رواية حرب الارحام الفصل الثالث بقلم جمانه السعيدي
زينب....بهاي الفتره بيبتي ام امي ماتت
اني سمعت بلخبر بس مارحت للعزا مااريد اي شي من ذكرهم ولا اريد اسمع أخبارهم
صار ست سنوآت بيت عمي محد منهم حاول يسئل عني
ولا يذكرني
صح الشي الي سوته امي خرب العلاقه بين العائلين
بس جان يكدر اي احد منهم يجي يسئل عني
عبالك ماصدكو ترا بتهم الي سوت هاي المصيبه مو اني اني اكثر وحده اضررت من عمايل بتهم
بيت جدي نباع وتوزع حصص كلمن اخذ حصته انتقلو الغير منطقه مااعرف وين بلضبط انتقلو
اما عن حصة امي خالي طلع الها شهادة وفاة دفع فلوس
حتى يحصل هاي الشهاده
وحصتها تقاسموها خوالي بينهم
هاي السنه اني سادس علمي لازم اشد حيلي كد مااكدر
اني ماعندي فرصه اعيش بهاي الدنيا محترمه اله لمن حصل شهاده حتى اكدر اعيش بكرامه
وابتعد عن كل واحد يحاول يااذيني
اما هذا الحيوان ابد مايقبل يعوفني رغم هو يعرف ماراح يكدر يحصل مني شي
بلنهار ما تخليني زوجة عمي اقرا ماتريدني اطلع معدل
تريدني ارسب
تكعد بلنهار اطلع شغل من جوه الكاع
اغسل البيت الصبح كله من البدايه للنهايه وترجع العصر تكول اغسلي
تكوم الملابس تكول اغسلي
اطلع البطانيات وتكول اغسلي
مااريد احجي العمي حتلو يحجي عليها اكيد راح اطلعني غلطانه بلاخير هاي زوجته ومراح يقبل على زعلها
وراح أشد وياي اكثر
كنت استغل الوقت بليل واكعد اقرا بس رياض ما يقبل يعوفني بحالي جمانه السعيدي
بليل اجا دك الباب
زينب.. سكتت لان اعرف هو الي ورا الباب
رياض...اعرف انتي كاعده اريد اعترفلك بشي من زمان
ضامه بكلبي
زينب....سكتت مااريد احجي ويا
رياض...اني احبج شنو رائيج احجي وياا ابوي واخطبج
زينب....سكتت اعرف هاي لعبه يريد يقشمرني
ولله لو يبقى اخر واحد بهاي الدنيا لو ابقى بدون زواج مااخذه
رياض...ليش ساكته ردي عليه افتحي الباب خل نحجي اني وياج
زينب....تروح منا لو اعيط واكعد عمي
رياض...ليش هيج مو كتلج احبج
زينب....رياض روح منا احسلك
رياض....انتي شنو مسويه نفسج شريفه براسي
ترا انتي نفس امج كلش نفس النسخه
جان عمي يكرب ليل نهار وهي كل شويه داخل عليها واحد.شكل تنوع بلزلم ما تحب تثبت على واحد
وين ترحين مني ترا اني اولى من الغريب على الاقل ابن عمج وتاكلين بهذا الببت ابلاش
ليش حلالنا يروح الغيرنا
زينب....استغفر الله الله ياخذك وياخذ امي على هلدكه الناقصه
رياض....بكيفج ست شريفه وين ترحين مني
محد راح يقرب عليج غيري اذكري هذا الكلام زين
زينب...ياربي يمتى اخلص من هاي الشده شلون بيه
وصلنا الامتحانات اخير السنه وهنا كانت اللحظات الحاسمه لازم اشد حيلي
لازم احدد مصيري شنو هذا اخر التعب
كمت بلنهار من اشتغل اخذ كتابي وياي
اخلي على الكاونتر اشتغل واقرا اطبخ واني اقرا
امسح واني اقرا
حتى إذا اغسل ملابس اخلي كدامي واقرا
ماكو اله هاي الطريقه لازم اللحك على المنهج واخلص
كل ألمواد بلوقت المحدد
بدت الامتحانات وصرت عبالك زومبي جوه عيوني اسود من كد السهر ماانام غير ساعتين
اقرا ليل نهار
وزوجت عمي رغم تشوف تعبي بس ما تقبل ترحم حالي
ماتريدني اطلع معدل
لو بيدها جان جبرتني اترك المدرسه
بس تخاف من عمي مايقبل تحجي عليه
جمانه السعيدي
علما خلصت الامتحانات بالف يالله عبالك عمر مو كم اسبوع شكد طويلات صارن عليه
ضغط نفسي مو طبيعي
وكعت مريضه بعد الامتحانات من كد الإجهاد والتعب
عمي اخذني سويت تحاليل
طلع عندي فقر دم عام واجهاد بسبب السهر والتعب
جابلي عمي علاج كله من الزين اكل خاص
خطيه بليل يجي ينام يمي بغرفتي حتى يطمن عليه
اسبوع واني مااكدر اوكف على حيلي
همزين بوقتها رياض راح الخواله شويه نفسي مطمنه من انام بليل
جمانه السعيدي
بقيت منتضره النتائج عبالك كاعده على نار
اريد اعرف شنو مصيري وين راح يصفا بيه الوكت
بيوم النتائج كعدت من الصبح خلصت الشغل
اريد اروح اجيب النتيجه
وصلت لكيت اسمي وياا الناجحين
معدلي عالي ولله الحمد رجعت فرحانه رجليه ما شايلاتني من الفرحه
دخلت وكمت اكمز نسيت نفسي
عمي...هااا بشري
زينب...نحجت معدلي عالي الحمد لله
زوجت عمي ماعجبه الوضع حتى ماباركتلي هم ناحجه وهم معدلي عالي
بقيت منتضره القبولات
طلع قبولي كلية صيدله طرت طرت من الفرح
اتمني ابوي عايش حتى يفرحلي
ماعندي احد يفرح بنجاحي الحمد لله على كل حال
بليل..تمددت كتله يابه اني ماضيعت تعبك راح اصير دكتوره وارفع راسك اتمنيت لو عايش هسه
وتشاركني فرحتي
جمانه السعيدي
زوجت عمي بقت تحوس ماعاجبه الوضع
٣ ايام تطلع العصر وما ترجع اله المغرب
بليل سمعتها تحجي وياا عمي
زوجة عمي.... زينب مراح اداوم كليه
عمي...ليش
زينب... شكد خفت من سمعت هذا الكلام
زوجت عمي...احنا شنو ابتلينا خوما ابتلينا بيها انت تعرف هاي الكليه شكد مصاريفها اني سئلت عليها يرادلها كومه فلوس
منيين انجيبلها باجر تتخرج تشوفلها واحد يزوجهاا وتروح احنا عدنا ولد ورانا مصاريف زواج
احنا سوينا الي علينا بعد جامعه ماكو تكعد وتسكت
زينب...كلبي كام يدك على السريع خايفه عمي يوافق على
هذا ااحجي
عمي...بس حرامات تكعد وتسكت
زوجت عمي...واحنا شنو بيها تزوج وتولي كافي صار سنوات وانت تصرف عليها
اتحداك هسه تخطبها الرياض وتوأفق بي
عيوني تشوف نفسها دكتوره ومراح تقبل برياض
عمي...صدك تحجين هو رياض شغل عمل
زوجت عمي...اي يشتغل شبي رياض غير حظه ماكاعد
قابل مثل زينب حظ بت الكحبه
كل سنه اولى هي الزينه مثلي بهاي الدنيا مالها حظ
لا هي ولا بزرتها
عمي.. خل البنيه تخلص كليه والعني الشيطان
زوجت عمي تخلص كليه بشرط
عمي.. شنو شرطج
زوجت عمي...تسجل بيت ابوها باسمك على الاقل بمكان
الفلوس الي صرفانها عليه
والي راح نصرفها بلكليه
اذا وافقت تسجل البيت باسمك
نعوفها تكمل دراسه ولو اني اشك راح توافق
بس هذا شرطي البيت مقابل الدراسه وهي حره
تريد تقبل تريد ترفض
زينب...سمعتها وكمت ابجي ليش اني مالي حظ بااهلي
حتى عمي راح يصير ضدي
شلون بيه ووين اولي منو اليه
كلها طمعانه بيه ابنهم طمعان بجسمي
والام طمعانه بلبيت
وعمي اعتقد راح يتغير عليه يارب عينك عليه
انت تعرف وضعي
ثاني يوم كعدتني زوجت عمي من الصبح
لكيتها محضره الريوك
كعدت كبال عمي
عمي....بابا زينب انتي ناويه انشاء الله تكملين
زينب....انشاء الله
عمي...هاي الكليه مصاريفها هواي واني بعد كبرت وحتى مااكدر اشتغل مثل قبل
وحتى رياض ما يشتغل والمصاريف هواي عليه
زينب....اي عمو
عمي...اذا تردين تكملين دراستج تنازلي عن بيت ابوج
على الاقل نضمن حقنا بلمصاريف
باجر اذا تخرجتي وازوجتي مستحيل زوجج يقبل ناخذ راتبج وهيج تعبنا يضيع
زينب...بقيت اباوع علي واكول حتى انت كمت ادور وياي
مصلحه تفكر اتخرج وازوج
وانت كلشي ماتحصل
ليش تحصل ااجر من رب العالمين
تكفلت وحده يتيمه من ارحامك ووصلته وتعبت عليها
زوجت عمي...هااا شو صفنتي البيت مقابل الجامعه
زبنب...استحيت ارفض استحي انكر معروف عمي
جابني بيته ويصرف عليه كل هاي السنتين
واني هسه اكوله لا
ماانطيك البيت رغم هذا البيت الضمان الاخير اليه بهاي الدنيا هيج انكر تعب عمي عليه
اذا رفضت راح اطلع من هذا البيت
وشلون راح اعيش منيين اجيب مصاريف الكليه
زينب....موافقه البيت فدوه الك عمي مراح ياخذه الأحسن منك
راسا زوجت عمي ضحكت
طبعا تضحك انتصرت عليه
جردتني من اخر شي أملكه بهاي الدنيا
اخذت البيت حتى ابقى لا مكان ولا زمان اضيع فد نوب
وهنا اكتملت حرب الارحام عليه
امي عافتني وابوي مات وعمي اخذ البيت
وزوجت عمي ماتريدني وابن عمي يتحرش بيه
وخوالي ما يسئلون عني
اكتملت حرب الارحام عليه من كل الجهات اني داخله حرب
لازم اكمل كليتي وانتصر عليهم كلهم
شكرا لزيارتكم عالم روايات سكيرهوم
