 |
رواية امتلكني بالاجبار الفصل الثاني والعشرون بقلم ملك عبد المنعم
نصار حرك رأسه بهدوء و نزل بس حط أيده علي وشه بصدمه لما البنت لفتله و شافها .
نصار قرب بخوف و هو بيحرك أيده علي وشها./معقول يكون متهيقلي . ممكن تكون واحدة شبها . بس لا دي انتي .
نوران ابتسمت بدموع. /انا يا بابا .
نصار بدموع./طب ازاي . انتي عايشه ازاي .
نوران حضنته بدموع ./مش مهم يا بابا كل ده . هقولك كل حاجه بعدين .
نصار مسح دموعه بفرحه./مش مهم اي حاجه. المهم انك لسه عايشه يا نوران .
_____________________________
مريم صحت من النوم بضيق من ايد ادهم اللي حاضنها بتملك .
مريم بصت عليه بهدوء . و ابتسمت في نفسها و هي بتفتكر جملة نور .
مريم حركت أيدها علي وشه بهدوء ./ مش قادره افهمك . رغم انك اتجوزتني غصب . بس مأذتنيش . طب ليه اتجوزتني. معقول يكون النصيب و القدر وقعونا في طريق بعض .
اتنهدت بهدوء و هي بتبعد ايديها./ مش عارفه افهم بتفكر في ايه . مش عارفه لو كنت بتحبني بجد . و لا ده سر انتقامك مني .
مريم غمضت عينيها بضيق من نفسها و منه . و قامت من جمبه بهدوء.
ادهم فتح عينه بعد ما اتاكد أنها في الحمام. و قام لبس و مشي .
__________________________________
علي قفل الباب الأوضه بخبث و هو بيبص علي نوران .
علي ./متوقعتش أنه ممكن يصدقك بالسرعه دي .
نوران بفخر ./اومال انت فاكر ايه . بابا هينسي اي حاجه عملتها و هيفرح برجوعي معاه تاني .
علي /في حاجه كمان لازم تعرفيها .
نوران/حاجة اي .
علي ./مريم مرات ادهم . بقالها تلت ايام مختفيه . حتي ادهم بيروح الشغل لوحده و بيروح لوحده . و اختها كمان عند قريبتها.
نوران ابتسمت بخبث./و ايه يقلق في كده .
علي /تفتكري يكون ادهم قاصد يعمل كده.
نوران /لا مفتكرش . ادهم ميعرفش اني لسه عايشه . يعني معندوش سبب يخليه يخاف عليها . حتي بابا مش هدفه مريم خالص.
علي /ناويه علي ايه يا نوران . انا بقيت اقلق و مبقتش قادر افهمك .
نوران بخبث./ انتقام ادهم من مراته يا علي . خلي ادهم علي بابا . خلينا نوريه اللعب الحقيقي يا علي .
__________________________________
ادهم غمض عينه بتعب . لحد ما دخل معتز اللي بص عليه بضيق.
معتز /قولتلي انك مش هتيجي انهارده .
ادهم بهدوء./معرفش . لقيت نفسي جاي علي هنا.
معتز بسخريه ./و بعدين يا ادهم . هتفضل كده كتير. هتضيعها من ايدك بعد ما بقت معاك.
ادهم بتعب./مش عارف يا معتز . مش قادر اعمل حاجه .
معتز ./ليه مصر توهم نفسك أن ده مجرد شفقه أو عشان صعبانه عليك . ادهم انت وصلت لمرحله اكبر من كده . لازم تعترفلها و تقولها كل حاجه . و لا انت مبسوط و انت شايفها خايفه من وجودك معاها .
ادهم حرك رأسه بهدوء./ايوه . انا مبسوط عشان هي ضعيفه قدامي يا معتز . مش هقدر استحمل انها تمشي و تسبني يا معتز .
معتز اتنهد بهدوء ./ادهم مريم مش زيها . هي لو بتحبك بجد مش هتسيبك و تمشي . بس انت مينفعش تخبي عنها حياتك القديمه . سيبها تختار . وريها ادهم الحقيقي . و متنساش أن انت السبب في كل ده .
ادهم غمض عينه بتعب .
معتز ./انت اللي حطيتها في طريقك . انت كان نفسك تكون ضعيفه يا ادهم . و لما حققت اللي انت عايزه بتندم عليه دلوقتي . انا همشي و انت كمان حاول تروحلها مينفعش تسيبها لوحدها .
__________________________________
مريم فضلت تتحرك في الفيلا بملل .
وقفت قدام المكتب اللي كان باين عليه قديم و بقاله فترة مقفول . فضلت تقلب فيه بزهق . مريم حطت أيدها علي بوقها بصدمه و هي شايفه ...
____________________________________
نصار ضرب علي بالقلم بقوة ./دي اخرة تربيتي فيك . ده انا مربيك اكتر من أبوك اللي مات و سابك و انت عيل . تعمل كده و تضحك علي بنات الناس.
علي بص علي اماني بغضب .
نصار مسك وشه بضيق ./بصلي انا ملكيش دعوة بيها . بتضحك عليها و كمان عايزها تنزل اللي في بطنها .
علي بضيق./انا مش قد مسؤولية دلوقتي. و بعدين هي كانت موافقه و كل حاجه كانت برضاها.
نصار ضربه بغضب./ دي غلطتي انا . انا اللي معرفتش اربي . انا اللي غلطت و هصلح غلطي دلوقتي. اخر الاسبوع كتب كتابك عليها عشان تصلح غلطتك السودا دي. و هي هتقعد معانا هنا هتكون في حمايتي عشان انا مضمنكش .
علي بص عليهم بغضب و سبهم و مشي .
__________________________________
معتز وقف قدام البيت ب انتظار .
نور نزلت هي و كاميليا و بصت عليه باستغراب.
نور /معتز بتعمل ايه هنا .
معتز ابتسم بهدوء ./ انا مكان فتحي السواق انهارده .
نور ابتسمت بهدوء و ركبت هي و كاميليا .
معتز ساق بهدوء و هو عينه كل شويه تيجي علي انعكاس نور في المرايا .
معتز اتنهد بضيق و هو بيركز في الطريق .
كاميليا بصت لمريم بزعل./هي مريم مش هتيجي .
نور ابتسمت بحب./ لا هتيجي اكيد . و بعدين مش انتي بتحبي تخرجي معايا .
كاميليا ابتسمت بزعل./ايوه بس مريم وحشتني .
نور ./ و انتي كمان كنتي وحشاني اوي . عشان كده خدتك منها يومين . نتفسح فيهم انا و انتي و اعملك اللي انتي عايزاه . اتفقنا .
كاميليا حضنتها ببراءة و حب .
نور بصت من الشباك بحزن و هي بتغمض عينيها بضيق و حزن .
______________________________
ادهم فضل يدور علي مريم في كل مكان لحد ما لقاها في اوضة المكتب .
ادهم قرب عليها بغضب و سحب الصور منها بضيق .
مريم بصتله بضيق و هي بتسحب منه الصور ./دي انا . دي كلها صوري انا .
ادهم بضيق ./ايه دخلك هنا .
مريم ابتسمت بهدوء. /عشان اشوف الصور دي . بالصدفه فضلت ادور علي اي حاجه لحد ما لقيتهم .
ادهم اتنهد بهدوء./طب ممكن كفايه بقي .
مريم حركت رأسها برفض./ دي صوري . صور عشوائيه ........مريم قلبت في الصور و هي بتتكلم ........ صور ليا في الجامعه . و انا بركب العربيه . و انا في النادي. صور ليا و انا في كل مكان . انت كنت بترقبني يا ادهم .
ادهم سحب منها الصور بضيق و شالهم./ اه .
مريم وقفت قدامه بهدوء ./بس دي صور من زمان . يعني كل ده كان زمان من قبل ما اعرفك .
ادهم اتنهد بهدوء ./بس انا كنت عارفك يا مريم .
مريم بصتله باستغراب .
ادهم بهدوء./يمكن انتي مش فكراني بس انا مقدرتش انساكي يا مريم . من سنه و نص كنت جاي الجامعه لدكتور صاحبي . شوفتك يومها لما كنتي مضايقه أنه مرديش يدخلك المحاضره عشان اتاخرتي . شوفتك و انتي مضايقه و بتحاولي متنزليش دموعك .
مريم رجعت لوره بتذكر و خوف./دكتور انور . انت كنت موجود . انا افتكرت . بس انا ازاي مخدتش بالي . ازاي مفتكرتكش لما شوفتك بعدها . ليه كنت بتراقبني و بتصورني . ليه محتفظ بالصور دي .
ادهم سحبها بهدوء و هو بيمسكها من كتفها ./عشان انا من يوم ما شوفتك. و انتي في عقلي و قلبي يا مريم . كنت بتعمد اشوفك من بعيد كل مره . كنتي دايما في خيالي يا مريم .
مريم بصتله بخوف . مش عارفه تفرح و لا تزعل .
ادهم حرك أيده علي وشها بهدوء./انا اللي خلتهم يجبوكي اول تدريب عندي . مكنتش عايز كل ده يحصل . بس كان كل همي تكوني معايا يا مريم.
مريم غمضت عينيها بضيق ./يعني انا طول الوقت اللي فات كنت بتحاسب علي حاجه مليش ذنب فيها .
ادهم حاوط وشها بين أيديه./لا . كنتي بتتحاسبي علي قلبي اللي خلتيه يتحرك ناحيتك من اول مره . انا مهووس بيكي يا مريم . انا عمري ما كنت كده . غير على ايديكي انتي يا مريم .
مريم ابتسمت باطمئنان و هي بترفع عيونها ليه .
ادهم ميل باسها بشغف و هو بيقربها اكتر . و أيده بتتحرك علي جسمها بدون وعي لخوفها.
مريم فضلت تقاومه بس بدون فايده.
مريم زقته بضيق . ادهم مسح على وشه بغضب.
ادهم /تاني يا مريم تاني .
مريم بصتله بتوتر .
ادهم قرب منها بتحذير./مريم انا مش هستحمل كده كتير . مش معقول كل ما اقرب منك الاقيكي بتعملي كده و تبعديني اكتر .
مريم اتنهدت بهدوء./يعني انت بتعمل كل ده عشان تعمل اللي انت عايزه و تاخد حقوقك.
ادهم اتنهد بضيق./لا يا مريم. بعمل كده عشان بحبك و عايزك . و مش عايزك تبعديني عنك كل ما اقرب منك يا مريم .
ادهم سبها و مشي . و هي حطت ايديها علي دماغها بتعب.
_________________________________
معتز بص علي نور اللي كانت قاعده بحزن .
معتز اتنهد بهدوء./انا اسف اني هقول كده . بس انا عارف اللي حصلك . و الصراحه زعلك ده مش المفروض يحصل خالص .
نور بصتله بسخريه ./اه طبعا مش المفروض يحصل .
معتز /ايوه مش المفروض. هو لعب عليكي لعبه حقيره. و استغل حبك ليه يبقي ميستهلكيش و المفروض تقفلي صفحته نهائي .
نور اتنهدت بحزن./ هو عمل كده غصب عنه . مش عارفه أكرهه و لا أحبه . حاسه اني تايهة .
معتز/و لا تكرهي و لا تحبي. عيشي حياتك عادي . زي ما هو عاشها .انا مش عارف ازاي انتي فضلتي مستنيه السنين دي كلها علي امل واحد زيه و في الاخر طلع كداب . سوري يا نور.
نور ضحكت بهدوء ./انت بتهون عليا و لا بتزعلني اكتر .
معتز ابتسم بهدوء./الاتنين . اصل انتي اختياراتك مش معقوله الصراحه.
نور /خلاص بقي انت هتتريق .
معتز بابتسامه./ خلاص هروح اجبلك ايس كريم و انتي خليكي مع كاميليا.
نور حركت رأسها بهدوء و هي بتفتكر الله حصل بضيق.
Flash back .
نور مسحت دموعها بهدوء./ممكن ماما متعرفش حاجه .
اسر بأسف./نور انا اسف . انا مكنتش قدامي غير كده او ابني كان هيروح مني . انتي احسن مني بكتير و تستاهلي احسن مني بجد .
نور ابتسمت بحزن./الحمدلله. اهم حاجه متعرفش خالتي ناديه عشان ممكن تاذيك و انا هتصرف .
اسر /حاضر يا نور. اهم حاجه متكونتيش زعلانه مني و تقدري الموقف اللي كنت فيه . انا اسف جدا يا نور سامحيني.
نور حركت رأسها بحزن و سابته و مشت .
عند ادهم.....
نور/مينفعش حد يعرف كل ده غيرك . عشان كده جيت و حكيتلك.
ادهم/عشان خايفه اعمل حاجه في مريم بسببك.
نور بسخريه./انت السبب في كل ده يا ادهم. مريم اتاذت منك و انا دلوقتي بتاذي بسببك .
ادهم اتنهد بهدوء./انا بحب مريم يا نور. و مفيش اي حاجه ممكن تأثر علي حبي ليها. انا مش بس بحبها انا بعشقها مستعد اعمل اي حاجه عشان اخليها اسعد واحده. انا مش ببرر موقفي قدامك و اني مش غلطان . عشان انا غلطان اوي. بس انا بحب مريم بجد يا نور .عايزك تساعديني احسن علاقتي بيها. عشان انا مش هقدر ابعد عنها ثانيه واحده.
نور بصت عليه بتفكير . /بس لو حسيت انك ممكن تاذيها.
ادهم /اعملي اللي انتي عايزاه يا نور و تقدري تخليها تطلق مني . بس عشان خاطر مريم . انا عايز اساعد نفسي و اساعدها. انا مش عايز يكون فيه ذكري للماضي لمريم عايز اعوضها عن كل حاجه حصلت . و عايزك تساعديني ممكن .
نور حركت رأسها بابتسامه و هي شايفه حبه الواضح في عيونه.
نهاية Flash back ..........
