رواية امتلكني بالاجبار الفصل الرابع والثلاثون بقلم ملك عبد المنعم
معتز بعد عنها و هو مقرب وشه من وشها ./ انا بحبك يا نور . و عايز اتجوزك انهارده قبل بكره . و مستعد احاول معاكي لآخر يوم في عمري . كفايه حبي ليكي قادر يخلينا سعداء احنا الاتنين مع بعض .
نور رفعت عينيها بدموع ./معتز انا..
معتز قاطعها بإصرار . /تتجوزيني يا نور .
نور بصت في عينه بكسوف . و هزت راسها بدموع .معتز ابتسم بفرحه و سحبها لحضنه بسرعه . /مش عايز منك تبادليني نفس المشاعر غير لما تحسي بده . بس عايزك تعرفي اني اكتر حد حبيتك و هعمل كل اللي اقدر عليه عشان اسعدك يا نور عيني .
نور ابتسمت بحب و هي مقتنعه أن هي اختارت صح .
______________________________
مريم وقفت قدام المرايا بضيق و هي بتحرك أيديها علي بطنها. /ادهم هي بطني مش راضيه تكبر ليه . هو كده البيبي مش بيكبر .
ادهم ابتسم علي برائتها بهدوء . و وقف وراها . /مريم حبيبتي انتي لسه في الشهر التاني . و الدكتوره قالت أن البيبي لسه مبيتكونتش دلوقتي .
مريم لفتله و حركت ايديها علي رقبته بدلع . /هتسبني و تروح الشغل بردك .
ادهم بلع ريقه بتوتر و هو بيفتكر أن طول الفترة اللي فاتت كان باعد نفسه عنها بالعافيه . /معلش يا حبيبتي مش هتاخر عليكي .
مريم حركت أيديها علي وشه بزعل طفولي ./مينفعش تفضل .
ادهم غمض عينه من تأثيرها عليه . و مريم ابتسمت بخبث أنها عرفت تأثر عليه .
مريم اتكلمت بدلع . /ادهم . ادهم .
ادهم فتح عينه بضيق . و قربها ليه من وسطها ./عايزه توصلي لـ ايه يا مريم .
مريم هزت راسها ببراءة ./عايزاك تفضل معايا انهارده .
ادهم هز راسه بهدوء . و ميل يبوسها . بس مريم حطت ايديها علي بوقه برفض . ادهم غمض عينه بضيق و باس راسها . /مش هتاخر عليكي .
مريم بصت علي اثره بشرود لحد ما تليفونها رن بـ رساله . مريم فتحت التليفون و عينيها لمعت بالدموع .
___________________________________
اماني فضلت قاعده تفكر في مصيرها و مصير ابنها . اماني قامت بسرعه قفلت اوضتها و فتحت الدولاب تلم هدومها . اماني بصت علي طرف الورق اللي باين وسط هدوم علي و خدته بسرعه حطته في الشنطه . و مشت بخوف و هي بتفكر هتعمل ايه .
____________________________________
معتز وقف قدام بيت نور و بص لـ نور بحب . /متاكده من قرارك ده يا نور .
نور هزت راسها بكسوف .
معتز مسك ايديها بحنان . / هتوحشيني اوي .
نور مسكت أيده بكسوف و سبتها بسرعه و طلعت فوق .
نور قفلت الباب وراها بسرعه و ضربات قلبها عاليه . نزل حطت ايديها علي قلبها و ابتسمت بهدوء . /بس يا نور بس .
فاطمه طلعت من المطبخ علي صوتها . /ايه يا نور يعني جيتي بدري .
نور بتوتر . /اصل...
قاطعهم صوت الباب نور فتحت الباب و بصت لمعتز بصدمه. /انت بتعمل ايه هنا .
معتز ابتسم بهدوء. /هي دي مقابلة الضيف .
فاطمه جت من وره نور ./معتز عامل ايه . اتفضل .
معتز دخل و هو باصص لـ نور بـ انتصار ./معلش يا طنط جيت من غير ميعاد بس انا مش هاخد من وقت حضرتك كتير .
فاطمه ابتسمت بهدوء. /انت تيجي في اي وقت اتفضل قعد .
نور فضلت واقفه بضيق و هي مستنيه تعرف عايز ايه .
فاطمه بصت عليها باحراج./نور روحي اعملي قهوة .
معتز برفض . /لا مش مستاهله انا عايز حضرتك في موضوع و ياريت لو نور تكون موجوده .
فاطمه بصت عليهم بعدم فهم . /اتفضل يا ابني .
معتز اتكلم و هو باصص لـ نور . /انا طالب ايد نور و عايز اتجوزها انهارده قبل بكره .
نور نزلت راسها بكسوف . و فاطمه بصت عليها و ابتسمت بهدوء./ايوه يا ابني بس مش تستني نعرف رأيها الاول .
معتز بص علي نور بخبث . /يعني هي بعد الكسفه اللي اتكسفتها دي . هيكون عندها غير رد واحد .
فاطمه ابتسمت عليه بهدوء ./ طيب يا ابني سبنا ناخد وقتنا و نرد عليك .
معتز بصلها برجاء . /يا طنط انا و نور نعرف بعض بقالنا فترة و هي قدامك تقدري تساليها و بعدين ما هي باين عليها انها موافقه . ليه نضيع وقت اكتر من كده .
فاطمه بصت علي نور . /ايه رايك يا نور .
نور نزلت راسها بكسوف./اللي تشوفيه يا ماما .
معتز اتكلم بسرعه ./يبقي الخطوبه اخر الاسبوع . و الفرح اخر الشهر .
نور بصت عليه بصدمه .
فاطمه بصدمه ./يا ابني..
معتز قاطعهم بضحك./هاجي انا و ادهم انشاء الله عشان نقري الفاتحه يلا سلام .
و مشي قبل ما يسمع ردهم . فاطمه ضحكت عليه بهدوء و وقفت قدام نور ./شكله مجنون . الف مبروك يا حبيبتي .
نور ابتسمت بكسوف و دخلت اوضتها .
____________________________________
مريم وقفت عربيتها قدام العماره و هي بتفتكر الرساله اللي جتلها .
Flash back .
مريم مسكت التليفون و هي بتشوف الرساله اللي كانت من رقم مجهول . ''تفتكري لو كان ادهم بيحبك كان هيكون عندي انهارده ليه . مستنياكي تشوفي جوزك في حضني في العنوان ده ...."
مريم غمضت عينيها بدموع و هي بتفتكر أن ادهم مكنتش بيحاول يقرب منها .
نهاية الـ Flash back .
مريم اتنهدت بدموع ./معقول يكون ادهم كده . معقول دي تكون حقيقته .
مريم مسحت دموعها بسرعه و نزلت من العربيه .
مريم بصت باستغراب علي الشقه اللي بابها كان مفتوح . مريم دخلت بخوف و هي بتبص في كل ركن . لحد ما جسمها اترعش بخوف لما سمعت صوت الباب اتقفل . مريم لفت بخوف و حطت ايديها علي بوقها بصدمه . /عااصم .
عاصم ابتسم بخبث و قرب منها بهدوء مخيف . /شوفتي عرفت اجيبك لحد عندي في ثانيه ازاي . كنتي فاكره اني هختفي من حياتك كده بالساهل يا مريم .
مريم رجعت لوره بخوف . /عاصم سبني امشي من هنا الله يخليك .
عاصم ضحك بسخرية ./لسه زي ما انتي . جسمك بيترعش اول ما تخافي . معقول علاجي مجبش نتيجه .
عاصم قرب أيده من جسمها . مريم رجعت لوره بخوف و مسكت أيده بقوه . /متحاولش تقرب مني تاني .
عاصم ابتسم بسخرية و هو بيسحب أيده . /تصدقي عندك حق . انتي لسه فعلا علي زمته . المفروض استناكي لحد ما تتطلقي .
مريم بصتله بقوة ./انت فاكر ان اللي بتعمله ده هينفعك . ادهم لو عرف ممكن يقتلك .
عاصم حرك أيده علي دقنها بخبث . /انتي اللي هتكرري مصيره و مصيرك . و زي ما حاولت اقتله قبل كده . اقدر اقتله تاني .
___________________________________
عند ادهم .
كان عمال يرن علي مريم بقلق . ادهم رن علي عاليه . /عاليه مدام مريم عندك .
عاليه . /مدام مريم طلعت من بدري بعد ما حضرتك طلعت و لسه موصلتش .
ادهم بقلق ./طب لو جت خليها تكلمني .
ادهم قفل و هو عمال يقلب في التليفون بقلق لحد ما اماني دخلت . ادهم وقف بسرعه . /اماني . مريم حصلها حاجه .
اماني هزت راسها برفض ./انا مقابلتش مريم بقالي كتير . هو في حاجه .
ادهم اتنهد بقلق . /بكلمها مش بترد و خرجت و معرفش راحت فين .
اماني اتكلمت بسرعه . /علي . ممكن علي يكون وصلها .
ادهم بصلها بعدم فهم ./علي ازاي و هو ماله و مالها .
اماني بقلق . /نوران بقالها شهر مختفيه . و علي كان بيعمل مكالمات غريبه و كمان التسجيلات كان كلها عنك و عن مريم .
ادهم غمض عينه بغضب و خبط بايده علي الحيطه .
ادهم رجع مسك تليفونه و اتكلم بسرعه . /وائل ..عايزك تعرفلي مكان الرقم ده فين و بسرعه .
ادهم قفل التليفون و بص لـ اماني بغضب ./انا عايز اعرف كل حاجه و ايه حكاية التسجيلات دي .
اماني هزت راسها بهدوء .
_________________________________
مريم حطت ايديها علي بوقها بصدمه ./هو انت اللي عملت كده .
عاصم ./عملت كده و اعمل اكتر من كده كمان يا مريم .
مريم بصتله بدموع ./ليه كل ده حرام عليك .
عاصم مسك ايديها بغضب ./عشان انتي من حقي انا . هو اللي خدك مني . انتي عارفه اني بحبك و أن محدش حبك قدي يا مريم . و ان انتي من حقي انا . حقي و انا برجعه دلوقتي حتي لو وصلت اني اقتله يا مريم .
مريم بعدت ايديها بغضب ./انت فعلا مجنون . انت مستحيل تكون نفس الدكتور اللي كنت بتعالج عنده . انا مكنتش من حقك عشان ترجعني . انا رفضتك من قبل ما اعرف ادهم .
عاصم بعصبيه ./لا كنتي من حقي يا مريم . و هتفضلي من حقي . و بايدك تختاري مصيره و مصيرك . يا اما تتطلقي يا اما هقتله يا مريم هقتله قدام عينك .
مريم حطت ايديها علي وشها بدموع . /و انت فاكر اني هوافق علي اي حاجه . ادهم مش هيسكت و مش هسيبك . و انا لا يمكن اوافق علي اي حاجه من اللي بتقولها .
عاصم مسك ايديها بغضب . /يبقي انتي اللي اخترتي يا مريم . و انا اللي هخلي ادهم بنفسه يطلقك .
مريم بعدت بخوف و هي بتسحب السكينه اللي قصادها و ايديها التانيه علي بطنها ./لو قربت مني هقتلك يا عاصم .
عاصم ضحك بسخرية ./متحاوليش يا مريم . انا كنت في يوم من الايام دكتورك و عارف انك مش هتقدري تعملي حاجه .
مريم دموعها نزلت بخوف ./طب عشان خاطري كفايه . سبني امشي و انا مش هقول لـ ادهم اي حاجه . بس خليني امشي من هنا .
عاصم بغضب ./ليه عايزه ترجعيله . انتي نسيتي عمل فيكي ايه . اوعي تكوني فكراني مش عارف هو اتجوزك ازاي . و لسه مصممه ترجعيله بعد كل ده . ليه ليه اشمعنا هو .
مريم غمضت عينيها بخوف ./عشان انا بحبه هو يا عاصم . و عشان ابني .
عاصم بص عليها بتوتر ./انتي . انتي حامل .
مريم بدموع ./انت اكتر حد فاهمني . انا بحبه هو يا عاصم و اختارته هو . و دلوقتي بيني و بينه طفل . ليه عايزه يعيش اللي انا عيشته .
عاصم قرب منها بغضب ./مش هيعيش يا مريم مش هخليه يتولد .
تحت ...ادهم نزل من العربيه بسرعه و هو شايف عربية مريم قصاد العماره . ادهم بص علي العماره بخوف و طلع بسرعه . و هو بيشاور لـ رجالته يطلعه وراه .
مريم بلعت ريقها بخوف ./انت هتعمل ايه ابعد .
عاصم ابتسم بخبث . و سحب مريم من ايديها و حدفها بسرعه علي الكنبه . مريم غمضت عينيها بوجع و هي بتحاوط بطنها بايديها . عاصم قرب منها بس وقفه خبط علي الباب . عاصم بص علي مريم بتوتر و راح يحاول يشيلها بسرعه . بس ادهم زق الباب بغضب .
ادهم بص بصدمه و قلق علي مريم . عاصم رفع المسدس في وشه ./امشي من هنا .
ادهم ابتسم بسخرية ./ده انا اللي همشيك من الدنيا خالص .
عاصم بص عليه بتوتر . و ادهم في لحظه سحب السلاح منه و ضربه في رجله . و اتكلم بغضب ./ده علشان انا مش عايزك تموت و لسه عايز اصفي حسابي معاك .
ادهم شاور لرجالته ./حطوه في المخزن .
ادهم جري بسرعه عند مريم اللي كانت فاقده الوعي . ادهم خبط علي وشها بقلق ./مريم . مريم حبيبتي فوقي انا ادهم .
مريم فتحت عينيها بتعب./ ابننا يا ادهم ابننا .
ادهم بص بصدمه علي الدم اللي نازل من رجلها .
وووو .
