيخليني انزل البيبي عادي . ده بيتهيقلك بس يا ادهم من اللي حصل .
ادهم حرك أيده علي وشه بضيق ./ انا متأكد يا مريم متأكد اوي كمان . هو كان فاكر لما يعمل كده انتي هترجعي و تعرفيني موضوع حملك و وقتها اعملك العمليه و يحصل اللي هما كان عايزينه و تموتي في العمليات زي ما كانو مخططتين . و لما معرفوش عملولك الحادثه ووو ..
ادهم سكت بضيق .
مريم بشك ./ و ايه يا ادهم .
ادهم اتنهد بهدوء ./و نوران كانت بتحاول تتقربلي و انتي تعبانه . وقتها انا شكيت أن هي اكيد وراها حاجه . و حاولت احسسها اني فقدت الامل انك تفوقي . لحد ما قدرت أتأكد أن فعلا وراها حاجه .
مريم بهدوء ./و لما انت أتأكدت مقولتش ليه .
ادهم بعصبية ./قولت قولت . والله قولت لـ نصار . اول ما عرفت انها علي تواصل بـ علي قولتله . عشان كده بقولك أن هما اكيد عملو في حاجه . اكيد فاكرني مش عارف و خافو ينكشفه قدامي .
مريم بصدمه ./يعني ... يعني نصار كان عارف .
ادهم دموعه نزلت بتعب ./كان عارف و كان بيراقب تحركاتها في البيت . بس مقدرناش نمسك عليها حاجه . حتي انا مقدرتش احميه يا مريم . كان لازم اعرفه ان بنته حربايه ممكن تعمل اي حاجه ...انا مقدرتش احميكي و لا احميه يا مريم مقدرتش .
مريم مسكت ايده بدموع ./ادهم كفايه تحمل نفسك فوق طاقتها . انت عملت اللي عليك و اللي تقدر عليه . و لو هي فعلا ليها يد يبقي تاخد عقابها بس من غير ما تاذي نفسك يا ادهم . انا و عيالنا مالناش غيرك . عشان خاطري متعملش حاجه دلوقتي . فكر كويس قبل اي حاجه .
ادهم بصلها بدموع . و سحبها لحضنه بتعب ./صدقيني حقك و حقه مش هسيبه . هجيبه حتي لو بـ اي تمن .
ووووو...
