رواية امتلكني بالاجبار الفصل الثامن والعشرون
ادهم بغضب لـ ليلي ./انتي بتعملي كده ليه . عايزه تقتليني ليه . هو في أم تعمل كده . ردي عليا ليه بتعملي كده .
ليلي بصتلهم بحقد و غضب . /مش ابني . انت مش ابني.
ادهم بغضب./لا انتي اتجننتي خالص . انا كان لازم اخليكي خارصه بجد .
مريم بصت عليهم بصدمه .
ليلي بعصبية./انت مش ابني . و لا عمرك هتكون ابني . انت ابن الخدامه .
ادهم بلع ريقه بتوتر ./انتي قصدك ايه . انتي ليه بتعملي كده فهميني لييه.
ليلي بغضب ./انت مش ابني . و كفايه اني استحملت اللي انت عملته فيا . كل اللي انت فيه ده من حقي انا . انت سرقت كل حاجه . حتي انا سرقتني و حكمت عليا اكون خارصه طول حياتي . بس انا مش هسيب حقي .
ادهم بغضب./عشان انتي خونتي ابويا و قتلتيه . من كرم ربنا انك عملتي حادثه . بس انتي ازاي بتمشي . ازاي كل ده حصل . ليه عملتي كده خونتيه و قتلتيه و عايزه تقتلي مراتي و تقتليني ليه كل ده .
ليلي بغضب و كره./مخنتوش هو اللي خاني هو السبب في كل ده.
ادهم بص عليها بعدم فهم./خانك . ازاي . ردي عليا قوليلي ازاي.
ليلي بحقد ./ايوه هو اللي خاني . خاني مع الخدامه اللي مرديتش تعرفه أنها حامل غير قبل ما تولدك بأسبوع . و ماتت بعد ما ولدتك و عرفني كل حاجه . و هو كان طاير بيك و كان لازم يخليك معاه لأن هو ابوك . و طبعا عشان مفضحوش كان لازم يسكت عن خيانتي ليه . حتي بعد ما مات كأنه سابك ليا عشان تكون نسخه منه بعد ما يموت .
مريم حطت ايديها علي وشها بصدمه و هي بتبص علي ادهم اللي هز رأسه برفض ./لا انتي كدابه . انتي بتقولي كده عشان تنتقمي مني . عشان محدش يعرف خيانتك غيري . انتي عمرك ما حبتيني و لا اعتبرتيني ابنك .
ليلي بغضب اكبر./عشان انت مش ابني و لو عملنا تحاليل انا و انت هتتاكد بنفسك و تقدر تسال نصار السيوفي هو الوحيد اللي عارف كل حاجه . انت ابن الخدامه اللي جه و سرق مني كل حاجه. حتي لما ابوك مات كان كاتب كل حاجه باسمك . كل اللي انت فيه ده من حقي .
ادهم ضحك بهيستيريا. / انتي بتعملي كده ليه . كفايه انتقام ربنا منك عملتي حادثه و قومتي منها بمعجزه . حتي انا كنت كل مره باجي اخد حق ابويا منك كنت بضعف قصادك . دمرتي حياتي يوم ما كنتي السبب في موت ابويا . و دلوقتي جايه تدمري حياتي بسبب طمعك .
مريم قربت علي ادهم بدموع . بس هو حط أيده قصاد وشها .
ادهم بغضب./متقربيش . خليكي بعيد .
ادهم قرب علي ليلي بحزن ./تعرفي اني كنت هخسرها بسببك . عارفه اني اتجوزتها غصب عنها بسببك . كانت بتضايق مني لما بتشوف معاملتي معاكي ........بص علي مريم بدموع و كمل .... فهمتي كنت بعمل كده ليه . دي شيطانه يا مريم . طب انا ذنبي ايه . ليه معتبرتنيش ابنك . طب ليه عايزه تقتليها هي ذنبها ايه . و انا . انا كمان ذنبي ايه .
ليلي بحقد./ذنبك انك بسبب امك ورثت كل حاجه. خدت مني كل حاجه .... بصت علي مريم بكره....هي ملهاش ذنب . ذنبها الوحيد أنها مراتك . كنت فاكره انك هتبقي تحت طوعي و تقدر الجميل اللي انا عملته معاك بدل ما كنت اقتلك و اخلص منك .
ادهم مسح علي وشه بسخريه و دموع./اه فعلا كتر خيرك . ده انا حتي و انا فاكر اني ابنك كنت كارهك . طب هو غلط لما خانك. ليه قررتي نفس الغلط و موتيه بحصرته . هو صلح الغلط ده لما اعترف بيا . انتي لييه عملتي كده . انتي شيطانه .
ليلي ضحكت بسخرية./شيطانه . طب و انت مش شيطان . اغتصبت البنت و خليتها تنتحر بسببك . و لما أهلها قرره ينتقمه انتقمه فيا لما عملولي الحادثه . و مراتك مش اتجوزتها غصب و هددتها . و كمان معيشها معاك غصب . هي كمان حاولت تنتحر بسببك . كل ده ايه يا ادهم .
ادهم بغضب ./اطلعي بره . امشي مش عايز اشوفك . انتي واحده مريضه امشي من حياتي .
ليلي بصتله بحقد./همشي بس لسه في بينا حساب يا ادهم .
ليلي سبته و مشت . ادهم حط أيده علي دماغه بتعب ./اكيد هتكون مش امي ....ضحك بسخريه..... ما هو مفيش ام تعامل ابنها كده . هددتني و انا صغير أنها هتقتلني لما شوفته خارج من اوضتها . لما بابا مات رمتني و كانت بتجيلي كل كام شهر . اه اكيد هي مش امي . طب انا مقدرتش ائذيكي حتي و انا عارف انك السبب في موت بابا . ليه عملت فيا كده لييه.
قال كلامه الاخير و هو بيخبط رجله في السرير بغضب و قعد علي السرير بتعب و هو حاطط رأسه بين ايديه. مريم وقفت تبص عليه من بعيد بدموع و قربت منه بخوف من حالته .
مريم حطت ايديها علي ضهره بتردد .ادهم بصلها بطرف عينيه . و كمل بدموع./حاسس اني عاجز يا مريم . كأني بكتشف حياتي من اول و جديد . طلعت عايش في كدبه.
مريم مسكت أيده بتوتر . و كملت و هي بتمسح دموعه ./انت اقوي حد انا شوفته في حياتي . حياتك زي ما هي متغيرتش . يمكن باباك محبش يقولك علي السر ده عشان كان خايف عليك أو كان فاكر أنها ممكن تعتبرك ابنها . بس الغلط مش عندك انت مش غلطان في حاجه . و هتفضل ادهم اللي انا عرفته اقوي حد في الدنيا و مفيش حاجه ممكن تكسره .
ادهم ابتسم وسط دموعه ./ تعرفي أن عندها حق في حاجه واحده . اني وحش فعلا يا مريم . بدل ما اقربك مني كرهتك فيا من اول مقابله . و بدل ما اصلح اللي عملته عملت اسوء منه . بس الحاجة الوحيدة الصح اني بحبك يا مريم بحبك حتي و انا عارف انك عايشه معايا غصب .
مريم بصتله بدموع و ابتسمت بهدوء./انا مسمحاك يا ادهم . و مصدقك انك بتحبني . انت مش وحش يا ادهم . انت قوتك و جبروتك سيطره علي مشاعرك . بس انا لما قربت منك و عرفت ادهم الحقيقي . سامحتك و صدقتك .
ادهم ابتسم بفرحه و سحبها لحضنه . /محتاج انام و انتي في حضني يا مريم .
مريم ابتسمت بهدوء و دخلت في حضنه اكتر .
_______________________________
اماني وقفت قصاد أوضة نوران بخوف لحد ما اتشجعت و خبطت .
نوران فتحتلها الباب و بصتلها بقرف ./ عايزه حاجه .
اماني ./ممكن نتكلم جوه .
نوران دخلت بهدوء .و اماني قفلت الباب وراها و دخلت .
نوران بضيق./في ايه بيني و بينك عشان نتكلم فيه جوه .
اماني طلعت الفلاشه بثقه ./في دي .
نوران بصتلها بتوتر ./ايه دي و انا مالي بيها .
اماني بثقه ./لا مالك بيها .انا عارفه ان دي الفلاشه اللي علي بيهددك بيها . بس الفلاشه دي معايا حبيت اهديكي شويه من تهديده ليكي .
نوران اتنهدت بهدوء ./ يعني انتي ممكن تديهالي .
اماني ./بشروطي . تعملي اللي انا عايزاه اديهالك.
نوران بضيق ./ايه هي شروطك.
اماني ./عايزه تذكرة سفر لأي بلد غير هنا . انتي عارفه طبعا علي لو عرف ممكن يعمل ايه . و عايزه مليون جنيه في البنك . و الفلاشه مش هتخديها غير لما اروح المطار عشان اطمن أن مفيش اي غدر منك .
نوران بسخريه. /و مش خايفه اقول لـ علي .
اماني هزت راسها برفض و ثقه . /انتي عارفه لو علي عرف ممكن يعمل فيكي انتي ايه . الفلاشه دي ممكن توديكم انتو الاتنين السجن و تديكم اعدام كمان . و اكيد عارفه ان ادهم نصار ممكن يعمل اكتر من كده عشان خاطر الفلاشه دي.
نوران اتنهدت بتوتر ./انا هعملك اللي انتي عايزاه بس اديني فرصه اسبوع او اتنين اجهز في الحاجه .
اماني بهدوء ./ماشي هستناكي أسبوعين بس اكتر من كده انا هروح لـ ادهم نصار . بس انا شايفه انك تستاهلي الفرصه دي اكتر مني .
و سيبتها و مشت . و نوران قعدت علي الكرسي بتعب ./كان نقصها هي اماني دي كمان . بس مش مهم المهم أن علي مش هيعرف يعمل حاجه طول ما الفلاشه معاها.
_________________________________
تاني يوم ......
مريم فتحت عينيها بهدوء و هي بتبص علي ادهم اللي نايم بعمق . مريم ابتسمت بهدوء و حركت ايديها علي شعره و وشه بحب ./ مش عايزه ابعد عنك يا ادهم . في حاجه مخلياني مش قادره ابعد . بس اللي اعرفه ان انت برئ فعلا يا ادهم . و قلبك طيب . امبارح بس صدقت أن انت مستحيل تكون عملت كده في نوران . بس مفيش مانع لو عاقبتك شويه .
مريم ضحكت و قربت منه بكسوف بسته من خده و دخلت الحمام .
بعد شويه مريم طلعت و بصت عليه بضيق أنه مصحيش لحد دلوقتي . مريم وقف قدام المرايا تسرح شعرها . بس شهقت بخضه لما ادهم سحبها من وسطها لحضنه .
مريم بصت علي انعكاسه في المرايا و ابتسمت بهدوء . /صباح الخير .
ادهم دفن رأسه في شعرها بحب./كنتي سرحانه في ايه .
مريم لفتله و هي بتبعد بضيق مصتنع ./انت اللي خضتني .
ادهم حاصرها بين التسريحه . /قولي انك كنتي سرحانه فيا .
مريم حطت ايديها علي كتفه بدلع./ ايوه كنت سرحانه فيك و مضايقه عشان كنت نايم و سايبني .
ادهم دفن رأسه في رقبتها بتوهان./ يبقي هقعد معاكي انهارده عشان نعوض الزعل ده .
مريم غمضت عينيها و فتحتها بتعب . /بجد يا ادهم هتفضل معايا انهارده .
ادهم مهتمش لصوتها . و بقي يبوسها في رقبتها بتلذذ . مريم زقته بتعب و جريت علي الحمام و فضلت ترجع .
ادهم سندها بقلق./مريم . في ايه .
مريم مسكت بطنها بتعب . و ادهم غسلها وشها و سندها لحد السرير بقلق .
ادهم حرك أيده علي وشها./انتي تعبانه في حاجه وجعاكي .
مريم هزت راسها برفض و تعب ./لا ده انا ممكن خدت برد في معدتي.
ادهم رجع شعرها بعيد عن وشها بحنان./طب أطلبلك الدكتور نطمن عليكي.
مريم هزت راسها بخوف ./لا يا ادهم مش مستاهله انا هبقي كويسه .
ادهم هز راسه بعدم اقتناع . و سكت بقلق.
______________________________
عند معتز كان قاعد سرحان لحد ما سحب تليفونه و كلم نور .
نور بصت علي التليفون بتوتر بس سحبت التليفون و ردت عليه ./صباح الخير
معتز ابتسم بهدوء لما سمع صوتها ./صباح النور . عامله ايه .
نور ./كويسه و انت .
معتز باحراج و هو مش لاقي سبب لمكالمته ليها ./انا كنت بكلمك بخصوص شغل لو فاضيه ممكن اعدي عليكي و نتكلم .
نور ابتسمت بهدوء./شغل ايه .
معتز . /الصراحه انا كنت محتاج سكرتيره و انا عارف ان معاكي كورس في كذا لغه و هتبقي السكرتيرة الخاصه بتاعتي .
نور اتكلمت بتوتر . / بس انا لسه مخلصتش كليه و مش هعرف اكون موجوده علي طول .
معتز ./استني لما تعرفي نظام الشغل ايه الاول و بعدين فكري براحتك . هعدي عليكي بليل .
نور ./طيب ماشي.
معتز قفل بضيق من نفسه ./و لما تخليها السكرتيرة بتاعتك كده هترتاح يعني .......بس ابتسم بفرحه .... مش مهم المهم هتكون قدام عيني علي طول .
________________________________
ادهم مسك صورة والده اللي قصاده علي المكتب و غمض عينه بدموع ./ انا مسامحك و مش زعلان منك . بس مش هسيب حقك . لو زمان كنت ساكت عشان هي كانت أمي . انما دلوقتي هي مبقتش امي و مش هسيب حقك مهما حصل .
ادهم عمل مكالمه و قفل التليفون و غمض عينه بتعب .
كاميليا دخلت عنده ببراءة و مسكت أيده ببراءة ./عمو ادهم . اصحي . عمو ادهم .
ادهم ابتسم عليها بهدوء و فتح عينه ./حبيبت عمو ادهم . عامله ايه
كاميليا هزت كتفها ببراءة ./ كنت بصحيك بقالي كتير .
ادهم حرك أيده علي شعرها بحب ./ كنت سرحان شويه حقك عليا . قوليلي بقي عملتي ايه في الامتحان.
كاميليا ضحكت بفخر ./ كويس طبعا.
ادهم ضحك عليها بهدوء. / ده عشان انتي شطوره .
مريم ابتسمت عليهم بهدوء و دخلت عندهم . و حركت ايديها علي شعر كاميليا. /يلا اطلعي غيري هدومك عشان الغداء .
كاميليا هزت راسها ببراءة و مشت .
مريم وقفت قدام ادهم بهدوء. /هي صممت تدخلك لما عرفت انك هنا .
ادهم مسك ايديها بحب . /مش هقدر اوصفلك انا بقيت احبك و احبها قد ايه . انتو عيلتي يا مريم . و انا وعدت نفسي و وعدتك اني هفضل احافظ عليكم طول عمري .
مريم ابتسمت بهدوء و حركت ايديها علي وشه . /ربنا يخليك لينا .
ادهم بص عليها بخبث ./احنا اطورنا اوي الفترة دي .
مريم بعدت ايديها بكسوف . /طب يلا عشان الغداء.
ادهم سحبها لحضنه بهدوء و دفن رأسه في رقبتها بتلذذ./انا محتاجلك اوي يا مريم .
مريم رفعت ايديها بخوف . بس بعدت لما حست بايده بتتحرك علي جسمها .
مريم نزلت راسها بكسوف ./مش هينفع يا ادهم .
ادهم اتنهد بضيق ./الظاهر اني فهمت غلط لما افتكرت أن ممكن تحبيني يا مريم .
مريم قرب منه بخوف ./ادهم لو عاوز تقربلي انا مش همنعك . بس انا مش قادره اخل...
ادهم قاطعها بضيق . /مش قادره تطمني معايا يا مريم . لسه بتخافي مني . لسه مش مصدقاني و عايزاني اطلقك .
مريم دخلت في حضنه برفض و هي بتتمسك فيه ./لا يا ادهم .مش عايزه ابعد عنك و لا عايزه اطلق . عايزه اكون معاك . انا عمري ما حسيت بالأمان و الحب قد ما حسيته معاك يا ادهم .
ادهم اتنهد بهدوء و حضنها ./ عمري ما هسيبك يا مريم .
مريم غمضت عينيها بحب و دفنت راسها في صدره .
__________________________________
عند نور و معتز .
كان معتز عدي عليها و راحه المطعم .
نور بتوتر ./احنا متكلمناش في اي حاجه ليها علاقه بالشغل من ساعة ما جينا.
معتز ابتسم بهدوء./ أنا شايف أن هي فرصه حلوه ليكي كفايه انك هتكوني معايا .
نور ضحكت عليه بهدوء./ده غرور و لا ايه .
معتز بص عليها بحب ./دي ثقه انك هتقبلي اكيد . عموما انتي هتكوني السكرتيرة بتاعتي و هتكوني معايا في كل اجتماع هحضره و في الشركه كمان . و تقدري تخلي كليتك وقت ما تحبي و تيجي .
نور ابتسمت بتوتر ./هو اكيد عرض زي ده كويس اوي . بس انا مش فاهمه حاجه في الشغل بتاعكم حتي التدريب بتاعي بيكون في شركة سياحه .
معتز ابتسم بهدوء./كل ده سهل و هتتعلميه بسرعه و انا هعلمك كل حاجه خطوه بخطوه . فكري براحتك و ردي عليا .
نور هزت راسها بتفكير و ابتسمت بهدوء.
___________________________________
فات اسبوع من غير أي أحداث .
___________________________________
ادهم كان قاعد هو و مريم بيفطرو بهدوء . تحت نظرات ادهم اللي كان بيفتكر تعب مريم اللي زاد الايام اللي فاتت .
ادهم بص عليها بهدوء ./مريم انتي مش ملاحظه ان تعبك زاد الفترة دي . علي طول دايخه و بترجعي . انا شايف اننا نشوف دكتور و نطمن عليكي .
مريم ابتسمت بتعب ./يا ادهم ده دور برد و كام يوم و هبقي كويسه والله.
ادهم بضيق ./مريم انتي بقالك اسبوع بتقولي كده . مش هنخسر حاجه لو اطم...
ادهم بص علي التليفون بتاعه بضيق و رد عليه .
مريم بلعت ريقها بتوتر . مريم لنفسها./معقول اكون حامل..بس لا اكيد لا ...
ادهم قفل التليفون بهدوء و بص علي مريم بتوتر . /باباكي اتقبض عليه و عايز يشوفك .
مريم بصتله بصدمه و دموع ./بابا . ليه ايه اللي حصل يا ادهم .
ادهم مسك ايديها بهدوء ./اهدي يا مريم . هنروح و نعرف ايه حصل .
مريم هزت راسها بدموع و قامت تلبس ....
