رواية مشاعر متلغبطه الفصل الثاني بقلم زواله رجا
"فيها ايه ياكريم دول اخواتك يعني "
"أنتِ عبيطة يابت!!! هما عشان اخواتي تقعدي قدامهم كده اتعدلي "
"مش قصدي ياكريم بقول يعني اخواتك هيبصولي ليه وانا مش في نيتي حاجة انا نزلت اناديك وطالعه على طول من اللهفة بس جريت عليك "
"متنزليش كده برضو انا مش فاهم ايه المُبرر انك تنزلي بلبس البيت يعني وبعدين هيبصولك مش هيبصولك مليش فيه انا تلبسي عدل "
"انت بتغير من اخواتك "
"انا اغير من أي حد إن شاله ابويا متنزليش قدامه كده برضو "
"ومحمود اخوك"
"نعممم!!! ده بذات لا تختلطي بيه ولا تسلمي عليه بالكلام حتى اديني بعرفك اهو عشان مقلبش عليكي"
"للدرجادي واشمعنا محمود هو عشان اخوك من الأب يعني "
"بقولك ايه الي أقوله يتسمع بدون دخول في تفاصيل محمود بالذات إبعدي عنه انس وعمار اخواتك ومن غير رغيى كتير"
(اسما في نفسها ) يلهوي امال لو عرف إننا بنتكلم هيعمل ايه بس ده اخويا !
هزت رأسها، وابتسمت بلطف ،
"أنت بتستفزني بجد."
كريم: وهو مش مركز، نظر إليها لثواني وسرح فيها ثم رد بصوت بارد:
كريم: "ماشي، خلاص. يلا نطلع "
شوية لحظات من الصمت مرت بينهما، ثم كريم طلع السلالم بسرعة ، هو مش فاهم نفسه ولا مشاعره. كل اللي كان يعرفه إنه مش قادر يفهم هو بيحبها بجد ونسي نرمين نهائي ولا متلغبط ، في شيء كان مش واضحله.
خدته ودخلت تجري على الشقة
"كريم بص"
"بصيت انا من ساعة ما طلعت وانا مشيتلتش عيني من عليكي أصلاً اعملك ايه تاني" سرح
"كرريييم في حاجة مهمة "
"انا نفسي اعرف ليه بتنادي عليا وانا باصصلك ليه! انا مش اخر الشارع سيبيني وانا سامعك"
"اصل بحسك مش معايا بجد "انا مش مع حد غيرك دلوقتي وربنا احكي "
"طيب عايزه اقولك على حاجة مش عارفه هتزعلك ولا لأ "
"خير انا مبحبش المفاجاءات بكرها"
"ليه يعني"
مبحبهاش وخلاص بصي مهدي كده واحدة واحدة متفاجئينيش"
"امهدها ازاي دي بص هو مش انت خطبتني 'اه' وعقدت القيران 'اه' واتجوزتني، 'سبحان الله اه' بس فاضل ان انت..."
لأ مش فاضل حاجة وربنا انا عملت كل الي عليا بالله عليكي متوجعيش دماغي انا عايز انام
"استنى بس"
كريم مش مركز خالص متلغبط ومش عارف يفهم تلميحاتها عشان دماغه مش معاها أصلاً في صراع مابين حبه القديم ومراته حاسس انها عاجباه وفي شعور غريب ومركز عليها /هل حبها ولا لأ!
لأ انا عارف كلامك هتقوليلي فاضل تعمل كذا وكذا عشان تأكدلي انك بتحبني حتى بعد ما اتجوزتك مفيش فايدة هيكون فاضل ايه تاني اوديكي الساحل طيب وكده انا في السليم بصي انا عارف اني مقصر معاكي بس غصب عني يدوب اتجوزنا ونزلت الجيش ملحقتش اوديكي حتة لو ده الي عايزاه ماشي هاخرجك
"لأمش قصدي كده يابني ..."
"اوعي تقوليلي لسه مش واثقه فيك"
اصل من ساعة ما خطبتك وأنتِ كل شوية تقوليلي انا خايفه ومش مطمنالك زي كإني ماشي معاكي قولتلك طب انا دخلت البيت من بابه وكتبت الكتاب وبرضو عدتي نفس الكلام وقولتلك انا كاتب عليكي يعني اعمل ايه تاني ويوم الفرح قوليتيلي هتسيبني برضو وانا واخدك ومروح اسيبك ازاي مش فاهم ،ودلوقتي اتجوزتك
ناقص ايه تاني ومعملتوش انا جاي عشان ارتاح مش جاي عشان تفضلي تقوليلي الكلام الي زهقت منه ده !
"كريم هو انا تقيلة عليك للدرجادي! حتى مش قادر تسمعني وبتحط كلام من دماغك ملوش علاقة بالي انا عايزه أقوله ،ده معناه انك عايز تقولي كده من زمان بس مش لاقي فرصة فا جيت تدهوملي مرة واحدة مع اني مجبتش سيرة أي حاجة من دي !"
"كريم انت مش معايا أصلاً بتقولي معاكي بس سرحان معرفش سرحان في إيه يمكن بتفكر في حاجات نفسك تقولهالي عشان كده قولت كلام عجيب فجأة "
(كريم بيفكر ) يمكن بطلع مبررات وخلاص عشان اهرب منها وجودها جنبي تاعبني شكلها حلو وحاسس إحساس غريب عيونها جنتني البت انا باصصلها ومش مركز هي بتقول ايه أصلاً وعليها واحده كريم بتوديني في داهيه انا بجد حبيتها ونسيت نرمين ! يعني لو ظهرت في حياتي تاني مش هحس بحاجة ؟
"لأ انا معاكي بس بصي انا تعبان شوية ومش عارف أنا بقول ايه اصلاً كل الي عايزه اني ارتاح دلوقتي ونتكلم بعدين إشطا؟"
"بص ياكريم لو زهقان مني اوي كده فا هي كلمة واحدة وخلص الموضوع "
انا ...
شكرا لزيارتكم عالم روايات سكيرهوم
