رواية امتلكني بالاجبار الفصل الثاني
دخلت السكرتيره على ادهم اللي كان بيتابع شغله بهدوء
السكرتيرة/مستر ادهم في مصيبه
ادهم اتكلم بتعجب/في ايه يا جومانه
جومانه/السوشيال ميديا كلها بتتكلم أن مبيعاتنا قلت السنه دي و الجرايد كلها مقلوبه علينا
ادهم اتكلم بغضب/مين اللي نزل الخبر ده
جومانه/الجرنال اللي فيه الصحفيه مريم جلال
ادهم خبط على المكتب بغضب/خلي معتز يجيلي المكتب و عايز الجرنال ده يتقفل و انهارده مش بكره ....
جومانه مشت بسرعه و هي خايفه من عيون ادهم اللى احمرت من الغضب...
دخل معتز اللى حس برعب من عيون ادهم
معتز /في ايه يا ادهم
ادهم/شوفت اللي الصحافه و السوشيال ميديا منزلاه
معتز/ايوه شوفت بس متقلقش احنا تاريخ شركتنا معروف مش حاجه زي كده اللى هتاثر علينا
ادهم اتكلم بغضب و عصبيه/بقي انا عيلة زي دي صحفيه تحت التدريب تييجي تدمرلي كل اللى بنيته في لحظه
معتز/خلاص يا ادهم احنا ممكن نكلم أي جرنال تاني ينزل خبر عكس كل ده
ادهم/لا هي اللى هتنزل عكس ده بمزاجها...و كمل بغضب...او غصب عنها
____________________________
عند مريم كانت بتتكلم في التليفون
اماني/حد يعمل اللى عملتيه ده الجرنال كله عمال يتكلم عن الخبر اللي نزلتيه
مريم بعدم اهتمام/هو ده شغلي يا اماني و مكنتش ينفع اعمل غير كده
اماني/يبنتي ده ادهم نصار انتي فاكره أن الكلام ده هيفرق معاه هيكلم غيرنا ينزله عكس الخبر ده و هنطلع احنا اللي كذابين في الاخر
مريم/بالعكس يا اماني ادهم نصار اللى بتتكلمي عنه ده مجرد بس ما عرف أني هنزل الحقيقه كان مرعوب و خايف حتي لو كذب الخبر كفايه ان هو عارف ان في حد قدر يكشف حقيقته
اماني/مريم حبيبتي اهدي على نفسك كده ده انتي لسه متخرجه اومال بعد كام سنه هتعملي ايه
مريم ضحكت/و لا اي حاجه هعمل اللى بعمله دلوقتي الحقيقه و بس و سلام بقي عشان هتاخر عن الشغل
اماني/ماشي يا ستي سلام
__________________________
ابتسم بخبث/عايز كل حاجه تخصها و تكلفلي حد يراقبها ٢٤ ساعه البنت دي تهمنا و لازم تكون معانا بأي تمن
: عينيا يباشا كل اللى عايزه هيتنفذ
و سابه و مشي و هو بص في شروده بخبث و غضب
__________________________
مريم كانت في عربيتها و هي بتقرأ المسدج بتاعت ادهم بهدوء
بصت قدامها بشرود و كملت سواقه
في الكافيه دخلت مريم و هي بتبص بعيونها لحد ما لقته قاعد على التربيزه بغروره قعدت قدامه بهدوء و هو بيبص عليها بتقييم
مريم/حضرتك قولتلي اجي و جيت حضرتك عايزني في ايه
بصلها ادهم ببرود/لا برافو عليكي انك عارفه توفقي بين شغلك و اختك
مريم بصتله بصدمه/و انت مالك و مال اختي انت عايزني ليه
ادهم/لا اهدي و صوتك ميعلاش اكتر من كده احنا في مكان عام و اعرفي بتتكلمي مع مين كويس
مريم بصتله بسخرية/لا متقلقش انا عارفه ياريت حضرتك تقولي عايز ايه عشان أنا ورايا حاجات اهم
ادهم /تتجوزيني
مريم بغضب/انت بني ادم مش طبيعي انت لو اخر بني ادم على وجه الارض انا مستحيل اتجوزك
ادهم بص بسخريه /هو ايه اللى يخلي واحده تسيب بيت ابوها و تمشي و تاخد اختها مش ممكن يكون شغلها مش تمام و لا مش معقوله الصحفيه اللي بتظهر الحق للناس تكون شغاله في شقق مفروشه
اقل من ثواني و كانت قلم قوي جدا علي وشه بصلها بغضب بس هي اتكلم بغضب اكتر/انت أحقر بني ادم شوفته في حياتي لو حاولت تقربلي تاني صدقني انا مش هتردد لحظه اني ائذيك
مريم سبته بغضب و هي مش مصدقه أن في بني ادم بالوقاحه دي و راحت تركب عربيتها بس هو مشي وراها بغضب و قفل باب للعربيه قبل ما تركب و هو بيبصلها بغضب/من مصلحتك انك توافقي على العرض بتاعي انتي لسه عايزه اختك و لا انتي مستغنيه عنها
مريم بصتله بصدمه و احتقار و هو استغل ده و سحبها بقوه و هو بيركبها العربيه بغضب و ركب الناحيه التانيه وووو....
