 |
رواية امتلكني بالاجبار الفصل التاسع والثلاثون بقلم ملك عبد المنعم
مريم بدموع ./ده مش ابني . مش ده عز اللي كان معانا من شويه يا ادهم .
ادهم قرب منها بسرعه . و بص عليه بصدمه . /مستحيل .
فاطمه قربت من مريم بقلق ./ يمكن الممرضه اتلغبطت او حاجه .
ادهم نده علي الممرضه بسرعه . / ده مش ابني .
الممرضه بصت بتوتر ./بس حضرتك كان موجود علي السرير اللي عليه اسم حضرتك .
مريم بصت عليه بدموع . ادهم اتكلم بعصبية ./بقولك ده مش ابني . فين الحضانه انا عايز انزل دلوقتي الحضانه .
الممرضه هزت راسها بخوف و خدت الطفل و مشت مع ادهم .
فاطمه حضنت مريم بخوف و هي بتحاول تهديها .
ادهم بص علي كل الاطفال بتركيز و خوف . ادهم بص الممرضه بغضب ./فين مدير المستشفى .
الممرضه بتوتر ./في اخر الدور .
ادهم مشي بغضب و دخل للمدير بعصبية .
المدير ابتسم بتوتر ./ادهم بي...
ادهم قاطعه لما مسكه من رقبته بغضب ./ابني فين .
المدير اتكلم بخنقه ./انا هعرف منين حضرتك . انا معرف...
ادهم قاطعه بعصبيه ./ابني كان هنا . خدته الممرضه الحضانه . و راحت جبتلي طفل تاني غيره . اترجملك لو مش فاهم . إن ابني اتخطف من هنا . من تحت مسؤوليتكم انتو .
المدير بخوف و تعب ./يا ادهم بيه احنا مستشفي كبيره استحاله يحصل فيها كده .
ادهم حدفه علي المكتب بغضب ./وريلي الكاميرات اللي هنا .
المدير بصله بتوتر . ادهم بعصبية ./اتفضل فرغلي الكاميرات حالا و قدامي يلا .
المدير بص علي الكمبيوتر بتوتر و ابتدي يرجع الكاميرات للوقت اللي عدي .
ادهم وقف الفيديو بسرعه لما شاف الممرضه دخلت عز الحضانه . و بعدها دخل شخص و خرج و هو شايل عز .
ادهم بغضب ./ مين ده اخلص .
المدير بخوف. /ده دكتور محمود . بس هو مستحيل يكون عمل كده اكيد في حاجه غلط .
ادهم بتهديد ./ساعه واحده تكون جبت الدكتور الزفت ده . و اي حركه منك كده او كده ممكن اضيعك فيها انت فاهمني طبعا .
المدير هز راسه بتوتر .
و ادهم طلع بـ حزن و هو حاسس أنه تايهة . ادهم وقف قدام اوضة مريم و اتنهد بحزن و دخل .
مريم رفعت دماغها من حضن فاطمه بدموع ./فين ابني يا ادهم .
ادهم قعد قصادها بخوف ./ هرجعهولك يا مريم متخفيش .
مريم بعياط ./فين يا ادهم . هترجعهولي منين . ابني حصله ايه يا ادهم .
فاطمه حركت ايديها علي ضهرها بدموع .
ادهم غمض عينه بضيق و فتحها بسرعه ./مريم عشان خاطري و خاطر عز اهدي . انا هتصرف بس عشان خاطري اهدي انتي لسه تعبانه .
مريم بانهيار ./ ابني يا ادهم . انا ملحقتش اشوفه ملحقتش افرح بيه يا ادهم .
ادهم سحبها لحضنه بقوة ./هرجعهولك . والله العظيم هرجعه و هعرف مين اللي عمل كده و مش هرحمه . بس و حياتي عندك يا مريم اهدي . انا مش مستغني عنك .
مريم دفنت راسها فيه بقوة و عياط .
بعد شويه ادهم حس بجسمها غير متزن . خرجها من حضنه بسرعه و جاب الدكتوره .
ادهم اتكلم بضيق ./اديها مهدئ مش عايزها تفوق دلوقتي خالص .
فاطمه حضنت بكاميليا بحزن ./ربنا يرجعهولك بالسلامه و يقوييكي يبنتي .
ادهم خرج بحزن و كلم معتز يبلغه بـ اللي حصل .
__________________________________
نور دموعها نزلت بزعل ./مش عارفه مريم هتكون عامله ازاي دلوقتي . دايما اي فرحه مش بتكمل معاها .
معتز مسح دموعها بحنان ./لازم تكوني قويه عشان تقويها . كل حاجه هتتحل انا بوعدك . يلا قومي البسي عشان نروحلهم .
نور هزت راسها بدموع و قامت .
معتز فضل يقلب في التليفون بتفكير و كلم ادهم .
_____________________________________
ادهم بص علي مريم بـ اسف و قرب شالها بهدوء .
ادهم بص لـ فاطمه ./ الدكتوره قالت أن حالتها كويسه و مش مستاهله مستشفي . انا شايف اننا نرجع البيت كلنا .
فاطمه بصت علي مريم بحزن و هزت راسها بهدوء و مشيت معاه هي و كاميليا .
بعد شويه....
كانه وصله و ادهم طبعها اوضتها . و كلهم كانو تحت .
ادهم حط رأسه بين ايديه بتعب . معتز قرب منه بهدوء ./ تفتكر لو هو اتخطف فعلا . ممكن يكون ايه سببه .
ادهم بصله بعدم فهم . نور اتكلمت بتوتر ./يعني ايه سببه يا معتز . ممكن يكون حد خده بالغلط و افتكره ابنه . ليه بتقول خطف .
معتز بهدوء ./عشان لو بالغلط كانه هيعرفه زي ما ادهم عرف أنه مش ابنه . فكر يا ادهم براحه حد ليه مصلحه أنه يعمل كده.
ادهم اتنهد بتعب .
فاطمه اتكلمت بعصبية ./و ذنب مريم و ابنها ايه . ليه ذنبها يستحمله اذي ناس من وراك .
معتز اتنهد بهدوء ./يا طنط احنا محتاجين نهدي و نفكر صح .
ادهم اتنهد بحزن ./انا رايح المستشفي .
و سبهم و مشي و معتز طلع وراه .
فاطمه بعياط ./يارب رجعهولها بالسلامه . دي الحاجة الوحيدة اللي كانت بتتمنناها .
نور حضنت فاطمه بحنان و زعل .
______________________________________
ادهم وصف المستشفى و دخل مكتب المدير بغضب و معتز وراه .
ادهم بهدوء مخيف ./دكتور محمود فين بقي .
المدير بخوف ./وصل من شويه .
ادهم قعد قصاده بهدوء ./ اطلبه دلوقتي و خليه ييجي و اوعي تعرفه اني هنا .
معتز وقف قصاد الباب عشان يراقب الدور .
و المدير هز رأسه بخوف و كلمه .
محمود دخل بهدوء بس بص علي ادهم و معتز بتوتر ./خير يا دكتور .
معتز قفل الباب بسرعه . و ادهم مسكه من تيشيرته بغضب ./ابني فين .
محمود بص للمدير بتوتر . /ابن مين حضرتك انا..
ادهم بهدوء مخيف ./حاضر هوريك . شغل الفيديو يا معتز .
معتز شغله الفيديو . و محمود بلع ريقه بتوتر . /انا. انا ....
ادهم بغضب. /اخلص بدل ما ابعت الفيديو للنيابه و هما يحكمو عليك بطريقتهم .
محمود بخوف ./لا لا بلاش النيابه . انا كل اللي اعرفه في واحده رنت عليا و قالتلي اجبلها الطفل من الحضانه . بس والله ما اعرف شكلها ايه و لا اسمها ايه حتي لما جت خدته كانت منقبه .
ادهم ضربه علي وشه بغضب ./اشمعنا ابني انا اشمعنا .
محمود بتعب و خوف ./هي قالتلي أن هي عايزه ابن حضرتك بالذات . حتي محدش كان عارف ان مرات حضرتك ولدت . بس لما راجعت الكشوفات اتاكدت بنفسي و جبتهولها والله العظيم هو ده اللي حصل .
ادهم سابه بتفكير . معتز قرب منه بخوف ./ادهم انت كويس .
ادهم هز راسه بتعب . /خليك هنا يا معتز خليه تحت عينك ميتحركش من قدامك . ادهم بصله بهدوء مخيف ./ هات تليفونك .
محمود طلع تليفونه بتوتر . و ادهم سحبه بغضب و بعت الرقم لـحد .
ادهم رجع الفيلا و اتنهد بتعب و هو مش عارف هيقول لـ مريم ايه .
فوق عند مريم ...
نور و فاطمه كانو مع مريم بعد ما فاقت .
نور خدتها في حضنها بزعل علي حالتها ./يا مريم اهدي . معتز و ادهم راحه يشوفه المستشفى اكيد هيلاقو دليل أو حاجه .
مريم خرجت من حضنها بعياط ./طب لو اتخطف . اتخطف ليه و عشان ايه . ده لسه مولود يا نور . مين اللي ممكن يتعامل مع طفل بالسن ده .
فاطمه قربت بحزن ./ ما هو عشان كده هيرجع عشان ده طفل يا مريم محدش هيعرف يتعامل معاه . اهدي و كفايه عياط كفايه اللي حصلك .
ادهم دخل الاوضه بهدوء . مريم وقفت قدامه بسرعة ./عرفت حاجه .
ادهم هز راسه بتعب . ......
مريم مسكت أيده بدموع ./يعني ايه يا ادهم .
ادهم حرك أيده علي وشها بحنان ./والله العظيم هرجعه . و هينام في حضنك انهارده . بس كفايه متقلقنيش عليكي .
مريم هزت راسها بدموع . ادهم سحبها لحضنه بحزن . ادهم كان محتاج يطمن بوجودها اكتر منها .
ادهم فتح عينه بهدوء و بص علي المسدج اللي جتله علي التليفون . ادهم ابتسم بسخرية و باس راسها ./هعمل مشوار و هجيلك . انا وعدتك يا مريم أنه هيبات في حضنك انهارده . عايزك توعديني انك تاخدي بالك من نفسك و تخدي علاجك .
مريم هزت راسها بحزن .
و ادهم ابتسم بتعب و مشي .
__________________________________
ادهم ركب العربيه بسرعه و كلم معتز .
ادهم ./معتز هبعتلك عنوان تجيلي عليه بسرعه يا معتز .
معتز بقلق ./في ايه يا ادهم . طب و مح....
ادهم قفل الخط بسرعه . و معتز اتحرك علي العنوان بقلق .
FLASH BACK.
ادهم بص علي الرساله اللي جتله علي تليفونه .
'' فيلا نصار و شركته هتكون هدية صغيره جدا بالنسبه للمولود الجديد لما تكون جاهز كلمني بس متأخرش عشان ابنك بيعيط كتير ''
ادهم ابتسم بسخرية لما لقي أنه نفس الرقم اللي كان علي تليفون محمود .
نهاية الـ Flash back .
ادهم وقف باستغراب قدام بيت مهجور . بس نزل من العربيه بسرعه لما تخيل أن ممكن عز يكون هنا .
ادهم دخل بحذر و هو بيبص وراه لحد ما سمع صوت عياط طفل . ادهم ابتسم بفرحه و مشي وره الصوت .
ادهم ابتسم بدموع لما شافه في الأوضه . ادهم جري عليه بفرحه . و حضنه بدموع .
نوران جت من وراه بخبث ./كنت عارفه انك هتيجي . مبروك عليك المولود الجديد يا ادهم.
ادهم غمض عينه بضيق و حط عز علي السرير . و لفلها بهدوء ./ عايزه ايه يا نوران .
نوران ضحكت بسخرية ./ حقي يا ادهم .
ادهم بغضب ./حقك تطلبيه ب ادب . مش تخطفي عيل صغير .
نوران ابتسمت بهدوء ./مش مهم . جبت الورق .
ادهم بهدوء ./مجبتش يا نوران .
نوران بغضب ./يبقي مش ناوي تنقذ ابنك يا ادهم .
ادهم ابتسم بخبث ./هو انتي ازاي كده . او ازاي بقيتي كده.
نوران ابتسمت بسخرية ./سيبك يا ادهم من الوش ده . مبقاش ليه لازمه .
ادهم ضحك بهدوء ./فعلا يا نوران . تعرفي ابوكي كان غلطان لما خلاني مجبش سيرتك . انتي حيه يا نوران . انتي المخطط و المدبر لكل حاجه . كان لازم اخلص منك انتي مش من عاصم .
نوران سقفت بسخرية ./البركه فيك . حبي خلاني اقسي عليك و علي كل اللي حواليا . خلاني عندي استعداد اقتلك يا ادهم .
ادهم بص عليها بهدوء ./للدرجادي يا نوران . عملتلك ايه عشان كل ده . انا عمري ما فكرت ائذيكي بالعكس انتي دايما اللي كنتي بتبتدي بالاذي .
نوران ضحكت بهدوء ./عملتلي كل حاجه وحشه يا ادهم . كل حاجه وحشه كنت انت السبب فيها . انت السبب في اللي احنا وصلناله ده . ........نوران طلعت المسدس بخبث ........و انت اللي هتكون السبب في قتل ابنك .
ادهم مسك ايديها بغضب ./سكتلك كتير . كتير اوي يا نوران . بس لحد ابني و بيتي لا يا نوران مش هسمحلك .
معتز وصل بسرعه . /ادهم . حصلك حاجه .
ادهم بص ل نوران بقوة . /خد عز و امشي يا معتز . لسه عايز اصفي حسابي معاها .
نوران بصتله بحقد ./بكرهك يا ادهم . صدقني هعمل كل اللي اقدر عليه عشان احرق قلبك . هخليك تموت بالبطئ يا ادهم .
ادهم ابتسم بسخرية . و معتز قرب ياخد عز . نوران بعدت بغضب و المسدس في ايديها ./قولتلك هحرق قلبك يا ادهم .
قالت اخر كلامها قبل ما تدوس علي المسدس و تخرج منه طلقه ووووو......
