رواية المجنونة الفصل السادس والعشرون 26 بقلم اليا

   

 

 رواية المجنونة الفصل السادس والعشرون بقلم اليا


دخل ملقاهاش ، بعـد ما قلب البيت عليها بح صوته من كـثر ما نده عليها ، قريب قلبه وقف ، عامـر اجا شاوله يلحقه و حاطط صباعه على بقـه بيطلب منه يفضـل هادي ..

   معـاذ مريح راسه على الكـنبة بيشرب من الكباية القهـوة _ " اخر توقعاتي يكونو نايمـين دول شبه ميتين محدش منهـم صحى على صواتنـا .. " 

   عامـر تنهد _ " زيـاد بقاله فترة مبينمش كـويس ، يا مشغـول باله بيها يا لاحقـها .. " 

   معـاذ _ " حتى ليـن نومـها قليل بتفيق أكـثر من مـرة فنص الليل و بتفـضل قاعدة فالظلمة لوحدها .. " 

   عامـر ابتسم _ " انت واخد بالك من التفـاصيل ديه ابوها بنفـسه ميدراش عنـها .. " 

   معـاذ كشر _ " انـا أبوها .. " 

   عامـر بيقوم واقف ، بهداوة _ " معـاك حق ، الاب هـو اللي بيحب يحن و انت أديتها الامان اللي عمر مهـاب ما عرف يدهولـها همشي دلوقتـي عشان ميشكـش فيـا .. " 

نزلت من فوق بتثـاوب و تتمطع بعـد ثلاث ساعات نـوم مشيت مع أبـوها من سكات من غـير ما تفيق زيـاد ، اه نـامت فحضنه بتعـيط بس مسامحتهوش ..

   معـاذ طرقـع صوابعـه قدام عينـها يفيقها _ " مشـوار الطـريق كله منطقتيش العربية من ربـع ساعة راكـنة مخدتيش بالك مسألـتيش نحن بنعمل ايه هنـا .. " 

    ليـن بتبص حوالينها _ " احنـا بنعمل ايه قدام المطعـم ده .. " 

   معـاذ _ " أعرفك بواحد من سلسلة المطاعم بتعـتي و جينـا نعمل حصة علاج نفسي لبنـوتي .. " 

   ليـن كشرت _ " بس أنـا مش محتـاجة علاج ، انت عازم الدكـتور على مطعمك .. " 

   معـاذ ضحك _ " حاجة شبه كـده .. " 

   ليـن  بهداوة _ " مش محتـاجة علاج صدقنـي .. " 

   معـاذ نزل من العـربية ، مد لـها ايده _ " بتثقـي في بـابـا .. " 

اترددت لكم ثـانية بـس عطته ايدها ، نـزلت و دخلت معـاه المطعم مبهـورة بكبره و جماله و عكس ما توقعت مقعـدهاش على كـرسي و خلاها تستنـى دكـتور يوجع راسها بالاسئلة لا دخلها على المطبخ معـاه ..

   معـاذ بدخلته جذب انتبـاه الكل _ " كلو يسيب اللي فإيده ، اليوم جبتلكم متدربة جديدة .. " 

   ليـن بتحاول تستوعب ، همست _ " انـا المتدربة ؟.. " 

   معـاذ واخد بالـه من ردة فعلها ، ضحكـته بـس حافظ على جمـود ملامحه _ " المتدربة الجديدة بنت حد عزيز عليـا ، يعني تعـاملوها باحترام و تعليموها بالراحة خالص .. " 

   ليـن من عند جملة بنت حد عـزبز عليا دماغها قفلت _ " بـا بـ .. " 

ابتسملها و مشي ، مسبلهاش مجال تستوعب عشان تعـرف تعترض واقفـة متوترة كلهـم بيبصولـها بنظرات استغـربتها و في وحدة من وسطهم نطت رافعـة إيدها ..

   " هاخدها تغـير هدومها .. " 

   البنت شدتها من ذراعـها دخلتها لاوضة التبـديل و عطتـها الهدوم اللي المفروض تلبسها ، بتكلمها من ورا البـاب ..

   " انت اسمك ايه ، انا زينب متحمسة اوي اتعـرف عليكي ، انا اخر وحدة انضميت للفـريق ده كنت حاسة بالوحدة كلهـم مش طايقين نفـسهم حتى .. " 

   تنهدت _ " اسمي ليـن .. " 

   " اسمك حلو اوي ، انت عارفة هما كانو بيبصولك كـده ليه عشان معاذ بيه عمره ما شغـل حد بالواسطة و قال عليكي بنت واحد هـو عزيز عليه ..  " 

   ابتسمت _ " ايوة بنت واحد عـزيز عليه .. " 

   " واحد صاحبه أكـيد غني و معاه فلوس كـثيرة ليـه هيطلب منه يشغل بنته فمطعـمه مش فاهمة ، المهـم اجيتي على المكـان الصح لتتعلمي ، كفاءات اللي هنـا كلها ممـتازة و خصوصا الشيف على قد ما خبير في الطبخ ، خبير في سرقة قلوب كل البنـات اللي شغالين هنا ، موز يا نـاس .. " 

مسكتتش ، زينـب عطتها تقـرير شـامل عن كـل حاجة ولـولا البنت اللي جت تستعجلهم يطلعـو كانت لسـا هتكمل رغي ..

   بتريقـة _ " المتدربة الجديدة و الأجدد ، كنت بتجهزيها لفـرح ولا ايه كـل ده عشان تديها هدوم الشغـل .. " 

   زينـب اتنحنحت _ " آسفـين لحضرتك يا شيف آدم .. " 

   آدم ضـرب على الطـربيـزة بإيده ، قاصد ليـن _ " انت مستنـياني اعـتذر بدالك و لا ايه يا آنسـة .. " 

   ليـن رفعت وشـها و بصت في عيونه _ " ليـن .. "  

   آدم بتريقـة _ " مليش دعـوة بالاسماء مبحفظهـاش هي صحبتك مقـالتلكيش على أول قاعدة ؟.. " 

   ليـن بهداوة مصممة تتحداه _ " لا مقـالتليش .. " 

   آدم _ " مبحفضش اسماء و الاسـم اللي ندهتلك بيه هـتردي عليا مفـهوم .. " 

   زينـب بصت على ليـن لقـتها بتبحلق فيه ، من غير ما ترد _ " انـا هفهـمها .. " 

   آدم بغـيظ _ " يكـون أحسن ، يلا انت و هيـا على البطاطس على طول قشروها ، راجع بعد شوية أشوف شغلكو ماشـي زاي و بلاش تكبو نص البطاطا مع القـشر .. 

   زينـب خدت نفـس بعد ما مشي _ " كـتم على نفسنـا ، اه حلو زي ما قلتلك بس نكـدي ، مخفـتيش ؟.. " 

   ليـن _ " هخاف من ايه ؟.. " 

   زينب ايدها على وسطـها _ " تنطردي ولا مطمنه عشان الواسطة الشيف ادم لـو طردك معـاذ بيه مش هيعـترض يعني الواسطة مش هتفيدك معـاه .. " 

   ليـن ضحكت _ " خلينا نشوف هيقـدر ولا لا .. " 

   زينـب مصدومة _ " يا بنتـي انت مجنونة لا مشـ وقته الكلام ده خلينا نقـشر البطاطس قبل ما يرجع يقشرنـا .. "  

مبتعرفش تمسك بططساية هتقـشرها زاي ؟ زينـب بتعلمها بالراحة رغم انها بترغي كـثير و وجعت لـها دماغها بس الطيـبة باينـة عليها

   زيـاد بينده ..

   " فاطمـــــة .. " 

   مفـيش رد ..

   " سلـــــوى .. " 

   برضو مفـيش رد ، اتعصب ، زعـق  ..

   " فــــــرع البطـــــاطس .. " 

   زينـب مشغولة بالرغـي اول ما سمعت الجملة افتكـرت القاعدة و لفت على طـول .. 

   " آنـا اسفـة مخدتـش بالي .. " 

   ادم زعـق _ " قشـري من سكـات محدش نـده عليكي .. " 

  وجه كـلامه لليـن بس مدياه ضهـرها ، مبتردش ، اتعصب زيـادة .. 

   " سعــــاد .. " 

   " يا نــــــدى .. " 

   " يـا بططســـــاية .. " 

   زينب نكـزتها بالراحة ، من غـير ما ياخد باله _ " ردي عليه بيـنده عليكي .. " 

   ليـن بتريقة _ " قلبت معاكي بططسـاية ولا ايه ، لما ينده بإسمي هـرد عليه .. " 

   زينـب بتلطم _ " ردي حرام عليكـي بتعصبيه .. " 

هـزت كتفها بلامبـالات خلت الدم يغلي فعـروقه راح واقف قدامـها على صوته ..

   " بنده عليكي مبترديش لـيه ؟.. " 

  بصت في عيـونه بتتحداه _ " ببساطة مسمعتش اسمـي .. " 

   بتريقـة _ " نسيتـي أول قاعدة بالسـرعة ديه .. " 

   ليـن _ " مبتحفـظش اسامي ، انـا مفتكرش قواعد بسـيطة .
تعليقات



×