رواية امتلكني بالاجبار الجزء الثاني الفصل الثاني
مريم فتحت كاميرا الفيديو كول بهدوء و هي مستنيه نور ترد عليها .
نور فتحت و ضحكت بحب ./وحشتيني اوي .
مريم ابتسمت بدموع ./و انتي كمان والله . زين و وعد عاملين ايه وحشوني اوي .
نور ابتسمت بتعب ./الحمدلله نامو يا ستي .
مريم ضحكت بهدوء ./الحمدلله ريحوكي شويه .
نور اتنهدت بهدوء ./ الحمدلله . ها المهم عملتي اي مع الزفته دي .
مريم اتنهدت بهدوء ./عايزه اكلمها .
نور بصدمه ./نعم . انتي اتجننتي بعد ما كنتي مش طايقه ادهم عشان أتنازل عن القضيه.
مريم بهدوء ./يا نور افهمي البنت فعلا باين عليها اتغيرت . انا شايفه أن ليه منبقاش مع بعض كلنا . و اللي خلاني سمحت ادهم يخليني اسمحها .
نور اتنهدت بضيق ./مريم انتي بنفسك قولتي أن ادهم كان طول الوقت بيحاول يصلح كل حاجه عملها . و انتي سمحتيه عشان حبتيه يا مريم . انما دي واحده مريضه انا اه مع ادهم أنه اتنازل علي القضيه بس مش مع جنانك ده .
مريم ضحكت بتعب و سكتت .
معتز سحب التليفون من نور . و ابتسم بهدوء ./ انتي خايفه احسن ادهم يقربلها يا مريم أو ترجعه ليها . فـ عايزه تقربي منها عشان تمنعيها .
مريم هزت راسها برفض . و ابتسمت بهدوء ./ادهم مكنتش معاها و لا ليها عشان ترجعه و انا واثقه في ادهم اكتر من نفسي . كل الحكايه أن البنت فعلا اتغيرت و ادهم اتعامل معاها وحش اخر مره .
معتز ابتسم لـ نور بسخريه ./بنت خالتك دي غريبه اوي يا نور .
نور خدت التليفون بضحك ./مريم بطلي جنان يا حبيبتي و اعقلي . و اللي ادهم عمله هو الصح و بلاش طيبة قلبك دي .
مريم هزت راسها بهدوء ./هقفل دلوقتي عشان اشوف دنيا .
نور ابتسم بهدوء و قفلوا .
________________________________________
عند ادهم .
ادهم اتنهد بهدوء و هو بيبص علي صورته هو و مريم اللي محطوطه علي المكتب . ادهم ابتسم بهدوء و سحب الصوره و فضل باصص عليها بحب .
نصار دخل بهدوء . ادهم حط الصوره قدامه و ابتسم بهدوء . /نورت والله يا عمو .
نصار قعد قصاده بهدوء ./انا جيت عشان ائكد عليك ورق الشركه الجديده .
ادهم ابتسم ./متقلقش اكيد مش ناسي . و عملت حملة اعلانات كبيره للشركه . متنساش أن قصاد الناس دي اول صفقه بينا بعد سنين .
نصار بهدوء ./ و مش الاخيره انشاء الله .
ادهم ابتسم بهدوء .
نصار اتكلم بتوتر ./ عايز اتكلم معاك بخصوص اللي حصل .
ادهم اتنهد بهدوء ./عمي انا عملت اللي انت عايزه و اللي يريحك عشان ده اللي يهمني . بس انا نوران اذتني كتير اوي و اذت مراتي و حياتي و كانت هتاذي ابني . انا مقدر خوفك عليها و انا كلمت ناس كبيره اوي تدور علي على عشان حضرتك متفضلش قلقان .
نصار ابتسم بهدوء ./شكرا يا ابني . انا مقدر كل ده . بس ممكن نحاول نديها فرصه . يمكن تكون اتغيرت بجد . الفترة اللي قعدتها في السجن مكنتش قليله . و انا واثق أنها اتعلمت و اتعلمت جامد اوي .
ادهم هز راسه بهدوء .
_______________________________________
ادهم دخل الاوضه بهدوء و هو مش سامع صوت اتنهد براحه لما اتاكد أن دنيا و عز نايمين . ادهم قرب بهدوء علي مريم اللي كانت نايمه علي السرير بتعب . ادهم قعد جنبها و حرك أيده علي خدها بحب و ميل باسها بحب . مريم فتحت عينيها و ابتسمت بنوم . مريم بهمس ./ادهم انت جيت.
ادهم ابتسم عليها بحب و حرك أيده علي شعرها بحنان ./شكلك تعبانه اوي .
مريم هزت راسها بنوم ./ طول اليوم مع عيالك و الاتنين مطلعين عيني .
ادهم ضحك عليها بهدوء ./ كملي نومك يا حبيبتي . و لو حد صحي هلعبهولك شويه .
مريم اتعدلت بهدوء ./ لا خلاص مش هنام . انا كنت عايزه اتكلم معاك شويه .
ادهم قربها ليه و حاوط وسطها بايديه بحب ./اتكلمي يا حبيبتي .
مريم ابتسمت بحب . و اتنهدت بهدوء ./انا كملت نوران .
ادهم بصلها بعدم فهم و اتنهد بضيق ./ ليه يا مريم .
مريم حركت أيديها علي كتفه بدلع ./و لا حاجه يا حبيبي قولتلها تيجي تقعد معايا شويه بكره .
ادهم غمض عينه بضيق ./متاكده أن ده السبب و لا خايفه تكون بتقربني ليها .
مريم هزت راسها برفض و ابتسمت بحب ./حتي لو هي عايزه كده انا واثقه في جوزي حبيبي . كل الفكره اني حبيت اضيع طريقتك معاها و قولت مطلاما هي فعلا اتغيرت لي منبقاش صحاب .
ادهم رفع حاجبه بشك ./صحاب . انتي و نوران يا مريم .
مريم اتنهدت بضيق ./و اول حاجه هنمسح اللي هي عملته . كأنها شخص جديد معانا يا ادهم .
ادهم اتنهد بهدوء ./ يعني انتي شايفه كده .
مريم حركت أيديها علي وشه بدلع و ابتسمت بكسوف و هي بتهز راسها .
ادهم ابتسم عليها بحب ./ما هي برائتك دي اللي موديانه في داهيه .
مريم دخلت في حضنه بكسوف . ادهم خرجها من حضنه بهدوء ./انا هعمل كده عشان ابقي اديتها فرصه و سمعت بكلامك . بس تاخدي بالك من نفسك و تاخدي حذرك منها . و ياريت لو متقبليهاش تاني . فاهمه يا مريم .
مريم هزت راسها بحب ./فاهمه يا حبيبي فاهمه .
مريم دخلت في حضنه بهدوء و راحت في النوم بسرعه.
ادهم ضحك عليها بهدوء و هو بيقلدها ./لا خلاص مش هنام .
ادهم عدلها بحرص علي السرير و نام جمبها و سحبها لحضنه و باس راسها بحب و نامو .
_________________________________
تاني يوم ..
مريم دخلت الاوضه و هي شايله دنيا . مريم ابتسمت بهدوء علي ادهم اللي نايم بعمق . مريم قربت بهدوء و ميلت دنيا عليه بضحك ./يلا صحي بابا .
دنيا ضحكت و هي بتضرب بأيديها الصغيره علي وشه .
ادهم فتح عينه بضيق . مريم سحبت دنيا بضحك. /يلا هتتاخر علي الشغل .
ادهم ابتسم بهدوء./انا مش عارف نمت كل ده ازاي .
مريم هزت راسها بعدم فهم ./ عز جه من شويه كان عايز يصحيك بس قولت اسيبك نايم شويه .
ادهم اتنهد بهدوء و قام خد هدومه . و قرب باس دنيا بحب ./ لما اجي نلعب سواء .
مريم ابتسمت عليهم بهدوء . و مشت .
_____________________________________
بعد شويه .
نوران كانت وصلت عند مريم . و مريم كانت بتتعامل معاها بهدوء عكس توقعات نوران .
مريم ابتسمت بهدوء و هي شايله دنيا و دخلت المطبخ هي و نوران .
نوران اتنهدت بهدوء ./هما عندهم كام سنه .
مريم حطت دنيا في العربيه ./ دنيا اربع شهور . و عز تلت سنين .
نوران ابتسمت بهدوء ./الفرق بينهم صغير اوي .
مريم هزت راسها بهدوء ./ اه فعلا انا وقتها مكنتش مركزه اخد حبوب منع حمل . و ادهم ما صدق الصراحه و كان طاير بينا .
نوران ابتسمت بضيق ./ طب و دلوقتي بتاخدي حبوب منع حمل و لا ايه .
مريم بصت عليها باستغراب ./ ادهم كان رافض في الاول و خايف عليا . بس بعدها اقتنع أنها مش مضره اوي .
نوران ابتسمت بتوتر ./انا مقصدش ادخل يعني بس انا بتكلم عشانك عز و دنيا لسه صغيرين و اكيد هتتعبي اوي لو جبتي بيبي تاني . و انا فاكره أننا بقينا صحاب لو ينفع .
مريم ابتسمت بهدوء ./اكيد بقينا صحاب . متقلقيش انا فهماكي .
نوران اتنهدت بـ راحه .
مريم بصت عليها بهدوء و كملت اللي بتعمله .
